ئەڤرۆ نیوز:
ژێدەرەکێ تایبەت ل ئورمیێ بۆ ئەڤرۆ نیوز دیار کر کو ئەڤرۆ کۆپتەرەکا سەربازی یا ئیرانێ ل قەزا سیلوانە یا سەر ب پارێزگەها ئورمیێ کەفتە خوارێ و ئەفسەرەکێ ئیرانێ جانێ خوە ژ دەست دا و شەش کەسێن دی ژی بریندار بووینە.
هەمان ژێدەری ئەو یەک ژی دیار کر کو ناڤەندا سەربازی یا پارێزگەها ئورمیێ د مالپەرێ خوە دا گۆتیە کو ژ بەر سەقایێ خراب کۆپتەر کەفتیە خوارێ و هێزێن مە ژی هەر زوو گەهشتینە جهێ روودانێ.
ئەڤرۆ نیوز:
سەروکێ ئەمریکا دونالد ترامپ پیروزباھیا سەروک وەزیرێن ئسرائیل بنیامین ناتانیاھو کر پشتی حزبا وی لیکود کر کو شیای نێزیکی ٣٥ کورسیێن پەرلەمانی دەستخوە ڤە بینت د ھەلبژارتنێن ئەڤرۆ دا.
سەرۆکێ ئەمریکا دیارکر سەرکەفتنا ناتانیاھوی د ھەلبژارتنێن ئسرائیلێ دا دێ بیتە فاکتەرەکێ گرنگ بۆ بەرقرارکرنا پلانا ئاشتیێ ل دەڤەرێ لەورا پیروزباھیا سەرکەفتنێ ل ناتانیاھوی کر بەرامبەر سەرکەفتنا وی د ھەلبژارتنان دا.
ئەڤرۆ نیوز:
فابریک بالانچ ژ ناڤەندا ڤەکۆلینێن ستراتیژی یا ئەمریکا دیار دکەت کو پشتی ب دووماهی هاتنا شەرێ ل دژی داعشێ دێ رەوشا کوردان ل سووریێ خراب بیت، چونکو رۆژهەلاتێ فراتێ دەڤەرەکا زەنگین یا سووریێ یە، گەلەک ژێدەرێن ئاڤێ و پەترۆلێ ل وێرێ هەنە، تورکیا، ئیران، روسیا و شام ل دژی دەستهەلاتا کوردانە و ژ بەر پەیوەندیێن باش یێن کوردان ل گەل ئەمریکا هەر دو وەلاتێن ئیران و روسیا کوردێن سووریێ وەکو خایین ل قەلەم ددەن.
ناڤهاتی دیار ژی کریە کو پشتی بریارا ئەمریکا یا ل دۆر سوپایێ پاسداران رەنگە ئالۆزیێن نوو ل سووریێ روو بدەن و رەنگە ئەمریکا کوردان ب تنێ ژی بهێلیت وی دەمی دێ رۆژێن دژوار چاڤەرێی کوردان بن.
ئەڤرۆ نیوز:
ئەندامەکێ پەرلەمانێ کوردستانێ دیارکر ژ بەر بەرھەڤکرنا راپورتا خوە ژلایێ لژنا قانوونی ڤە کومبوونا ئەڤرۆ یا چارشەمبی پەرلە مانێ یا کورستانێ ھاتە پاشخستن.
زانا خالد زێدەتر دیارکر بریاربوو ئەڤرۆ کومبوونا پەرلەمانی ھاتبا ئەنجامدان ل دەمژمێر ٢ نیڤرۆ لێ ل سەر داخوازا لژنا قانوونی ئەڤ کومبوونە ھاتە پاشخستن، ئەگەرێ ڤێ بریارێ ژی راپورتا لژنا قانوونی بەرھەڤ نەبوویە و ھەتا ئەو راپورتە نەھێتە نڤێسین و بەرھەڤ کرن کومبوون ناھێتە ئەنجام دان.
ئەڤرۆنیوز،سەباح زوھێر:
شھاب یاسین بەرپرسێ بنگەھێ چاڤدێریا بازرگانی ل قایمقامیا قەزا ئاکرێ دیارکر ئەڤرو ب ئامادەبوونا نوینەرێن لیژنا بلند (۳٥) تەن ژ کەل و پەلێن دەم بسەر چووی(ئیکسپایەر) ھاتنە ژ ناڤبرن.
زێدەتر دیارکر کەل و پەلێن ئیرو ھاتین ژ ناڤبرن (۳٥) تەن بوون، ژ وان (٣٠) تەن کەل و پەلێن جودایێن خوارنێ و ڤەخارنێ و جوانکاریان بوون و ٥ تەن دەرمان بوون.
ناڤھاتی ئاشکرا کر کەل و پەلێن ئەڤرو ھاتین ژناڤبرن ژ لایێ ھۆبا – ئابووری یا رێڤەبەری یا ئاساییشا ناف باژێری و دەوروبەرا ھاتبوو دەستەسەرکرن، ئەڤ چەندە ژی پێخەمەت پاراستنا ساخلەمییا گشتی یا وەلاتییان ل سنورێ وێ قەزایێ.
ئەڤرۆ نیوز:
ناسر هەرکی ئەندامێ پەرلەمانێ عیراقێ ل سەر فراکسیۆنا پارتی دیموکراتی کوردستان راگەهاند کو سەرۆک وەزیرێن عیراقێ عادل عەبدولمەهدی بریارا مەزاختنا مووچێن چار مەهان یێن پێشمەرگێن کوردستان دا و دێ پارە ب رێیا وەزارەتا دارایی یا عیراقێ رەوانەی هەرێما کوردستانێ هێتە کرن و دێ پاشی هێتە دابەشکرن.
ناڤهاتی ئەو یەک ژی دیار کو عادل عەبدولمەهدی نها وەزیرێ ب وەکالت یێ بەرگیریێ یە و بریار یا دای کو مووچێن چار مەهان بۆ پێشمەرگێن کوردستانێ بهێنە مەزاختن و گۆت: (مووچێن دهێنە هنارتن دێ یێن ئەڤسالە بن ئانکو ژ سەرێ سالا ٢٠١٩ هەتا مەها چار).
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 10ى نيسانا 2019ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 100 دولارێ ئه‌مريكى | 120.100 دينار |
| 100 يۆرۆيێ ئه‌ورۆپى | 135.500 دينار |
| 100 ليرێ توركى | 22.000 دينار |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئه‌ڤرۆ نيوز:
ئه‌ڤرۆ پارێزگه‌ها دهۆكێ ب پتريا ته‌خ و چينێن خوه ڤه سه‌ره‌دانا مه‌زارێ نه‌مران ل بارزان كر و ژ لايێ خه‌لات بارزانى نوونه‌رێ سه‌رۆك بارزانى ڤه هاتنه پێشوازيكرن.
د په‌يڤه‌كێ دا، پارێزگارێ دهۆكێ، فه‌رهاد ئه‌مين، هيڤيا ساله‌كا خۆش و به‌خته‌وه‌ر بۆ خه‌لكێ كوردستانێ خواست و هيڤى ژى خواست كو كابينا نوو يا حوكمه‌تا هه‌رێما كوردستانێ ب ده‌مه‌كێ نێزيك بهێته پێكئينان.
ئەڤرۆ نیوز، نەوزاد ھلۆری:
ژ ئەگەرێ باران و ھەرفینا عەردی، بەرەکێ مەزن ب ستونەکا ھێلا سەرەکی یا کارەبا گوندێ دێرەشێ یا سەر ب ناڤەندا قەزا ئامێدیێ دکەڤیت و ستونێ د ئێخیتە عەردی، پاشان ئەو ستوون ب رێیا تێلەکێ ب دەمکی دھێتە بلندکرن، ئەڤە پتری دوو ھەیڤە وەسا ھێلایە و کارەبا گوندی کەفتیە د مەترسیێ دا.
محەمەد دێرەشی، وەلاتیەکێ گوندێ دێرەشێ یە بۆ ئەڤرۆ نیوز گۆت: (ژئەگەرێ بارانان و ھەرفینا عەردی، بەرەکێ مەزن ل گرەکێ دھێتەخوارێ و ب ستوونا کارەبا سەرەکی یا گوندی دکەڤیت و ئەوێ ستوونێ دئێخیتە عەردی، بەلێ پاشان ژلایێ باژێرڤانیێ و کارەبا ئامێدیێ ئەو ستوون ب تێلەکێ دھێتە بلندکرن ڤە داکو ترومبێل بشێن بھێن و بچن و کارەب ژی نەھێتە برین).
زێدەتر گۆت: (ئەڤە پتری دوو ھەیڤە ئەو ستوونا کارەبێ ھێلایە وەسا و نوکە کارەبا گوندێ مە کەفتیە د مەترسیێ دا، چونکی ستون یا خوارە، دیسان ژبلی ئەوێ ستونێ نوکە دوو ستونێن دن ژی ژ ئەگەرێ باران و ھەرفینا عەردی خواربینە و پێدڤی یە ئەو ھەرسێ ستون بھێنە راکرن و دووبارە چێکرن ڤە).
ب گورەی ئاخفتنێن دێرەشی، کارەبا ئامێدیێ بو ئەوان راگەیاندیە کو ھەتا نەبیتە ھەتاڤ و عەرد ھشک بیت ئەو نەشێن دەستکاریێ د کارەبا گوندێ دێرەشێ دا بکەن.
نيشاندان