ئهڤرۆ نيوز:
رێڤهبهريا گشتى يا سهقاناسى و بيڤهلهرزێ ل ههرێما كوردستانێ رێژێن باران بارينا ماوێ 24 دهمژمێرێن بۆرى ل گهل يا ئهڤ ساله بهلاڤ كر كو ب ڤى رهنگێ ل خوارێ دياركرى يه:
نووترين نووچه
- هەرێما كوردستانێ ڕێگری ل هنارتنا پەترۆلا ئیراقێ نەكریە
- هنارتنا پەترۆلا ئیراقێ ل كەنداڤی تووشی ئاستەنگێن مەزن بوویە
- هێرش ژ ئالیێ وان میلیشیایان ڤە دهێنە ئەنجامدان كو دهێنە سەر بیرێن پەترۆلێ و زەڤیێن غازێ و پارزنینگەهان
- هێشتا ل ئیراقێ كەسێن شۆڤینی یێن هەین دژی مافێن گەلێ كوردستانێ نە
- سەرۆك بارزانی بۆ حوكمەتێن ئیراقێ و هەرێما كوردستانێ: كۆمببن و كێشەیان چارەسەر بكەن
- كیمیا بارانكرنا هەلەبجە تاوانەكا دژی مرۆڤاتیێ و هێرشەكا دڕندانە بوو ل سەر ئیرادەیا مللەتەكی
- سەرۆك هەرێمێ و بەرپرسێ نەتەوەیێن ئێكگرتی ل ئیراقێ كۆمبوون
- مەسرور بارزانی: نابیت جینۆسایدا هەلەبجە چو جاران ژ بیرا خەلكێ كوردستانێ و مرۆڤاتیێ بچیت
- دڤێت بەغدا مەهانە و د وەختێ خوە دا مووچە و بودجەیا كوردستانێ بدەت پاشی داخوازا رێپێدانێ ب هنارتنا پەترۆلێ بكەت
- پەترۆل پێكڤە دهێتە ب رێڤەبرن نەك ب تاكڕەوی و گەفان
سهرهكى Facebook
بۆ جارا ئێكێ سامسونگێ G5 خسته بازارى
ئهڤرۆ نيوز:
بۆ جارا ئێكێ كۆمپانيا سامسۆنگ مۆبايلا خوه ل سهر سيستهمێ نهوهيێ پێنجێ G5 كار بكهت خسته بازارى و ب ڤێ چهندێ كوريا باشوور دبيته وهلاتێ ئێكێ تۆڕا G5 بۆ مۆبايلێن خوه ب كار بينيت.
مۆبايلا سامسۆنگ ب ناڤێ گالێكسى ئێس 10 فايف جى يه و د بهرچاڤكرنهكا ئاشكهرا دا مۆبايل هاته نمايشكرن، ب ڤێ چهندێ ژى كۆمپانيا سامسۆنگ دبنه يێن ئێكێ ل سهر ئاستێ جيهانێ د رێيا بكارئينانا نهوهيێ پێنجێ بۆ ئاميران.
كۆمپانيێن جيهانى يێن مهزن د ههڤركيێ دا بوون دا كو ببنه پێشهنگێن بهلاڤكرنا سيستهمێ G5 بۆ ئاميرێن خوه و پشتى بزاڤێن گهلهك زێده كۆمپانيا سامسۆنگ يا كورى شيا Galaxy S10 G5 بێخيته بازارى.
ڤێ حهفتيێ مووچێ ڤان جهان دێ هێته بهلاڤكرن
ئهڤرۆ نیوز:
بڕياره ئهڤرۆ رۆژا ئێكشهمبى 7ى نيسانا 2019ێ دهست ب مووچێ ههيڤا ئێك يێ سالا 2019ێ يێ فهرمانبهران بهێته كرن و ديوانا پێشمهرگهى مووچێ خوه وهربگرن.
ب گۆرهى ژێدهرهكى ژ وهزارهتا دارايى و ئابوورى يا حوكمهتا ههرێما كوردستانێ بڕياره ئهڤرۆ دهست ب بهلاڤكرنا مووچێ ههيڤا ئێك يێ سالا 2019ێ يێ فهرمانبهران بهێته كرن و وهزارهتا پێشمهرگهى و ليوايێن سهر ب وێ ڤه مووچهى وهربگرن.
سوبههى رۆژا دوشهمبى ژى 8ى نيسانا 2019ێ دهێته چاڤهرێكرن مووچێ ههردو يهكێن 70 و 80ێ يێن وهزارهتا پێشمهرگهى بهێته بهلاڤكرن. رۆژا سێشهمبى ژى ژ بهر كو دبيته بهێنڤهدان مووچێ چو جهان ناهێته بهلاڤكرن.
ل رۆژا چارشهمبى 10ى نيسانا 2019ێ ژى دێ يا تايبهت بيت ب بهلاڤكرنا مووچێ وهزارهتا پهروهردێ و پاشان ژى ل رۆژا پێنجشهمبى 11ى نيسانێ ههر ئێك ژ وهزارهتا ساخلهميێ و وهزارهتا دارايى مووچێ خوه وهرگرن.
ئەڤرۆ کۆنفرانسێ ماددێن ھۆشبەر ل دھۆکێ دێ ھێتە گێڕان
ئەڤرۆ نیوز، رێوار مزیری:
ل ژێر درووشمێ (نە بۆ بکارئینانا ماددێن ھۆشبەر) زانکۆیا پۆلیتەکنیکی یا دھۆک ب ھەماھەنگی دگەل رێڤەبەریا گشتی یا رەوشەنبیری و ھونەری ل دھۆکێ دێ کۆنفرانسێ ئێکێ یێ بەرھەنگاربوونا بەلاڤبوونا بکارئینانا ماددێن ھۆشبەر ل ھەرێما کوردستانێ ئەڤرۆ رۆژا ٧/٤/٢٠١٩ێ ل دەمژمێر ١٠:٠٠ سپێدێ ل زانکۆیا پۆلیتەکنیکی – پەیمانگەھا تەکنیکی یا دھۆک ل ھۆلا ئازادی گێڕیت و بۆ دەمێ دو رۆژان دێ یێ بەردەوام بیت.
ئاواز نھێلی، بەرپرسا پشکا راگەھاندنێ ل رێڤەبەریا گشتی یا رەوشەنبیری و ھونەری ل دھۆکێ بۆ ئەڤرۆ نیوز دیار کر کو د ڤی کۆنفرانسی دا دێ چەندین چالاکیێن جوراوجور ھێنە ئەنجامدان و گۆت: “د ڤی کۆنفرانسی دا دێ ھەوەکا ھشیارکرنێ دەستپێکەت و زیانێن بکارئینانا ماددێن ھۆشبەر ژ لایێ جڤاکی و مرۆڤی ڤە دێ ھێنە بەحسکرن، ھەروەسا دێ پەنەلێن جودا ژلایێ مامۆستایێن زانکۆیێ و چالاکڤانان ڤە ھێنە پێشکێشکرن”.
ناڤھاتیێ ئاماژە دا وێ چەندێ کو ل سالا بۆری ژی رێڤەبەریا گشتی یا رەوشەنبیری و ھونەری ل دھۆکێ ب ھەماھەنگی دگەل زانکۆیا دھۆک ھەوا بەرھەنگاربوون و ھشیارکرنێ راگەھاندبوو.
ههست ب خۆشیا ساخلهمیا خوه بكه
ئەڤرۆ نیوز:
ههكه ته بڤێت بهێیه دناڤ جیهانا خوشیێ دا، ب تنێ یا ل سهر ته پێدڤی یه تو دلێ خوه بۆ ههڤال و خوشتڤیێن خوه ڤهكهی، ههكه ته وهكر دێ گومانێن ته كێم بن و برینێن ته سڤك بن و ههست ب ئارامیێ كهی. “ئهڤه ئێك ژ شیرهتێن نوشدارهكێ مهزنێ ئهمریكی یه كو تایبهتمهنده د نهخوشیێن دلی دا”.
ئهم دناڤ هندهك خێزانان دا مهزن دبین، دبنه رێگرێن ئازادیا مه یا كهسایهتی و دلینیێ، بهرزهبوونا سنورێن كهسایهتی ژی ههستكرن ب ئالوزیێ بۆ مرۆڤی پهیدادكهت، و مرۆڤ ههست دكهت كو ئهو یێ ههی بهلێ ههست ب كهسایهتیهكا سهربخۆ ناكهت، ههكه مرۆڤی بڤێت ههڤبهندیێن خۆ ل گهل خهلكهكی موكم بكهت، دڤیا مرۆڤی شیان ههبن خۆ پێشڤهببهت، ههكه مرۆڤ دێ بهرزهبیت.
دهمێ مرۆڤ یێ ب تنێ بیت دێ كارتێكرن ل ساخلهمیا وی بیت و رهنگه ل دههڤ هندهك شێوازێن ژیانا نهساخلهم بچیت، وهكو جگارهكێشان و گهلهك خوارنێ و ئهڤه دێ ژیانا مرۆڤی نهخوش كهن.
گهلهك ڤهكولینان دیاركریه كو ب تنێ مانا مرۆڤی تووشبوونا مرۆڤی ب نهخوشیان زێده دكهت و دبنه ئهگهر مرۆڤ زوو گیانێ خوه ژدهست بدهت و مرۆڤێ ب تنێ وهكو زیندانیانه و ههست ب خوشیا ژیانێ ناكهت.
كورتیا ڤێ چهندێ ئهڤهیه: ههر تشتهك دێ ههستێن مرۆڤی یێن باوهری ب خۆنهبوونێ زێدهكهت و ئهڤ چهنده دبیته ئهگهر مرۆڤ ههست ب پتر نهخوشیان بكهت و تشتێ بهروڤاژی ڤێ چهندێ ئهوه ههكه تو حهز ژ خهلكی بكهی و خوه نێزیكی وان بكهی، دێ ههست ب تاما ژیانێ كهی و شیانێن باوهری ب خۆههبوونێ دی پتر لێ هێن.
راسته ههر مرۆڤهكی دڤێت تێكههلیا خهلكهكی بكهت، بهلێ هندهك جاران رهنگه ئهو ههست بكهت كو ب تێكهلیا خۆ ل گهل خهلكهكی دێ كهسایهتیا خوه ژدهست دهت، و پاشی دێ لومهی خهلكی كهت و بێژیتێ كو هوون گهلهك د ئاخڤن یان نهێنیێن خوه دیاردكهن و نزانیت كو رهنگه ئهو شێوازێ ژیانێ باشتربیت.
ڤهكولین دیاردكهن دهما مرۆڤ ههست دكهت وی ئهڤینی ههیه و هندهك كهس چاڤدانا وی دكهن و پشتهڤانیێ لێ دكهن، ئهوژی دێ پتر ههست ب خوشیێ كهت و كێمتر تووشی نهخۆشیان بیت و ههكه تووشی نهخۆشیان ببیت ژی دێ زووتر چارهسهربیت.
تشتێ گرنگتر ژی د پهیوهندیا حهزژێكرنێ دا ئهو نینه كا چهند تشت ب دهست مرۆڤی كهڤیت، بهلكو ئهوه كا مرۆڤ دێ چهندێ دهت ههتا ئهو خوشی ب دهست مرۆڤی ڤه دهێت.
د ڤهكولینهكێ دا كو رهوا پتر ژ 700 مرۆڤێن دانعمر بهرچاڤ وهرگرتبوو دیاردبیت، مرۆڤ زوو پیر نابیت دهما حهز ژ دهوروبهرێن خوه بكهت و ههردهم دێ خودان هێز و شیان بیت.
ئهڤ رێكێن دێ هاریكاریا ته كهن كو ژیانا ته بهێته گوهارتن و بهر ب خوشیێ بچیت پێكهاتینه ژ گهنگهشهكرن ل گهل ههڤالان، خورتكرنا پهیوهندیان ل گهل دایبابان، لێكگوهارتنا ههست و سوزان، خوه ڤهكرن ل بهرامبهر كهسێن دهروبهر، و ژبیرنهكه دلێ خوه ڤهكه و بلا ههموو دهمان ته باوهری ب كهسێن دهوروبهرێن خوه ههبیت و بزانه ههكه ته خوشی بڤێت كلیلا ڤهكرنا دهرگههێن خوشیێ ددهستێن ته ب خوه دایه.
ژێدەر/ نۆش نیوز
مفایێن خوارنا نیموكان ل سپێدەهیان
ئەڤرۆ نیوز:
شارەزایێ خوارنا ساخلەم یێ ئەمریکێ پۆل فاس شیرەتان دکەت کو سپێدەهیان گلاسەکێ ئاڤا گەرم یێ تێکەل ب ئاڤا نیموکان چ یێن زەر یان یێن کەسک بن، بەری تێشتێ ڤەخووین و دێ هاریکاریێ کەت بو هەرسکرنا خوارنێ و نەهێلانا کەرستێن د مەعیدەی و رووڤیکا دا کۆمڤەدبن.
هەروەسا ئاڤا گەرم ب نیموکان هاریکارە بو وەرگرتنا خوارنێ و پاقژکرنا جگەرێ و دەرئینانا ئەنزایمێن باش.
سایتێ (کیدەم) دیارکریە کو شەربەتا نیموکێن سرۆشتی کارتێکرنێن نەباش یێن خوارنێ ناهێلیت.
ژ مفایێن دیترێن نیموکان ئەوە کو هندەک ژێدەرێن کیمیاوی و ڤیتامین دناڤدا هەنە و مفای ل ساخلەمیا گشتی دکەن.
ژێدەر/ نۆش نیوز
كهشناسى ژڤانێ ب دووماهى هاتنا پێلا بارانێ رادگههینیت
ئهڤرۆ نیوز:
رێڤهبهریا گشتى یا كهشناسیێ ل ههرێما كوردستانێ راگههاند، نهسهقامگیریا سهقاى ههتا دووماهیا ڤێ حهفتیێ دێ بهردهوام بیت.
فازل ئیبراهیم، ریڤهبهرێ گشتیێ كهشناسیێ ل ههرێما كوردستانێ گۆت” ئهو پێلا بارانێ ئهوا ههرێما كوردستانێ ڤهگرتى تاكو دووماهیا ڤێ حهفتیێ ئانكو رۆژا پێنجشهمبى 11/4/2019 دێ بهردهوامبیت وباران بارین ب رێژێن جودا ل دهڤهرێن جودا جودا ژ ههرێمێ دێ ههبیت”.
دهزگههێ خێرخوازيێ بارزانی پشكدارى د پاقژكرنا باژێرێ مووسل دا كر
ئهڤرۆ نیوز،بارزان مزووری:
رزگار عوبێد،بهرپرسێ لقا مووسل یا دهزگههێ خێرخازيێ بارزانی بۆ ئهڤرۆ نیوز گوت:ئهڤرۆ شهمبيێ 6ی نیسانێ 2019ی دهزگههێ خێرخوازيێ بارزانی ب پشكداريا 100 كارمهندێن دهزگههێ ژ كچ وكوران دگهل 30 ترومبێلێن جوراو جور یێن دوارێ پاقژكرنێ دا پشكدارى د ههوا پاقژكرنا باژێرێ مووسل دا كر ،
خویاكر ژى كۆ:ئهڤ ههوه دێ بهردهوام بیت حهتا باژێرێ مووسل ب تمامی ژ پاشمايێن ل سهر دهستههلاتداریا رێكخراوا تیرۆرستی یا داعشێ دا پاقژبیت.
گوت:پهیاما مه بۆ خهلكێ مووسل كو ئهڤ دهزگههه دێ بهردهوام بیت بۆ گههاندنا ههر جوره خزمهتگوزاریهكێ.
د 16 خۆلهكان دا يانا ههولێر تووشى دوراندنهكا مهزن بوو
ئهڤرۆ نيوز:
يانا تهلهبه ئهڤرۆ شهمبيێ 6/4/2019 ل ياريگهها شهعب ل بهغدا د چارچۆۆڤێ خۆلا عيراقێ يا تهپا پێى سهركهفتنهكا مهزن ل سهر يانا ههولێرێ ب ئهنجامێ 4-0 تۆماركر.
گۆلێن يانا تهلهبه ل خۆلهكێن 76 و78 و82 و92 هاتن تۆماكرن.
ب ڤى ئهنجامى يانا تهلهبه ب 28 خالان هاته رێزا ههشتێ د رێزبهندا خۆلا عيراقێ دا ويانا ههولێر ب 26 خالان ل رێزا 10 دهێت.
كهرنهڤالا پایسكلسواریێ دێ هێته ئهنجامدان
ئهڤرۆ نیوز، نهوزاد هلۆرى:
ب مهرهما پشتهڤانیكرنا گهنجان و دروستكرنا كهشهكێ خوش بو گهنجێن سنوورێ قهزا ئامێدیێ و دێرهلووك و شێلادزێ و كهلتوور كرنا هاژوتنا پایسكلان، لژێر ناڤونیشانێن ئهقلهكێ ساخلهم د لهشهكێ ساخلهم دایه، ب ههلكهفتا رۆژا جیهانیا ساخلمیێ دێ كهرنهڤالهكێ پایسكلسواریێ ل دێرهلوك ب رێڤهچیت.
ژێهات رێكانى، سهرۆكێ رێكخراوا سهرمهد بو پێگههاندنا لاوان بۆ ئهڤرۆ نیوز گۆت: (وهكو پشتهڤانیكرن بو گهنجان و وهرزشڤانێن دهڤهرێ و دروستكرنا كهشهكێ خوش بو خهلكێ دهڤهرێ، سوبههى دێ كهرنهڤالهكا تایبهت بۆ پایسكلسواریێ ل دێرهلووك ب رێڤهچیت).
زێدهتر گۆت: (پشكداریا گهنجان دێ یا ڤهكرى بیت و ههتا نوكه پترى 40 گهنجێن دێرهووك و شێلادزێ و ئامێدیێ و قهدش و دهڤهرێن دى پشكداربوینه و سوبههى دهمژمێر 2:00ێ پشتى نیڤرو دێ ل نێزیك چایخانا كوردستان كو ناسیاره ب چایخانا بهروى ب رێڤهچیت).
ناڤبرى دیاركر ژى كو هاژوتنا پاسكلان دێ ب درێژاهیا پترى دو كیلومهتران بیت لسهر جادا گشتى دناڤبهرا دێرهووك بو شێلادزێ ، و ل دوماهیێ سێ ژ سهركهفتیێن كهرنهڤالێ دێ هێنه خهلاتكرن و زێدهتر گۆت: (كچ و كور دشێن پشكداربن و هیڤدارین ههموو خهلكێ دهڤهرێ بهێن پشكداربن چ وهكو پایسكلسوار چ ژى وهكو بینهر).
نيشاندان
WP Facebook Auto Publish Powered By : XYZScripts.com