ئه‌ڤرۆ نیوز:
دادگه‌ها تێهه‌لچوونا فێدرال یا ئه‌مریكا داخواز دۆنالد ترامپى، سه‌رۆكێ ئه‌مریكا ره‌ت كر ل دۆر ڤه‌گه‌راندنا كاركرنێ ب فه‌رمانا وی یا نه‌دانا ڤیزه‌یێ ب هنده‌ك وه‌لاتان.
دادگه‌هێ فه‌رمانا ترامپی یا قه‌ده‌غه‌كرنا گه‌شتكرنا خه‌لكێ حه‌فت وه‌لاتێن موسلمان بۆ ئه‌مریكا و قه‌ده‌غه‌كرنا په‌نابه‌ران راگرتبوو، لێ ترامپی ژ دادگه‌ها تێهه‌لچوونێ خواستبوو جاره‌كا دی بریارا وی كارا بكه‌ت، دادگه‌هێ ژی ئه‌ڤرۆ ئه‌و داخوازه ره‌ت كر.
فه‌رمانا ترامپی ئیراق ژی ب خوه ڤه گرتییه و كارڤه‌دانێن جیهانی ل سه‌ر ئاستێن بلند ل دووڤ خوه ئینان.
نووترين نووچه
- ل نێزیك كۆنفرانسێن ناڤخوەیی یێن پارتی ل دەڤەرێن كوردستانی دێ هێنە ئەنجامدان
- فراكسیۆنا پارتی: ل گەل درێژكرنا دەمێ كۆمسیۆنێ نینین
- پەرلەمانتارەك: ل بەغدا ب مەبەست كێشە بۆ حوكمەتا هەرێمێ و ئیراقێ دهێنە دروستكرن
- ئەمریکا داخوازەکێ ژ ئەنجوومەنێ نشتیمانی یێ کوردی ل سووریێ دکەت
- پشتی رەوشا سووریێ مەترسییا داعشێ ل سەر ئیراقێ یا زێدەتر بووی
- دڤێت چەك ل ئیراقێ تنێ د دەستێ دەولەتێ دا بیت نەكو گرۆپێن چەكدار
- هەژمارەكا كەمپێن ئاوارەیان ل هەرێمێ دێ هێنە تێكهەلكرن
- نوری مالكی: ئیسرائیلێ پلانا پارچەكرنا وەلاتێن دەڤەرێ یا هەی
- پەرلەمانتارەك: نەبوونا ل هەڤهاتنێ ل سەر كۆمسیۆنا نوو دێ هەلبژارتنێن بهێن ل ئیراقێ پاشئێخیت
- ب گرنگی دنێڕینە پێگەهێ هەرێما كوردستانێ
سه‌ره‌كى نووترين نووچه
فرۆكه‌یێن رۆسیا سه‌ربازێن تورك ل سووریێ بۆمبه‌بارانكرن
ئه‌ڤرۆ نیوز:
فرۆكه‌یێن رۆسیا “ب شاشی ڤه” سه‌ربازێن تورك ل باژارێ بابێ ل باكۆرێ سووریێ بۆمبه‌بارانكرن، د ئه‌نجام دا 3 سه‌رباز هاتن كوشتن و 11 بریندار بوون.
له‌شكه‌رێ توركیا راگه‌هاند: فرۆكه‌یێن رۆسیا ب شاشی ڤه هێرشی سه‌ربازێن وان یێن شه‌رێ داعشێ ل بابێ دكه‌ن، كرن و 3 سه‌رباز كوشتینه و 11 برینداربووینه.
پشتی ڤێ روودانێ سه‌رۆكێ رۆسیا د په‌یوه‌ندییه‌كا تێله‌فۆنی دا د گه‌ل سه‌رۆكێ توركیا سه‌ره‌خوه‌شی ل وی وه‌لاتی كر و هه‌ردو ئالی ل سه‌ر هه‌ماهه‌نگیه‌كا پتر ل دور شه‌رێ دژی داعشێ رێككه‌فتن.
تێ زانین ل داویا سالا 2015ێ توركیا فرۆكه‌كا شه‌ركه‌ر یا رۆسیا ل هنداڤی سنۆرێ توركیا و سووریێ ئینابووخار و په‌یوه‌ندیێن هه‌ردو وه‌لاتان نه‌خوه‌ش ببوون، لێ ڤێ داویێ جاره‌كا دی په‌یوه‌ندیێن هه‌ردو ئالییان ئاسایی بووینه ڤه.
بۆچوونا بابيرى ل دۆر گوهۆرينێن ل ئورگانێن حزبى هاتينه كرن
ئه‌ڤرۆ نيوز:
عه‌بدولخالق بابيرى به‌رپرسێ لقێ ئێك ل دۆر گوهۆرينێن ل ئورگانێن حزبى هاتينه كرن، ل تورا جڤاكيا فێسبوكێ ب ڤى ره‌نگى بوچوونا خوه دياركريه:
ل کیژ جھی بیت گرنگ نینە .. گرنگی ئـەوە تو ب شانازی ڤە ل ناڤ ڕێزێن پاڕتی دیمۆکڕاتی کوردستان خەباتێ بکەی ..
* ب گەرمی ژ دل دەست خوشی و سوپاسیێن خو دگەھینم ھەمی برا و ھەڤالێن سنورێن لق١ خەباتکەر کو د ماوێ بووری دا مە پێکڤە ھەولێن خو داینە خزمەتا مللەت و دۆزا خو یا نەتەوەیی بکەن ل سەر ڕێبازا پیرۆزا بارزانیێ نەمر.
* ڤەگوھازتن و گوھۆرین ئـێک ژ ئـالاڤێن پارتیا مەیە بۆ نزیک بوین ژ خەلکێ مە و بتر خزمەتکرن .
* دەڤەر ب گشتی و ھەرێم ب تایبەتی د قۆناغەک سەخت و دژوار دا دبووریت چ ل سەر ئـاستێن پەیوەندیێن مە و بەغدا و دەولەتێن دراوسێ یان سەر ئـاستێ ناڤخویی و پەیوەندیێن سیاسی لۆما ھێڤی ژ ھەمی ئـەندام و کادرێن سینۆرێ لقی١ دکەم ب ھەمان ھێز و مۆڕال خەبات و خزمەتا خو بۆ گەل و دۆزا خو یا نەتەوەیی دەوام کەن .. ھەر سەرکەفتی و سەرفەرازبن بژیت کورد و کوردستان .
برایێ ھەوە
عەبدولخالق بابیری
ئه‌ڤرۆ ب فه‌رمى پارتى ديموكراتى كوردستان چه‌ند گوهۆرين ل سه‌ر ئاستێ لقێن خوه ئه‌نجامدان و سه‌ربه‌ست تراوانشى بۆ به‌رپرسێ لقا ئێك يا پارتى ديموكراتى كوردستان و ئه‌حمه‌د كانى بۆ به‌رپرسێ لقا دو ل هه‌ولێر و عه‌لى ته‌ته‌ر بۆ به‌رپرسێ لقا 8 ل زاخۆ”.
ب به‌لگه، وه‌زاره‌تا دارايى برياره‌كا دژى به‌رژه‌وه‌نديا فه‌رمانبه‌ران بۆ 2017 ێ ژى درێژ كر
ئه‌ڤرۆ نيوز:
وه‌زاره‌تا دارايى و ئابوورى د نووترين برياردا رژدى ل سه‌ر ب جهئينانا رێنمايێن ژماره 11 يێن سالا بوورى كرينه سه‌باره‌ت راگرتنا پله بلندكرنا فه‌رمانبه‌ران بۆ سالا 2017 ێ ژى.
سالا بورى ژبه‌ر قه‌يرانا دارايى، وه‌زاره‌تا دارايى پله بلندكرنا فه‌رمانبه‌ران راگرتبوو، ئه‌ڤ ساله‌ژى درێژى ب وێ بريارێ دا.
80 % مووچه‌خورێن ل دهوكێ یێن هاتینه تۆماركرن
ئه‌ڤرۆ نيوز، ئه‌كره‌م ئيبراهيم:
بو ماوێ زێده‌تره ژ 3 هه‌یڤا ل سه‌رانسه‌ری كوردستانێ ده‌ست ب توماركرنا فه‌رمانبه‌ر و موچه‌خورێن كوردستانێ ب سیسته‌مێ بایومه‌تری هاتیه كرن و كار به‌رده‌وامه.
دداخویانیه‌كێ دا ئه‌ندازیار فه‌رسه‌ت حسێن به‌رپرسێ ژورا كاری ل سیسته‌مێ بایومه‌تری ل پارێزگه‌ها دهوكێ بۆ ئه‌ڤرۆ نيوز دیار كر كو كار به‌رده‌وام برێڤه دچیت بیێ ئاسته‌نگ و ئاریشه و تا نوكه رێژا گشتی یا توماركرنێ گه‌هه‌شتیه 80% ,,, فه‌رمانبه‌ر 94% هاتینه تومار كرن و چاڤدێریا خێزانی 57% و خانه‌نشین 73% و كه‌س و كارێن شه‌هید و ئه‌نفالكریا ب رێژا 74% هاتینه تومار كرن
ل دور بساناهی كرنا كاری و نه‌هیلانا ئاسته‌نگا گوت : نوكه وه‌كو هاریكاری بو فه‌رمانبه‌ر و كه‌سێن موچه خور بریار هاته دان ئه‌ڤرو كار ب پاسپورتا ئێۆاقی ژی بهیته كرن بو وان كه‌سا یێن ئاریشا ناسناما بارێ شارستانی هه‌ی ب مه‌رجه‌كی پاسپورت بدیماهیك نه‌هاتبیت ,,
هه‌روه‌سا بو وان كه‌سین ل ده‌رڤه‌ی هه‌رێما كوردستانێ گوت : وه‌ك بریار هه‌تا 28ى شۆباتا2017 دێ كارێ توماركرنا سیسته‌مێ بایومه‌تری به‌رده‌وام بیت و پشتی هینگێ دی هنده‌ك رێنمایێن نوی هینه دان وێ گاڤێ دی ل دیف وان رینمایا كار كه‌ین ,,هه‌روه‌سا بو وان كه‌سین نه‌ساخ و نه‌شین قه‌ستا بنگه‌هین تومار كرنی بكه‌ن ئه‌ندازیار فه‌رسه‌ت حسێن گوت : مه وه‌كو ژورا كاری بریا ردا كو تیمین گه‌روك یێن دورست كرین بو خزمه‌تكرنا وان نه‌ساخا یێن نه‌شین بهێنه بنگه‌هێن تومار كرنێ و خودێ حه‌ز كه‌ت روژا 8ى شۆباتێ دێ ده‌ست پێكه‌ین ل مالا گه‌ریێن یێن كو ئه‌دریس و پێزانینێن خو داینه مه ئه‌م دێ چینه مالێن وان ,
لدور كار پێكرنێ ب سیسته‌مێ بایومه‌تری .. به‌رپرسێ ژورا كارێ سیسته‌مێ بایومه‌تری ل دهوكێ گوت : كارێ مه هه‌تا 28ى شوباتێ به‌رده‌وام ه‌بیت و دگه‌ل كارێ مه لژنه‌كا دی یا 80 كه‌سی ل ئه‌نجومه‌نی وه‌زیران و وه‌زاره‌تا دارایی هاتیه پێك ئینان بو هویربینی كرنا ڤان فورمێن دهێنه تومار كرن و ئه‌و نوكه به‌رده‌وامن ل سه‌ر كارێ خو و هه‌ر ده‌مێ هویربینیا وان بدیماهیك دهێت دێ ده‌ست پێهێته كرن ,, وه‌ك ژماره موچه‌خورێن كوردستانێ زێده‌تری ئێك ملیون كه‌سن و ئه‌ف لژنا هاتیه پێك ئینان 80 كه‌سن و ئه‌ڤه روژانه هه‌ر ئێك 100 كه‌سا هویربینی بكه‌ت یانكو روژانه 8 هزار تا 10 هزار كه‌سا دێ هویربینی كه‌ن بو ڤێ ژی وه‌خته‌ك پێدڤیه دبیت 3 هه‌تا 4 هه‌یڤا پێدڤی بیت بو هویربینی كرنا فورما .
ئه‌زموونێن ده‌ره‌كى دێ ده‌سپێكه‌ن
ئه‌ڤرۆ نيوز:
خورشید یه‌حیا ھاریکارێ رێڤەبەرێ گشتی یێ پەروەردێ بو کاروبارێن تەکنیکی ل پارێزگەھا دھوکێ بو مالپەرێ فەرمی یێ پەروەردا گشتی یا پارێزگەھا دھوکێ دا دیار کر کو ئەڤ سالە چار هزار و 552 قوتابی دێ پشکداریێ د ئەزموونێن دەستپێکی ( تمھیدی) دا کەن وھاتینە دابەشکرن ل سەر 54 بنگەھان .
خورشید یه‌حیا ھاریکارێ رێڤەبەرێ گشتی ئاشکرا کر کو ئەزموون دێ ل رۆژا ئێکشەمبی رێکەفتی19ى شوباتا 2017ێ ل دەم ژمێر 02:00 پشتی نیڤرۆ ھێنە ئەنجام دان و ھەمی پێدڤیێن ئەزموونان ھاتینە دابینکرن.
دو هزار و 191قوتابی ل پشکا زانستی دێ پشکداریێ د ئەزموونێن دەستپێکی ( تمھیدی) سالا خواندنێ 2016/2017 دا کەن کو ھاتینە دابەشکرن ل سەر26 بنگەھان و دو هزار و 361 قوتابی ل پشکا وێژەیی کو ھاتینە دابەشکرن ل سەر 27 بنگەھان دێ پشکداریێ د ئەزموونێن دەستپێکی (تمھیدی) دا کەن، 66 قوتابی ژی ل پشکا پیشەیی کو دێ ل ئێک بنگەھـ بن دێ پشکداری ڤان ئەزموونان بن .
پارتى به‌رپرسێ لقێن خوه گوهۆڕين
ئه‌ڤرۆ نيوز، نيوار محه‌مه‌د سه‌ليم:
ئه‌ندامه‌كێ جڤاتا سه‌ركرداتيا پارتى ديموكراتى كوردستان راگه‌هاند كو هه‌ر ئێك ژ به‌رپرسێن لقێن ئێك ل دهۆك و دو ل هه‌ولێر و هه‌شت ل زاخۆ هاتنه گوهۆڕين.
ئه‌ڤى ئه‌ندامێ جڤاتا سه‌ركرداتيا پارتى ديموكراتى كوردستان كو نه‌خواست ناڤێ خوه دياركه‌ت تايبه‌ت بۆ ئه‌ڤرۆ نيوز گۆت: “سه‌ربه‌ست تراوانشى بۆ به‌رپرسێ لقا ئێك يا پارتى ديموكراتى كوردستان و ئه‌حمه‌د كانى بۆ به‌رپرسێ لقا دو ل هه‌ولێر و عه‌لى ته‌ته‌ر بۆ به‌رپرسێ لقا 8 ل زاخۆ”.
ئه‌ڤرۆ كۆمبوونا جڤاتا سه‌ركرداتيا پارتى ديموكراتى كوردستان ل پيرمام هاته ئه‌نجام دان و مه‌حمود محه‌مه‌د به‌رپرسێ نڤيسنگه‌ها راگه‌هاندنا پارتى ديموكراتى كوردستان راگه‌هاند كو د كۆمبوونێ دا بڕيارا گوهۆڕينێن حزبى هاتيه دان و ل ڤان نێزيكان دێ كه‌ڤنه وارێ بجهئينانێ.
هه‌ر ديسان محه‌مه‌د حه‌يران كادرێ پێشكه‌فتيێ پارتى ديموكراتى كوردستان ل تۆرا جڤاكيا فه‌يسبۆكێ ته‌كست ل سه‌ر ڤان ناڤان كريه و ئاماژه ب وێ چه‌ندێ ژى كريه كو محمود مه‌حمود ئێزدى بۆ به‌رپرسێ لقا 20 ل شێخان و عۆمه‌ر ئوره‌يى بۆ به‌رپرسێ لقا 18 ل ئامێديێ و هيوا ئه‌حمه‌د بۆ به‌رپرسێ لقا 24 و حسێن عدو به‌رپرسێ لقا 26.
دايه زانين ژى كو كرمانج به‌رپرسێ لقا 23 و عه‌لى عه‌ونى به‌رپرسێ لقا 10 و كرمانج خورشيد به‌رپرسێ لقا كه‌ركووك و سه‌باح به‌يتولا به‌رپرسێ لقا 9 ل ئاكرێ.
ده‌رباره‌ى گوهۆڕينێن نڤيسنگه‌هان ژى خۆيا كر كو رێبوار يەلدا بۆ به‌رپرسێ نڤيسينگه‌ها رێكخستنێ و ساسان عه‌ونى به‌رپرسێ نڤيسينگه‌ها جه‌ماوه‌رى و پيشه‌يى و چنار سه‌عدولا به‌رپرسا نڤيسينگه‌ها ڤه‌كولينان.
ب گۆره‌ى پێزانينێن محه‌مه‌د حه‌يران به‌لاڤكرين، هێشتا هه‌ر ئێك ژ به‌رپرسێن لقێن شنگال و مووسل نه‌هاتينه ده‌ستنيشانكرن.
پارێ ھاندانا مامۆستایان یێ بەرھەڤە و دێ ھەمی مامۆستایان ڤەدگریت
ئەڤرۆ:
وەزیرێ پەروەردێ یێ ھەرێما کوردستانێ راگەھاند، پارێ ھاندانا مامۆستایان یێ بەرھەڤە و دەربارەی پێداچوونێ ب سیستەمێ پاشکەفتکرنا مووچەی ئەو ب ھیڤینە.
پشتیوان سادق وەزیرێ پەروەردا ھەرێما کوردستانێ دوھی 7ى شوباتا2017 د داخویانیەکێ دا بۆ میدیایان گۆت “د نھا دا پارێ ھاندانا مامۆستایان یێ بەرھەڤە و وەزارەتا دارایی ھەمی رێکارێن تەمام کرین و ھەمی مامۆستایان ژی ڤەدگریت”.
ئاماژە ب وێ ئێکێ ژی کر، سەدەما گیرۆبوونا ئەوی پارەی بەرھەڤ نەبوونا لیستا مامۆستایێن قەزا و ناحیانە و چاڤەرێی وان دکەن لیستێن خوە فرێکەن داکو مامۆستایێن دەرڤەی باژێران و یێن ناڤ باژێران ژ ئێک جودا بکەن.
وەزیرێ پەروەردا ھەرێما کوردستانێ ئاماژە ب وێ ئیکێ ژی کر، ئەو نزانن رێژا ژێبرنا پاشکەفتی چاوا دبیت و گۆت “دەربارەی پێداچوونێ ب سیستەمێ پاشکەفتێ مووچەی دا ب ھیڤینە”.
د مەھا تشرینا دوویێ یا سالا بۆری دا جڤاتا وەزیرێن ھەرێمێ بریار دا کۆژمێ 150 ھزار دیناران بۆ مامۆستا و ڤەکۆلەرێن کۆمەلایەتی یێن دەرڤەی باژێران و 100 ھزار دینار ژی بۆ ئەوێن ناڤ باژێری ب ناڤێ دەرمالەیێن ھاندانێ خەرج بکەت.
پڕۆسا بایۆمەتری ژ کەسوکارێن شەھیدان و زیندانیێن سیاسی ناگریت
ئه‌ڤرۆ نيوز:
بەرپرسەکێ وەزارەتا شەھید و ئەنفالکریان ئاشکرا کر کو مینحا کەسوکارێن شەھیدان و زیندانیێن سیاسی چو پەیوەندی ب پڕۆسا بایۆمەتری ڤە نینە ژ بەر ڤێ چەندێ زیندانیێن سیاسی و کەسوکارێن شەھیدان دشێن ژ وەرگرتنا دو مووچان د مفاداربن.
ئەحمەد مام رەسول، رێڤەبەرێ گشتی یێ زیندانیێن سیاسی ل وەزارەتا کاروبارێن شەھید و ئەنفالکریان یا حوکمەتا ھەرێما کوردستانێ بۆ رۆژناما ئەڤرۆ دیار کر کو وان وەکو وەزارەتا کاروبارێن شەھید و ئەنفالکریان ب نڤیسارەکا فەرمی داخواز ژ سەرۆکاتیا جڤاتا وەزیران و لیژنا بەرھنگاربوونا قەیرانان کریە مافێ کەسوکارێن شەھید و ئەنفالکریان و زیندانیێن سیاسی بۆ پڕۆسا بایۆمەتری یا تۆمارکرنا فەرمانبەران بەرچاڤ وەرگرن، چونکی ئەو مووچێ کەسوکارێن شەھیدان و زیندانیێن سیاسی وەردگرن ل گۆرەی قانوونێ مووچە نینە، بەلکو مینحەکە وەکو پاداشت ل سەر کەسوکارێن شەھیدان و زیندانیێن سیاسی دھێتە بەلاڤکرن.
ناڤھاتی ئاماژە دا وێ چەندێ کو مووچە و ئمتیازاتێن کەسوکارێن شەھیدان و زیندانیێن سیاسی چو پەیوەندی ب مووچێ فەرمانبەریێ ڤە نینە و د ئێک دەم دا زیندانیێن سیاسی دێ ژ مینحا خوە د مفاداربن ھەکە خوە فەرمانبەرێن حوکمەتێ ژی بن و گۆت: “ل سەرانسەری ھەرێما کوردستان مینحە بۆ پێنج ھزار و 100 زیندانیێن سیاسی دھێتە مەزاختن و ھژمارەکا ناڤێن دی ژی ب مەرەما پەسەندکرنێ یێن ل جڤاتا وەزیران”.
“ئەم رژدین ل سەر پارێزگەھکرنا دەشتا نەینەوا “
ئەڤرۆ نیوز:
نوونەرەکێ کریستانان ل پەرلەمانێ کوردستانێ خویا کر کو گەلێن کریستیان و کلد و ئاشوور ڕژدن ل سەر پڕۆژێ خوە بۆ جوداکرنا دەشتا نەینەوا ژ پارێزگەھا نەینەوا و گۆت “بەریا نھا مە پرۆژێ خوە یێ پارێزگەھکرنا دەشتا نەینەوا دایە پەرلەمانێ عیراقێ و جیھان ژی پشتەڤانا مەیە”.
یروانت نیسان، نوونەرێ کرستیانان ل پەرلەمانێ کوردستانێ بۆ ماڵپەڕێ فەرمیێ پارتی دیموکراتی کوردستان خویا کر کو تەڤایا ئالیێن کریستیانان ئێک دەنگ و ھەلویستن، کو دەشتا نەینەوا بکەنە پارێزگەھەکا کریستیانان و گۆت “بلا ب رێیا راپرسیێ خەلکێ وێ دەڤەرێ بریارا خوە بدەن، کا دخوازن ل گەل عیراقێ بمینن یان ژی بھێتە سەر ھەرێما کوردستانێ”.
نوونەرێ کرستیانان ل پەرلەمانێ کوردستانێ ئاشکرا کر کو بەریا نھا ژی وان پرۆژەک پێشکێشی پەرلەمانێ عیراقێ کریە، لێ چ بەرسڤ نەداینە و ژ بەر ڤێ ژی نھا ھەمی گەلێن کریستیان کلدو ئاشوور رژدن ل سەر داخوازا خوە، کو دخوازن دەشتا نەینەوا ببیتە پارێزگەھەکا کریستیانا، دا کو وەکو نەتەوەکێ رەسەنێ دەڤەرێ بژین.
یروانت نیسان گۆت ژی “ل سەر ئاستێ نێڤدەولەتی ژی مە کار بۆ دامەزراندنا پارێزگەھا دەشتا نەینەوا کریە و مە پشتەڤانیا جیھانێ ب دەست خوەڤە ئینایە، لێ ھەتا نھا سنوورێن پارێزگەھا نەینەوا ب تمامی نەھاتینە کۆنترۆلکرن و ئاوارێن کریستیانان ژی نەزڤڕینە جھێن خوە”.
یروانت نیسان نەڤاشارت و گۆت “ب دیتنا من ھەکە دەشتا نەینەوا ژ پارێزگەھا نەینەوا جودا نەبیت ئەم وەکو کریستیان نەشێین ل وێ دەڤەرێ بژین”.
نيشاندان
WP Facebook Auto Publish Powered By : XYZScripts.com