ئەڤرو نیوز ، نەوزاد زادە هلوری.

ل سنوورێ مێحوەرێ گوێر مەخمور کەلهەک هەیە بناڤێ کەلها بەرگریێ ئەو دەماکو داعش بو دەڤەرێ هاتی پێشمەرگەیان خەبات و قوربانیدانەکا مەزن کریە ، نها هێزا پاراستنا هەولێر کاردکەت بو نوژەکرنا وێ ، و دیڤدا دێ رادەستی رێڤەبەریا شینواران کەن و بیتە موزەخانە.

دڤی واریدا ” رەوەند شوانی ” بەرپرسێ راگەهاندنا هێزا پاراستنا هەولێر بۆ ئەڤرۆ نیوز گوت : ( ب سەرپەرشتیا بەرێز ” جەمال مورتکە ” بەرپرسێ هێزا پاراستنا هەولێرێ کەلها بەرگریێ دهێتە نوژەنکرن ، ئەڤێ کەلهێ گرنگی یەکا زور هەیە چونکی وەختێ داعش بو سنوورێ مێحوەرێ گوێر مەخمور هاتی پێشمەرگەیان بۆ پاراستنا هەولێر و دەوربەران قوربانیدانەکا زۆر لسەر ئەڤێ کەلهێ کریە و ئەگەر ئەڤ کەلهە نەبایە ئەز باوەرم دا داعش پتر نێزیکێ هەولێرێ بیت و ل وی دەمی مەترسی زێدە دروست بیت چونکی داعشێ بزاڤەکا زور دکر کو ئەڤێ کەلهێ بگریت و ئەوان د زانی ئەڤ کەلهە چەند گرنگە بهێتەگرتن زێدەتری سەد هێرشان بۆ سەر کریە و چەندین کریارێن خو کوژیێ بو گرتنا وێ ئەنجامداینە ، بەلێ ژبەر قارەمانیا پێشمەرگەی ئەڤ کەلهە هاتە پاراستن و نەکەفت دەستێ وان ، ژبەرکو ئەڤێ کەلهێ بوریەکێ ب هێز هەبوویە ئەم وەکو هێزا پاراستنا هەولێرێ ئەڤێ کەلهێ نوژەن دکەین و دوڤدا دێ رادەستی رێڤەبەریا شینواران کەین داکو وەکو موزەخانەک سەرەدەری ل گەل بهێتەکرن )

زێدەتر گۆت : ( ژبەر قەیرانا دارایی کارێن وێ ب خاڤی ب رێڤە دچن ژبەرڤێ داخوازێ ل کەسانێن پێچێبوی و بازرگان و سەرمایەدار و کومپانی و هەرکەسی دکەین کو هاریکاریا دارای و ماددی بکەن داکو بکارین ب زوترین وەخت ئەڤێ کەلهێ دوماهی بینین )

کەلها بەرگریێ دکەڤیتە لسەر رێیا گشتی دناڤبەرا گوێر مەخمور و هەولێر و جوانیەکا تایبەت دایە دەڤەرێ.

ئەڤرو نیوز ، نەوزاد هلوری:

هەیاما چەند روژایە پروژێ ئاڤا کایار ستی تێکچوی ، رێڤەبەریا کارگێری یا کایار ستی دیارکر کو ئاریشا ئاڤا وان ژلایێ حکومەتێ تێکچویە ، بەلێ ئەڤرو دێ هێتە چارەسەرکرن.
دوهی وەلاتیەکێ ئاکنجی ل شوقێن کایار ستی بۆ ئەڤرو نیوز دیارکر کو ئەڤە چەند روژە ئاریشا نەبوونا ئاڤێ ل شوقێن کایار ستی هەرلدایی و ژبەر نەبوونا ئاڤێ ئەو ئاوەرەیێن مالێن کەس و کارێن خوە بوینە هەتا خوە ئاڤ نینە کو بکرن.

ژلایێ خوڤە رێڤەبەرێ کارگێری و خزمەتگوزاریان ل کایار ستی نەڤیا ناڤێ خوە دیار بۆەت بۆ ئەڤرو نیوز گۆت: (ژبەر شکەستنا بوریا ئاڤا شوقێن کایار ستی کو ژ لایێ حکومەتێ ڤە دهێتە دابینکرن ، و دیسان بچوکیا کوگەها ئاڤا کایار ستی چەند روژە ئاڤ ل شوقێن ناڤبری نینە و هاتیە برین ، بەلێ پشتی کو مە گازندا وەلاتیان گەهاندیە لایەنێن شولەژێ ژ حکومەتێ دوو سێ دەمژمێرێن داهاتی دێ ئاڤا وان هێتە چارەسەرکرن چونکی ئاڤ ژلایێ حکومەتێ بو شوقەیان دهێت نەک ژلایێ کارگێریا شوقەیان ڤە)
زیدەتر گۆت: (کوگەهێن ئاڤێ یێن کایار ستی تنێ دشێن 30 هزار لیتران ب هەلگرن و هەردەما پرۆژێ ئاڤێ تێکچو ئەو تنێ بو روژەکێ یان دوو روژان دکارن ئاڤێ بو وەلاتیێن شوقان دابین بکەن)
کایار ستی ژ 19 ئاڤاهیان پێکدهێن و هەر ئاڤاهیەک ژی 36 شوقان بخوڤە دگریت و ل سالا 2009 ژلایێ کەرتێ تایبەت ڤە هاتینە چێکرن.

ئەڤرو نیوز ، نەوزاد ھلۆری:
ھەموو سالەکێ ل دەستپێکا مەھا کانونا دوویێ پەز کوڤی دھێنە ب نێری و ل مەھا ئایارێ دەست ب زانێ دکەن ، د ڤێ ماوەیی دا ھندەک کەس بخوە ب دەلیڤە دبینن کو تشکێن وان راڤە بکەن و بگرن ، و دامەزرێنەرێ رێکخراوا بارزان بو چاکسازیا ژینگەی ل دەڤەرا بارزان ژی ددەتن دیارکر کو گەلک گرنگە دڤی ماوەیی دا زێدەتر ھوشیاری لسەر پاراستنا کوڤیان بھێتەکرن.
کرمانج چالی رێکخراوا بارزان بو چاکسازیا ژینگەی ل دەڤەرا بارزان بۆ ئەڤرو نیوز گۆت: (دەستپێکا مەھا کانونا دوویێ دھێتە نێری و ل مەھا ئایارێ وەرزێ دەست ب زانێ دکەت ، گەلەک ئەگەر ھەنە کو پەز کوڤی زێدەببن ژ وان ژی ھەبوونا گەلەک پەز کوڤیێن نێر دناڤ پەز کوڤیان دا و ھەبوونا دار و بار و خوارنەکا باش ل چەل و چیا، دیسان ھەبوونا ئاڤەکا مەند و باش کو تێرا ڤەخوارنا ئەوان بکەت ، و ئەڤە زێدەباری کو ئەو دەڤەرا پەز کوڤی زێدەدبن دڤێت دەڤەرەک بیت کو یا پاراستی بیت ژ ھەر دەست درێژیەکێ)
زێدەتر گۆت: (پرانیا پەز کوڤیان لدەما زانێ جێمکی دئینن ، گەلەک گرنگە کو د ڤان وەختان دا زێدەتر ھوشیاری لسەر ژینگەھێ و پاراستنا وان بھێتەکرن و دەڤەر ژی بو دەڤەرێ جودایە)
پشکەک ژ وەلاتیان ب مەرەماب خودانکرنا پەزکوڤیان د مالێن خوە دا کێشکێن کوڤیان دگرن و بخودان دکەن داکو کەھی ببن ، دڤی واریدا ناڤبری گۆت: (ب خودانکرنا پەزکوڤیان ل مال پێدڤی ب زەحمەتەکا زۆرە ژبەرکو دڤێت تێشکێن وان تێکەلی تێشکێن پەزی َخومالی بھێتەکرن و رۆژانە سێ جاران سەرەدان بۆ بھێتەکرن و مرۆڤ بدەستێ خوە خوارنێ بدەتێ ژبەرکو ئەگەر پەزێن خومالی خوارنێ بدەن وان رەنگە ل بن دەست و پیێن وان بھێنە کوشتن و زور و کێم شیردانێ ژ بوو پەز کوڤی رەنگە ھندەک نەخوشی لدەف پەیدا ببن ب تایبەتی زکچوون و مەلولی ، ب ھەر رەنگەکێ بیت پێدڤی یە پەزکوڤی نەھێنەگرتن و ئەو بخوە ل چولی بژین)

ئەڤرو نیوز ، نەوزاد ھلوری:
ژئەگەرا رودانەکانی ھاتن و چوونێ ل پێشخابوور ل سنوورێ قەزا زاخۆ ١٦ کەس بونە قوربانی ژ وانان سێ کەسان گیانێ خوە ژ دەست دا.
ئازاد تەھا بەرپرسێ راگەیاندنا رێڤەبەری یا گشتی یا ھاتن و چوونا دھۆکێ بۆ ئەڤرو نیوز گۆت: (شڤێدی دەوروبەرێن دەمژمێر ١٢ێ ب شەڤ ژ ئەنجامێ وەرگەریانا ترومبێلەکا مینی پاس کو کومەکا گەنجان تێدابوون ژ یاریەکا تەپاپێ دزڤرین د ئەنجام دا ١٦ کەس بونە قوربانی ژ وانا سێ کەسان گیانێ خوە ژ دەست دا و ١٣ ژی برینداربوون ، برینا ھندەک ژ برینداران یا گرانە و بۆ نەخوشخانا تەنگاڤیا دھۆکێ زاخۆ ھاتینە رەوانەکرن)
ژلایەکێ دنڤە ل گورەی راگەھاندنا قەزا بەردەرەش ئەڤرۆ سپێدێ دەمژمێر ٧:٣٠ ژ ئەنجامێ روودانەکا ھاتن و چوونێ دناڤبەرا تورمبێلەکا بارھەلگر و ترومبێلەکا تایبەت کەسەک ب گرانی برینداربوویە.

ئەڤرۆ نيوز:
بەرپرسێ راگەھاند و پەیوەندیان ل رێڤەبەریا ھاتنوچوونا دھۆکێ د ئامارا روودانێن ترافیکێ یێن ھەیڤێن بۆریێن ئەڤ سالە دا دیار کر د چار ھەیڤ و نیڤێن بۆری دا پتر ژ ھزار کەسان بووینە قوربانیێن روودانێن ھاتنوچوونێ، ب ئاوایەکی 63 کەسان گیانێ خوە ژ دەست دایە و یێن دی ژی بریندار بووینە.
رائیدێ مافپەروەر ئازاد تەھا بەرپرسێ راگەھاند و پەیوەندیان ل رێڤەبەریا ھاتنوچوونا دھۆکێ بۆ رۆژناما ئەڤرۆ دیار کر، ژ 1ى كانوونا دويێ 2017 و ھەتا ئەڤرۆکە 355 روودان ل دەف وان ھاتینە تۆمار کرن و رەنگە روودان ھەبن نەھاتبنە تۆمارکرن و گۆت “ژ ئەنجامێ وان روودانان 63 وەلاتیان گیانێ خوە ژ دەست دایە و 949 وەلاتی ژی بریندار بووینە و سەرجەمێ ھەمیان دبنە ھزار دوازدە قوربانی، ئەڤە ژ بلی ھەکە قوربانیێن دی ھەبن، ئانکو نەھاتبنە تۆمارکرن”.
رائیدێ مافپەروەر ئاماژە ب ھندەک ئەگەرێن روودانان کر، کو پتریا روودانان ل جادێن خۆش و بەرفرەە روو داینە و کارئینانا موبایلێ و ب ئەنترنێتێ ڤە مژوول دبن، لەورا ل وان جادەیان تووشی روودانان دبن و گۆت “گەلەک ژ وان روودانان ژ جۆرێ لێکدان بووینە د ناڤبەرا ترۆمبێلان دا”.
رائیدێ مافپەروەر ئازاد تەھا بەرپرسێ راگەھاند و پەیوەندیان ل رێڤەبەریا ھاتنوچوونا دھۆکێ گۆت ژی “پرانیا روودانان نەپێگیریا رێنمایێن ھاتنوچوونێ یە و زۆربەیا وان لەزاتی بکار ئینایە”.
بەرپرسێ راگەھاند و پەیوەندیان ل رێڤەبەریا ھاتنوچوونا دھۆکێ خویا ژی کر، روودانێن ل ڤێ دووماھیێ رووداین پتر قوربانی ل پەی بوون، ب ئاوایەکی پتری پێنج کەسان گیانێ خوە ژ دەست دایە.