ئەڤرۆ نیوز:
ئەندامەکێ بەرێ یێ پەرلەمانێ عێراقێ بەرھەڤکرنا پڕۆژەیا ژلایێ لایەنێن سیاسی مەترسیا ڤێ چەندێ ھەیە لایەنێن سیاسی نەگەھنە چو ئەنجامەکی ھەروەسا دیارکر ڤەخواندنا جودا بۆ پەیاما سەرۆک بارزانی دھێتەکرن و سەرۆک بارزانی ب چو شێوەیەکی نەگوتیە ھەرسێ سەرۆکایەتیێن ھەرێما کوردستانێ پێکڤە بھێنە گوھۆڕین، پارتی دزانیت چو دڤێت بەلێ لایەنێن دی نوزانن.
عەبدولسەلام بەرواری، چاڤدێرێ سیاسی و ئەندامێ بەرێ یێ پەرلەمانێ کوردستانێ بۆ رۆژناما ئەڤرۆ گۆت” پێدڤیە گەشبینی بەرێ خوە بدەینە سەردان و دانوستانێن ناڤبەرا لایەنێن سیاسی، چونکە رەوشا ئابووریا ھەرێما کوردستانێ گەھشتیە ئاستەکی، ئیدی تەحەمولا خراپتر ناکەت، دەستپێکرنا دانوستانێن ناڤبەرا لایەنێن سیاسی پشتی پەیاما سەرۆک بارزانی وەسا نیشاددەت ھەموو لایەن چاڤەڕێی کەسەکی بکەن ھەتا ئەڤی رۆلی بگێڕیت، بەلێ ھەکە بشێوەیەکێ عەلانی بەرێ خوە بدەینێ، ئەز لڤان پڕۆژە و پڕۆژەکیا ترسم و یێ رەشبینم، ئەڤژی بڤێ چەندێ ھەر لایەنەک پڕۆژەیەکی بەرھەڤ بکەت، ئەز وەسا دبینم کلتوورێ مللەتێن رۆژھەلاتا ناڤین زەحمەتە ئێکودو قەبوولکرن و تەنازولێ بۆ ئێک بکەن، من پێ سەیرە ژی لایەنێن سیاسی دبێژنە پارتی پڕۆژەی بەرھەڤ بکەت، کو بەحسێ پڕۆژەی دھێتەکرن 23ی خزیرانێ دھێتە بیرامن، چونکە شاشیەکا مەزنبو ئەڤا ل رۆژا 23ی خزیرانی لپەرلەمانێ کوردستانێ کۆمبوون ھاتیەکرن، لەوڕا ژی پارتی دیموکراتی کوردستان چو پڕۆژە بەرھەڤ نەکرن و وەسا ژی دزانی ب بەرھەڤکرنا پڕۆژەیان نەشێن بۆچوونا لسەر لایەنێن دی ب سەپینیت و سیستەمی بگوھۆڕیت.
ئەڤی ئەندامێ بەرێ یێ پەرلەمانێ کوردستانێ گۆت” ھیڤیدارم ئەڤا دبێژنێ پڕۆژە یێ ھەی دەربڕینەکا شاشبیت، بلا گەشبینی ڤە بەرێ خوە بدەین دانوستانێن نوکە رێڤەدچن، خەلکی ھەرێما کوردستانێ ب ئومێدڤە بەرێ خوە ددەن دانوستانێن لایەنێن سیاسی، ھەتا بزانین ل گەڕا دویێ یا دانوستان دێ چو ئەنجامەک ھەبیت، ژبەرکو گەڕا دویێ یا دانوستانا ئەساسە گەڕا ئێکێ تنێ ڤەکرنا رێکێ بو ھەتا بزانن ھەلویستێ لایەنێن سیاسی چیە، لنک من سیاسەت دانوستانە سیاسەت لنک من وەرگرتن و دەستبەرداریە بەلێ ھەکە نیەت ھەبیت.
لدۆر پەیاما سەرۆک بارزانی کو نوکە بۆچوونێن جودا لسەر ھەنە بەرواری ھاتە عەبدولسەلام بەرواری گۆت” ڤەخواندنا خەلکی بۆ پەیاما سەرۆک بارزانی جوداھی تێدا ھەیە، ھندەک جارا من گوە لڤێ چەندێ دبیت کو سەرۆک بارزانی د پەیاما خوەدا یێ گۆتی، بلا ھەرسێ سەرۆکایەتیێن ھەرێمێ پێکڤە بھێنە گوھۆڕین، نەخێر سەرۆک بارزانی ئەڤە نەگۆتیە، ھندەکێن دی دبێژن بلا ب ئێک پاکێج پێشکەش بکەین ھەتا ھەرسێ سەرۆکایەتی پێکڤە بھێنە گوھۆڕین، یا دروست سەرۆک بارزانی ئاماژە بوێ چەندێ کریە، ھەموو لایەن پێکڤە کۆمبن و لسەر ھەرسێ پرسا دانوستانان بکەن.
عەبدولسەلام بەرواری دیارکر” ئەز بۆچوونا پارتی دزانم بۆ چارەسەرکرنا ئاریشەیا پەرلەمانی و پارتی سێ چوار بۆچوون ھەنە و دزانیت بەرامبەری وێ چو دڤێت و داخوازا چو دکەت، پارتی بخۆژی دزانیت چو دڤێت و مللەتێ مە چاڤەڕێی چو دکەت، پارتی چو خالەکێ دیارناکەت بێژیت دڤێت ھوسابیت، ھەکە بۆچوونا حزبا ئەڤبیت لسەر کاغەزێ بنڤیسن و بۆچوونێن خوە فەرز بکەن، ئەز دترسم نەگەھنە چو ئەنجاما، مادەم ھەر لایەنەکی کومەکا خالا بناڤێ پڕۆژەی بەرھەڤکر وی دەمە زەحمەتە ھەموو لایەن لسەر رێککەڤن.

ئه‌ڤرۆ نيوز، مەحمود نھێلی:
ژ ئەگەرێ بارینا بەفرەکا زۆر ل دەڤەرێ و گرتنا جەمەدی رێ و جادەیێن پرانیا دەڤەرا ئامێدیێ ھاتیە گرتن و پولیسێن ھاتن و چونا ئامێدیێ ژی ھوشداریێ ددەتە شوفێران.
نەقیب رێبین ئەفسەرێ پولیسێن ھاتن و چونێ ل ئامێدیێ بۆ ئەڤرۆ نیوز دیارکر، کو زێدەباری تیمێن سەخبێکرنا رێکا یێن بەردوامن ل سەر کارێ خوە لێ تا نوکە جادەیا سەرەکیا دھێـتە سەنتەرێ قەزا ئامێدیێ نەھاتیە ڤەکرن و ئەگەرێ وێ ژی بۆ ھندێ ڤەگەراند کو شڤێدی جەمەد دروست ببوو و ئەڤرۆ بەفرەکا زۆر ل سەر باری و بوویە ئەگەرێ گرتنا جادەیا سەرەکی ئامێدیێ.
ناڤبری ئاشکراکر، کو ل ھند جھان نوکە ھاتن و چون یا بەردامە لێ گەلەک یا ب زەحمەتە و تەکەز کر، کو ھەکە کەسەکی کارەکی فەرنەبیت بلا ھاتن و چونێ نەکەت و ئەو ژی ئیلا ترۆمبێلا دەبل ئەکسن بن و پێدڤیە ل سەر شوفێران گەلەک د ھشیاربن و پێگری ئاماژەیێن پولیسان بن کو بارا پترێ ل سەر جادەیان د ئەرکێ خوە دانە بتایبەتی ژی جھێن گەلەک بەفر لێ ھاتی و گەلەک ھاتن و چون ل سەر بیت.

ئه‌ڤرۆ نيوز:

پەرلەمانتارەکێ بەرێ یێ عێراقێ ئاماژە بوێ چەندێ دکەت، ئەنجامدانا ریفڕاندۆمێ باشترین چارەسەرە بۆ پرسا سەربخوەیا ھەرێما کوردستانێ و دیارکر، ھەکە ریفڕاندۆم بھێتەکرن ئەڤە دێ بیتە مەزنترین دیکۆمێنت ژبۆی جڤاکێ نێڤدەولەتی پشتەڤانیا داخوازا خەلکێ ھەرێما کوردستانێ بۆ جودابوونێ ژ عێراقێ بکەت.
پالە باوانی، پەرلەمانتارێ بەرێ یێ عێراقێ بۆ رۆژناما ئەڤرۆ گۆت” بڕیارا ئەنجامدانا ریفڕاندۆمێ ژلایێ ھەرێما کوردستانێ ڤە، پێنگاڤەکا گرنگە ژبۆی بشێین سەربخوەیا ھەرێما کوردستانێ بھێتە راگەھاندن و ل دەولەتا عێراقێ جوداببین، ژبەرکو رێڤەچوونا پڕۆسا ریفڕاندۆمێ بێگومان دێ خەلک تێدا پشکداربیت و دەنگی لسەر پاشە رۆژا خوە بدەت، بێگومان پتریا خەلکێ ھەرێما کوردستانێ دێ دەنگی بۆ جودابوونێ ژ عێراقێ بدەن، ئەڤەژی دێ بیتە مەزنترین دیکۆمێنت ددەستێ ھەرێما کوردستانێ ھەتا جڤاکێ نێڤدەولەتی پشتەڤانیا خەلکێ ھەرێما کوردستانێ بکەن، چونکە ریفڕاندۆم دێ کارتەکبیت کو دەنگێ مللەتی تێدایە و مافێ خەلکیە بڕیارێ لسەر پاشەڕۆژا خوە بدەن، رێڤەچوونا ریفڕاندۆمێ گرنگیەکا دیتژی ھەیە، ئەوژی پشکداریا پێکھاتێن جودایێن ھەرێما کوردستانێ یە دڤێ پڕۆسێ دا، ژبەرکو پێکھاتێن جودایێن ئاینی و نەتەوەیی ژی دێ پاشەڕۆژا خوە دیاربکەن ئەڤەژی خالەکا بھێزە بۆ پتر بدەستڤەئیانا پشتەڤانیا دەرڤە و جودابوونا ھەرێما کوردستانێ.
پالە باوانی گۆتژی” لدەستپێکا دامەزراندنا دەولەتا عێراقێ ھەرێما کوردستانێ ب عێراقێ ڤە ھاتیە گرێدان و ئەڤەژی بۆیە ئەگەرێ ڤێ چەندێ ژلایێ قانوونی ڤە ئەم پێگیرێ دەولەتا عێراقێ بین، راستە پشتی سەرھەلدانێ جورەکێ سەربەخوەیا نافخۆ مە ھەبویە و ئەزموونا ھەرێما کوردستانێ بۆیە دیفاکتۆ بەلێ ژلایێ قانوونی ڤە مە پێدڤی ب رێو جھێن قانوونی ھەیە ئێک ژوان رێکا ئەنجامدانا ریفڕامدوومێ یە دناف خەلکێ ھەرێما کوردستانێ دا، پشتی ریفڕاندۆم دھێتەکرن دێ سەرکردایەتیا کوردی پتر شێت دەنگێ خوە بلند کەت بۆ پرسا راگەھاندنا سەربخوەیێ، مەرج نینە ھەردەمێ ریفڕاندۆم ھاتەکرن ئێکسەر سەربخوەیی بھێتە راگەھاندن، تنێ دێ بیتە چەکەکێ بھێز و قانوونی ددەستێ ھەرێما کوردستانێ دا ھەردەمێ دەلیڤە پتر ھەبوو ئێکسەر دێ شێن ئەڤێ کارتێ بکارئینن و خوە ل عێراقێ جودا بکەن، چونکە بدیتنا ھێشتا ھندەک ئەم ماینە بۆ راگەھاندنا دەولەتا سەربخوە دڤێت پتر کار بۆ بھێتەکرن ڤێجا دەولەت بھێتە ئاڤاکرن.