ئەڤرۆ نيوز:
د بەرنامەکی دا ب ناڤێ ( حوار الیوم) ل کەنالەکێ نێزیک مالکی ھەر چار فراکسیۆنێن ” ئێکەتی، گۆڕان، کۆمەل و ئکگرتوو” کو تێدا رێزان شێخ دلێر ژ ئێکەتیێ و موسەننا ئەمین ژ ئێکگرتوو و ئەحمەدا حاجی رەشید ژ کۆمەلێ و پشکدار ببوون و ئەندامەکێ دی یێ گۆڕان ژی ژ سلێمانیێ پشکدار ببوو، تێدا ھەر چار فراکسیۆنان داخوازا ھەلوەشاندنا ھەرێما کوردستانێ و دادگەھکرنا بەرپرسێن ھەرێمێ دکر.
د بەرنامەی دا ئەو چەندە ئاشکرا کر کو بەرنامەکێ تایبەت یێ دانای ب شکیاتکرنێ ل نێچیرڤان بارزانی سەرۆک وەزیرێن ھەرێما کوردستانێ ل دادگەھا فیدرال یا عیراقێ و نەڤەشارت ژی کو ھەر تشتەکێ ژ دەست بھێت دێ کەن بۆ وێ چەندێ ھەرێمێ نەچار بکەن مە پەترۆلێ بھنێریت، بەلکو بھێتە دادگەھکرن ژی ل سەر پەترۆلا ھەرێمێ و تالانکرنا وێ ل ھەرێما کوردستانێ.
ھەر د بەرنامەی دا، ھەر چار فراکسیۆن ل سەر کۆمپانیا کار و بانکا کوردستان ھەڤرابوون کو دڤێت بھێنە داخستن و گۆتن” کۆمپانیا کار ژ بھێتە ژ کارخستن و بانکا کوردستان ژی بھێتە داخستن و ھەموو پەترۆلا ھەرێمێ و بودجە ب بەغدا ڤە بھێنە گرێدان و ھەموو کارمەندێن ھەرێمێ بچنە بەغدا مووچەی وەرگرن.
عالیا نسەیف ئەنداما پەرلەمانێ عیراقێ ژ لیستا دەولەتا قانوونێ یا نێزیک مالکی بەروڤاژی وان گۆت مە نەڤێت ھەرێما کوردستانێ و مووچەخۆرێن کوردستانێ بھێنە بەغدا مووچەی وەرگرن و ھەرێم ژی ھەلوەشیێن ب تنێ مە دڤێت پێشمەرگە خۆ ڤەکێشیت و پەترۆلا کوردستانێ ژی رادەستی بەغدا بکەن، لێ ھەر چار فراکسیۆنان داخوازکر پارەی نەدەنە ھەرێمێ بلا مووچەخۆر بھێنە بەغدا مووچێ خوە وەرگرن و داخواز ژی کر کو پەترۆلا کوردستانێ و داھاتێ وێ ئێکسەر بەغدا ببەت.
ئه‌ڤرۆ نيوز: ره‌وان نهێلى:
ل ده‌مێ كوچا مليونێ يا سالا 1991، گه‌لێ كورد گه‌له‌ك ده‌رده‌سه‌رى و نه‌خوشى ديتن و جاره‌كادى دى ئاواره‌بووڤه، د رێدا ب سه‌دان زارۆ ژبه‌ر نه‌خوشيان گيانێ خوه ژ ده‌ست دان، گه‌له‌ك سه‌رهاتيێن راست يێن تراژيدى يێن هه‌ين، ئێك ژ وان بابه‌تان ده‌مێ بچيه ده‌ڤه‌را رێكان، دێ بينى د رێيا سه‌ره‌كى دا، ترۆمبێله‌ك ژ كاركه‌فتى يه و خودانێ ترۆمبێلێ، ترۆمبێل بجه هێلايه و خوه و زارۆيێن خوه قورتال كرينه.
پشتى ده‌ربازبوونا 26 سالان ئه‌ڤ ترۆمبێله هێشتا مايه و ژ ناڤ نه‌چوويه، ئه‌ڤرۆ نيوز دخوازيت پێزانين ل دۆر خودانێ ڤێ ترۆمبێلێ هه‌بن ئه‌گه‌ر دژياندا مابيت بۆ ئه‌نجامدانا ديداره‌كێ داكو نڤشێ نوو مفاى ژێ وه‌رگريت و بزانيت گه‌لێ كورد چه‌ند نه‌خوشى دينى نه ژبه‌ر رژێمێن ئێك ل دويڤ ئێكين عيراقى، مه دڤێت خودانێ ترۆمبێلێ پتر رۆنكرنا بۆ خوانده‌ڤانان ديار بكه‌ت ل دۆر وى ئاريشا درێيا بۆ دروست بووى و بۆيه ئه‌گه‌ر ترۆمبێلا خوه د رێيا دا بهێلێت و خوه و خێزانا خوه رزگار بكه‌ت ، له‌وما چ خوانده‌ڤانێ پێزانين هه‌بن بلا په‌يوه‌نديێ ب ڤێ ژمارێ بكه‌ت 07504569151.
ئه‌ڤ وێنه ژ ئاليێ بێوار سيدانى تايبه‌ت بۆ ئه‌ڤرۆ نيوز هاتيه هنارتينه كو ل گوندێ مازێ ل ده‌ڤه‌را رێكان هاتينه گرتن.
ئەڤرۆ نيوز:
ل گۆر راپۆرتەکا BBC پشتی ھێرشا ڤێ دووماھیێ ل بریتانیا وەلاتێن دی یێن ئورۆپی ژی دترسن کو ئەو کەسێن بیانی یێن ل ئورۆپا ببنە مەترسی ل سەر پاشەرۆژا ئورۆپا و ژ بەر ھندێ ژی چەندین وەلاتێن ئورۆپا ب تایبەتی ژی ئەلمانیا و فرەنسا دخوازن ب رێیا ھندەک قانوون و پێرابوونێن نوو رێگریێ ل کەسێن ھشکباوەر و چالاکیێن وان بکەن دا بشێن ئێمناھیا وەلاتێن خوە ب پارێزن لێ ھەتا نھا ژی ل دۆر وان قانوونان و چاوانیا دەرخستنا وان و پێرابوونێن نوو ژی چو تشتەکێ بەرچاڤ نەھاتیە کرن.
د راپۆرتێ دا ئەو یەک ژی ھاتیە دیار کرن کو ھژمارا کەسێن موسولمان ل ئورۆپا گەلەک زێدە نە و وەلاتێن ئورۆپی ژی نەشێن چاڤدێریا ھەموویان بکەن و ژ بەر ھندێ ژی ئەو ل رێیەکا نوو دگەرن دا بشێن ھەم چاڤدێریا وان بکەن و ھەم رێگریێ ل ب ھێزبوونا ھشکباوەران ل ئورۆپا بکەن و ئەو یەک ژی ب ساناھی ناھێتە کرن و رەنگە ببیتە ئەگەرێ ئالۆزیێن نوو ل ئورۆپا.
د دووماھیا راپۆرتێ دا ھاتیە دیار کرن کو پارتێن ھشکباوەر یێن ل ئورۆپا ژی ب ھەلویستێ خوە یێن توند دبنە ئەگەر کو کەسێن ھشکباوەر پتر بەرێ خوە بدەنە چالاکیێن تیرۆرستی و ژ بەر ھندێ ژی بسپۆرێن ئورۆپی دبێژن دڤێت ب رێیا قانوونان رێ ل ب ھێزبوونا ھشکباوەران و چالاکیێن وان ل ئورۆپا بھێتە کرن.
ئه‌ڤرۆ نيوز:
ئه‌حمه‌د حاجى ره‌شيد بريارده‌رێ لژنا دارايى ل په‌رله‌مانێ عيراقى ئاشكراكر كو هه‌موو بانكێن حكومى هاتينه راسپاردن كو مووچێ فه‌رمانبه‌رێن كه‌ركوكێ رابگرن، ئه‌وژى ژبه‌ر وێ يه‌كێ وه‌كو فشاره‌ك بۆ راگرتنا كومبوونا جڤاتا پارێزگه‌ها كه‌ركوكێ ل دۆر پرسا بلندكرنا ئالايێ كوردستانێ ل دام و ده‌زگه‌هێن حكومى.
ئەڤرۆ نیوز:
ئاژانسەکا روسیا دیار دکەت کو بۆ جارا ئێکێ یە ئەمریکا و روسیا پشتەڤانیێ ل مافێن کوردان دکەن و ژ بەر ھندێ ژی نھا پەیوەندیێن وەلاتێن ھەرێمێ ل گەل ئەمریکا و روسیا تێک دچن ب تایبەتی ژی یێ تورکیا و ل رۆژئاڤایێ کوردستانێ ئەو یەک ب رەنگەکێ ئاشکرا دھێتە دیتن و ھەر دو وەلاتێن زلھێز ل دژی ئاڤاکرنا دەولەتا کوردی نینن و ب ئاڤاکرنا دەولەتا کوردی دێ ھەموو ھەڤسەنگیێن ل رۆژھەلاتا ناڤین ھێنە گوھۆرین و تورکیا پتر ژ ھەر وەلاتەکێ ژ راگەھاندنا دەولەتا کوردی دترسیت
ئاژانسا روسیا تودێی د راپۆرتەکێ دا دیار کریە کو پێگەھێ کوردان رۆژ رۆژێ ل رۆژھەلاتا ناڤین ب ھێزتر دبیت و نھا ئەمریکا و روسیا ئێدی دژبەریا کوردان ناکەن و پشتەڤانیێ ل وان دکەن، ل رۆژئاڤایێ کوردستانێ ھەم روسیا و ھەم ژی ئەمریکا پشتەڤانیێ ل کوردان دکەن و ئەو یەک بۆ پاشەرۆژا کوردان ل سووریێ گەلەکێ گرنگە، ھەرچەندە ھەتا نھا ب رەنگەکێ فەرمی گەلەکێ تشت نەھاتنە راگەھاندن لێ د پراکتیکێ دا گەلەک ھاریکاریا کوردان ھاتیە کرن و ژ بەر ھندێ ژی ئێدی تورکیا نەشێت گەفان ل کوردان بکەت.
د پشکەکا دی یا راپۆرتێ دا ھاتیە دیار کرن کو پشتی ھاتنە ترامپی سیاسەتا ئەمریکا ل ھەمبەر رۆژھەلاتا ناڤین ھاتیە گوھۆرین و ترامپی دڤێت مفایێ ژ خالێن ھەڤپشک ل گەل روسیا ببینیت و بەرژەوەندیێن ئەمریکا بھێنە پاراستن ژ بەر ھندێ ژی روسیا ھێدی ھێدی خوە ژ تورکیا دوور دکەت و سەرەرای گەفێن تورکیا ژی روسیا گوھداریا ئەنقەرە ناکەت و پشتەڤانیێ ل کوردان کەت و تورکیا نھا گەلەکێ دترسیت کو کورد ل سووریێ ھەرێمەکا خوە ئاڤا کەن کو ئەو یەک دێ کاریگەریەکا راستەوخوە ل سەر پرسا کوردی ل تورکیا ژی کەت.
د پشکەکا دی یا راپۆرتێ دا ئەو یەک ھاتیە دیار کرن کو روسیا و ئەمریکا باش دزانن کو ئەو ھێزا کوردی یا کو نھا ل رۆژئاڤا چالاکە پشکەکە ژ پەکەکێ لێ ژ بەر کو ئەو نھا ب ھێزن و شیاینە ب رەنگەکێ باش شەرێ داعشێ بکەن ژ بەر ھندێ ژی ھاریکاریا وان دکەن، چونکو ھەکە پاشی ھەرێمەکا کوردی ھاتە راگەھاندن دێ گەلەک تشت ھێنە گوھۆرین و یا گرنگ نھا پێگەھێ کوردان مەترسی بۆ بەرژەوەندیێن ئەمریکا و روسیا دروست نەکریە و ژ بەر ھندێ ژی ھەر دو ھێز نھا دژبەریا مافێ کوردان ناکەن.
د پشکەکا دی یا راپۆرتا ئاژانسا روسیا تودێی دا بەحسێ راگەھاندنا دەولەتا کوردی و کوردستانا مەزن ژی ھاتیە کرن و ھاتیە دیار کرن کو ب راگەھاندنا دەولەتا کوردی دێ ھەموو ھەڤسەنگیێن ل رۆژھەلاتا ناڤین ھێنە گوھۆرین و دێ کورد ببنە ھێزەکا سەرەکی و کاریگەر و ھەر دو وەلاتێن زلھێزێن جیھانێ ژی ئێدی دژبەریا دەولەتا کوردی ناکەن و تورکیا پتر ژ ھەموو وەلاتێن رۆژھەلاتا ناڤین ژ راگەھاندنا دەولەتا کوردی و ئاڤاکرنا کوردستانا مەزن دترسیت، چونکو ھەر دو ھەرێمێن کوردی ئانکو ھەرێما کوردستانێ و رۆژئاڤایێ کوردستانێ ھەڤسنۆرێ تورکیا نە و راگەھاندنا دەولەتا کوردی دێ کاریگەریەکا راستەوخوە ل کوردێن تورکیا ژی کەت، چونکو ب سالانە کورد ل تورکیا ژی شەری بۆ ئازادیا خوە دکەن و ژ بەر ھندێ ژی نھا ئەنقەرە ژ سیاسەتا روسیا و ئەمریکا گەلەکێ دلگرانە.
د دووماھیا راپۆرتا ئاژانسا روسیا دا ئەو یەک ژی ھاتیە دیار کرن کو نھا تورکیا و ئەمریکا رۆژ ب رۆژێ پتر ژ ھەڤدو دوور دکەڤن و روسیا ژی نەڤێت تورکیا ب ھێز کەڤیت، چونکو پۆتین باش دزانیت ھەکە پێگەھێ تورکیا ل رۆژھەلاتا ناڤین ب ھێز کەڤیت تورکیا دێ کارتێکرنێ ل وەلاتێن وەکو ئازەربەیجان و گەلەک وەلاتێن دی کەت یێن کو ئاکنجیێن وان تورکن و بەرێ پشکەک ژ سوڤیەتێ بوون و ئەو دشێن مەترسیێ بۆ بەرژەوەندیێن روسیا دروست کەن ژ بەر ھندێ ژی پۆتینی دڤێت تورکیا یا لاواز بیت و روسیا تا رادەیەکێ شیایە کو تورکیا بکەتە ژێر کۆنترولا خوە و نھا تورکیا وەکو جاران کاریگەریا خوە ل سەر سووریێ ژی نەمایە.
ئه‌ڤرۆ نيوز:
ژنەکا ئسپانی ل وەلاتێ ئەرژەنتینێ گیانەوەرەکێ سەیر ڤەدیت و پیستێ وی گیانەوەری وەکو یێ ماری یە.
لۆجان ئیرۆلیس، ژنەکا 46 سالی یا ئسپانیە و ئاکنجیا ئەرژەنتینێ یە، ل باژارێ سانتا ڤین یێ ئەرژەنتینی گیانەوەرەکێ سەیر دیت و وێنە و ڤیدیۆیێن وی ل سەر تۆرێن جڤاکی بەلاڤ کرینە.
ئەو گیانەروە 10 سەنتیمەترە و پیستێ وی وەکو یێ ماری یە، ھەتا نھا ژی جۆرێ وی گیانەوەری نەھاتیە دیار کرن، لێ شارەزایێن وارێ گیانەوەران یێن ئەرژەنتینی ئاماژە ددەن، دبیت ئەو گیانەوەر جۆرەکێ کرمان بیت.
ھەتا نھا چەندین گیانەوەرێن سەیر ل سەرانسەری جیھانێ ھاتینە دیتن، ئەو گیانەوەرێ ل ئەرژەنتینێ ژی ھاتیە دیتن، بۆ جارا ئێکێ یە گیانەوەرەک ب وی شێوەی دھێتە دیتن.
ئه‌ڤرۆ نيوز:
سه‌رۆكێ په‌رله‌مانێ عيراقێ سه‌ليم جبورى رژدى ل سه‌ر پاراستنا گيانێ هاولاتيێن مه‌ده‌نى كر د ئوپه‌راسيونێن سه‌ربازى يێن مووسلێ دا ، د ديداره‌كا ته‌له‌فزيونى دا، سه‌رۆكێ په‌رله‌مانێ عيراقێ سه‌ليم جبورى راگه‌هاند كو ئه‌و ددلته‌نگن ل هه‌مبه‌ر نوچه‌يێ كوشتنا زێده‌تر ژ 200 وه‌لاتيێن سڤيل يێن خه‌لكێ مووسل ژ ئه‌گه‌رێ ئوپه‌راسيونێن سه‌ربازى يێن به‌رێ راستى يێ مووسل و گوت: ئه‌گه‌ر ئه‌ڤ ئوپه‌راسيونه ب ڤى ره‌نگى بهێنه ئه‌نجامدان، و وه‌لاتيێن سڤيل ببنه قوربان، دڤێت ئوپه‌راسيونا رزگاركرنا مووسل بهێته راوه‌ستاندن.
ئه‌ڤرۆ نيوز:
جڤاتا پارێزگه‌ها كه‌ركوكێ ئه‌ڤرۆ رۆژا سێشه‌مبى برياره د كومبوونه‌كێ دا ده‌نگى ل سه‌ر پرۆژه بريارا بلندكرنا ئالايێ كوردستانێ ل كه‌ركووكێ ل سه‌ر دام و ده‌زگايێن حكومى بده‌ت.
ئه‌حمه‌د عه‌سكه‌ری ئه‌ندامێ جڤاتا پارێزگه‌ها كه‌ركوكێ راگه‌هاند كومبوونا ئه‌ڤرۆ يا جڤاتێ يا ئاسايى يه و ئێك ژ برگان دێ يا تايبه‌ت بيت ب ده‌نگدان ل سه‌ر بلندكرنا ئالايێ كوردستانێ ل سه‌ر دام و ده‌زگه‌هێن حكومى يێن وێ پارێزگه‌هێ.
ئەڤرۆ نیوز:
ئەندامەکێ بەرێ یێ پەرلەمانێ کوردستانێ ئاماژە بوێ چەندێ دکەت، کو (PKK) بزانیت یان نەزانیت رەفتارێن نوکەیێن وانا ل رۆژئاڤایێ کوردستانێ و شنگالێ ھەر ژ سوتن و دەرکرنا بارەگا و ئەندام و کادرێن ئەنەکەسێ و پەیداکرنا ئاریشان ل شنگالێ تنێ خزمەتا دوژمنێن کوردان دکەت، ھەروەسا دیارکر پەکەکە زۆر پڕۆپاگندەیێن دیموکراسیێ دکەت، بەلێ مخابن پەکەکێ بخوە باوەری ب دیموکراسیێ نینە، و رێکێ نادەت چو حزبێن کوردستانی ھەبن.
قادر حەسەن، ئەندامێ بەرێ یێ پەرلەمانێ کوردستانێ بۆ رۆژناما ئەڤرۆ گۆت”مخابن بۆ ھەلویستێ پارتا کرێکارێن کوردستانێ پەکەکێ ل مانا چەکدارێن (PKK) ل دەڤەرا شنگالێ، و ھەکە (PKK) خوە ب پارتەکا شۆڕشگێڕ و کورد پەروەر دزانیت ئاریشان بۆ ھەرێما کوردستانێ پەیدا ناکەت، چونکی ھەکە کوردان لسەرانسەری جیھانێ بتنێ ئومێدەک ھەبیت ئەو ئەزموونا ھەرێما کوردستانێ یە، و لسەر ھەموو کوردەکی پێدڤیە بەڕەڤانیێ ل حوکمەتا ھەرێما کوردستانێ بکەن، ئەڤا ب خوینا ھزاران شەھید و قوربانیدان و ئاوارەبوونا خەلکێ مە ھاتیە بەرھەم، ڤێجا چو بگەھیتە ئاستەکی کورد بخوە ئاریشان بۆ ھەرێما کوردستانێ چێکەن، لسەر ھەموو لایەنێن سیاسیە پێدڤیە ھاریکاریا پڕۆژێ سەرۆک بارزانی بۆ سەرکەفتنا پڕۆسا سەربخۆیێ و راگەھاندنا دەولەتا کوردی بکەن.
قادر حەسەن گۆت: ” ژبلی ئاریشە و ئالۆزیێن پەکەکە بۆ ھەرێما کوردستانێ چێدکەت، بوێ چەندێ ژی رانەوەستیایە و دەست خۆ ئێخستیە ناڤا کاروبارێن رۆژئاڤایێ کوردستانێ و رێکێ نادەت ژبلی پەیەدێ کو سەر ب پەکەکێ یە چو لایەنەکێ دی یێن کوردستانی خەباتێ بکەت، (PKK) بزانیت یان نەزانیت بڤێت یان نەڤێت ئەڤا ئەو دکەن ل رۆژئاڤایێ کوردستانێ ھەر ژ سوتنا بارەگایێن حزبێت کوردی و دەرکرن و دەستەسەرکرنا ئەندام و کادرێن ئەنەکەسێ ھەروەسا رەفتارێن پەکەکێ ل شنگالێ بتنێ خزمەتەکە بۆ دوژمنێن کوردان دکەت، ئەڤرۆ پتری ھەر رۆژەکێ مللەتێ کورد پێدڤی ب ئێکگرتن و ئێکڕێزیێ ھەیە، پارتا کرێکارێن کوردستانێ پڕۆپاگندەیێن دیموکراسیێ دکەت د ھەمان دەمدا رێکێ ب چو لایەنەکێ دی نادەت خەباتێ ل دەڤەرێن بن دەستھەلاتا وێدا بکەت، ئەگەر پەکەکە بخوە دیموکراسیێ قەبولنەکەت دێ چاوا داخوازا مافێن خوە ل تورکیا کەت، مخابن رەفتارێن نەشیرینێن پەکەکێ دڤێ قۆناغا نازکدا نێزیکە شەڕێ داعش دوماھی بھێت و گۆھڕین ل دەرڤەرێ پەیداببن دبیت کورد کارەکێ وەسا بکەن ڤێجارێ گۆھڕینێن دھێنە کرن د بەرژەوەندیا کوردادا بشکێن.
نيشاندان