ئه‌ڤرۆ نيوز:
جڤاتا پارێزگه‌ها كه‌ركووك د كۆمبوونا ئه‌ڤرۆ دا بڕيارا بلندكرنا ئالايێ كوردستانێ په‌سه‌ندكر، 23 ئه‌ندامێن ليستا برايه‌تى و ئێك ئه‌ندامێ عه‌ره‌ب تێدا د پشكدار بوون.
رێبۆار ته‌له‌بانى سه‌رۆكێ جڤاتا پارێزگه‌ها كه‌ركووك پشتى ب دووماهى هاتنا كۆمبوونا جڤاتێ د كۆنگره‌كێ رۆژنامه‌ڤانى دا راگه‌هاند، بڕيارا په‌سه‌ندكرنا بلندكرنا ئالايێ كوردستانێ هاته په‌سه‌ندكرن و ئالا ده‌ربڕينێ ژ هه‌موو نه‌ته‌وه و پێكهاتێن كه‌ركووك دكه‌ت.
ئاماژه ب وێ چه‌ندێ ژى كر كو بوودجه‌ك دێ بۆ بلندكرنا ئالايێ كوردستانێ هێته ته‌رخانكرن دا كو ل هه‌موو داموده‌زگه‌هێن حكومى يێن كه‌ركووك بهێته بلندكرن.
ئەڤرۆ نيوز:
سەرۆکێ ژوورا بازرگانی و پیشەسازی یا دھۆکێ راگەھاند: ژبلی دەرگەھێ ئیبراھیم خەلیل و سەرزێری دێ سێ دەرگەھێن دی یێن توخیبی ل توخیبێ پارێزگەھا دھۆکێ ھێنەڤەکرن، ئەو چەندە دبیتە ئەگەرێ بھێزکرن و خۆرتکرنا بزاڤا ئابووری.
ئەیاد حەسەن سەرۆکێ ژوورێ بازرگانی و پیشەسازیا دھۆکێ دیار کر پەیوەندیێن ئابووری و بازرگانی یێن تورکیا و ھەرێمێ ڤەدگەرن بۆ سالێن 1991، ب ئاوایەکی ھەتا نھا سالانە 12 ملیار دۆلاران ل ھەڤگۆھارتن دھێتەکرن.
سەرۆکێ ژوورێ بازرگانی و پیشەسازیا دھۆکێ دیار کر، ل ھەڤگوھارتنا بازرگانیێ و ب ھێزکرنا پەیوەندیێن ئابووری یێن ھەرێمێ و تورکیا ب رێیا کۆمپانیان بەری وەلاتێن ئورۆپا و ئەمریکا کەتیە و نھا زێدەتری 90% یا کۆمپانیێن بازرگانی و پیشەسازی یێن تورکیا ل ھەرێما کوردستانێ ل دھۆکێ نە.
ئەیاد حەسەن ھەڤڕکی گۆت ژی: د بەرنامێ حوکمەتێ دا بوو ل ھەڤ گوھارتنا بازرگانیێ بھێتە زێدەکرن تا دگەھتە 20 ملیار دۆلاران د سالێ دا، لێ ب ئەگەرێ شەڕێ داعشێ و بڕینا بۆدجا ھەرێما کوردستانێ و داکەتنا بھایێ پترۆلێ، زیانەکا زۆر گەھاندیە ئابوورێ ھەرێمێ کو رێژەیا ل ھەڤگورھاتنا بازرگانی و پیشەسازیێ بۆ 70% کێم بوویە کو بۆ ھەر سالەکێ شەش ملیار دۆلار بوون.
ناڤبری ئەو چەندە ژی دیار کر پشتی ھاتنا داعش و دەست ب سەرداگرتنا چەند باژێرێن عیراقی زیانەکا زۆر گەھاندیە پەیوەندیێن ئابووری، لەورا دھۆک ببوو دەرگەھێ ئاڤەدانکرنا پارێزگەھا نەینەوا، چونکو پرا پێکڤە گرێدانا مووسلێ ب تورکیا و ئورۆپا ڤە بوویە.
ئه‌ڤرۆ نيوز:
وەزارەتا پەروەردێ ل بەرە دوبارە پێداچوونێ ب میلاکێ خوە دا بکەت و مامۆستا جارەکا دی ل سەر قوتابخانان بھێنە بەلاڤکرن، رێڤەبەرێ دیوانا وەزارەتا پەروەردێ ژی دبێژیت: مە دەست ب کۆمکرنا ناڤێ مامۆستایان و میلاکێ قوتابخانان کریە و دڤێت ھەر پێداچوون بھێتەکرن، ژ بەرکو ئەڤە ئێکە ژ پلانێن چاکسازیا حوکمەتێ.
بورھان ئەرگوشی، رێڤەبەرێ گشتیێ دیوانا وەزارەتا پەروەردێ بۆ رۆژناما ئەڤرۆ گۆت: “ئێک ژ پلانێن حوکمەتا ھەرێما کوردستانێ د چارچوڤێ پرۆسا چاکسازیێ دا دەستکاریکرنا میلاکێ وەزارەتا پەروەردێ یە، مە ڕاپۆرتا خوە ل دۆر ئەڤێ پرسێ دایە سەرۆکایەتیا جڤاتا وەزیران و لیژنا بلندا بەرھنگاربوونا قەیرانان، بەلێ ھەتا نوکە بەرسڤ ل سەر نەھاتیەدان، بۆ پرسا میلاکی ژی؛ مە وەکو وەزارەتا پەروەردە داخواز ژ ھەموو کارگێریێن قوتابخانان ل سەرانسەری ھەرێما کوردستانێ کریە کو ب شێوێ سیڤی ناڤێ ھەموو مامۆستایان و بسپۆریێن وانا و میلاکێ خوە بۆ وەزارەتێ بلند بکەن، داکو پێداچوون ل سەر بھێتەکرن”.
بورھان ئەرگوشی خویا ژی کر، پشتی کۆمکرنا ناڤان ژ لایێ پشکا ھونەری و ئایتی ڤە ل دیوانا وەزارەتێ، پێداچوونا تەمام ل سەر ھەموو پەروەردە و قوتابخانان دێ ھێتەکرن، ھەر جھەکێ مامۆستایێن زێدە ھەبن یان بسپۆری دزێدە بن بۆ وان قوتابخانێن پێدڤی ب مامۆستایان ھەین دێ ھێنە ڤەگوھاستن و گۆت: “مە دڤێت جارەکا دی مامۆستایێن مە ھەین ل سەر قوتابخانان بەلاڤ بکەین، بەلێ ھێشتا کار یێ تێدا بەردەوامە، ژ بەرکو کۆمکرن و بەلاڤکرنا 125 ھزار مامۆستایان کارەکێ ب سەناھی نینە”.
ئەڤرۆ نيوز:
رێڤەبەرێ بەرگریا شارستانی ل سۆران بۆ رۆژناما ئەڤرۆ دیار کر کو ل شەڤا 26ه ئادارا 2017ێ خێزانەکا عەرەب و خێزانەکا کوردێن رۆژئاڤا خواستن ب قەچاغی ل رووبارێ خێرەزۆک دەربازی ئاخا تورکیا بن، لێ ژبەر نەشارەزاییا وان کەفتینە د ئاڤێ دا و دو ژن و زارۆیەک خەندقینە.
عەمیدێ مافپەروەر عیماد کەنعان رێکانی، رێڤەبەرێ بەرگریا شارستانی ل سۆران دیار کر ژنەک ب ناڤێ (سەحەر فازل ئیسماعیل حسێن) یا 32 سالی، ئاکنجیێن بەغدانە ل تاخێ مەنسۆر دگەل کچا وێ ب ناڤێ (مەروە محەمەد) ژیێ وێ دو سالە دگەل ژنەکا کوردێن رۆژئاڤا ب ناڤێ (جڤین یونس ئەسعەد) ژیێ وێ 20 سالە کەفتینە د رووباری دا و گۆت “تیمێن مە گەھشتنە جھێ روودانێ ئێک تەرمێ سەحەر فازل ئیسماعیل دیت و بۆ پزیشکییا داد ل سۆران ھاتە ڤەگوھاستن”.
ناڤبری دیار کر کو پەیوەندی ب مە ھاتیە کرن ژلایێ حکوومەتا تورکیا ڤە کو تەرمێن جڤین یونس ئەسعەد و مەروە محەمەد، ژلایێ جەندرمێن تورکیا ڤە ھاتینە دیتن و بۆ نەخۆشخانەکا باژێرێ وانێ ھاتینە رەوانەکرن.
رێڤەبەرێ بەرگریا شارستانی ل سۆران گۆت ژی “ئەڤ دو خێزانە دگەل ب دەھان کەسێن دی ب رێکا قاچاغچی بزاڤ کرن ل سنورێ سۆران بەرەڤ وەلاتێ تورکیا بچن و جەندرمێن تورکیا ھەمی کەسێن دی دەستەسەرکرن”.
ئه‌ڤرۆ نيوز:
سەرۆکێ فڕاکسیۆنا پارتی ل پەرلەمانێ عیراقێ پشتی کۆمبوونێ دگەل سەرۆک وەزیرێن عیراقێ ئیماژە ب ڤێ چەندێ کر، کو حەیدەر عەبادی ئەو پشتڕاست کرینە پشکا دەرمانێن ھەرێما کوردستانێ ناھێتە بڕین و ئەڤ پرسە ھاتیە چارەکرن، ھەروەسا دیار کر، سەرۆک وەزیرێن عیراقێ سۆز دایە دێ ئاریشەیا پارێ گەنمێ جۆتیاران ژی چارەسەر بکەت.
دکتۆر عەرەفات کەرەم، سەرۆکێ فڕاکسیۆنا پارتی دیموکراتی کوردستان ل پەرلەمانێ عیراقێ بۆ رۆژناما ئەڤرۆ گۆت: فڕاکسیۆنێن پەرلەمانێ عیراقێ دگەل حەیدەر عەبادی سەرۆک وەزیرێن عیراقێ کۆم بوون و تێدا فڕاکسیۆنا پارتی ژی پشکداری کر و ئێک بوو ژ کۆمبوونێن گرنگێن پەرلەمانی دگەل سەرۆکێ وەزیران، لەوڕا چەند مژارەک تێدا ھاتنە بەحسکرن، ئەز ب خوە ب تنێ دگەل عەبادی کۆم بووم و تێدا من بەحسێ چەندی پرسێن ئابووری ناڤبەرا ھەرێما کوردستانێ و بەغدا کر، ژ وانا ئاریشا بڕینا پشکا دەرمانێن ھەرێما کوردستانێ و پرسا پارێ گەنمێ جۆتیاران، حەیدەر عەبادی ل دۆر بڕینا دەرمانێن ھەرێما کوردستانێ ژلایێ بەغدا ڤە ئەڤ چەندە پشتڕاست کر کو ئاریشەیەک ل وەزارەتا دارایی ھەبوویە و ھاتیە چارەکرن، لەوڕا پشکا دەرمانێن ھەرێما کوردستانێ ناھێتە بڕین ژلایێ حوکمەتا عیراقێ ڤە، ھەروەسا سۆز دایە ئاریشا پارێ گەنمێ جۆتیارێن ھەرێما کوردستانێ ژی بھێتە چارکرن.
ل دۆر سکالایێ ل سەر ھژمارەکا ماددێن پڕۆژە قانوونا دستوورێ عیراقێ دکتۆر عەرەفاتی گۆت: د کۆمبوونێ دا ب چ شێوەیەکی بەحسێ ئەڤێ پرسێ نەھاتەکرن، ئەڤ سکالایا سەرۆک وەزیرێن عیراقێ کو ھژمارەکا فڕاکسیۆنێن کوردی ل بەغدا بەحس دکەن تنێ بۆ موزایەدێ دھێتە بکارئینان و ھەر بۆ ڤێ مەرەمێ ژی پشکداری د کۆمبوونێ دا نە کر، بەلێ حەیدەر عەبادی تانە ل ھژمارەکا بەرچاڤا ماددێن ناڤا پڕۆژە قانوونا بودجا گشتیێ عیراقێ دایە و تنێ پەیوەندی ب ھەرێما کوردستانێ ڤە نینە، لەوڕا ئەگەر فڕاکسیۆنێن کوردستانێ ھند خەما پێشمەرگە و بودجا ھەرێما کوردستانێ دا بن بۆچی وانا دەنگ بۆ قانوونا بودجا عیراقێ دایە کو عیراق پارە و بودجێ خەلکێ ھەرێما کوردستانێ ژی نادەت.
ئه‌ڤرۆ نيوز:
ئەندامەکا لژنا مافێن مرۆڤی ل پەرلەمانێ عیراقێ بۆ رۆژناما ئەڤرۆ دیار کر کو پێدڤیە حەیەدەر عەبادی کۆمبوونەکا ب لەز ل گەل سەرکردێن سەربازی یێن عیراقێ و ھەڤپەیمانان ئەنجام بدەت و دبێژیت: دڤێت پلانەکا نوو یا سەربازی بۆ رزگارکرنا لایێ راستێ یێ مووسلێ بھێتە دانان.
د. ئەشواق جاف، ئەنداما پەرلەمانێ عیراقێ ل سەر لیستا پارتی ئاشکرا کر، د نھا دا داعش ل لایێ راستێ یێ مووسلێ خەلکێ سڤیل ل پێشیا شەڕی وەکو مەتالەکێ مرۆڤی ب کاردئینیت بۆ ھندێ کو گڤاشتنێ بێخیتە سەر ھێزێن ھەڤپەیمانان و لەشکرێ عیراقێ و گۆت: “ب مەرەما ژناڤبرنا ڤێ پلانا داعش، پێدڤیە کۆمبوونەکا بەرفرەە بھێتە ئەنجامدان و پلانەکا نوو یا سەربازی بۆ رزگارکرنا لایێ راستێ یێ مووسلێ بھێتە دانان، داکو بزانن چاوا سەرەدەریێ ل گەل ڤێ پلانا داعش بەرامبەری خەلکێ سڤیل بکاردئینیت بکەن و ڤی خەلکی ژ دەستان قورتال بکەن، لێ یا گرنگە رێکا تلەعفەر ل وان بھێتە گرتن”.
ئەشواق خانێ گۆتژی: “ژوورا ئوپراسیۆنا رزگارکرنا مووسلێ پێدڤی ب پلانەکا نوو یا ھەی، چونکو داعش مەترسیترین پلان دارێژتیە و خەلکێ سڤیل داناینە پێشیا شەڕی”.
وێ ئەنداما پەرلەمانێ عیراقێ داخواز ژ رێکخروارێن نیڤدەولەتی کر کو بھێن تەرمێن خەلکێ سڤیل ل بن ئاڤاھیان بیننە دەر، چونکو ھێزا بەرگریا شارستانی ئەو شیان نینن وان تەرمان بیننە دەرێ و گۆت: “ل دووڤ پێزانینێن مە وەکو لژنا مافێ مرۆڤی ھژمارا وان کەسێن ل بن ئاڤاھیان پتری 300 کەسانە و ھێزێن لەشکری نەشێن وەکو پێدڤی وان تەرمان رزگار بکەن، ژ بەرکو قناس ب دەستێن داعش ل وان دەوروبەرانە و بەردەوام د ئامادەباشیێ دانە، لەو دڤێت حوکمەتا عیراقێ ئەرکێن خوە بەرامبەری ڤان کارەساتێن ب سرێ خەلکێ سڤیل ل مووسلێ دھێن ئەنجام بدان”.
ئەڤرۆ نيوز:
د بەرنامەکی دا ب ناڤێ ( حوار الیوم) ل کەنالەکێ نێزیک مالکی ھەر چار فراکسیۆنێن ” ئێکەتی، گۆڕان، کۆمەل و ئکگرتوو” کو تێدا رێزان شێخ دلێر ژ ئێکەتیێ و موسەننا ئەمین ژ ئێکگرتوو و ئەحمەدا حاجی رەشید ژ کۆمەلێ و پشکدار ببوون و ئەندامەکێ دی یێ گۆڕان ژی ژ سلێمانیێ پشکدار ببوو، تێدا ھەر چار فراکسیۆنان داخوازا ھەلوەشاندنا ھەرێما کوردستانێ و دادگەھکرنا بەرپرسێن ھەرێمێ دکر.
د بەرنامەی دا ئەو چەندە ئاشکرا کر کو بەرنامەکێ تایبەت یێ دانای ب شکیاتکرنێ ل نێچیرڤان بارزانی سەرۆک وەزیرێن ھەرێما کوردستانێ ل دادگەھا فیدرال یا عیراقێ و نەڤەشارت ژی کو ھەر تشتەکێ ژ دەست بھێت دێ کەن بۆ وێ چەندێ ھەرێمێ نەچار بکەن مە پەترۆلێ بھنێریت، بەلکو بھێتە دادگەھکرن ژی ل سەر پەترۆلا ھەرێمێ و تالانکرنا وێ ل ھەرێما کوردستانێ.
ھەر د بەرنامەی دا، ھەر چار فراکسیۆن ل سەر کۆمپانیا کار و بانکا کوردستان ھەڤرابوون کو دڤێت بھێنە داخستن و گۆتن” کۆمپانیا کار ژ بھێتە ژ کارخستن و بانکا کوردستان ژی بھێتە داخستن و ھەموو پەترۆلا ھەرێمێ و بودجە ب بەغدا ڤە بھێنە گرێدان و ھەموو کارمەندێن ھەرێمێ بچنە بەغدا مووچەی وەرگرن.
عالیا نسەیف ئەنداما پەرلەمانێ عیراقێ ژ لیستا دەولەتا قانوونێ یا نێزیک مالکی بەروڤاژی وان گۆت مە نەڤێت ھەرێما کوردستانێ و مووچەخۆرێن کوردستانێ بھێنە بەغدا مووچەی وەرگرن و ھەرێم ژی ھەلوەشیێن ب تنێ مە دڤێت پێشمەرگە خۆ ڤەکێشیت و پەترۆلا کوردستانێ ژی رادەستی بەغدا بکەن، لێ ھەر چار فراکسیۆنان داخوازکر پارەی نەدەنە ھەرێمێ بلا مووچەخۆر بھێنە بەغدا مووچێ خوە وەرگرن و داخواز ژی کر کو پەترۆلا کوردستانێ و داھاتێ وێ ئێکسەر بەغدا ببەت.
ئه‌ڤرۆ نيوز: ره‌وان نهێلى:
ل ده‌مێ كوچا مليونێ يا سالا 1991، گه‌لێ كورد گه‌له‌ك ده‌رده‌سه‌رى و نه‌خوشى ديتن و جاره‌كادى دى ئاواره‌بووڤه، د رێدا ب سه‌دان زارۆ ژبه‌ر نه‌خوشيان گيانێ خوه ژ ده‌ست دان، گه‌له‌ك سه‌رهاتيێن راست يێن تراژيدى يێن هه‌ين، ئێك ژ وان بابه‌تان ده‌مێ بچيه ده‌ڤه‌را رێكان، دێ بينى د رێيا سه‌ره‌كى دا، ترۆمبێله‌ك ژ كاركه‌فتى يه و خودانێ ترۆمبێلێ، ترۆمبێل بجه هێلايه و خوه و زارۆيێن خوه قورتال كرينه.
پشتى ده‌ربازبوونا 26 سالان ئه‌ڤ ترۆمبێله هێشتا مايه و ژ ناڤ نه‌چوويه، ئه‌ڤرۆ نيوز دخوازيت پێزانين ل دۆر خودانێ ڤێ ترۆمبێلێ هه‌بن ئه‌گه‌ر دژياندا مابيت بۆ ئه‌نجامدانا ديداره‌كێ داكو نڤشێ نوو مفاى ژێ وه‌رگريت و بزانيت گه‌لێ كورد چه‌ند نه‌خوشى دينى نه ژبه‌ر رژێمێن ئێك ل دويڤ ئێكين عيراقى، مه دڤێت خودانێ ترۆمبێلێ پتر رۆنكرنا بۆ خوانده‌ڤانان ديار بكه‌ت ل دۆر وى ئاريشا درێيا بۆ دروست بووى و بۆيه ئه‌گه‌ر ترۆمبێلا خوه د رێيا دا بهێلێت و خوه و خێزانا خوه رزگار بكه‌ت ، له‌وما چ خوانده‌ڤانێ پێزانين هه‌بن بلا په‌يوه‌نديێ ب ڤێ ژمارێ بكه‌ت 07504569151.
ئه‌ڤ وێنه ژ ئاليێ بێوار سيدانى تايبه‌ت بۆ ئه‌ڤرۆ نيوز هاتيه هنارتينه كو ل گوندێ مازێ ل ده‌ڤه‌را رێكان هاتينه گرتن.
نيشاندان