سه‌ره‌كى نووترين نووچه

حه‌فتيا بهێت پرۆژێ كاره‌با 20 ئه‌مپيرى ل سلێمانيێ دێ كه‌فته‌ كارى

25/12/2016 18:42

219

ئه‌ڤرۆ نيوز:

سالار حسامه‌دين، رێڤه‌به‌رێ گشتى يێ كاره‌با سلێمانيێ راگه‌هاند، حه‌فتيا بهێت پرۆژێ گوهۆرينا كاره‌با مالان بۆ 20 ئه‌مپيران دێ هێته‌ بجهئينان.

سالار حسامه‌دين، رێڤه‌به‌رێ گشتى يێ كاره‌با سلێمانيێ راگه‌هاند ژى كو باژارێ سلێمانيێ بۆ 19 زۆنان هاتينه‌ دابه‌شكرن و ژ ئاليێ 9 كومپانيان پرۆژێ دابينكرنا كاره‌با 20 ئه‌مپيرى دێ هێته‌ بجهئينان.

گوت ژى: ئه‌ڤ پروسه‌ دێ دو هه‌يڤان ڤه‌كێشيت و هه‌موو مالان بێ جوداهى دێ ڤه‌گريت، و دێ 19 هزار دينار بۆ گوهۆرينا كاره‌با مالان ژ وه‌لاتيان وه‌رگرن.

پرۆژێ دانا كاره‌با 20 ئه‌مپيرى، برياره‌ 14 تاوه‌كو 17 ده‌مژمێران هه‌بيت و يا دى ژى دێ ژ ئاليێ موه‌ليدان ڤه‌ هێته‌ دابينكرن.

NRT: بارزانى كه‌ساتيێ سالێ يه‌

25/12/2016 12:20

644

ئه‌ڤرۆ نيوز:

ب گۆره‌ى ئه‌نجامێن راپرسيه‌كێ كو مالپه‌رێ ئێن ئار تى بۆ دياركرنا كه‌ساتيێ سياسى ل سالا 2016، بارزانى ب ده‌ستڤه‌ئينانا زێده‌تر ژ 73% يا رێژا ده‌نگان وه‌كو كه‌ساتيێ سالێ هاته‌ ده‌ستنيشانكرن.

ل رۆژا 20ى كانوونا ئێكێ 2016 مالپه‌رێ ئێن ئارتى راپرسيه‌ك بۆ دياركرنا كه‌ساتيێ سالێ د ناڤ سياسيێن هه‌رێمێ دا، ئه‌نجام دا كو تێدا هه‌ر ئێك ژ “مه‌سعود مسته‌فا بارزانى، نه‌وشيروان مسته‌فا ئه‌مين، كوسره‌ت ره‌سۆل عه‌لى، سه‌لاحه‌دين محه‌مه‌د بهائه‌دين، به‌رهه‌م ئه‌حمه‌د سالح، نێچيرڤان ئدريس بارزانى، هێرۆ ئيبراهيم ئه‌حمه‌د، عه‌لى باپير وه‌تمان و محه‌مه‌د حاجى مه‌حمود” د پشكدار بوون.

پشتى چار رۆژان ژ ده‌سپێكرنا راپرسيێ و ب گۆره‌ى ئه‌نجامێ دووماهيێ يێ راپرسيێ مه‌سعود بارزانى سه‌رۆكێ هه‌رێما كوردستانێ ل رێزا ئێكێ هات ب مليۆنه‌ك و 837 هزار و 369 ده‌نگان كو دبيته‌ رێژا 73.22% يا ده‌نگان.

ل رێزا دويێ و ب جوداهيه‌كا گه‌له‌ك مه‌زن كو دبيته‌ 17% هێرۆ ئيبراهيم ئه‌حمه‌د هاتيه‌ و ل رێزا سيێ ژى محه‌مه‌دێ حاجى مه‌حمود و پاشان ژى سه‌لاحه‌دين بهائه‌دين.

ب وێنه‌ و ڤيديۆ: رێوره‌سمێن كريستماسێ ل دهۆكێ

25/12/2016 11:52

262

ئه‌ڤرۆ نيوز، هه‌رهين محه‌مه‌د:

ئه‌ڤرۆ رۆژا ئێكشه‌مبى 25ى كانوونا ئێكێ 2017 ل سه‌رانسه‌رى جيهانێ رێوره‌سمێن بيره‌وه‌ريا ژدايكبوونا حه‌زره‌تێ مه‌سيح سلاڤێن خودێ ل سه‌ر بن هاتنه‌ گێران و ل دهۆكێ ژى و ل دێرا به‌رانى ئه‌ڤ رێوره‌سمه‌ ب ڤى ره‌نگى هاتنه‌ گێران:

بارزانى په‌يامه‌ك به‌لاڤكر

25/12/2016 10:00

880

ئه‌ڤرۆ نيوز:

مه‌سعود بارزانى سه‌رۆكێ هه‌رێما كوردستانێ راگه‌هاند كو ل كوردستانێ چو جاران هزرا تيرۆرێ و جوداهيا ئاينى و تايفى جهێ خوه‌ نابيت، هيڤى ژى خواست كرستيان ڤه‌گه‌رنه‌ ده‌ڤه‌رێن خوه‌.

ئه‌ڤ گۆتنێن سه‌رۆكێ هه‌رێما كوردستانێ، د په‌يامه‌كێ دا هاتن كو ب هه‌لكه‌فتا بيره‌وه‌ريا ژ دايكبوونا حه‌زره‌تێ مه‌سيح “سلاڤێن خودێ ل سه‌ر بن” به‌لاڤكريه‌ و وێنه‌ك بۆ ئه‌ڤرۆ نيوز ره‌وانه‌ كريه‌.

مه‌سعود بارزانى دبێژيت: “ژ ئه‌گه‌رێ هێرشا درندانه‌ يا تيرۆرستێن داعش كو پشكه‌كا زۆر ژ خووشك و برايێن مه‌ يێن كرستيان مال و حالێن خوه‌ ب جهـ هێلاينه‌ و نه‌شياينه‌ ڤه‌گه‌رنه‌ ده‌ڤه‌رێن خوه‌، هيڤيدارم پشتى تێكشكاندنا تيرۆرێ و نه‌مانا گه‌فان ب هێمنى و پشت راستى ڤه‌گه‌رنه‌ سه‌ر مال و حالێن خوه‌”.
سه‌رۆكێ هه‌رێما كوردستانێ هه‌ر ديسا دبێژيت: “ل كوردستانێ چو جاران هزرا تيرۆر و جوداهيا ئاينى و تايفى جهـ نابيت، ئه‌م هه‌موو د مرۆڤاتيێ دا برا و هه‌ڤپشكين و چ هێز و هزره‌كا شه‌ركه‌ر نه‌شێت براتى و پێكڤه‌ژيانا مه‌ تێك بده‌ت”.
بارزانى كرستيانان پشت راست دكه‌ت و دبێژيت: “پێشمه‌رگه‌ى ده‌ما ب خوينا خوه‌ به‌ره‌ڤانى ژ كوردستانێ كرى، خووشك و برايێن مه‌سيحى و پێكهاتێن دژى پاراستن و ده‌ڤه‌ر ئازاد كر، كوردستان ژى هه‌رده‌م وه‌كو په‌ناگه‌هه‌كێ دێ ب پشته‌ڤانيا خووشك و برايێن كرستيان ب بهايێن پێكڤه‌ ژيانێ مينيت”.

بەناوی خودای بەخشندە و میهرەبان

بە بۆنەی هاتنەوەی جەژنی لە دایكبوونی حەزرەتی مەسیح (سڵاوی خوای لێ‌ بێت)، گەرمترین پیرۆزبایی ئاراستەی سەرجەم خۆشك و برایانی خۆشەویستی كریستیان لە كوردستان و عێراق و جیهان دەكەم و هیوای جەژنێكی پڕ لە خۆشی و شادییان بۆ دەخوازم.

بەهۆی پەلاماری دڕندانەی تیرۆریستان بەشێكی زۆری خوشك و برا كریستییانەكانمان ماڵ و حاڵی خۆیان جێ هێشتووە و نەیانتوانیوە بگەڕێنەوە ناوچەكانیان، هیوادارم پاش تێكشكاندنی تیرۆر و نەمانی هەڕەشەكان بە ئاسوودەیی و دڵنیایی بگەڕێنەوە سەر ماڵ و حاڵی خۆیان.

لەم بۆنەیەدا بە پێویستی دەزانم كە خوشك و برا كریستییانەكان لەوە دڵنیا بكەمەوە كە پێشمەرگە بەخوێنی خۆی بەرگری لە كوردستان كرد و خوشك و برا مەسیحییەكان و پێكهاتەكانی تریشی پاراست و ناوچەكانی ئازاد كرد، كوردستانیش هەمیشە پەناگە و پاڵپشتی خوشك و برا كریستیانەكان و بەهاكانی پێكەوەژیان دەمێنێتەوە. لە كوردستاندا هەرگیز هزری تیرۆر و جیاكاریی ئایینی و تاییفی جێگەی نابێتەوە. ئێمە هەموومان لە مرۆڤایەتیدا برا و هاوبەشین و هیچ هێز و هزرێكی شەڕانگێز ناتوانێ برایەتی و پێكەوەژیانمان تێكبدات.

هیوادارم ئه‌م جه‌ژنه‌ ببێته‌ مایه‌ی خێر و بەختەوەری بۆ ئێوەی ئازیز و هەموو ساڵێک لە ئارامی و ئازادیدا جەژنەکانتان پیرۆز بکەن.

مسعود بارزانی

24ـی 12ـی 2016

فرۆكه‌كا رۆسى ب 91 سه‌رنشين ڤه‌ كه‌فته‌ ناڤا ده‌ريايێ

25/12/2016 09:50

967

ئه‌ڤرۆ نيوز:

ژێده‌ره‌كى ژ وه‌زاره‌تا به‌ره‌ڤانيا رۆسيا ڤه‌ديتنا چه‌ند پارچێن فرۆكا به‌رزه‌ يا رۆسى د ناڤ ده‌ريايێ دا راگه‌هاند كو ب دووراتيا شه‌ش كيلۆمه‌تران ژ كه‌نارێ ده‌ريايێ بوو ب گۆره‌ى ميدايێن وى وه‌لاتى.

وه‌زاره‌تا به‌ره‌ڤانيا رۆسيا سپێده‌هيا ئه‌ڤرۆ به‌رزه‌بوونا فرۆكه‌كا ژ جۆرێ “تۆ-154″ راگه‌هاند كو 91 كه‌س تێدابوون، پشتى چه‌ند ده‌قيقه‌كا ژ فرينێ ژ فرۆكخانا ئدلر ل باشوورێ رۆسيا.

ئاژانسا “تاس” يا رۆسى ژ زارێ ژێده‌ره‌كى ژى وه‌زاره‌تا به‌ره‌ڤانيا رۆسيا راگه‌هاند كو تيمێن هاريكاريێ جهێ گۆمانلێكرى يێ تێكشكاندنا فرۆكێ ل نێزيك كه‌نارێن ده‌ريا ره‌ش ڤه‌ديت.
فرۆكه‌ ل ده‌مژمێر 05:40 ده‌قيقه‌ ب ده‌مێ مۆسكۆ ل به‌ر چاڤێن سيسته‌مێ چاڤدێريێ به‌رزه‌ بوويه‌ و پشتى 20 ده‌قيقان ژ فرينێ ل فرۆكخانا سوچى-ئدلر كو د ناڤ دا 83 سه‌رنشين و هه‌شت كه‌س ژ تيما فرۆكه‌ڤانيێ د ناڤ دا هه‌نه‌.
ئاژانسا نۆڤۆستى يا رۆسى ژ زارێ ژێده‌ره‌كى ژ وه‌زاره‌تا به‌ره‌ڤانيا رۆسيا ڤه‌گوهاست كو تيمێن هاريكاريێ چه‌ند پشكه‌ك ژ هه‌يكه‌لێ فرۆكا به‌رزه‌ بووى ڤه‌ديتينه‌ ل گه‌ل ستوونا تايرێن روونشتنا فرۆكێ ل ناڤ ده‌ريايێ ب دووراتيا كيلۆمه‌تر و نيڤا ژ كه‌نارێن وێ.
فرۆگه‌ ب رێڤه‌بوو به‌ر ب بنگه‌هێ له‌شكرى يێ حه‌ميم ل سوريا ب هه‌لكه‌فتا باده‌كێن سه‌رێ سالێ تيمه‌كا ميوزيكى يا فرقا ئه‌لساندرۆف و 9 رۆژنامه‌ڤان هه‌لگرتبوون.
ژێده‌رى گۆتيه‌ كو رۆژنامه‌ڤانێن ناڤ فرۆكێ ل كه‌نالێن “ئێك و زڤيرا” كار دكر.

رۆژانه‌ سێ هزار گه‌شتيار قه‌ستا چيايێ كوره‌ك دكه‌ن

24/12/2016 15:27

338

ئه‌ڤرۆ نيوز: زه‌رى نه‌وزاد:

ژ ئه‌گه‌رێ هاتنا وه‌رزێ زڤستانێ، ژماره‌كا زور يا گه‌شتياران ب رێيا تلفريكێ قه‌ستا چيايێ كوره‌ك كريه‌ و گه‌له‌ك ژ وان گه‌شتياران ب شه‌ڤ ل ئاڤاهيێن گوزارى ييێن سه‌رێ چيايى دمينن.

بارزان محه‌مه‌د رێڤه‌به‌رێ گه‌شت و گوزارا سوران دياركر كو ب تنێ رۆژانه‌ ب هزاره‌هان گه‌شتيارێن ناڤخو و بيانى قه‌ستا چيايێ كوره‌ك دكه‌ن ب مه‌ره‌ما ديتنا وێنێن جوان يێن به‌فرێ.

ژيان حه‌يده‌ر ئێك ژ كارمه‌ندێن گه‌شتيارى ل چيايێ كوره‌ك دياركر كو رۆژانه‌ ئه‌م پێشوازيا نێزيكى سێ هزار گه‌شتياران دكه‌ن و دياركر كو ئه‌ڤ ساله‌ نێزيكى 40 سم ل چيايێ كوره‌ك به‌فر باريه‌.

خشته‌كێ نوو يێ مووچان، پرانيا ناڤێن وه‌زاره‌تان تێدايه‌

24/12/2016 14:55

5076

ئه‌ڤرۆ نيوز:

وەزارەتا دارایی و ئابوری یا حکومەتا هەرێما کوردستانێ خشتەیەکێ نوو یێ مووچان راگەهاند کو د ڤێ هەفتیێ دا موچەیێ چەند وەزارەتان و دەزگەهان دێ هێتە بەلاڤکرن

لگۆری وێ راگەهاندنێ رۆژا دوشەمبێ موچەیێ خانەنشنیا پێشمەرگە و مەدەنی دێ هێتە دابەش کرن.
هەروەسا رۆژا سێشەمبی ٢٧ی مەهێ موچەیێ ڤان جهان دێ هێتە دابەشکرن:
١-وەزارەتا پەروەردێ
٢- وەزارەتا خاندنا بلند و ڤەکولینێن زانستی
٣- وەزارەتا دارایی و ئابوری
رۆژا چارشەمبیێ ٢٨ێ مەهێ موچەیێ ڤان جهان دێ هێته‌ دابەشکرن
١-وەزارەتا نافخۆ
٢-وەزارەتا ساخلەمی
٣- وەزارەتا ڤەگوهاستن و گەهاند
٤- وەزارەتا پلاندانان
٥- وەزارەتا سامانێن سروشتی
٦- دەزگەهێ مین
٧- دیوانا چاڤدێریا دارایی
٨- دەستەیا مافێ مرۆڤفی
٩- دەڤەرێم کوردستانیێن درڤەیێ هەرێمێ
١٠ دەستەیا ژینگەهێ
١١- دەستەیا وەبەرهێنانێ
١٢ – دەستەیا دەسپاقژیێ
١٣- کۆمسیۆنا بلندا هەلبژاردنێن کوردستانێ
رۆژا پێشنجشەمبیێ ژى ٢٩ مەهێ موچەیێ ئەڤان جهان دێ هێتە دابەشکرن:
١-وەزارەتا کارەبا
٢-وەزارەتا باژێرڤانی و گەشت و گوزار
٢– وەزارەتا پیشەسازى و بازرگانى
4- وەزارەتا ئاڤەدانکرنێ و ئاکنجیبوونێ
5- مووچەیێ فەرمانبەرانێن وەزارەتا شەهیدان و ئەنفالکریان
6- مووچەیێ فەرمانبەرانێن وەزارەتا کارو کاروبارێ کۆمەڵایەتى
٧– وەزارەتا ڕۆشنبیرى و لاوان
٨– وەزارەتا ئەوقاف و کاروبارێ ئاینى
9- وەزارەتا چاندنێ و ژێدەرێن ئاڤێ
10- وەزارەتا داد
11- ئەنجومەنێ دادوەرى
12- سەرۆکایەتیا هەرێمێ
13- سەرۆکایەتىا پەرلەمان
14- سەرۆکایەتا ئەنجومەنى وەزیران

به‌فر بارين دێ ده‌سپێكه‌ت

24/12/2016 11:53

2835

ئه‌ڤرۆ نيوز:

رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ راگه‌هاند كو سوبه‌هى رۆژا ئێكشه‌مبى رێكه‌فتى 25ى كانوونا ئێكێ 2016 ئه‌سمانێ دهۆكێ دێ ئه‌وره‌كێ باراناوى بيت و هنده‌ك جاران ئه‌و باران بارين دێ زێده‌ كه‌ت و ل ده‌ڤه‌رێن چيايى و ده‌وروبه‌رێن باژێرى يێن بلند ژى به‌فر دێ باريت.

پشكا پێشبينيان ل رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ د نڤيساره‌كێ دا كو دانه‌ك بۆ ئه‌ڤرۆ نيوز ره‌وانه‌ كرينه‌ راگه‌هاند كو ژ ئه‌نجامێ به‌رده‌واما كارتێكرنا هه‌ردو فشارێن نزمێن ده‌ريا ناڤه‌راست و ده‌ريا سۆر بۆ سه‌ر هه‌رێما كوردستانێ دهێته‌ پێشبينيكرن ئه‌وره‌كێ باراناوى بيت و هنده‌ك جاران ئه‌و باران بارين دێ زێده‌ كه‌ت و ل ده‌ڤه‌رێن چيايى و ده‌وروبه‌رێن باژێرى يێن بلند ژى به‌فر دێ باريت.

پشكا پێشبينيان دايه‌ زايه‌ زانين كو دێ ئاراستێ باى ژى دێ باكوورێ رۆژهه‌لات بيت ب ره‌نگه‌كى د ناڤبه‌را 5 هه‌تا 10كم دا و ماوێ ديتنێ ژى دێ د ناڤبه‌را 4 بۆ 8كم دا بيت، پلێن گه‌رمێ ژى دێ د ناڤبه‌را 3 بۆ 6 پلان دا بن.

رێژا باران بارينێ د ماوێ 24 ده‌مژمێرێن بۆرى دا

24/12/2016 11:49

446

ئه‌ڤرۆ نيوز:

ژ ئه‌نجامێ كارتێكرنا هه‌ردو فشارێن نزمێن ده‌ريا ناڤه‌راست و ده‌ريا سۆر بۆ هه‌ر هه‌رێما كوردستانێ ل چه‌ندين وێستگه‌هێن جودا يێن هه‌رێما كوردستانێ ب رێژێن جودا باران باريه‌ و ل دووڤ ڤى خشتێ ل خوارێ دياركرى:

ئه‌ڤرۆ مەسیحیێن جیھانێ دێ رێورەسمێن جەژنا بوونا عیسای گێرن

24/12/2016 09:30

127

ئەڤرۆ، بەھرا بەرواری:
سالانە ل 25\12 مەسیحیێن تەڤایا جیھانێ جەژنا خوە دگێرن، کو رامانا ھندێ دەت ل ڤێ رۆژێ عیسا پێغەمبەر سلاڤێن خودێ ل سەر بن ل فلەستین ل بەیتولەحم ھاتیە دونیایێ و کریسماس ژی ژ دو پەیڤێن جودا پێک دھێت ئەو ژی (بوونا عیسایە) و ھەر مالەکێ دارا کریسماس دانن و تشتێن جودا جودا پێڤە دکەن ئەو ژی ھەر ئێکی رامانا خوە یا تایبەت ھەیە و ئەو دار ژی رامانا ئاشتیێ ددەت.
قەشە شاول قەشێ بەرۆشکێ ل دۆر رێورەسمێن ڤێ جەژنێ بۆ رۆژناما ئەڤرۆ دیار کر کو ھەر سال د کەش و ھەوایەکێ ئارام دا مەسیحیێن سەرانسەری جیھانی رێورەسمێن جەژنا ژ دایکبوونا عیسای سلاڤێن خودێ ل سەر بن دگێرن و مەسیحیێن باژێرێ دھۆکێ ژی ب کەیف و خۆشی و لێبۆرین رێورەسمێن ئایینی دگێرن و جەژنێ ل ھەڤدو پیرۆز دکەن و گۆت “سەرەرای ڤان قەیرانان دێ رێورەسمێن جەژنا ژ دایکبوونا عیسا سلاڤێن خودێ ل سە ر بن ھەر دھێنە گێران و شەڤێَ دچینە دێرێ و رێورەسمێن ئایینی دگێرین “.
قەشە شاول خویا ژی کر کو ئەڤە 2016 سالان ھاتیە ئەنجام و نەراوەستیایە و نابیت چ جاران راوەستیت، چونکی ئەڤ جەژنە دھێتە ھژمارتن دویەمین جەژنا مەزن پشتی جەژنا قیامەتێ ل دەف مەسیحیان و ئەڤ جەژنە سێ رۆژن و گۆت “ئەڤ سالە ژی وەکی ھەر سال دێ رێورەسمێن ڤێ جەژنێ ب رێڤەچن و نابیت ئەم رۆلێ پێشمەرگێ قارەمان ژبیر بکەین کو ھندی د سەنگەران دابن نابیت ژ چ تشتا ب ترسین و دێ دھۆک ھەر یا ئارام بیت”.
جیمی بریخا، وەلاتیەکێ مەسیحی یە ئاکنجیێ دھۆکێ یە، بۆ ئەڤرۆ گۆت “ئەم د ڤێ جەژنێ دا ژ سەعەت دویێ شەڤێ تاکو سەعەت حەفتی سپێدێ دچینە دێرێ و ھندە ک کەس ژی ژ سەعەت شەشی ئێڤاری حەتا 12ی شەڤێَ دچنە دێرێ و رێورەسمێن ڤی جەژنێ ئەنجام ددەن و ئەڤ جەژنە بۆ ماوێ سێ رۆژان ڤەدکێشیت و ئەم ل مالا دگەرین و جەژنێن ئێکدو پیرۆز دکەین و ئەز ڤێ جەژنێ ل ھەمی مەسیحیێن جیھانێ پیرۆز دکەم و ئەز دخوازم ئەڤ جەژنە ببیتە پرەک بۆ پێکڤەژیانێ”.
ھەژی گۆتنێ یە جەژنا ژ دایکبوونا مسیحی پشتی جەژنا قیامەتێ دھێتە ھژمارتن ب ئێک ژ گرنگترین جەژنێن مەسیحیان و ل شەڤێن 24\12 ل ھەمی سالان دەست پێ دکەت و ھەتا رۆژا 25\12 بەردەوام دبیت ب ریورەسمێن ئاینی.

نيشاندان 1...30 1,030 2,030 2,0382,0392,040 3,040...3,093 زێده‌تر

لاپه‌ر 2,039 ژ 3,093