ئه‌ڤرۆ نیوز:
ل باژارێ قامشلۆ ل رۆژئاڤایێ كوردستانێ خوه‌نیشاندانێن ئاشتییانه‌ ژ ئالیێ ئالیگرێن ئه‌نجوومه‌نا نیشتمان یا كوردی ل سووریێ (ئه‌نه‌كه‌سێ) ڤه‌ هاتنه‌ كرن، ب مه‌ره‌ما دیاركرنا نه‌رازیبوونا خوه‌ ژ گرتنا ئه‌ندامێن ئه‌نه‌كه‌سێ ژ ئالیێ پارتا ده‌ستهه‌لاتدار په‌یه‌دێ ڤه‌.
پشتی ده‌ستوه‌ردانا ئاسایشێ شه‌ر و په‌ڤچوون په‌یدا بوون و چوار كه‌س ب سڤكی بریندار بوون.
هه‌روه‌سا ئاساییشا رۆژئاڤایێ كوردستانێ ده‌ست ب گرتنا هنده‌ك ئۆفیسێن پارتێن كوردی ل قامشلو و باژارێن دی یێن رۆژئاڤا كرن.

ئه‌ڤرۆ نيوز:

حوكمه‌تا سعوديێ پێداچوون د بڕيارا رسۆماتێن سه‌ر ڤيزا عومره‌كاران دا كر و رێنمايێن نوو ده‌ركرن.

كاروان ستوونى به‌رپرسێ راگه‌هاندنا رێڤه‌به‌ريا كاروبارێن حه‌ج و عومرێ ل هه‌رێما كوردستانێ راگه‌هاند كو ب گۆره‌ى ژێده‌ره‌كى ژ سعوديێ ئێدى ئه‌و پارێ زێده‌ ئه‌وێ خستيه‌ سه‌ر ئه‌و كه‌سێن سالا بۆرى و سالێن به‌رى نوكه‌ عومره‌ كرين هاته‌ لادان و كار پێ ناهێته‌ كرن.

سه‌دره‌دين سيرينى خودانێ گرۆپێ كۆمپانيێن روه‌يده‌ بۆ حه‌ج و عۆمرێ كو په‌يوه‌ندى ل گه‌ل گه‌له‌ك كۆمپانيێن سعودى هه‌يه‌ ئه‌ڤ نووچه‌ پشت راستكر و گۆت: “بڕياره‌كا گه‌له‌ك باش بوو”

سه‌يد عه‌بدولا خودانێ كۆمپانيا سعوديه‌ بۆ حه‌ج و عومرێ ئه‌ڤ بڕياره‌ ب بڕياره‌كا د جهێ خوه‌ دا وه‌سفكر و گۆت: “ئه‌ڤ بڕياره‌ دێ كارتێكرنه‌كا زۆر كه‌ته‌ سه‌ر چوونا عومره‌كارێن كوردستانێ بۆ سعوديێ چونكو ژ ئه‌گه‌رێ وێ قه‌يرانا دارايى، هه‌موو خه‌لك نه‌دشيا وى كۆژمێ پاره‌ى بده‌ت”.

حوكمه‌تا سعوديێ ژ ده‌سپێكا ئه‌ڤ ساله‌ بڕيار دابوو كو هه‌ر كه‌سه‌كێ د ماوێ سێ سالێن بۆرى دا عومره‌ كربيت دڤێت دو هزار ريالێن سعودى بده‌ته‌ حوكمه‌تا سعوديێ كو دكه‌ته‌ زێده‌تر ژ 500 دۆلارێن ئه‌مريكى.