ئهڤرۆ نيوز، بارزان مزوورى:
نووترين نووچه
- رێباز حەملان: پارتی نهو پتر ژ هەر دەمەكێ بەرهەڤە بۆ دوبارەكرنا هەلبژارتنان
- پەیڤدارێ فراكسیۆنا پارتی: بنەمایێن هەڤپشكی و وەكهەڤیێ ل ئیراقێ نەماینە
- د. زیرەك زێباری: پترییا فراكسیۆن و حزبان دخوازن پارتی بایكۆتا پەرلەمانی بشكێنیت
- د سالڤەگەڕا بۆردۆمانكرنا قەلادزێ دا، سەرۆك بارزانی: ئەو كارەساتە زنجیرەكا دی یا تاوانێن رژێمێ بوو
- نێچیرڤان بارزانی: بوردۆمانكرنا زانكۆیا سلێمانیێ و قەلادزێ ئیرادەیا گەلێ كوردستانێ نەشكاند
- نێچیرڤان بارزانی و ئیراقچی رەوشا دەڤەرێ گەنگەشە دكەن
- ب رێز و سەربلندی ڤە بیرئینانا شەهیدێن قەلادزێ دكەین
- حوكمەتا هەرێمێ: چو بارەگەهـ و ناڤەندێن مەشق و راهێنانا دەزگەهێن هەوالگیرییا وەلاتان ل كوردستانێ نینن
- دبیت هەلبژارتنێن پێشوەخت ببنە چارەسەری
- 809 هێرش ل سەر هەرێما كوردستانێ هاتینە كرن 20 شەهید و 123 بریندار هەنە
سهرهكى نووترين نووچه
پارێزگهرێ دهۆكێ هاته دهنگ
ئهڤرۆ نيوز:
پشتی رویدانا دهست برینا (سهنا) یا زاروك بهلاڤبوی ، ئهڤرو ئێڤاری 18-4-20177 فهرهاد ئهمین ئهتروشی پارێزگهرێ دهوكێ وب ئامادهبونا بهرێز(د.نزار عسمهت ) رێڤهبهرێ گشتی یێ ساخلهمیێ ل پارێزگههێ كونگرهكێ روژنامهڤانی ئهنجامدا.
لبهراهیێ پارێزگهرێ دهوكێ گوت: مه وهكو كارگێریا پارێزگهها دهوكێ دوهی 17-4-2017 سهرهدانا سهنایا زاروك كریه وژنێزیك هایداری رهوشا وێ بوینه ئهو رویدانا چێبوی بو مه تشتهكی زور نهخوشبویه ومه ب دهیك وبابێن وێ را راگههاندیه كو ئهڤ كارێ چێبوی ئهم ژكهسهكی قهبول ناكهین ومه وهكو پارێزگهها دهوكێ پێرابونێن خو یێن كارگێری ویاسایی وهرگرتینه وههر پشتهڤانییهكا پێدڤی بكهت دێ بو سهنایا زاروك یا غهدر لێ هاتیه كرن ئهنجامدهین.
ههروهسا گوت: ئهڤه دوو روژه مه كار لسهر ڤێ كهیسێ ل ئاكرێ ودهوكێ كریه و دویڤ چون دهێته كرن ومه فشارهكا مهزن ئێخستیه سهر سازیێن پهیوهندیدار و دوو كهس هاتینه گرتن وهندهكێن دیژی هاتینه بن چاڤكرن وئهم دێ ههموو پێرابونێن كارگێری ویاسایی بهرامبهر وان كهسا وهرگرین یێن خهمساری دڤێ كهیسێ دا كری ههروهسا تهكهزكر كو ژئهڤرو وێڤه ئهم دوو دل نابین وههموو پێرابون دێ هێنه وهرگرتن بهرامبهر ههر كهسهكێ خهلهتیان بكهت ودڤێت یاسا سهروهربیت بو ههر كهیسهكێ.
ژلایێ خوڤه رێڤهبهرێ گشتی یێ ساخلهمیا پارێزگهها دهوكێ رونكرن دانه سهر رودانا كهیسا سهنایا زاروك ههر ژدهستپێكێ وههتا لیژنا نوشداریا تایبهتمهند بریار دای كو دهستێ وێ بهێته برین وتهكهزكر كو رێڤهبهریا گشتی یا ساخلهمیێ ههموو پێرابونێن كارگێری ویاسایی ئهنجامداینه ههمبهر دویڤ چونا رودانێ وكهیسا سهنا یا زاروك.
كیژان وهلاتێن جیهانێ چهكێ ئهتۆمی ههیه و چهند ههیه؟
حهیدهر شهشۆ دهست ژكاركێشانا خوه ژ ئێكهتیێ راگههاند
ئهڤرۆ نیوز:
حهیدهر شهشۆ، ئهندامێ جڤاتا ناڤهندی یا ئێكهتییا نیشتمانی یا كوردستانێ دهست ژكار كێشا.
حهیدهر شهشۆ د داخویانییهكا میدیایی دا گۆت: وی ب فهرمی دهستژكاركێشانا خوه پێشكێشی جڤاتا ناڤهندی یا ئێكهتیێ كرییه.
ههروهسا شهشۆی دیار كر كو ئهڤ بریارا وی بۆ رهوشا شنگالێ و مژوولبوونا وی ب دامهزراندنا پارتهكا نوو ب ناڤێ پارتا دیمۆكراتی یا ئێزدی ڤهدگهریت.
پارتا دیمۆكراتی یا ئێزدی دهستووری ژ بهغدا وهرگرتییه و داخوازا دهستووریێ ژ ههولێرێ ژی كرییه.
ب ڤیدیۆ: پۆلیسێن رووسیا ب ڤی ئاوایی پلاندانهرێ هێرشا پترسبۆرگ گرت
ئهڤرۆ نیوز:
پۆلیسێن رووسیا ڤیدیۆیهك بهلاڤ كر كو گرتنا ئێك ژ پلاندانهرێن هێرشا تیرۆرستی یا میترۆیا سان پترسبۆرگ نیشان ددهت.
پۆلیسێن رووسیا دیار كر كو ئهو بهرگومان ل دهڤهرهكا نێزیك مۆسكۆ هاته گرتن و دیاره ئهو ژ ناڤهراستا ئاسیایه.
د پهقینا میترۆیا سان پترسبۆرگ پتری چوارده كهسان هاتبوونه كوشتن و بدههان كهس ژی بریندار ببوون، ب مهزنترین هێرشا تیرۆرستی د چهند سالێن بۆری دا ل رووسیا دهێته ل قهلهمدان.
پهرلهمانتارهكێ ههدهپێ: كوردان ڤێ جارێ ئهردۆغان رزگار كر
ئهڤرۆ نیوز:
پهرلهمانتارێ ئامهدێ یێ پارتا دیمۆكرات یا گهلان ههدهپێ، ئالتان تانی ل دۆر ئهنجامێن رێفراندۆما توركیا ئاخفت و راگههاند: كوردان رهجهب تهیب ئهردۆغان، سهرۆككۆمارێ توركیا رزگاركر.
ئالتان تانی گۆت: ههڤپهیمانییا ئهردۆغانی دگهل مهههپێ پێكئینای شكهستن ئینا و رهوشهكا سهرنجراكێش چێبوو و ئهو ژی كوردان بدهنگێن خوه ئهردۆغان رزگار كر، پێدڤییه سهرۆككۆمارێ توركیا ههلسهنگاندنهكێ بۆ وێ یهكێ بكهت و قهرێ وێ وهفادارییا كوردان بدهت.
ئەڤرۆ بەلێندەرێن دھۆکێ دێ 6% ژ پارێ پرۆژێن خوە وەرگرن
دھۆک، ئەکرەم ئیبراھیم:
پشتی ئەنجومەنێ وەزیرێن حوکمەتا ھەرێما کوردستانێ کۆژمێ دو ملیار و 916 ملیۆن دینار بۆ پرۆژێن گەشەپێدانا ھەرێمان دابین کرین، رێژەکا پارێ بەلێندەرێن پرۆژێن خزمەتگوزاری یێن بجھئیناین یێن 2015 و 2016 دێ ھێتە دان و ل پارێزگەھا دھۆکێ ئەڤرۆ 17ى نيسانا 2017ێ دێ دەست ب بەلاڤکرنا ڤان پارا ھێتە کرن.
ئەندازیار ئوسمان یونس جێگرێ پارێزگارێ دھۆکێ بۆ کاروبارێن تەکنیکی د داخویانیەکا تایبەت دا بۆ رۆژناما ئەڤرۆ دیار کر پشتی ھاتنا ڤی کۆژمێ پارەی بۆ پارێزگەھا دھۆکێ، لیژنەک بۆ بەلاڤکرنا ڤی کۆژمێ پارەی و دانانا میکانزم و سیستەمەکی دادپەروەرانە د بەلاڤکرنێ دا ھاتە پێکئینان.
جێگرێ پارێزگارێ دھۆکێ بۆ کاروبارێن تەکنیکی دیار کر ل گۆر بریارا وەزارەتا پلاندانانێ نابیت چ بەلێندەر کێمتر ژ رێژا 10% وەرگرن، لێ ل دووڤ پارێ بۆ پارێزگەھا دھۆکێ ھاتیە خەرجکرن ب تنێ رێژا 6% دگەھیتە بەلێندەران و 125 پرۆژە دێ مفای ژ ڤی کۆژمێ پارەی بینن و ھەر ئێکی رێژا پارەی دێ ل دووڤ قەبارێ پارێ پرۆژێ وی گەھیتێ و ئەڤ بەلێندەرە دشێن ئەڤرۆ 17ى نيسانا 2017ێ قەستا بەنکا داسنیا بکەن بۆ وەرگرتنا رێژا پارێ خوە.
500 ملیۆن دینارێن بۆ رێیا چەمەی ھاتینە مەزاختن ب ئاڤێ دا چوون
ئهڤرۆ نيوز:
رێڤەبەرێ رێک و پران ل پارێزگەھا دھۆکێ ئاشکرا کر، ژ ئەگەرێ باران و لەھیا رۆژێن بۆری پشکەک ژ رێیا چەمە کو ھەردو پارێزگەھێن دھۆک و ھەولێرێ پێکڤە گرێ ددەت بن ئاڤبوویە و دیار کر، بەرھەڤی بۆ سەخبێریکرنا رێکێ ھاتینە کرن.
دێوالی حەمێ بریندار، رێڤەبەرێ رێک و پرا ل پارێزگەھا دھۆکێ بۆ رۆژناما ئەڤرۆ دیار کر، لەھی و بارانا رۆژێن بۆری کاریگەری ل سەر رێک و پرێن ھەرێما کوردستانێ کریە و گۆت: “پشکەک ژ رێیا چەمەی بن ئاڤێ کەفتیە و بوویە ئەگەرێ تێکچوونا رێکێ و ھاتنوچوون د ناڤبەرا ھەردو پارێزگەھێن دھۆک و ھەولێرێ دا ب رێیا چەمەی ھاتیە گرتن و نوکە رێک نینە، لەوڕا ئەم یێ بزاڤان دکەین تیمێن مە کار بکەن بۆ ڤێ چەندێ کو رێکا چەمەی بھێتە ڤەکرن و جارەکا دی ھاتنوچوون ئاسایی ببیتە ڤە”.
دێوالی حەمێ گۆتژی: “بەری نوکە سەرۆکایەتیا جڤاتا وەزیران کۆژمێ 488 ملیۆن دیناران بۆ چێکرنا رێکێن دەوروبەرێ پرا چەمەی مەزاخت بوون، لێ مخابن رێک ژی بن ئاڤبوویە، بەلێ مە ئامیرێن خوە برینە سەر پرا چەمە و ئەم یێ چاڤەڕێ دکەین ئاستێ ئاڤێ کێم ببیت ھەتا دەست بکارێ سەخبێریکرنێ بکەین، ژ بەرکو رێک یا بن ئاڤێ کەفتی و ئەم نزانین قەبارێ تێکچوونا رێکێ چەندە و ب چەند رۆژان دێ ھێتە سەخبێرکرن، بەلێ بێگۆمان ھەر چاوا بیت دێ رێک دوبارە ل ھەمبەر وەلاتیان ھێتە ڤەکرن”.
ئێزدی بەرھەڤیێن گێڕانا جەژنا چارشەمبیا سۆر دکەن
ئهڤرۆ نيوز:
رێڤەبەرێ کاروبارێن ئێزدیان ل دھۆکێ دیار کر، نوکە ئێزدی یێ بەرھەڤیێن خوە دکەن بۆ گێڕانا جەژنا چارشەمبیا سۆر کو ب جەژنا سەرێ سالا کوردێن ئێزدی دھێتە ھژمارتن و چارشەمبیا بھێت رێورەسمێن وێ دێ ھێنە گێڕان. دێ رۆژا چار شەمبیا بھێت رێ و رەسمێن جەژنێ ھێنە گێران.
ھادی دوبانی، رێڤەبەرێ کاروبارێن ئێزدیان ل دھۆکێ بۆ رۆژناما ئەڤرۆ ئاشکرا کر، ب ھەلکەفتا ھاتنا جەژنا چارشەمبیت سۆر یا کوردێن ئێزدی کو دکەڤیتە چارشەمبیا بھێت 19/4/2017 بھێنڤەدانا فەرمی یە ل ھەموو دام و دەزگەھێن حوکمەتا ھەرێما کوردستانێ و گۆت: “نوکە ئێزدی یێ خوە بۆ گێڕانا رێوڕەسمێن جەژنا چارشەمبیا سۆر بەرھەڤ دکەن، دیسا ل ڤێ جەژنێ ئێزدی ھێکان رەنگاوڕەنگ دکەن و چەندین رێوڕەسمێن ئایینی یێن تایبەت دھێنە گێران، ل ئێڤاریا رۆژا چارشەمبی 336 فتیل و چرا ل پەرستگەھا لالش دھێنە ھەلکرن”.
ھادی دوبانی ئاماژە ب وێ چەندێ ژی کر، ئەڤ جەژنە ل نک کوردێن ئێزدی گەلەکا پیرۆزە، چونکو ئەڤ جەژنە د باوەریا ئێزدیان دا ب جەبرینا ئەردی ڤە یا گرێدایە، جەژنەکا گەلەک کەڤنارە و ھەتا نوکە بەردەوام رێورەسمێن جەژنا چارشەمبیا سۆر کو دبیتە سەرێ سالا ئێزدیان، دھێنە ساخکرن.
مالكى دێ پۆستهكێ گهلهك مهزن و كاريگهر ل عيراقێ وهرگريت
ئهڤرۆ نيوز:
نووری مالکی سەرۆک وەزیرێن بەرێ یێ عیراقێ بزاڤان دکەت جارەکادی ڤەگەڕیت سەر دەستھەلاتێ و سیاسەتمەدارەکێ کوردژی ئیماژە بڤێ چەندێ دکەت، کو ڤەگەڕیانا مالکی بۆ سەر دەستھەلاتێ دێ زیانێن زۆر بۆ پڕۆسا سیاسی ل عیراقێ ھەبن و دیارکر، لسەر دەمێ نووری مالکی سەرۆک وەزیر چەندین کارەسات بسەر عیراقێ دا ھاتینە.
دکتۆر مەحموود عوسمان، سیاسەتمەدارێ کورد بۆ رۆژناما ئەڤرۆ گۆت: نووری مالکی سەرۆک وەزیرێن بەرێ یێ عیراقێ و سەرۆکێ دەولەتا قانوونێ بزاڤێن خوە خورترکرینە ل ھەلبژارتنێن داھاتیێن عیراقێ سەرکەڤیت و جارەکادی ڤەگەڕیت سەر دەستھەلاتێ و ببیتە سەرۆک وەزیرێن عیراقێ، چونکە نوکە ئیران یا ل ئەدایێ کارکرنێ حەیدەر عەبادی سەرۆک وەزیر رازینینە و گورەی سیاسەتا وان دبێژن عەبادی پتر کەفتیە بن کاریگەریا ئەمریکا، پتر مەیلا ئەمریکا ڤێ یە نەک ئیرانێ، لەوڕا ئیرانژی یا پشتەڤانیا ڤەگەڕیانا مالکی دکەت، بەلێ ب ئەگەرێ تێکچوونا نافمالا شیعی پشکەکا عەرەبێن شیعە دژی ڤەگەڕیانا نووری مالکینە و ھندەکژی پشتەڤانیێ لێ دکەن، بخۆژی مالکی جەماعەتا خوە و بڕیارە لجھێ عەمار حەکیم ببیتە سەرۆکێ ھەڤپەیمانیا نیشتیمانیا شیعی.
دکتۆر مەحموود عوسمانی گۆتژی” ڤەگەڕیانا مالکی بۆسەر دەستھەلاتێ و جارەکادی ببیتە سەرۆک وەزیرێن عیراقێ دێ زیانێن مەزن ب پڕۆسا سیاسیا عیراقێ کەڤن، چونکە ناڤھاتی ھەشت سالان سەرۆک وەزیرێ عیراقێ بویە و لسەردەمێ دەستھەلاتا وی زۆر کارەسات و نەخۆشی بسەر عیراقێ دا ھاتینە وەکی ھاتنا گروپا تیرۆرستیا داعش و زۆرێن دیژی، ئەز بخوە دگەل ڤێ چەندێ نیمە جارەکادی ئەف کابرایە ببیتە سەرۆک وەزیرێن عیراقێ و ڤەگەڕیاناوی دێ بیتە ئەگەرێ چێبوونا ئاریشەیان دناڤ وەلاتێ عیراقێ دا، بتایبەتی بۆ کوردا ھەر زۆر خرابە نووری مالکی ڤەگەڕیتە دەستھەلاتێ، ژبەرکو موچە و بودجێ خەلکێ ھەرێما کوردستانێ بڕینە و بۆیەر ئەگەرێ تێکچوونا پەیوەندیێن ناڤبەرا ھەرێم و بەغدا، نەشێم بێژم دێ سەرکەڤیت بۆ بدەستڤە ئینانا پۆستێ سەرۆک وەزیران یان نە، بەلێ ئەز ڤێ دزانم مالکی ڤەگەڕیت دێ رەوش زۆر ئالۆزبیت و زیان دێ ھەبن بۆ عیراقێ ب گشتی و بۆ کوردا بتایبەتی.
نيشاندان
WP Facebook Auto Publish Powered By : XYZScripts.com