ئه‌ڤرۆ نیوز:
رێڤەبەرێ گشتیێ ڕەوشەنبیری و هونەری پشتی چوار سالان ژ خزمەتا بەرچاڤ ل رێکەفتی ۱٥/۱۱/۲٠۱٦ دەست ژ کارکێشانا خوە پێشکێشی سەرۆکاتیا ئەنجومەنی وەزیران و وەزارەتا رەوشەنبیری و پارێزگارێ دهۆک کر.
ل دووڤ پێزانینان ژبەر مژیلبونا وی ب تازیا برازایێ خوو،چەند رۆژەکان بابەت گیرۆبوو، لێ ئەڤرۆ هەلویستێ خوە بپراکتیک گەهاندە ئەنجام و داخاز ژ پارێزگارێ دهۆک کر گەنجەکێ ژێهاتی و پێگەهشتی بهێتە دانان ل شینا وی.
(ئەیوب ره‌مه‌زان ) ئێکەمین نمونە و بوێرترین هەلوێستە کە هیڤی و ئومێدان ددەتە گەنجێن هەرێمێ.
ئه‌ڤرۆ نيوز:
ژ ئەگەرێ بۆردومانکرنا بەردەوام یا گوندێن سنوورێ قەزا ئامێدیێ ژ لایێ تورکیا ڤە چەندین گوند ھاتینە چولکرن و وەلاتی ژی دلگرانیا خوە ل سەر ڤێ چەندێ نیشان دەن، چونکی گەلەک زیانێن ماددی گەھشتینە وان.
سەربەست بانی رێڤەبەرێ ناحیا چەمانکێ یا سەر ب قەزا ئامێدیێ ڤە بۆ رۆژناما ئەڤرۆ دیار کر کو رۆژانە گوندێن سنوورێ ناحیا وان ژ لایێ فرۆکێن شەرکەرێن تۆرکیا ڤە دھێنە بۆردومانکرن و گۆت: “دووماھی بۆردومان ژی یا شەڤا 28 ل سەر 29ى چريا دويێ 2016ێ بوو و ژ ئەگەرێ وێ بۆردومانێ وەلاتی نەشیان بنڤن و ترسەکا مەزن ل دەف وان پەیداببوو”.
ناڤھاتی ئاماژە دا وێ چەندێ کو سەرەرایی بۆردومانا فرۆکێن شەرکەرێن تۆرکیا کو بووینە ئەگەرێ چولکرنا گوندێن سنوورێ ناحیا چەمانکێ ھەبوونا پەکەکێ ژی ل دەڤەرا وان بوویە رێگر کو ئەو گوند نەھێنە ئاڤەدانکرن و ژ بەر ھەبوونا بارەگایێن پەکەکێ ل دەڤەرا وان نێزیکی 40 ھەتا 50 گوندێن بەرواری ژێری و زێباریان ل سنوورێ ناحیا چەمانکێ ب چولی ماینە.
ل دووماھیێ رێڤەبەرێ ناحیا چەمانکێ ئاشکرا کر کو ھیڤی و ئۆمێدێن خەلکێ دەڤەرا چەمانکێ ئەون جارەکا دی ڤەگەڕنە سەر گوندێن خوە و دەست ب ئاڤەدانکرنێ بکەن.
ئه‌ڤرۆ نيوز:
کەسایەتیێ ئاینی یێ شیعە مەزھەبێ عیراقی دکتور ئەیاد جمالەدین د ئەکاونتەکێ تایبەت دا ل سەر لاپەرێ خوە نڤیسی یە وەلاتێ ئیرانێ ل ژێری و ناڤەراستا عیراقێ (حەشدا شەعبی) وەکی کوپیا حزبوللا یا لوبنانێ دامەزارندن، ھەروەسا دبێژیت ئەڤرۆ عیراق ب تەمامی وەکی لوبنان لێھات.
ناڤبری ھەروەسا ئماژەدا ھندێ، ھەردو لەشکر و میلیشیاتێن ستراتیجی یێن ئایەتوللا (خومەینی) بۆ پاراستنا دەستھەلاتا خوە چێکرن، چونکی رێبەرێ شۆرەشا ئیرانێ باوەری ب لەشکرێ ئیرانێ نەبوو، ھەر ژ بەر ھندێ ب لەز لەشکرێ پاسداران ھاتە دروستکرن، جمالەدین گۆت: ئیرانێ حزبوللا یا لوبنانێ دروستکر و ئیرانێ میلیشیاتێن حزبوللا کرنە چەکدارێن پیرۆز و ھەمان ئارمانجێ دێ ل عیراقێ بجھئینیت.
ئه‌ڤرۆ نيوز:
لیوا روکن ئەحمەد حەسەن الجبوری،سەرپەرشتێ لەشکرێ عێراقێ ل میحوەرێ شەلالات بو روژناما ئەڤرو دیار کر کو ل ڤی میحوەری ھێزا ئێک ژمارا 16 یا لەشکرێ عێراقێ ب چەکێ گران و بچووک بەشداری د رزگارکرنا گوندێ دێرج و بایبوخت و تلیارە و سماقیە و وەرتەخراب و سەلام و عەباسیە و شەلالات و بعوێزە و تلیارس و چموک دا كريه.
دا زانين ژى كو د نھا دا ئەڤ گوندە بتمامی ھاتینە رزگارکرن ب شەرەکێ دژوار چونکو خەلکێ سڤیل دناڤ ڤان گوندا ھەبوو گەلەک یا ب زەحمەت بو حەتا ھاتین رزگارکرن دەمێ ھاتین رزگارکرن بو ماوێ 4 روژا مە خارنا لەشکری دا ڤان خەلکێ سڤیل چونکو رەوشا وان بەرەڤ رەوشەکا خراب دچو چونکو دماوێ چار روژان چو رێکخراوێن مروڤایەتی نەشیان بگەھنە ل ڤان جھێن ھاتین رزگارکرن چونکو رەوشا وان جھان نەیا ئارام بو گەلەک ژوان خەلکێ ڤان گوندا ئەڤە دوو سال بو ئاوارە بونە ھەرێما کوردستانێ رەوشا وان گەلەک یا باشە ئەو بەھرا مایی بو کەمپا ھاتینە ڤەگوھاستن پتریا خەلکێ ڤان گوندا شەبەکن و ھندەک عەرەب ژی دناڤ ھەنە.
ناڤبری دیار کر کو دەمێ رزگارکرنا ڤان گوندا 10 چەکدارێن داعش ھاتنە دەستەسەرکرن ژلایێ لەشکرێ عێراقێ ڤە ئەوا شەر بەرامبەری لەشکری و پێشمەرگەی شەر دکر.
ناڤبری گوت: کو نوکە لەشکرێ عێراقێ ل سەدا بعوێزەیە و گوندێ عەباسیەیە ئەڤ ھەردوو ئالی یە بتمامی نەھاتینە رزگارکرن شەرەک مەزن ڤان جھێن دھێت کرن دناڤبەرا لەشکرێ عێراقێ و داعش بس نەشێت وەکو بەرێ نوکە بەرگریێ بکەت شەرێ وان ب خوکوژ و ھاونا و ترومبێلێن تێنتی کریە نێزیک 10 ترومبێلێن تێنتی کری یێن داعش ھاتینە ناڤبرن بەری بگەھنە ناڤ لەشکری ،حەتا لەشکەرێ بگەھیتە باژێرێ مووسل گەلەک قوناغ دێ پێ چن چونکو گەلەک TNT ھاتینە چاندن.
ناڤبری زێدەتر گوت کو ئەڤ دەڤەرە نێزیکی 30% ھاتینە کاڤلکرن ژلایێ داعش ڤە .
ئه‌ڤرۆ نیوز:
پشتى شاندێ مه‌كته‌با سیاسى یا پارتى ل گه‌ل حزبا سوسیالیستا دیموكراتا كوردستانێ كومبووى، محه‌مه‌د حاجى مه‌حمود سكرتێرێ وێ حزبێ راگه‌هاند” سه‌رۆك بارزانى چ به‌هانه بۆ حزبێن كوردستانى نه‌هێلاینه كو رێگریێ دروست بكه‌ن”.
محه‌مه‌د حاجى مه‌حمود ئاماژه ب وێ یه‌كێ ژى كر كو ئه‌وا جهێ دلخوشیا هه‌موو حزب و لایه‌نێن سیاسى رژبوونا وانه ل په‌یاما سه‌رۆكێ هه‌رێمێ و هه‌موو پشته‌ڤانیێ لێ دكه‌ن.
فازل میرانى سكرتێرێ مه‌كته‌با سیاسى یا پارتى دیموكراتى كوردستان پشتى كومبوونا ل گه‌ل حزبا شیوعى راگه‌هاند” ئه‌و ل دووڤ پرۆژه‌كێ هه‌ڤپشك دگه‌رێین، ئانكو پارتى پرۆژه‌یه‌كێ دیاریكرى نینه تاوه‌كو بێخته به‌ر سینگێ لایه‌نان، بۆ وێ یه‌كێ لایه‌ن پێ رازى ببین یان ئاخافتنا خوه ل سه‌ر بكه‌ن، مه مه دڤێت پرۆژه‌كێ هه‌مه‌لایه‌ن به‌رهه‌ڤ بكه‌ین”.
ئەڤرۆ نیوز:
بووک و زاڤایەک ل ویلایەتا ئۆھایو ل ئەمریکا ب ترۆمبێلی بەر ب ھۆلا شەھیانێ ڤە دچوون و ھەمی مێڤان ل ھیڤیێ بوون، لێ کەفتنە ناڤ قەرەبالغەکا مەزن یا ترافیکێ و بۆ دەمەکی درێژ گیرۆ بوون.
ل شوونا خوە بۆ تشتەکێ تۆرەکەن کو نەبدەستێ وان، بووک و زاڤا ژ ترۆمبێلی دەرکەفتن و ل نیڤا جادێ سەما کر و خەلکی ژی پیرۆزباھییا وان کر.
ل داویێ برازاڤا هات بووک و زاڤا برێیەکا دی قورتال کرن و برنە ھۆلا شەھیانێ و ئاھەنگێ دەست پێ کر.
ئەڤرۆ نیوز:
رێکخستنا تیرۆرستی یا داعشێ ل گوندێ دانە ل نێزیکی باژارێ بابێ ل باکۆری سووریێ، دو سەربازین تورکیا ئیخسیر کرن.
داعشێ د راگەھاندنەکێ دا ل مالپەری خوە یێ سەرەکی راگەھاند: دو سەربازێن تورک ب ساخی کەڤتینە دەستێ مە دا”
سوپایێ تورکیا پشتەڤانییا سوپایێ ئازادێ سووریێ ل باکۆری سووریێ دکەت، ب مەرەما کۆنترۆلکرنا باژاری بابێ و ژناڤبرنا پلانا یەپەگێ ل رۆژئاڤایێ کوردستانێ کو دخوازیت ھەردو کانتۆنێن کۆبانێ و عەفرینێ بگەھیننە ئێک.
نيشاندان