ئەڤرۆ نیوز:
پەرلەمانتارەکا پارتی دیموکراتی کوردستان ئاماژە بوێ چەندێ دکەت، کۆمبوونا سوبەھی رۆژا چوارشەمبی د ناڤبەرا حوکمەتا ھەرێما کوردستانێ و فڕاکسیۆنێن دێ یا گرنگبیت و پێدڤی بو لایەنێ سیێ پشکداری کۆمبوونێ کربایە و ھەموو راستی بیرکاری زەلالی بۆخەڵکی بھێنە خوەیاکرن، و زیانێن بودجا گشتیێ عێراقێ چنە ل سەر ھەرێما کوردستانێ.
دکتۆرە ئەشواق جاف ئەنداما فڕاکسیۆنا پارتی ل پەرلەمانێ عێراقێ بۆ رۆژناما ئەڤرۆ گۆت” کۆمبوونا سوبەھی رۆژا چوارشەمبی دناڤبەرا سەرۆکایەتیا جڤاتا وەزیرێن ھەرێما کوردستانێ و فڕاکسیۆنێن کوردستانی ل بەغدا زۆرا گرنگە، چونکە قۆناغەکا زۆر ترسناک ھەیە پشتی بجھئینانا قانوونا بودجێ، ژبەرکو فڕاکسیۆنێن کوردستانی دەنگ بۆ قانوونا بودجێ گشتیێ عێراقێ یە، بەلێ ئەو ب خوەژی باش دزانن بەغدا پارەی نادەتە ھەرێما کوردستانێ، بەغدا بخوە رەشنڤیسا بودجێ بجھنائینیت، ئەف داھاتێ نوکە بۆ عێراقێ دھێت بەھرا موچێ فەرمانبەران و شەڕێ داعش ناکەت، مە بەلگە ھەنە بەغدا زێدەتر گرانیا خوە ئێخستیە سەر بدەستڤەئینانا قەڕێ نێڤدەولەتی و یەدەکێ بانکا ناڤەندی بۆ تمامکرنا موچێ فەرمانبەرێن خوە، چو رامان تێدا نینە بەغدا بچیت پارەی قەڕ بکەت و بڤی قەڕی موچێ فەرمانبەرێن ھەرێما کوردستانێ بمەزخیت، ئەم پشتڕاستین حوکمەتا بەغدا پارەی ناھنێریت بۆ ھەرێما کوردستانێ ئەڤێن بەڕەڤانیێ ژی ل بودجێ عێراقێ دکەن تنێ مەرەما وان ئەڤە ئالۆزیێن ناڤبەرا لایەنێن سیاسی پتر کوور بکەن.
ئەڤێ پەرلەمانتارا پارتی دیارکر” کۆمبوونا سوبەھی یا جڤاتا وەزیران زێدەتر دگەل لیژنەیێن ئەمنی و دارایی و پتڕۆلێ یە لپەرلەمانێ عێراقێ، بلا کۆمبوون بھێتەکرن پەرلەمانتار بزانن داتایێن حوکمەتا ھەرێمێ چنە و بۆچی ھەرێم دبێژیت بودجێ عێراقێ مەترسیە بۆسەر ھەرێما کوردستانێ ھەکە پتڕۆلا خوە رادەستی سۆمۆ بکەین، ئەم وەک فڕاکسیۆنا پارتی دیموکراتی کوردستان لپەرلەمانی دبێژن قانوونا بودجێ گشتیێ عێراقێ دبەرژەوەندا خەلکێ ھەرێما کوردستانێ دا نینە، رژدین لسەر بۆچوونا خوە و من داخوازکریە شارەزایەکی نێڤدەولەتی یێ کەرتێ سەربازی و ئابوری پشکداری کۆمبوونێ بکەت ھەتا زیانێن قانوونا بودجێ عێراق چنە، خالەکا زۆرا گرنگ ژی ھەکە بەغدا مافێ خەلکێ کوردستانێ بدەت ئەڤە وی دەمی حوکمەتا ھەرێما کوردستانێ دژی بەغدا نینە، بەلێ ھەرێم یا دزانیت بەغدا پێگیر نابیت و سالا بۆری پێنج ھەیڤا مە چاڤەڕێ بەغدا کر و کەفتینە بن ڤی قەڕێ گران.
دکتۆر ئەشواق جاف گۆتژی” سەرەرای گرنگیا کۆمبوونا چوارشەمێ ھەبوونا لایەنێ سیێ و شارەزایەکێ سەربازی و ئابوری دێ پتر دەولەمەندبیت، فەرە کۆمبوون یا ڤەکری بیت بۆ خەلکێ کوردستانێ یا زەلالبیت، ھەتا چو لایەنەکێ سیاسی موزایەدێ پێڤەنەکەن، ژبەرکو سیناریۆیا پشتی بجھئینانا قانوونا بودجێ یا ھەی ئەوژی ھندەک لایەن بێژنە خەلکێ کوردستانێ حوکمەتا ھەرێما کوردستانێ دژی خەلکێ خوەیە و دژی فەرمانبەر و مامۆستایایە، لەو پتڕۆلا خوە رادەستی بەغدا ناکەت، پێدڤیە فێجارێ کورد و پەرلەمانتارێن کوردا زۆر ھشیاربن، ئەڤە پیلانا دوژمنێن کوردانە و ئاگەھداری پیلانێ بن، یەک ھەلویستبین و رێککەفتن بھێتەکرن لدۆر ئەنجامێن کۆمبوونێ حوکمەت و نوێنەرێن کوردا لپەرلەمانی بێژن خەلکی ئەڤە ھەلویستێ مەیە و چو تشتەک دبەرژەوەندیا مللەتی دایە ئەو بھێتەکرن.
ئه‌ڤرۆ نیوز:
ل شه‌ڤا دوشه‌مب، بالیۆزێ رووسیا ل توركیا، ئه‌ندرێ كارلۆڤ ل پێشانگه‌هه‌كێ ل ئه‌نقه‌ره هاته تیرۆركرن، ل گۆری راپۆرتان ژ ئالیێ ئه‌فسه‌ره‌كێ پۆلیسان یێ تورك ب ناڤێ مه‌ولود مه‌رد ئالتیناس ڤه هاته تیرۆركرن.
چه‌كداری به‌ری تیرۆركرنا بالیۆزی گۆت: دێ هوون بهایێ ئه‌وا ل حه‌له‌بێ چێبووی ده‌ن” وه‌ك ئاماژه‌ك بۆ پشكدارییا رووسیا د ئۆپه‌راسیۆنێن سه‌ربازی یێن دۆرپێچكرنا حه‌له‌بێ دا ل سووریێ.
نه یا رۆنه به‌رسڤا رووسیا دێ چاوا بیت، لێ ب به‌رچاڤوه‌رگرتنا په‌یوه‌ندیێن ئالۆزی یێن دناڤبه‌را توركیا و رۆسیا دا ل سالا بۆری، پێنج سیناریۆ یێن سه‌ره‌كی هه‌نه كو چێدبیت چێببن و چێدبیت ژی نه‌چێبن:
1-هاككه‌رێن رووسیا دێ توركیا كه‌نه ئارمانج، رۆسیا شیان هه‌نه ئاریشه‌یێن سیاسی یێن ناڤخۆ ل وه‌لاتێن ده‌ره‌كی چێبكه‌ت (هه‌روه‌كی ل ئه‌مریكا ئه‌ڤ یه‌ك كری). به‌ری نها ویكیلیكسێ 57 هزار ئیمه‌یلێن وه‌زیرێ وزه‌یا توركیا و زاڤایێ ئه‌ردۆگانی ئاشكرا كربوون، ئاماژه بۆ هندێ دچوون كو رووسیا هه‌ڤكاری د ڤێ گاڤا ویكیلیكسێ دا كرییه، رۆسیا دشێت ب رێیا هێرشێن ئه‌لكترۆنی توركیا بكه‌ته ئارمانج و هنده‌ك نهێنیێن كه‌سێن د بازنه‌یا ئه‌ردۆگانی دا بێخیته سه‌ر به‌ركێ.
2- چێدبیت رۆسیا كارتا كوردی بكاربینیت، توركیا ئه‌نداما ناتۆیه له‌ورا ده‌لیڤه‌یا شه‌ری دناڤبه‌را وی وه‌لاتی و رۆسیا گه‌له‌ك یا كێمه، لێ رۆسیا دشێت پشته‌ڤانییا خوه یا دیرۆكی بۆ كوردێن باكۆرێ كوردستانێ بكاربینیت و هه‌تا چێدبیت پشته‌ڤانییا په‌كه‌كێ بكه‌ت.
3- چێدبیت حكوومه‌تا ئاكه‌پێ ئه‌ڤ تیرۆركرنا چێبووی بكاربینیت بۆ ئۆپه‌راسیۆنێن پتر ل دژی ئالیێن ئۆپۆزسیۆن، هه‌روه‌كی پشتی كۆده‌تایا 15 تیرمه‌هێ چێبووی و ب هزاران كه‌س گرتی.
4. دبیت ئاگربه‌ستا حه‌له‌بێ ژناڤ بچیت، رۆسیا و توركیا د گه‌ل دو ئالیێن جیاوازن د شه‌رێ سووریێ دا، لێ شیابوون ب هه‌ڤرا داوی ئاگربه‌ست ل حه‌له‌بێ چێبكه‌ن، هه‌روه‌سا چێدبیت شه‌رێن پتر ل باكۆرێ سووریێ په‌یدا ببن، د ده‌مه‌كی دا له‌شكه‌رێ توركیا هاتییه وێرێ و سوپایێ رۆسیا ژی هه‌بوونا خوه ل سووریێ هه‌یه.
5- دبیت په‌یوه‌ندیێن نازك یێن رووسیا و توركیا ژناڤبچن و ب ڤی ره‌نگی گڤاشێن ئابۆری ل سه‌ر توركیا نوو ببنه ڤه، هه‌روه‌كی پشتی ئێخستنا فرۆكه‌یه‌كا رووسیا ژ ئالیێ توركیا ڤه چێبووی، رووسیا دۆرپێچ خسته سه‌ر به‌رهه‌مێن هه‌نارده‌یێن توركیا و ب بهایێ737 ملیۆن دۆلاران هه‌نارده‌یێن توركی بۆ رووسیا كێم بوون.
هه‌روه‌سا پرۆژه‌یێ بۆریا گازێ یا ستراتیژی دناڤبه‌را هه‌ردو وه‌لاتان دا هاتبوو راگرتن، بارێ ئابۆریێ توركیا باش نه‌بوو هه‌تا ل خزیرانا ئه‌ڤ ساله ئه‌ردۆگانی لێبۆرین ژ رووسیا خواستی.
ئه‌ڤرۆ نیوز:
بالیۆزێ رۆسیا ل توركیا پشتی ل پێشانگه‌هه‌كێ ل باژاری ئه‌نقه‌ره ته‌قه لێ هاتییه كرن و ب گرانی بریندار بووی، داوی جار گیانێ خوه ژده‌ست دا.
میدیا توركیا ژ ژێده‌رێن ساخله‌میێ گیان ژده‌ستدانا بالیۆزی پشتراست كر.
هه‌روه‌سا چه‌كدارێ ته‌قه كری ژئالیێ پۆلیسان ڤه هاته كوشتن، سێ كه‌س ژی بریندار بووینه.
ئه‌ڤرۆ نیوز:
ل باژارێ ئه‌نقه‌ره ل توركیا چه‌كداره‌كی ته‌قه ل بالیۆزێ رۆسیا كر و ب گرانی بریندار كر و هه‌ر لجهێ روودانێ چاره‌سه‌رییا بالیۆزی ده‌ست پێ كر.
وه‌زیرێ ناڤخۆیێ توركیا سه‌ره‌دانا جهێ روودانێ كر و ڤلادیمێر پۆتین سه‌رۆكێ رۆسیا ژی كۆمبوونه‌كا بله‌ز د گه‌ل هه‌والگیرییا وه‌لاتێ خوه كر.
چه‌كداری ژ پشتڤه ته‌قه ل بالیۆزی كريه،ئه‌ڤ هێرشه رۆژه‌كێ به‌ری سه‌ره‌دانا وه‌زیرێ ده‌رڤه یێ توركیا بۆ رۆسیا دهێت كو ل به‌ربوو ره‌وشا سووریێ گۆتوبێژ كه‌ن.
ئه‌ڤرۆ نيوز:
ئه‌ڤرۆ 19 كانوويا دوێ 2016، پشتى كومبوونا پارتى ديموكراتى كوردستان و ته‌ڤگه‌را گۆران ل مالا نه‌وشيروان مسته‌فا ل سلێمانيێ ئه‌حمه‌د كانى ئه‌ندامێ سه‌ركردايه‌تيا پارتى بۆ ئێن ئار تى راگه‌هاند: كومبوونا وان ل گه‌ل گوران يا باش بوو.
شاندێ پارتى پێکهاتبوون ژ فازڵ میرانى و عیزەدین بەروارى و مەحمود محەمەد و کاکەمین نەجاڕ و دڵشاد شەهاب و ئەحمەد کانى، هەروەسا شاندێ گۆڕان ژى ژ عومەرى سەید عەلی و جەلال جەوهەر و جەمال حاجى محەمەد و ئیسماعیل نامیق و محەمەد عەلی پێکهاتبوون.
ئه‌ڤرۆ نيوز:
ساخله‌ميا ئه‌حمه‌د تورك هه‌ڤسه‌رۆكێ باژێرڤانيا ماردينێ ل زيندانێ به‌ر ب خرابيێ دچيت.
ئه‌ردال كۆزۆ، پارێزه‌ر ئه‌حمه‌د تورك بۆ ميديايێن توركيا راگه‌هاند: نوكه كاودانێن ساخله‌ميا ئه‌حمه‌د تورك د زيندانا سته‌مبۆلێ دا نه‌يا بنه‌جهه و به‌ر ب خرابيێ دچيت و ب نه‌چارى هه‌ر ل زيندانێ چاره‌سه‌ريێ وه‌ردگريت.
ئه‌ڤرۆ نيوز:
وه‌زيرێن ده‌رڤه يێن وه‌لاتێن به‌نه‌لۆكس ل گه‌ل سه‌رۆكێ حوكمه‌تا هه‌رێما كوردستانێ كۆم بوون.
رۆژا دوشه‌مبى 19ى كانوونا ئێكێ 2016، نێچيرڤان بارزانى، سه‌رۆكێ حوكمه‌تا هه‌رێما كوردستانێ ل گه‌ل وه‌زيرێن ده‌رڤه يێن هۆله‌ندا، به‌لجيكا و لوكسمبۆرگ كۆمبوو.
د كۆمبوونێ دا، نێچيرڤان بارزانى و وان سێ وه‌زيران كو ئه‌ندامێن “په‌نه‌لۆكس”ن دانوستاندن ل سه‌ر ره‌وشا ئاوارێن مووسل و دووماهى پێشهاتێن ئۆپه‌راسيۆنا رزگاركرنا مووسل و شه‌رێ دژى رێكخراوا تۆندڕه‌ويا داعش كرن.
شه‌ڤا ئێكشه‌مبى 18ى كانوونا ئێكێ 2016 شانده‌كێ وه‌لاتێن په‌نه‌لۆكس ب سه‌ره‌دانه‌كێ گه‌هشتنه هه‌رێما كوردستانێ.
ئه‌ڤرۆ نيوز:
شاندێ پارتى ديموكراتى كوردستان چه‌نده‌كێ به‌رى نوكه گه‌هشتنه باره‌گايێ مه‌كته‌با سياسى يا ئێكه‌تى نشتيمانى كوردستان ل سلێمانيێ و نوكه يێ د كۆمبوونێ دا.
پشتى په‌ياما بارزانى ل 20ى هه‌يڤا بۆرى بۆ چاره‌كرنا كێشه‌يان، پارتى شانده‌كێ دانوستاندكار ب سه‌رۆكاتيا فازل ميرانى پێكئينا و نوكه سه‌ره‌دانا پتريا لايه‌نێن سياسى كريه ژبلى ئێكه‌تى و گۆڕان و ئه‌ڤرۆ بڕياره ل گه‌ل هه‌ردويان ژى كۆم ببيت.
شاندێ پارتى ژ هه‌ر ئێك ژ فازل ميرانى، ئه‌حمه‌د كانى، كاكه‌ئه‌مين نه‌جار، مه‌حمود محه‌مه‌د، دلشاد شه‌هاب، عزه‌دين به‌روارى و ئێكه‌تيێ ژى ب هه‌ر ئێك ژ مه‌لا به‌ختيار، حاكم قادر، شێخ جه‌عفه‌ر شێخ مسته‌فا، عومه‌ر فه‌تاح، سه‌عدى پيره، رزگار عه‌لى، رفعه‌ت عه‌بدولا پێشوازى لێكريه.
پێشتر سه‌رۆك بارزانى په‌يامه‌كێ بۆ خه‌لكێ كوردستانێ سه‌باره‌ت ره‌وشا ناڤخويا كوردستانێ به‌لاڤ دكه‌ت و رادگه‌هينيت: سه‌باره‌ت چاره‌كرنا قه‌يرانا هه‌رێمێ، من ره‌ئيا خوه يا دياركرى و دووپات دكه‌م كو چاره‌كرنا قه‌يرانا سياسى يا هه‌رێمێ دێ ب ڤى ره‌نگێ چێ بيت كو حزب ده‌ست ب دانوستاندنان بكه‌ن و په‌رله‌مانى كارا بكه‌ن و سه‌رۆكايه‌تيه‌كا نوو بۆ په‌رله‌مانى هه‌لبژێرن، چونكه ئه‌وێن بووينه ئه‌گه‌رێ ژێده‌رێ قه‌يرانان نابيت جاره‌كادى سه‌رۆكايه‌تيا په‌رله‌مانى وه‌ربگرن.
نيشاندان