NO IORG
نووترين نووچه
نووترين نووچه

5396

ئه‌ڤرۆ نيوز:

ئه‌ڤرۆ رۆژا چارشه‌مبى رێكه‌فتى 16ى چريا دويێ وه‌زاره‌تا دارايى و ئابوورى ل حوكمه‌تا هه‌رێما كوردستانێ خشته‌كێ نوو يێ به‌لاڤكرنا مووچه‌ى راگه‌هاند كو يێ تايبه‌ت ب مووچێن ده‌زگه‌هێن ئه‌منى يێن هه‌رێما كوردستانێ.

1- رۆژا پێنجشه‌مبى و ئێكشه‌مبى رێكه‌فتى 17 و 20ى چريا دويێ 2016 دێ مووچێ فه‌رماندا پێشمه‌رگێ زێره‌ڤانى و فه‌مراندا پێشمه‌رگێ به‌ره‌ڤانيێ و ڤێراگه‌هشتنێ هێته‌ به‌لاڤكرن.

2- رۆژا دوشه‌مبى 21ى چريا دويێ دێ مووچێ ده‌زگه‌هێ گشتى يێ ئاسايشێ هێته‌ به‌لاڤكرن.

3- رۆژا سێشه‌مبى 22ى چريا دويێ دێ مووچێ جڤاتا ئاسايشێ هێته‌ به‌لاڤكرن.

796

ئه‌ڤرۆ نيوز:

تله‌فزيونا وار راپۆرته‌ك به‌لاڤكريه‌ كو وه‌لاتیه‌كێ كوردێ ئێزدی یێ ئاكنجیێ باشیكێ ژبه‌ر شه‌رێ داعشێ و ترسا ژ ده‌ستدانا وان 30 میلون دینارێن ئیراقى لژێر زه‌ڤیه‌كێ ل چه‌مێن زه‌یتونان ل باشیكێ ڤه‌شارتبوون ،پشتی ئازادكرنا وى باژێرى, هێزێن پێشمه‌رگه‌ی ئه‌و كوژمێ پاره‌ی لژێر زه‌ڤیێ ئینانه‌ده‌رو راده‌ستێ خوه‌دانێ وی پاره‌ی كرن

134

ئه‌ڤرۆ نيوز:

سه‌رۆك بارزانى ئه‌ڤرۆ ل باشيكێ گوتاره‌ك پێشكێشكر و دياركر كو هه‌موو ئاخا كوردستانێ هاته‌ رزگاركرن، سه‌باره‌ت رێككه‌فتنا ل گه‌ل به‌غدا، سه‌رۆك بارزانى گوت: ئه‌گه‌ر ل گه‌ل به‌غدا نه‌گه‌هينه‌ رێككه‌فتنێ باشترين چاره‌سه‌رى ريفراندومه‌.

سه‌رۆك بارزانى ئاماژه‌ ب وێ يه‌كێ دا كو گه‌له‌ك كه‌س پرسيار دكه‌ن كو بۆچى بۆ مووسل پێدڤيه‌ پێشمه‌رگه‌ شه‌رى بكه‌، د به‌رسڤا وان دا دبێژين، هه‌تا مووسل ئارام نه‌بيت، ئاسايشا هه‌رێما كوردستانێ دێ مه‌ترسى ل سه‌ر بيت.

 

272

ئه‌ڤرۆ نيوز، نيوار محه‌حه‌د سه‌ليم:

وه‌زاره‌تا پێشمه‌رگه‌ى بێ ئاگه‌هيا خوه‌ نيشان دا ل دۆر هه‌ر رێكه‌فتنه‌كێ بۆ ڤه‌كێشانا پێشمه‌رگه‌ى ژ ده‌ڤه‌رێن به‌رى شه‌رێ داعش و ته‌كست كر كو ئه‌وان سوزێن ژ وى ره‌نگى نه‌داينه‌.

ل گه‌ل پێشڤه‌چوونێن هێزێن عيراقى ل شه‌رێ مووسل ماوێ چه‌ند رۆژايه‌ به‌رپرسێن عيراق و ئه‌مريكا به‌حس ل ڤه‌كێشانا پێشمه‌رگه‌ى ژ وان ده‌ڤه‌ران دكه‌ن يێن به‌رى شه‌رێ داعش لێ بنه‌جهـ بووين، د ده‌مه‌كى دا پێشمه‌رگه‌ى د شه‌رێ دژى داعش دا روويه‌كێ گه‌له‌ك مه‌زن يێ ئه‌ردى كونترۆل كريه‌.

ئه‌ليزابێس ترودۆ، رێڤه‌به‌را ئۆفيسا راگه‌ها راگه‌هاندنا وه‌زاره‌تا ده‌رڤه‌ يا ئه‌مريكا، دوهى د كۆنگره‌كێ رۆژنامه‌ڤانى دا، ل دۆر ڤه‌كێشانا پێشمه‌رگه‌ى پشتى شكه‌ستنا داعش، بۆ وان ده‌ڤه‌ران به‌رى هاتنا رێكخراوێ لێ بنه‌جهـ بووين و گۆت: “پێشمه‌رگه‌ى ب خوه‌ ئه‌و گۆتيه‌ و مه‌ ژى ژێ خواستيه‌ ل دووڤ گۆتنێن خوه‌ سه‌ره‌ده‌ريێ بكه‌ن”.

هه‌لگۆرد حكمه‌ت، رێڤه‌به‌رێ راگه‌هاندنا وه‌زاره‌تا پێشمه‌رگه‌ى بۆ ئه‌ڤرۆ نيوز گۆت: “ئه‌وان وه‌كو وه‌زاره‌تا پێشمه‌رگه‌ى لايه‌نێ بجهئينانێ نه‌ و فه‌رماندێ گشتى يێ هێزێن چه‌كدار بڕيارێ دده‌ت و هه‌ر تشته‌كێ ئه‌و ب بێژيت ئه‌و دێ بجهـ ئينن و چاڤه‌رێ فه‌رمانا وى نه‌ د وێ ده‌ربارێ دا”.
هه‌لگۆرد ل گه‌ل هندێ كو بێ ئاگه‌هيا خوه‌ نيشان دا كو چو رێكه‌فتنێن ژ وى ره‌نگى هاتبيته‌ كرن كو پێشمه‌رگه‌ خوه‌ ژ وان ده‌ڤه‌ران ڤه‌كێشت و ته‌كست ل سه‌ر وێ چه‌ندێ كر”مه‌ بۆ ڤه‌كێشانێ سوز نه‌دايه‌ ئه‌مريكا”.

هه‌ر چه‌نده‌ به‌رى نوكه‌ پرۆتۆكوله‌كا لێكتێگه‌هشتنێ د ناڤبه‌را هه‌رێما كوردستانێ و ئه‌مريكا دا هاتبوو ئيمزاكرن و چه‌ندين خالا ب خوه‌ ڤه‌گرتبوون، به‌لێ ب گۆره‌ى نوونه‌رێ هه‌رێمێ د شانا راگه‌هاندنا شه‌رى يا هێزێن عيراقى د شه‌رێ مووسل دا، چ برگه‌يه‌كا ژ وى ره‌نگى تێدا نينه‌ كو دڤێت پشتى ئازادكرنێ پێشمه‌رگه‌ ژ وان ده‌ڤه‌ران خوه‌ ڤه‌كێشن، به‌لكو تێدا هاتيه‌ كو دڤێت رێكه‌فتنه‌كا سياسى ل سه‌ر بهێته‌ كرن.

ئه‌ڤه‌ د ده‌مه‌كى دايه‌ كو ل 8ى ڤێ هه‌يڤێ حه‌يده‌ر عه‌بادى سه‌رۆك وه‌زيرێن عيراقێ راگه‌هانديه‌ كو پشتى ب دووماهى هاتنا شه‌رێ ئازادكرنا مووسل، سۆپايێ عيراقێ دێ ژ ئاخا هه‌رێمێ ده‌ركه‌ڤيت و پێشمه‌رگه‌ ژى دێ چيته‌ وان ده‌ڤه‌رێن به‌رى نوكه‌، ب گۆره‌ى رێكه‌فتنا ل گه‌ل به‌رپرسێن پله‌ بلندێن هه‌رێمێ.
هێزێن پێشمه‌رگه‌ى ل شه‌رێ دژى داعش پێشڤه‌چوونێن مه‌زن كرينه‌ و هه‌موو ئه‌و ده‌ڤه‌ر كونترۆل كرينه‌ يێن ده‌ڤه‌رێن كوردستانى يێن ده‌رڤه‌ى ئيدارا هه‌رێما كوردستانێ دهێنه‌ ب ناڤكرن.

143

ئه‌ڤرۆ نيوز:

وه‌لاتێ توركيا ب فه‌رمێ كه‌نالێ TRT World ڤه‌كر كو دێ ب زمانێ ئينگليزى بيت، ره‌جه‌ب ته‌يب ئه‌ردوگان سه‌رۆك كومارێ توركيا ب ڤێ هه‌لكه‌فتێ راگه‌هاند، كو ئه‌و هيڤيخوازه‌ TRT World ببيته‌ باشترين كه‌نال و ره‌وشا راست يا توركيا و گه‌لێ توركيا ب جيهانێ بگه‌هينيت.

 

205

ئه‌ڤرۆ نيوز:

به‌شار ئه‌سه‌د سه‌رۆك كۆمارێ وه‌لاتێ سوريا راگه‌هاند كو هه‌كه‌ ئه‌و شه‌رێ تيرۆرێ بكه‌ت دشيان دايه‌ هه‌ڤپه‌يمانيه‌كا سرۆشتى دروست بكه‌ن مل ب ملێ ئيران و رۆسيا.

ئه‌سه‌د د چاڤپێكه‌فتنه‌كێ دا ل گه‌ل تله‌ڤزيۆنا فه‌رمى يا پرتۆگال راگه‌هاند كو نوكه‌ نه‌شێن ده‌رباره‌ى تره‌مپ چو تشتان بێژن كا دێ چ كه‌ت، به‌لێ هه‌كه‌ شه‌رێ تيرۆرێ بكه‌ت، ئه‌م دشێن پێكڤه‌ هه‌ڤپه‌يمانه‌كا سرۆشتى بين، هه‌ر وه‌كو چاوان ل گه‌ل رۆسيا و ئيران و هنده‌ك وه‌لاتێن دى ئه‌وى كارى بكه‌ين.

سه‌رۆكێ سوريا ئاماژه‌ ب هاريكاريا ل گه‌ل تره‌مپ كر كو چه‌ندين جاران گۆتيه‌ شه‌رێ دژى داعش ژ كارێن وى يێن ده‌سپێكێ يه‌، “يێ ب هيڤى مه‌” به‌لێ گۆمان ژى ل سه‌ر شيانێن تره‌مپ هه‌يه‌ و وه‌سان دبينيت كو “هێزێن ده‌ست بلندێن ناڤ ئيدارا ئه‌مريكا و راگه‌هاندن” ل دژى تره‌مپ بوون، “ل گه‌ل هندێ ژى دێ چاڤه‌رێ سۆزێن تره‌مپ بين”.

122

ئه‌ڤرۆ نيوز:
پەرلەمانتارەکێ کورد ل پەرلەمانێ عێراقێ دبێژیت، پڕۆژێ گۆڕان بۆ ڤەقەتاندنا سلێمانیێ ژ ھەرێما کوردستانێ تنێ بۆ دژایەتیکرنا پارتیە و گۆڕان ل ھەرێما کوردستانێ نەشێت وەک بەرێ ئاریشەیان چێکەت ل بەغدا دەستێ خوە ل گەل نەیارێن کوردا تێکەل کریە، ھەروەسا دیارکر، ل گورەی دستووری بەغدا تنێ دێ سەرەدەریێ ل گەل حوکمەتا ھەرێما کوردستانێ کەت.
دکتۆر عەرەفات کەرەم ئەندامێ پەرلەمانێ عێراقێ ل سەر فڕاکسیۆنا پارتی دیموکراتی کوردستان بۆ رۆژناما ئەڤرۆ گۆت” کو پێشنیازا بزاڤا گۆڕان و جێگرێ سەرۆکێ پەرلەمانێ عێراقێ ئارام شێخ محەمەدی بۆ ڤەگەڕیانە سەر بەغدا تنێ بۆ دژایەتیکرنا پارتیە و گۆڕان بۆ بدەستڤەئینانا دەنگێن وەلاتیان ل بەغدا دەستی خوە ل گەل نەیارێن کوردا تێکەل کریە و دخوازیت بڤێ چەندێ ھەستا وەلاتیان بۆ ھەلبژارتنێن داھاتی بۆخۆ راکێشیت، چونکە گۆڕان لسالێن بۆری نەشیا چو پێنگاڤا بۆ رازیکرنا جەماوەرێ پاڤێت و شکەستن ئینا، تنێ بزاڤا گۆڕان ددەمێ خۆنیشاندان و ئالۆزیان مفای دبینیت، لەوڕا بەردەوام دخوازیت ئالۆزی ھەبیت، پشتی گۆڕان لھەرێما کوردستانێ نەشیا چو بکەت، ل بەغدا ئاریشا بۆ ھەرێما کوردستانێ پەیدا دکەت و دەستێ خوە دگەل نەیارێن کورد تێکەلکریە و ل جیاتی دەڤەرێن کوردستانیێن دەرڤەی ئیدارەیا حوکمەتا ھەرێما کوردستانێ ڤەگەرینیت، دخوازیت سلێمانیێ ژی ڤەگەڕینیت سەر بەغدا تنێ دا پارتی پَ ئیحراج ببیت.
عەرەفاتی گۆتژی” داخوازا گۆڕان و ئێکەتیێ ب چو شێوەیەکی ژلایێ حوکمەتا عێراقێ ناھێتە قەبولکرن، چونکە گورەی دستووری ھەرێما کوردستانێ تایبەتمەندی و سەربەبخۆیا خۆ یا ھەی حوکمەتا بەغدا نەشێت ب جودا مامەلێ دگەل پارێزگەھێن ھەرێما کوردستانێ بکەت، ژبەرکو پرسەکا دستووری و کەس نەشێت دستوورێ عێراقێ بنپێکەت، مامەلەیا عێراقێ تنێ دێ دگەل حوکمەتا ھەرێما کوردستانێ بیت و پیلانا گۆڕان گۆڕان بۆ جوداکرنا سلێمانیێ سەرناگریت، ھەر پرسەکا ھەبیت راستەوخۆ بەغدا دێ دگەل ھەولێرێ بەحس بکەت کو پایتەختێ ھەرێما کوردستانێ یە، مەرەما گۆڕان ئەڤە ھەلبژارتن یێت نێزیک دبن، بھەر حالەکێ ھەبیت دخوازیت دەنگێ وەلاتیان بۆخۆ راکێشیت، لھەرێما کوردستانێ بێ ھیڤی بووینە بشێن جارەکادی خەلکێ کوردستانێ خاپینن ب پڕۆژە و بەرنامەیێن خوە نەچاربووینە دڤێت ل بەغدا ئەڤی کاری بکەن، لێ بلا پشتڕاستبن ل بەغداژی پڕۆژە و پیلانێن وان ھەر سەرناگرن.

917

ئه‌ڤرۆ نيوز:

رێڤه‌به‌ريا كه‌شناسى و بيڤه‌له‌رزێ ل هەرێما کوردستانێ راگه‌هاند كو سوبه‌هى رۆژا پێنجشه‌مبى رێكه‌فتى 17ى چريا دويێ 2016ێ ئه‌سمان دێ ژ ئه‌وره‌كێ ناڤه‌ندى بۆ ئه‌ورێ ته‌مام هێته‌ گوهۆڕين و ئه‌گه‌رێ چه‌ند چپكه‌كێن بارانێ ل دانێ سپێدێ ل هنده‌ك ده‌ڤه‌ران هه‌نه‌.

پشكا پێشبينيان ل رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ د نڤيساره‌كێ دا كو دانه‌ك بۆ ئه‌ڤرۆ نيوز ره‌وانه‌ كرينه‌ راگه‌هاند كو ژ ئه‌نجامێ لاوازيا فشارێن نزمێن وه‌لاتێ توركيا بۆ سه‌ر هه‌رێما كوردستانێ دهێته‌ پێشبينيكرن ئه‌سمان ژ ئه‌وره‌كێ ناڤه‌ندى بۆ ئه‌ورێ ته‌مام هێته‌ گوهۆڕين و ئه‌گه‌رێ چه‌ند چپكه‌كێن بارانێ ل دانێ سپێدێ ل هنده‌ك ده‌ڤه‌ران هه‌نه‌.

پشكا پێشبينيان دايه‌ زايه‌ زانين كو دێ ئاراستێ باى ژى دێ باكوورێ رۆژهه‌لات بيت ب ره‌نگه‌كى د ناڤبه‌را 5 هه‌تا 15كم دا و ماوێ ديتنێ ژى دێ د ناڤبه‌را 8 بۆ 10كم دا بيت، پلێن گه‌رمێ ژى دێ د ناڤبه‌را 13 بۆ 21 پلان دا بن.

118

ئه‌ڤرۆ نيوز:

سەرۆکێ کوتلا برایەتیی و پێکڤە ژیانێ ل جڤاتا پارێزگەھا نەینەوا دیارکر شنگال دیرۆکا خوە یا کەڤنار ونوو ژی دا بەشەکێ کوردستانێ یە ، ھەر ھێز و گروپ وپارتەکا فەرمی نەبیت ل ژێر ئالایێ ھەرێما کوردستانێ ھەبوونا وێ نابیت ل شنگالێ، بتنی شنگالیان مافێ دیاریکرنا چارەنڤیسێ خوە ھەیە بتنی پارتی و حوکمەتا ھەرێما کوردستانێ دێ ھەموو جۆریێن خزمەتان پێشکێشی شنگالێ کەن.
سەیدو چەتۆ، سەرۆکێ کوتلا برایەتیی و پێکڤە ژیانێ ل جڤاتا پارێزگەھا نەینەوا ئاشکرا کر، کو پێدڤیە خەلکی شنگال دھشیاربن ببنە ئێک دەست بۆ بەرسینکگرتنا پلانێن حکومەتا عیراقێ یێ دژێ شنگال دھێنە دانان بگرن، وداخوازی ژ بەغدا دکەین ھەڤکاریا پەکەکێ ل شنگال نەکەت وبارودۆخێ شنگال پتر ئالۆز نەکەت ھەکە نە دێ پەکەکێ بیتە ئەگەر کارەساتەکا مەزنتر ل شنگال رووبدەت ئەڤە بەرژوەندیا کەسێ دا نێنە دێ ھەموو پێکڤە زەرەرمەند بن، ئەڤە سالەک بسەر ئازادکرنا شنگال ڤە چوو ھیشتا بەغدا دەست ب ئاڤادانیا شنگال نەکریە د وەختەکێ دا رێژەکا زۆر ژ خانیی و مالێن وەلاتیان یێن ھاتینە پەقاندن ویرانکرن ھەتا ئەڤرۆکە ژێ ب ھزارەھا خوشک ودایک و برایێ مە دەستێن تیرۆرستێ داعشێ دانە بوجی بەغدا ھەڤکاری بۆ رزگارکرنا رەڤاندیان ناکەت، ئەری بەغدا بۆجی ھەڤکاریا ھێز وگرۆپ وپارتێن نە قانوونی ل شنگالێ دکەت؟.
خۆیا ژێ کر کو ئێزدی ناچنە ژێر فشارا بەغدا چونکو ئێدی پێکڤە ژیان ل گەل تۆندرەوا ئەستەمە، ھەردەم ئێزدی داخواز دکەن شنگال ببیتە پارێزگەە سەر ھەرێما کوردستانێ ڤە بیت چونکو بتنی ئێزدی ل کوردستانێ مافێن خوە شاد دبن.
سەیدو چەتۆ ئاشکرا کر ل رۆژا 3/8/2014 ھزارەھا کوردێن ئێزدی ھاتنە گرتن وئەشکەنجەدان و رەڤاندن و کوشتن ھیچ دەولەتەکێ ھاریکاریا ئێزدیان نەکر بتنی حکومەتا ھەرێما کوردستانێ و خەلکێ کوردستانێ ھەموو دەرگەھێن مال ومزگەڤتان بۆ ئێزدیان ڤەکرن ونانی زاروکێن خوە بۆ ئێزدیان ئێنان ئەڤە جھی رێزگرتنی یە ناھێتە ژبێرکرن.
سەیدو چەتۆ زێدەتر گۆت: ل بەرە کونفرانسەکێ مەزن ل سەر ئاستی ھەموو جیھانێ بھێتە سازکرن بۆ ئاڤادانیا دەڤەرێن دەشتا نەینەوا ھەتا نوکە گەلەک دەولەتان بەرھەڤیا خوە دیارکرینە بۆ پێشکداریکرنی د کونفرانسی دا ئەم چاڤەرینە نەینەوا ب تەمامی بھێتە رزگارکرن دەست ب سازدانا کونفرانسی بھێتە کرن و پێکڤە ژیان و لیبۆرینا ئاینی و ئاڤەدانیا ل دەڤەری خورتر بیت ژ جاران.

نيشاندان1...601,0602,0602,0692,0702,0713,070...3,093زێده‌تر لاپه‌ر 2,070 ژ 3,093
مالپه‌رێ فه‌رمى یێ رۆژناما ئه‌ڤرۆ یه‌ .
ئاگــــــه‌هــــــداری نـــــوویـــــــاتیـــــــان ببــــه‌ .
په‌یوه‌ندی : rojnameyaevro@gmail.com
website security
© Copyright 2021 - Rojnameya Evro - Powered by Kurdo Plus
77 queries in 0.927 seconds.
WP Facebook Auto Publish Powered By : XYZScripts.com