ئەڤرۆ، بەھرا بەرواری:
سالانە ل 25\12 مەسیحیێن تەڤایا جیھانێ جەژنا خوە دگێرن، کو رامانا ھندێ دەت ل ڤێ رۆژێ عیسا پێغەمبەر سلاڤێن خودێ ل سەر بن ل فلەستین ل بەیتولەحم ھاتیە دونیایێ و کریسماس ژی ژ دو پەیڤێن جودا پێک دھێت ئەو ژی (بوونا عیسایە) و ھەر مالەکێ دارا کریسماس دانن و تشتێن جودا جودا پێڤە دکەن ئەو ژی ھەر ئێکی رامانا خوە یا تایبەت ھەیە و ئەو دار ژی رامانا ئاشتیێ ددەت.
قەشە شاول قەشێ بەرۆشکێ ل دۆر رێورەسمێن ڤێ جەژنێ بۆ رۆژناما ئەڤرۆ دیار کر کو ھەر سال د کەش و ھەوایەکێ ئارام دا مەسیحیێن سەرانسەری جیھانی رێورەسمێن جەژنا ژ دایکبوونا عیسای سلاڤێن خودێ ل سەر بن دگێرن و مەسیحیێن باژێرێ دھۆکێ ژی ب کەیف و خۆشی و لێبۆرین رێورەسمێن ئایینی دگێرن و جەژنێ ل ھەڤدو پیرۆز دکەن و گۆت “سەرەرای ڤان قەیرانان دێ رێورەسمێن جەژنا ژ دایکبوونا عیسا سلاڤێن خودێ ل سە ر بن ھەر دھێنە گێران و شەڤێَ دچینە دێرێ و رێورەسمێن ئایینی دگێرین “.
قەشە شاول خویا ژی کر کو ئەڤە 2016 سالان ھاتیە ئەنجام و نەراوەستیایە و نابیت چ جاران راوەستیت، چونکی ئەڤ جەژنە دھێتە ھژمارتن دویەمین جەژنا مەزن پشتی جەژنا قیامەتێ ل دەف مەسیحیان و ئەڤ جەژنە سێ رۆژن و گۆت “ئەڤ سالە ژی وەکی ھەر سال دێ رێورەسمێن ڤێ جەژنێ ب رێڤەچن و نابیت ئەم رۆلێ پێشمەرگێ قارەمان ژبیر بکەین کو ھندی د سەنگەران دابن نابیت ژ چ تشتا ب ترسین و دێ دھۆک ھەر یا ئارام بیت”.
جیمی بریخا، وەلاتیەکێ مەسیحی یە ئاکنجیێ دھۆکێ یە، بۆ ئەڤرۆ گۆت “ئەم د ڤێ جەژنێ دا ژ سەعەت دویێ شەڤێ تاکو سەعەت حەفتی سپێدێ دچینە دێرێ و ھندە ک کەس ژی ژ سەعەت شەشی ئێڤاری حەتا 12ی شەڤێَ دچنە دێرێ و رێورەسمێن ڤی جەژنێ ئەنجام ددەن و ئەڤ جەژنە بۆ ماوێ سێ رۆژان ڤەدکێشیت و ئەم ل مالا دگەرین و جەژنێن ئێکدو پیرۆز دکەین و ئەز ڤێ جەژنێ ل ھەمی مەسیحیێن جیھانێ پیرۆز دکەم و ئەز دخوازم ئەڤ جەژنە ببیتە پرەک بۆ پێکڤەژیانێ”.
ھەژی گۆتنێ یە جەژنا ژ دایکبوونا مسیحی پشتی جەژنا قیامەتێ دھێتە ھژمارتن ب ئێک ژ گرنگترین جەژنێن مەسیحیان و ل شەڤێن 24\12 ل ھەمی سالان دەست پێ دکەت و ھەتا رۆژا 25\12 بەردەوام دبیت ب ریورەسمێن ئاینی.
نووترين نووچه
- سەرۆك بارزانی و موسەننا سامەرائی رەوشا سیاسییا ئیراقێ گەنگەشە كرن
- سەرۆكایەتییا هەرێمێ: هێرشا ئیسرائیلێ ل سەر ئیرانێ پرۆتەستۆ دكەین
- مەسرور بارزانی پشكداری د بەهییا كەریم شنگالی دا كر
- سزادان و دۆرپێچێن بەغدایێ ل سەر خەلكێ كوردستانێ د بەردەوامن
- ئەڤ سەرەدەرییا ئیراقێ بەردەوام بیت ژیێ دەستهەلاتا وێ ژ یێ رژێمێن بۆری درێژتر نابیت
- شەڕێ ئیرانێ و ئیسرائیلێ دێ كێشەیێن مەزن بۆ هنارتنا پەترۆلا ئیراقێ دروست كەت
- عەرەبستانا سعوودیێ کار بۆ راگرتنا شەڕێ ئیرانێ و ئسرائیلێ دکەت
- ئارمانجا ئسرائیلێ گوهۆڕینا دەستهەلاتا ئیرانێ یە
- دەم پارتی داخوازا پشتەڤانیێ ژ پارتێن کوردستانی دکەت
- دڤێت رەفتارا نە دادپەروەرانەیا ل گەل فەرمانبەرێن هەرێما كوردستانێ دهێتە كرن ب دووماهی بهێت
سه‌ره‌كى نووترين نووچه
ب وێنه: تانكه‌ره‌كێ گازێ په‌قى.. كوشتى و بريندار يێن هه‌ين
ئه‌ڤرۆ نيوز، بارزان مزوورى:
رائيد فيراس ياسين، به‌رپرسێ راگه‌هاندنا به‌ره‌ڤانيا باژێرى ل ئاكرێ بۆ ئه‌ڤرۆ نيوز دياركر كو ئه‌ڤرۆ ده‌مژمێر 9ى شه‌ڤا 22ى كانوونا ئێكێ 2016 تيمێن ئاگرڤه‌مراندنێ هاتنه ئاگه‌هداركرن كو روودانه‌كا نه‌چاڤه‌رێكرى يا ل گۆندێ “موريلان” يێ سه‌ر ب ناحيا داره‌تۆ يا قه‌زا به‌رده‌ره‌ش هاتيه روودان.
دا زانين ژى كو هه‌ر ئێكسه‌ر ئيمێن وان گه‌هشتنه جهێ روودانێ و ديار بوو كو تانكه‌ره‌كێ بارهه‌لگر يێ گازێ په‌قيه و د ئه‌نجام دا كه‌سه‌كى گيانێ خوه ژ ده‌ست دايه ب ناڤێ “خدر كه‌بير ئه‌حمه‌د” و ئێك ژى ب ناڤێ “قه‌يدار ئيلهام ره‌شيد” بريندار بوويه.
ل دۆر ئه‌گه‌رێ روودانێ ژى ئاشكه‌را كر كو كه‌سێ گيانێ خوه ژ ده‌ست دايى كارێ له‌حيمى دكه‌ت و رابوويه ب له‌حيمكرنا تانكه‌رێ بارهه‌لگرێ كو يا گۆزێ بوويه و گه‌رما وێ بلند بوويه و بوويه ئه‌گه‌رێ په‌قينا تانكه‌رى و شوفێرێ وێ ژى يێ برينداره.
رۆژا شه‌هيدێن له‌شكرێ رۆژ هاته ساخكرن
ئه‌ڤرۆ نيوز:
ھەر سال رێ ورسمەکێ تایبەت بو شەھیدێن لەشکرێ روژ دھێتە گێران دڤی چارچوڤەیدا ئەڤرو سپێدێ 22-12-2016ل ھولا کایار ل کومەلگەھا دومیزو ب ئامادەبونا شێخ عمران بارزانی نوینەرێ سەروک مسعود بارزانی وعبدالخالق بابیری بەرپرسێ لقێ ئێک وعلی عەونی بەرپرسێ لقێ 20 یێ پارتی ل شێخان ولیوا عزیز وەیسی فرەماندێ فەرماندەیا زێرەڤانیێ واسماعیل محمد احمد ھاریکارێ پارێزگەرێ دھوکێ بو کاروبارێن مروڤایەتی وچەند بەرپرسێن حزبی ولەشکری وئیداری ومالباتێن شەھیدا رێ ورسمێن تایبەت بو ساخکرنا روژا شەھیدێن لەشکرێ روژ ھاتنە گێران.
درێ ورسمان دا وپشتی بەرھەڤبوی دەقیقەکێ رێزگرتن ل سەر گیانێ شەھیدان راوستییان چەند پەیڤ ھاتنە خاندن ژوانا پەیڤا بەرپرسێ لقێ تێدا ئاماژە دا رولێ لەشکرێ روژ وھێزێن پێشمەرگێ کوردستانێ کو بوینە سونبولا بەرخودانێ وبویە ھێزەکا ستراتیجی یا ھەڤپەیمانیا جیھانێ بو تێکشکاندنا تیرورستێن داعش ھەروەسا گوت مە چەندین شەھید داینە بو پاراستنا ئاخ وخەلکێ کوردستانێ ودیارکر کو ئەڤرو روژھەلاتا ناڤەراست یا دگوھورینێن بەرچاڤ دا دەربازدبیت ودڤێت ئەم کورد ژی خو ل پەیاما سەروک بارزانی بکەینە خودان وئێک رێزیا خو چێکەین وبو ھەر گوھورینەکێ خو بەرھەڤکەین ودەولەتا خو یا نەتەوەیی ئاڤاکەین .
پاش جودا جودا پەیڤێن ئەنجومەنا نیشتمانی ل سوریێ وپەیڤا لەشکرێ روژ وپەیڤا لیوا عەزیز وەیسی فەرماندێ فەرماندەیا زێرەڤانیێ وپەیڤا بنەمالێن شەھیدێن لەشکرێ روژ ھاتنە خاندن وتەکەزی ل سەر رولێ لەشکرێ روژ وپێشمەرگێ کوردستانێ کر بو پاراستنا ئاخ وگەلێ کوردستانێ ول ھەر چار پارچێن کوردستانێ .
پاش( 43 )شەمالک ژلایێ مالباتێن شەھیدێن لەشکرێ روژ ھاتنە ھلکرن وچەند ھەلبەست ھاتنە خاندن وفلمەکێ دیکیومەنتی ل دور ئاڤاکرنا لەشکرێ روژ ومالباتێن شەھیدا ھاتە نمایشکرن …ل دوماھیێ ژی دیاری ل سەر کەس وکارێن شەھیدێن لەشکرێ روژ ھاتنە بەلافکرن.
ھەژی گوتنێ یە لەشکرێ روژ ل دویڤ فەرمانا رێزدار مسعود بارزانی سەروکێ ھەرێما کوردستانێ ل روژا 12-3-2012ھاتیە ئاڤاکرن وپَشمەرگێ ڤێ ھێزێ ژھەر چار پارچێن کوردستانێ پشکدارن ورولەکێ کاریگەر دشەر دژی تیرورستێن داعشدا ھەبویە وھەتا نوکە ( 43)شەھید داینە ژبو ئاخا کوردستانێ وپتریا وان شەھیدێن روژئاڤانە.
رژێما سووریێ داوی ژڤان بۆ ده‌ركه‌فتنا هێزێن كوردی ل حه‌له‌بێ دیار كر
ئه‌ڤرۆ نیوز:
رژێما سووریێ ل حه‌له‌بێ گه‌ف ل هێزێن كوردی یێن یه‌په‌گێ و جه‌بهه‌ت ئه‌لئه‌كراد ل باژارێ حه‌له‌بێ كرن.
عه‌لی مه‌قسود، بسپۆرێ سه‌ربازیێ سووریێ یێ نێزیك به‌شار ئه‌سه‌دی راگه‌هاند: رژێما سووریێ پشتی ل حه‌له‌بێ سه‌ركه‌فتی و بالاده‌ست بووی، ژ هێزێن كوردی ل تاخێ شێخمه‌قسود یێ كوردنشین ل حه‌له‌بێ خواست كو هه‌تا دوماهییا ڤێ مه‌هێ ژ وی باژاری ده‌ركه‌ڤن.
بۆ ده‌مێ چوار سالانه هێزێن كوردی به‌رگریێ ژ تاخێ شێخمه‌قسوود ل حه‌له‌بێ دكه‌ن، ل دژی هێزێن توندره‌و و سوپایێ رژێما سووریێ، ڤێ داویێ تاخه‌كێ دی ژی كۆنترۆل كرييه، ب هزاران كورد ل وی تاخی دژین.
ژنه‌كا موسلمان دبيته سه‌رۆك وه‌زيرا وه‌لاته‌كێ ئێكه‌تيا ئورۆپا
ئه‌ڤرۆ نيوز:
دهێته چاڤه‌رێكرنا رۆمانيا روودانه‌كا مێژوويى ب خوه ڤه ببينيت د ده‌مێ دانا پۆستێ سه‌رۆك وه‌زيريا وى وه‌لاتى ب ژنه‌كا موسلمان و دێ سووندێ ژى ب قورئانا پيرۆز خوونيت.
سڤيل شه‌حاده يا 52 سالى سه‌رۆك وه‌زيرا ئێكێ يه ل رۆمانيا و موسلمانا ئێكێ يه پۆستێ سه‌رۆك وه‌زير ل وه‌لاته‌كێ ئه‌ندام د ئێكه‌تيا ئورۆپا دا وه‌ردگريت.
دياركرنا ڤێ ژنا موسلمان پشتى وێ چه‌ندێ هات كو پشتى پارتا سوشاليست ديموكرات د هه‌لبژارتنێن په‌رله‌مانێ وه‌لاتێ خوه دا كو به‌رى 10 رۆژا ب رێڤه‌چووبوون 46% يا ده‌نگان ب ده‌ست ڤه ئينابوون.
د وێ ده‌ربارێ دا ژێده‌رێن رۆمانى دده‌نه دياركرن كو دياركرنا شه‌حاده بۆ سه‌رۆكاتيا حوكمه‌تێ سۆپرايزه‌كا مه‌زن بوو، بۆ چاڤدێران و شرۆڤه‌كاران، چونكو ناڤێ وێ د ليستا وان كه‌سان دا نه‌بوو يێن بۆ وى پۆستى هاتينه به‌ربژێركرن.
ب گۆره‌ى رۆژناما نيويورك تايمز يا ئه‌مريكى دياركرنا وێ ژنێ بۆ پۆستێ سه‌رۆك وه‌زيران د وه‌لاته‌كێ پتريا وێ مه‌سيحى ئه‌رسوزۆكسن يا بێ پێشه‌كى يه، چونكو ژمارا مه‌سيحيێن رۆمانيا 80% يا خۆجهيێن وى وه‌لاتى پێك دئينن.
رۆژنامێ ئه‌و چه‌ند ژى نڤيسيه: “نموونه‌يه‌كا هه‌ڤشێوێ وێ ب تنێ ل وه‌لاته‌كێ دى يێ ئورۆپا هاتيه ديتن، به‌لێ ل وى وه‌لاتى پتريا وێ موسلمان بوون، ل وى ده‌مێ (عاتيفه يه‌حيا ئاغا) كريه سه‌رۆك كۆمارێ كۆسۆڤۆ ل سالا 2011 هه‌تا 2016ێ.
رۆژنامێ هه‌رديسا ده‌رباره‌ى سيڤيل شه‌حاده نڤيسيه: “هه‌ڤژينێ وێ خه‌لكێ سوريايه و خێزانا وى مولك و مال ژى ل سوريا يێ هه‌ى”.
ب دياركرنا ئه‌وێ ژنا موسلمان بۆ وه‌رگرتنا پۆستێ سه‌رۆك وه‌زيرێن رۆمانيا د ده‌مه‌كى دايه رێژا موسلمانێن ئه‌وى وه‌لاتى ب تايبه‌ت ئه‌وێن ژيێ وان د سه‌ر 20 ساليێ دا و دشێن پشكدارى ده‌نگدانێ بكه‌ن ژ 1% نابۆريت.
هه‌رێمێ ب فه‌رمى رۆژه‌ك كره بهێنڤه‌دان
ئه‌ڤرۆ نيوز:
حوكمه‌تا هه‌رێما كوردستانێ رۆژه‌ك وه‌كو بهێنڤه‌دانا فه‌رمى ب هه‌لكه‌فتا جه‌ژنا ژدايكبوونا حه‌زره‌تێ عيسايێ مه‌سيح راگه‌هاند.
سه‌فين دزه‌ى ئاخفتنكه‌رێ فه‌رميێ ب ناڤێ حوكمه‌تا هه‌رێما كوردستانێ د راگه‌هاندنه‌كێ دا راگه‌هاند كو ب هه‌لكه‌فتا جه‌ژنا ژ دايكبوونا حه‌زره‌تێ عيسايێ مه‌سيح “سلاڤێن خودێ ل سه‌ر بن” گه‌رمترين پيرۆزباهيێن خوه ئاراسته‌ى برايێن كريستيان ل هه‌رێما كوردستانێ و عيراقێ و جيهانێ دكه‌ين و ب هيڤيا وێ چه‌ندێ ئه‌ڤ جه‌ژنه ببيته جهێ ئاشتى و ساقامگێرى و ڤه‌گه‌ريانا هه‌موو برايێن كرستيان بۆ جهێ باب و باپيرێن خوه.
ئاماژه ب وێ چه‌ندێ ژى كر كو رۆژا ئێكشه‌مبى 25ى كانوونا 2016ێ ل هه‌موو داموده‌زگه‌هێن حوكمه‌تا هه‌رێما كوردستانێ دێ بيته بهێنڤه‌دانا فه‌رمى.
پێشتر وه‌زاره‌تا په‌روه‌ردێ ژى هه‌ر دو ئێكشه‌مبيێن 25ى كانوونا ئێكێ و 1ى كانوونا دويێ وه‌كو بهێنڤه‌دانا فه‌رمى بۆ وه‌زاره‌تا په‌روه‌ردێ راگه‌هاند بوون.
فه‌يسبۆكى خزمه‌ته‌كا گرنگ ل پشكا “زيندى” زێده‌كر
ئه‌ڤرۆ نيوز:
مالپه‌رێ فه‌يسبۆكى راگه‌هاند كو ل رۆژا چارشه‌مبى ب ره‌نگه‌كێ فه‌رمى تايبه‌تمه‌نديه‌كا نوو ل “په‌خشێ ئێكسه‌ر Facebook Live” كر، ئه‌و ژى رێ دده‌ت مالپه‌رێ راديۆيێ ژى په‌خشێ خوه بێ ڤيديۆ به‌لاڤ بكه‌ن.
ئه‌ڤ تايبه‌تمه‌نديه پشته‌ڤانيا فايلێن ده‌نگى دكه‌ت، ئانكو ئه‌و لايه‌نێ دڤێت په‌خشێ زيندى ل سه‌ر فه‌يسبۆكى بكه‌ت نه مه‌رجه وێنه‌ى ژى ل گه‌ل ب كار بينيت، به‌لێ دشيان دايه په‌خشێ فايلا ده‌نگى ب تنێ ژى بكه‌ت، دشيان دايه بكارئينه‌ر گۆهداريا وێ فايلێ ب ره‌نگه‌كێ زيندى بكه‌ن.
دهێته چاڤه‌رێكرن ئه‌ڤ تايبه‌تمه‌نديه گه‌له‌ك مفاى بگه‌هينيته ويستگه‌هێن راديۆيێ و نوكه ئه‌و يا ل بن په‌خشێ خوه يێ ئه‌زموونى و هنده‌ك كۆمپانيا بۆ ڤێ مه‌ره‌مێ ل گه‌ل فه‌يسبۆكى كار كريه وه‌كو هه‌ر ئێك ژ راديۆيێن BBC يا بريتانى و LBC يا لوبنانى.
ره‌وشا زێر و زيڤى ل بازارێن دهۆكێ
گوهۆڕين كه‌فتنه ره‌وشا دراڤى
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 22ى كانوونا ئێكێ 2016ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1312 |
| 1 يۆرۆيێ ئه‌ورۆپى | 1375 |
| 1 ليرێ توركى | 370 |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
وه‌زاره‌تا ئه‌وقافێ به‌ياننامه‌كا نه‌رازيبوونێ به‌لاڤكر
ئه‌ڤرۆ نيوز:
وه‌زاره‌تا ئه‌وقاف و كاروبارێن ئاينى ل حوكمه‌تا هه‌رێما كوردستانێ به‌ياننامه‌كا نه‌رازيبوونێ ل دۆر ئه‌وى كۆنفرانسێ ب ناڤێ “شافعى” ل باژێرێ سلێمانيێ هاتيه ئه‌نجام دان به‌لاڤكر و تێدا دايه زانين كو ئه‌ڤ كارێ وان ئستيڤزازكرنه ب وه‌زاره‌تا ئه‌وقافێ و مامۆستايێن ئاينى و خه‌لكێ كوردستانێ ب گشتى.
وه‌زاره‌تا ئه‌وقافا هه‌رێمێ د به‌ياننامه‌كێ دا كو دانه‌ك بۆ ئه‌ڤرۆ نيوز ره‌وانه‌كريه، ئاماژه ب وێ چه‌ندێ كريه كو ئه‌ڤ كۆنفرانسه دده‌مه‌كێ گه‌له‌ك هه‌سيار دايه كو گه‌له‌ك كێشێن ئاينى و مه‌زهه‌بى تێدا دبۆرن و د لوتكه‌يا وان دا ب تنێ پشتى چه‌ند ده‌مژمێره‌كان بوويه ژ كريارا تيرۆرستى يا باژێرێ كۆيه.
ل رۆژا چارشه‌مبى 21ى كانوونا ئێكێ 2016 ل باژێرێ سلێمانيێ كۆنفرانسه‌كێ ئاينى ب ناڤێ “شافعى” بێ ئاگه‌هداريا وه‌زاره‌تا ئه‌وقافا هه‌رێما كوردستانێ ب پشكداريا نوونه‌رێ رابه‌رێ كۆمارا ئيسلامى يا ئيرانى و چه‌ند به‌رپرسێن وى وه‌لاتى هاتيه به‌ستن.
وه‌زاره‌تا ئه‌وقافێ د ڤێ به‌ياننامێ دا ته‌كستێ ل سه‌ر وێ چه‌ندێ دكه‌ت كو ژبلى كو ئه‌ڤه ده‌ستێوه‌ردانه‌كا خرابه د كاروبارێن ئاينى يێن هه‌رێمێ دا، د هه‌مان ده‌م ئستيڤزازكرنه ب وه‌زاره‌تا ئه‌وقافا حوكمه‌تا هه‌رێما كوردستانێ و مامۆستايێن ئاينى و خه‌لكێ كوردستانێ ب گشتى.
هه‌ر ژ به‌ر وێ چه‌ندێ ژى وه‌زاره‌تا ئه‌وقافا هه‌رێمێ دايه زانين كو ئه‌وان نه‌رازيبوونه‌كا تۆند هه‌مبه‌ر ئه‌وان كه‌س و لايه‌نێن ئه‌ڤ ده‌ستێوه‌ردانا كۆمارا ئيسلامى يا ئيرانى د كاروبارێن ئاينى يێن هه‌رێما كوردستانێ دا ده‌ربڕيه.
ئه‌ڤه ژى ده‌قێ به‌ياننامێ يه:
لەکاتێکدا بارودۆخی ناوچەکە بەحاڵەتێکی ھەستیار و پڕلەکێشەی مەزھەبی و ئاینی تێپەڕدەبێت و لەوکاتەی کە تەنھا چەند کاتژێرێک بەسەر کردەوەیەکی تیرۆرستی لەشاری کۆیە تێپەڕبوە”رۆژی چوارشەممە 21/12/2016لەشاری سلێمانی کۆنفرانسێکی ئاینی بەناوی(شافعی)بەبێ ئاگاداری ئێمە و بەبەشداری نوێنەری رابەری کۆماری ئیسلامی ئێران و چەند بەرپرسێکی ئەو وڵاتە ئەنجام دەدرێت کە ئەمە جگە لەوەی دەستوەردانێکی خراپە لەکاروباری ئاینی لەھەمان کاتیشدا ئیستیفزازکردنی وەزارەتی ئەوقافی حکومەتی ھەرێم و مامۆستایانی ئاینی و خەڵکی کوردستانیشە بەگشتی “بۆیە ناڕەزایی توند بەرامبەر بەھەموو ئەو کەس و لایەن و ئەم دەستوەردانەی کۆماری ئیسلامی ئێران لەکاروباری ئاینی ھەرێمی کوردستان دەردەبڕین .
بەرێوەبەرایەتی پەیوەندیەکان
22/12/2016
نيشاندان
WP Facebook Auto Publish Powered By : XYZScripts.com