ئه‌ڤرۆ نيوز:
چه‌نده‌كێ به‌رى نوكه هێزێن عيراقى شيان بچنه ناڤ تاخێ موحاربيت ل باژێرێ مووسل.
ب گۆره‌ى ژێده‌ره‌كى ژ هێزێن دژى تيرۆرا عيراقێ، ئه‌ڤرۆ رۆژا شه‌مبى هێزێن عيراقى شياينه پێشڤه‌چوونه‌كا زێده‌تر بكه‌ن و نوكه چووينه ناڤ تاخێ موحاربين ل ناڤ باژێرێ مووسل و شه‌رێ كولان ب كولان دكه‌ن.
ئاماژه ب وێ چه‌ندێ ژى كريه كو ل تاخێ قادسيه ژى شه‌ره‌كێ دژوار د ناڤبه‌را هێزێن عيراقى و چه‌كدارێن داعش دا دهێته كرن.
ئه‌ڤرۆ نيوز:
وه‌زاره‌تا سامانێن سروشتى يا حوكمه‌تا هه‌رێما كوردستانێ ب تومه‌تا به‌لاڤكرنا داتايێن شاش ل سه‌ر كه‌نالێ NRT ل دۆر رێژا به‌رهه‌م ئينان و فرۆتنا نه‌فتا هه‌رێمێ، سكالايه‌كا ياسايى ل سه‌ر تومار كريه و داخوازا ئێك مليار و 500 مليون دولار كريه ب
وەزارەتی سامانە سروشتییەكانی حكومەتی هەرێمی كوردستان، بە تۆمەتی بڵاوكردنەوەی داتای هەڵە لەسەر كەناڵی (NRT ) سكاڵای یاسایی تۆمار دەكات و داوای بڕی یەك ملیار و 500 ملیۆن دۆلار لە كەڵەكە دەكات بەو پێیەی زیانی بە ئابوری هەرێم گەیاندووە.
ئه‌ڤرۆ نیوز:
وه‌زاره‌تا خواندنا بلند یا هه‌رێما كوردستانێ راگه‌هاند: ژبۆ سالا 2016-2017 پتری 31 هزار قوتابی ل زانكۆ و په‌یمانگه‌هێن حكوومی یێن هه‌رێما كوردستانێ هاتینه وه‌رگرتن، هه‌ر ئه‌ڤ شه‌ڤه قوتابی دشێن بزانن ل كیژان به‌شێ زانكۆ و په‌یمانگه‌هان هاتینه وه‌رگرتن.
وه‌زاره‌تێ د راگه‌هاندنه‌كێ دا ئاشكرا كر: بۆ ئه‌ڤ ساله 49018 قۆتابیێن ده‌رچوویێن دوازدێ ئاماده‌یی ب هه‌ردو پرۆسه‌یێن سیسته‌مێ پێشكرنا راسته‌وخو و سیسته‌مێ زانكۆلاین فۆرمێن وه‌رگرتنێ پێشكێشكرن، ژ وێ هه‌ژمارێ ژی 30039 قۆتابی هاتنه وه‌رگرتن.
د پرۆسه‌یێ زانكۆلاین دا كێمترین كۆنمره (68.18) بوو، كێمترین كۆنمره‌یا سیسته‌مێ هه‌ڤركیێ ژی (60%) بوو.
هه‌ڤده‌م پتری هزار قوتابی د چه‌ند پرۆسه‌یێن دی دا ل ئاماده‌یێن پیشه‌یی و ئیسلامی وه‌رگرتینه، بڤێ یه‌كێ ژی سه‌رجه‌مێ 31 هزار قوتابی هاتنه وه‌رگرتن.
قوتابی دشێن ئه‌ڤ شه‌ڤه ل مالپه‌رێ https://regayzanko.com/ ناڤێن خوه ببینن.
ئه‌ڤرۆ نيوز:
پشتيوان سادق وه‌زيرێ په‌روه‌ردێ ل حوكمه‌تا هه‌رێما كوردستانێ د كونفرانسێ قه‌يرانا ئاواره و په‌نابه‌ران دا ل دهۆك راگه‌هاند كو 179 هزار قوتابيێن ئاواره ل دهۆكێ هه‌نه و هنده‌ك ژ به‌ر فاكته‌رێن ئابوورى و جڤاكى و ژيێ خوه ژ خواندنێ هاتينه دابڕين و بزاڤێن ڤه‌گه‌ريانێ بۆ پرۆسا خواندنێ دده‌ن.
گۆتژى وه‌زاره‌تا په‌روه‌ردێ بزاڤێن به‌رده‌وام دكه‌ت كو كه‌رستێن خواندنێ بۆ زارۆيێن ئاواره دابين بكه‌ت ژ وان ژى كتێب و ته‌خته ره‌ش و ئاڤاهيێ قوتابخانێ و ل گه‌ل رێكخراوان بزاڤێن خواندنێ بۆ ئاواران دابين دكه‌ت.
وه‌زيرێ په‌روه‌ردێ به‌حس ل نووژه‌نكرنا قوتابخانان كر و ب تايبه‌ت ئه‌وێن ل پارێزگه‌ها دهۆكێ و ئاواره تێدا هاتينه بنه‌جهكرن كو ب گۆره‌ى گۆتنێن وى 100 ئاڤاهيێن قوتابخانا ل هه‌رێما كوردستانێ بۆ زارۆيێن ئاواران هاتينه ته‌رخانكرن د ده‌مه‌كى دا كو د سێ سالێن بۆرى دا نه‌شياينه ئاڤاهيێن قوتابخانان دروست بكه‌ن و گۆت: “وه‌لاتێ كوێتێ سۆز دايه هنده‌ك ئاڤاهيێن قوتابخانان ل هه‌رێما كوردستانێ دروست بكه‌ت”.
ئه‌ڤرۆ نيوز:
حوكمه‌تا كه‌نه‌دا راگه‌هاند يا ئاماده‌يه چه‌ك و ته‌قه‌مه‌نيان ب ره‌نگه‌كێ ئێكسه‌ر بۆ هێزا پێشمه‌رگه‌ى ره‌وانه بكه‌ت، به‌لێ ژ ئه‌گه‌رێ وێ چه‌ندێ كو هێشتا حوكمه‌تا عيراقێ ره‌زامه‌ندى ل سه‌ر وان هاريكاريێن ئێكسه‌ر نه‌دايه، ژ به‌ر هندێ ژى وه‌لاتێ كه‌نه‌دا هاريكارى راگرتينه.
ب گۆره‌ى پێزانينێن ميديا كه‌نه‌دا، جه‌ستن ترۆدۆ يێ سه‌رۆك وه‌زير ل هه‌يڤا بۆرى راگه‌هانديه كو ئه‌و د ئاماده‌نه ئێكسه‌ر هاريكاريا له‌شكرى بگه‌هيننه هێزێن پێشمه‌رگه‌ى، به‌لێ به‌رپرسێن كه‌نه‌دى د ڤێ حه‌فتيێ دا ئاشكه‌را كريه كو ئه‌و پلانا حوكمه‌تێ ژ ئه‌گه‌رێ نه‌دانا ره‌زامه‌نديا حوكمه‌تا عيراقێ هاتيه راگرتن و نزانن ژى ئه‌و هاريكاريا ئێكسه‌ر بۆ كوردان كه‌نگى دێ ده‌سپێكه‌ت.
ئه‌ڤرۆ نيوز:
وه‌زاره‌تا ناڤخۆ يا توركيا هه‌ر ئێك ژ ئه‌حمه‌د تورك سه‌رۆكێ باژێرڤانيا “ماردين” و تونجه‌ر باكرهان سه‌رۆكێ باژێرڤانيا “سيرت”ێ ژ كار دوورخستن.
د روونكرنه‌كێ دا كو ژ لايێ ناڤه‌ندا راگه‌هاندنا وه‌زاره‌تا ناڤخۆ يا توركيا هاتيه به‌لاڤكرن به‌حس ل دوورخستنا هه‌ر ئێك ژ ئه‌حمه‌د تورك و تونجه‌ر باكرهان ژ كارێن وان دكه‌ت.
هه‌ر ب گۆره‌ى وێ روونكرنێ مسته‌فا يامان پارێزگارێ “ماردين”ێ كريه بڕيكارێ سه‌رۆكێ باژێرڤانيا “ماردين”ێ و جه‌يهون دلشاد تاسكن جێگرێ پارێزگارێ “سێرت”ێ ژى كريه بڕيكارێ سه‌رۆكێ باژێرڤانيا “سيرت”ێ.
ب تۆمه‌تا “تێكدانا ئێكه‌تى و ئێكپارچه‌يا ده‌وله‌تێ و دابينكرنا پاران بۆ رێكخراوه‌كا چه‌كدار و ئه‌ندامبوون تێدا، ب كارئينانا ئه‌ركێن خوه ب خراب، سڤكاتيكرن ب گه‌لێ تورك و كۆمارا توركيا و په‌رله‌مانى ب ئاشكه‌را” دوسيا ڤه‌كۆلينێ ل سه‌ر ئه‌حمه‌د تورك هاتيه ڤه‌كرن.
هه‌ر ديسا تونجه‌ر باكرهان سه‌رۆكێ باژێرڤانيا “سێرت”ێ ژى ب تۆمه‌تا “ئه‌ندامێ په‌كه‌كێ و كه‌جه‌كێ” و پشتى پشكداريكرن د چه‌ند خوه‌نيشاندان و رێپيڤانان دا كو سێرتێ هاتينه كرن و تێدا پشته‌ڤانيا په‌كه‌كێ هاتيه كرن ل 16ى چريا دويێ هاتيه بن چاڤكرن و پاشان ژى ده‌سته‌سه‌ركرن.
ژ لايه‌كێ دى ڤه به‌كر كايا سه‌رۆكێ باژێرڤانيا “وان”ێ و چار به‌رپرسێن دى يێن باژێرڤانيا د چارچۆڤێ هه‌مان دوسيه دا هاتينه بن چاڤكرن.
ب گۆره‌ى ئه‌و پێزانينێن ئاژانسا ئه‌نادۆل ب ده‌ست خوه ئێخستى و به‌لاڤكرى، د چارچۆڤێ وێ دوسيێ دا ڤه‌كولين ژ لايێ داخوازكه‌رێ گشتى يێ كۆماريى ل “وان”ێ ب رێڤه دچيت، بڕيارا ده‌سته‌سه‌ركرنێ بۆ سه‌رۆكێ باژێرڤانيا “وان”ێ و چار به‌رپرسێن دى يێن باژێرڤانيان ده‌رچوويه و پاشان ژى ده‌سته‌سه‌ركرنا وان ره‌وانه‌ى رێڤه‌به‌ريا ئاسايشێ هاتينه كرن.
ئەڤرۆ، نیوار:
ل چریا ئێکێ یا ئەڤ سالە زێدەتری 78 ھزار رێڤینگان ل کۆمەلگەھا دەروازێ نێڤدەولەتی یێ ئیبراھیم خەلیل ھاتنوچوون کریە.
ل دووڤ راپۆرتەکا نڤیسینگەھا ئاکنجیبوون و پارسپۆرتا ئیبراھیم خەلیل 78 ھزار و 960 رێڤینگ ھاتنوچوون کریە و 40 ھزار و 929 ھزار کەس ھاتینە ناڤ ھەرێما کوردستانێ و ژ وان ھەشت ھزار و 734 ھەلگرێن پاسپۆرتێن عیراقی نە و 30 ھزار و 907 ھەلگرێن پاسپۆرتێن تورکی نە و ھزارو 288 ھەلگرێن باوەرنامێن بیانی نە.
ھەر دیسان دیار بوویە کو 38 ھزار و 31 رێڤینگ ب رێیا دەرگەھێ کۆمەلگەھا ئیبراھیم خەلیک چووینە ناڤ وەلاتێ تورکیا کو ژ وان پێنج ھزار و 464 ھەلگرێن پاسپۆرتێن عیراقی نە و 31 ھزار و 305 رێڤینگ ھەلگرێن پاسپۆرتێن تورکی نە و ھزار و 262 رێڤینگ ھەلگرێن پاسپۆرتێن بیانی نە.
ئەڤرۆ نيوز:
ب دەھان ترومبێلێن پۆلیسێن ئیرانی کو ھێزێن ئەمنی ب چەک ڤە دناڤدانە ل جادێن کەربەلا بەلاڤ بووینە و ئەڤە دبیتە جارا ئێکێ پشتی ئازادکرنا عیراقێ ل سالا 2003، ترومبێلێن ھێزێن ئەمنی یێن ئیرانی ب ڤی شێوەی دھێنە کەربەلا، پارێزگەھا کەربەلا ژی بۆ ئەڤرۆ دیارکر کو چو راستی بۆ وێ چەندێ نینە وئەو نە ھێزێن ئەمنی یێن ئیرانی نە، بەلکو قوتابیێن زانکۆیێن عیراقی نە ل گەل ھێزێن عیراقی ل کەربەلا بەلاڤبووین.
ل دووڤ راپۆرتەکا سایتێ (العربی الجدید) کو ل 16/11/2016 ێ بەلاڤبووی، ھندەک ژێدەرێن ئەمنی یێن عیراقی بۆ وی سایتی دیارکریە کو ب دەھان ترۆمبێلێن ھێزێن ئەمنی و پۆلیسێن ئیرانی یێن ھاتینە دناڤ باژێرێ کەربەلا دا ب ھێجەتا پاراستنا وەلاتیێن ئیرانی ئەوێن نوکە سەرەدانا کەربەلا دکەن ب ھەلکەفتا چلەیا ئیمام حوسێنی کو دێ ل رۆژا ئێک شەمبیا بھێت 20/11/2016 ێ ھێتە گێران، ھندەک ئەفسەرێن عیراقی ژی ئاشکراکریە کو فەرماندەیا پۆلیسێن پارێزگەھا کەربەلا فەرمان دایە بۆ ب ساناھیکرنا ئەرکێ ھێزێن ئەمنی یێن ئیرانی.
تەوفیق ئەلحەبالی بەرپرسێ راگەھاندنا پارێزگەھا کەربەلا دداخۆیانیەکێ دا بۆ رۆژناما ئەڤرۆ ئەڤ چەندە رەتکر و گۆت” چو راستی بۆ ھاتنا ھێزێن ئەمنی یێن ئیرانی بۆ کەربەلا نینە و نوکە ئەز یێ ل نیڤا سەنتەرێ باژێرێ کەربەلا ل گەل ھەوە دئاخڤم و ئەز بۆ ھەوە سویندێ ب چلەیا ئیمام حوسەینی دخوم کو ئێک کەس ب تنێ ژی ژ ھێزێن ئەمنی یێن ئیرانی ل کەربەلا نینە و پاراستنا رێ و رەسمێن چلەیا ئیمام حوسێنی دێ ئەرکێ لەشکرێ عیراقی و ھێزێن ئەمنی و حەشد شەعبی بیت”.
سایتێ (العربی الجدید) ژزاردەڤێ ژێدەرەکی ژ وەزارەتا ناڤخوەیا عیراقێ ڤەگوھاستیە کو 50 ترۆمبێلێن پۆلیس و ھێزێن ئەمنی یێن ئیرانی ب چەک و کەلۆپەلێن خوەڤە ھاتینە دناڤ ئاخا عیراقێ دا بۆ کارێ دابینکرنا ھاتنا وەلاتیێن ئیرانی بۆ باژێرێ کەربەلا ب ھەلکەفتا چلەیا ئیمام حوسەینی و ھێزێن پاراستنا سنۆری یێن عیراقێ چو رێگری ل ھێزێن ئەمنی یێن ئیرانی نەکر بۆ ھاتنا دناڤ ئاخا عیراقێ دا” وی ژێدەرێ وەزارەتا ناڤخوەیا عیراقێ دیارکر ژی کو” فەرمان ژ لایەنێن بلند بۆ خالێن پشکنینێ یێن سنۆری ھاتینە کو چو رێگریێ ل ھێزێن ئەمنی یێن ئیرانی نەکەن”.
خویاکر ژی کو ئەو ھێزێن ئەمنی یێن ئیرانی ھاتن دناڤ عیراقێ دا و ب رێیا باژێرێ کۆت گەھشتنە کەربەلا و ھەڤکاریەکا بلند دناڤبەرا وان ھێزێن ئیرانی و ھێزێن ئەمنی یێن عیراقی دا یا ھەی دپرۆسا ڤەگۆھاستنا وەلاتیێن ئیرانی دا بۆ کەربەلا.
کازم حەیدەری، ئەفسەر ل پۆلیسێن کەربەلا ب پلەیا نەقیب، بۆ (العربی الجدید) دبێژیت” فەرماندەیا پۆلیسێن کەربەلا ھەموو پۆلیسێن خوە یێن ئاگەھدارکرین کو ھێزێن ئەمنی یێن ئیرانی دێ ب ئەرکێ پاراستنا وەلاتیێن ئیرانی د چلەیا ئیمام حوسێنی دا رابن”.
بەلێ بەرپرسێ راگەھاندنا پارێزگەھا کەربەلا ھەر یێ رژد بوو کو ئەو ھێزێن ئەمنی یێن ئیرانی نینن و بۆ ئەڤرۆ گۆت” ئەو تیمێن خوەبەخشێن قوتابیێن زانکۆ و پەیمانگەھێن عیراقی نە و مە جلکێن فەرمی ب ھەردو رەنگێن زەر و کەسک یێن کرینە بەر و یێ کارێ رێکخستنا مێھڤانێن کەربەلا دکەن دچلەیا ئیمام حوسێنی دا ب ھەڤکاری ل گەل ھێزێن ئەمنی یێن عیراقی”.
ژلایێ خوەڤە ئەندامێ جڤاتا ریە سپیێن کەربەلا، جەبار ئەلساعدی، بۆ (العربی الجدید) دوپاتکر کو ھاتنا ھێزێن ئەمنی یێن ئیرانی بۆ ناڤ ئاخا عیراقێ سەرپێچیە ل سەروەریا عیراقێ و پێدڤیە ھەلویستەک دژی ڤێ چەندێ ھەبیت”.
خویاکر ژی” کا ئەو کەسێن دەنگێ خوە بلند کری دژی ھاتنا ھێزێن تورکی بۆ شەڕێ داعشێ؟” زێدەتر ژی گۆت” باشە ھەکە ئەو ترۆمبێل و ھێزێن ئەمنی یێن ئیرانی ژ وەلاتەکێ عەرەبی یان وەلاتەکێ جیران ژبلی ئیرانێ ھاتبان، دا ھەلویستی ھندەکا چ بیت؟” ناڤبری داخواز ژ حوکمەتا عیراقی و حوکمەتا ناڤخوەیا کەربەلا کر کو فەرمانێن بلەز بدەن بۆ دەرکرنا ھێزێن ئەمنی یێن ئیرانی ژ کەربەلا”.
ئه‌ڤرۆ نيوز:
رێکخراوا مافێ مرۆڤی یا ئامەدێ د راپۆرتەکێ دا دیار کریە کو پشتی ٨ مەھان ژ قەدەغەیا ھاتن و چوونێ و بارێ نەئاسایی ل باژێرێ شەرنەخێ سێ رۆژن ل باژێرێ قەدەغەیا ھاتن و چوونێ ھاتیە راکرن و نھا باژێر ب تەمامی وێران بوویە و کێر ژیانێ ناھێت و یا ل شەرنەخێ روو دای چو جوداھیا خوە ل گەل حەلەبێ و باژێرێن دی یێن سووریێ نینە و لەشکرێ تورکیا ب چەکێن گران مالێن خەلکێ وێران کرینە.
رێکخراوا مافێ مرۆڤی یا ئامەدێ دوھی د راپۆرتەکێ دا راگەھاند کو پشتی ھەشت مەھان ژ شەری و راگەھاندنا بارێ نەئاسایی ل شەرنەخێ پارێزگارێ شەرنەخێ سێ رۆژ بەری نھا قەدەغەیا ھاتن و چوونێ راکر و تیمەکا سەر ب رێکخراوا مە سەرەدانا شەرنەخێ کریە و براستی ژی دیمەنێن ل شەرنەخێ گەلەک دلتەزینن و ئەو باژێر ب تەمامی وێران بوویە.
پارێزەر ئەحمەد ئایھان ژ رێکخراوا مافێ مرۆڤی یا ئامەدێ دیار کریە کو پشتی مە سەرەدانا شەرنەخێ کری و دیمەنێن باژێرێ دیتی براستی ژی مرۆڤ ھەست نەدکر کو ئەو باژێر شەرنەخ بیت، مرۆڤی ھەست دکر کو ھاتیە تاخەکا حەلەبێ، چونکو خەلکێ شەرنەخێ دیار کرن کو ھێزێن لەشکرێ تورکیا ب چەکێن گران و فرۆکێن شەری ھەموو تاخێن باژێرێ بۆمبەباران دکرن و ژ بەر بۆمبەباران فرۆکان و چەکێن گران ب دەھان وەلاتیێن سڤیل شەھید کەڤتن و وان نەدشیان برینداران ژی ببەنە خوشخانان و گۆت: (براستی ژی یا ل باژێرێ شەرنەخێ روو دای وەکو شەرێ ناڤخوەیی یێ سووریێ یە و ئەو یەک ژی نیشا ددەت کو رەوشا ناڤخوەیی یا تورکیا گەلەکا خرابە و حوکمەتا ئاکپارتیێ ب ھەموو شیانێن خوە بزاڤێ دکەت کو راستیێن ل باژێرێن باکورێ کوردستانێ روو ددەن بۆ رایا گشتی ئاشکرا نەبیت و ژ بەر ھندێ ژی گەلەک رۆژنامە و دەزگەھێن راگەھاندنێ یێن کو راستیێن باکورێ کوردستانێ بەلاڤ دکرن ژ ئالیێ حوکمەتێ ڤە ھاتنە داخستن).
ناڤھاتی ئەو یەک ژی دیار کریە کو دیمەنێن دلتەزینێن ل شەرنەخێ و یێن بەرێ ل باژێرکێ سورێ ژی نیشا ددەن کو حوکمەتا ئاکپارتی چو وانە ژ دیرۆکا تورکیا وەرنەگرتینە، چونکو حوکمەتێن بەرێ ژی ب سالان بزاڤ کرن کو ب رێیا کوشتن و وێران کرن و دەرخستنا کوردان ژ مالێن وان پرسا کوردی ژناڤ ببەن، لێ نەشیان سەربکەڤن و ژ بەر ھندێ ژی دڤێت ئەردۆگان دەستان ژ کوشتنا کوردان بەردەت و جارەکا دی بزاڤێ بکەت پرسا کوردی ب رێیا ئاشتیێ و دوور ژ شەری چارە بکەت.
ل ئالیێ دی چەندین دەزگەھێن راگەھاندنێ یێ سەر ب حوکمەتا تورکیا ژی راگەھاندن کو ھێزێن تورکیا شیاینە شەرنەخێ ژ تیرۆرستان پاقژ بکەن و ل ھەر جھەکێ پێدڤی بیت دێ شەرێ تیرۆرێ ھێتە کرن و ھەتا پەکەکێ دەستان ژ چەکی بەرنەدەت و چالاکیێن خوە ل دژی تورکیا نەدەتە راگرتن دێ ئۆپەراسیۆن بەردەوام بن.
رۆژناما یێنی شەفەق یا تورکیا کو رۆژنامەکا سەر ب ئاکپارتی یە د راپۆرتەکێ دا دیار کریە کو چو راستی بۆ ھندێ نینن کو دبێژن ژ بەر ئۆپەراسیۆنێن ل شەرنەخ و باژێرێن دی وەلاتیێن سڤیل بووینە قوربانی، چونکو یێن ھاتینە کوشتن ھەموو تیرۆرست بووینە و دێ شەرێ ل دژی تیرۆرێ ژی ب ھەموو رەنگەکێ بەردەوام بیت.
ل ئالیێ دی پشتی سەرەدانا خوە یا بۆ تورکیا فرانگ ڤالتەر شتانمایەر وەزیرێ دەرڤە یێ ئەلمانیا راگەھاند کو پەیوەندیێن ئەلمانیا و تورکیا گەلەک ئالۆزن و د ھەڤدیتنا ل گەل سەرۆک کۆمار و سەرۆک وەزیران ژی دیار بوویە کو ئاریشێن ناڤبەرا مە دا گەلەک مەزنتر لێ ھاتینە و ب سەرەدانەکێ مرۆڤ نەشێت بەحسێ چارەکرنا ئالۆزیێن ھەر دو وەلاتان بکەت. ئەو داخۆیانیا وەزیرێ دەرڤە یێ ئەلمانیا پشتی ھندێ ھات کو بەری چەند ھەفتیان بەرپرسێن تورکیا دیار کرن ئەلمانیا پشتەڤانیێ ل تیرۆرێ دکەن و ئەلمانیا ژی ب توندی بەرسڤا تورکیا دا و راگەھاند دڤێت تورکیا دەستان ژ کوشتنا کوردان بەردەت.
نيشاندان