ئه‌ڤرۆ نيوز:

بەرپرسێ راگەھاندنا پولیسێن پارێزگەھا دھۆکێ دیار کر “سەرا سۆتنا بازارێ چەلێ ل دووڤ بریارا دادگەھا ڤەکۆلینێن دھۆکێ کەسەک ھاتە دەستەسەرکرن و فەرمانا دەستەسەرکرنێ بۆ ھندەک کەسێن دێ ژی دەرچوویە. ل دووڤ قانوونێ ب تایبەتی ژی مادی 342 ژ یاسا سزایێ ھەر کەسەکێ ئاگر بەردابیت بازاری دی بۆ ماوی پتر ژ 15 سالان ھێتە حوکمکرن، ل دووڤ بریارا دادوەری دمینیت یان ژی ھەکە کەسەک ل دووڤ مادێ 434 ھاتە گرتن ئەڤە مادی ھەکە بێ دەستێ مرۆڤی ئاگر بەربیتە جھەکێ دێ ئەو کەس ھێتە زیندانکرن و غەرامەکرن ژی.

رائێدی مافپەروەر ھێمن سلێمان، بەرپرسێ راگەھاندنا پولیسێن پارێزگەھا دھۆکێ بۆ ئەڤرۆ دیار کر “ل دووڤ مادی 342 ژ یاسایێن سزایێ کەسەک سەرا سۆتنا بازارێ چەلێ ل پارێزگەھا دھۆکێ ھاتە دەستەسەرکرن و فەرمانا دەستەسەرکرنێ ژی بۆ ھندەک کەسێن دێ دەرکەڤت و ڤەکۆلین یا بەردەوامە”.
داواکاریا گشتی ل دھۆکێ د نڤیسارەکێ فەرمێ دا داخاز کریە ھەر جە و ئالیەکێ خەمساری کربیت دێ ڤەکۆلێن دگەلدا ھێتە کرن و داخواز ژ دادگەھا دھۆکێ ھاتیە کرن ڤەکۆلین ل سەر بۆیەرا سۆتنا بازارێ چەلێ دا بھێتە کرن و رێکارێن یاسایێ بەرامبەر خەمسارێن بۆیەرێ بھێتە کرن و ھەر جھەکێ خەمساری کربیت ژ خودانێن موەلیدان یان ئالیێن فەرمی و نە فەرفی یێ کو خەمسار بووی ھەتا ئاگر بەربوویە بازاری لیکۆلێن د گەل دا بھێتە کرن”.
بیوار عەبدولعزیز، رێڤەبەرێ پەێوەندی و راگەھاندنێ ل رێڤەبەریا بەرگیریا شارستانێ ل دھۆکێ، دیار کر “ژ ئەگەری تانکێ گازا موەلیدی روودانا سۆتنا بازاری چەلێ روودایە ل سەر بانێ بازاری چەلێ موەلیدی کارەبی ھاتبوو دانان د روودانی دا بازاری چەلێ 57 دوکان ب تەمامی ھاتینە سۆتن”.

خۆیا ژی کر “ھەشت پولیس ب سڤکی بریندار بووینە، ئێک ژ وان دەستێ وی شکەستبوو و ئیک ژی پێ وی ھاتبوو شکاندن و سێ وەلاتی ژی د بۆیەرا سۆتنا بازارێ چەلێ دا ھاتبوو بریندارکرن، ژبلی وی کەسێ گیانی خوە ژ دەستدای د روودانا سۆتنا بازارێ چەلێ دا و کەسەک ژی ب رێژا مەزن ھاتبوو سۆتن و سەدان ملیون دیناران زیان گەھشتنە خۆدانێن دوکانێن بازارێ چەلێ”.
بیوار عەبدولعەزیز ئاشکرا کر ئەڤە ھێشتا ڤەکۆلینێن دەستپێکی نە و ڤەکۆلین بەردەوام د بازارێ چەلێ دا دھێتە کرن، ل دووڤ قانوونێ ب تایبەتی ژی مادی 342 ژ یاسا سزایێ ھەر کەسەکێ ئاگر بەردابیت بازاری دی بۆ ماوی پتر ژ 15 سالان ھێتە حوکمکرن، ل دووڤ بریارا دادوەری دمینیت یان ژی ھەکە کەسەک ل دووڤ مادێ 434 ھاتە گرتن ئەڤە مادی ھەکە بێ دەستێ مرۆڤی ئاگر بەربیتە جھەکێ دێ ئەو کەس ھێتە زیندانکرن و غەرامەکرن ژی لێ ھەتا نوکە ڤەکۆلین د بازاری دھۆکێ دا دھێتە کرن”.
خۆیا ژی کر: “روودان ب تەمامی ھاتیە کونترول کرن ئەو ژی ب ھاریکاریا تۆرا فەوھێن ئاڤێ بەری نوکە ل ناڤ بازارێ دھۆک ھاتبوونە دانان ڤان فەوھان ب باشیێ کارێ خوە ئەنجامدان ھەکە ھاریکاریا ڤان فەوھان نەبایە رەنگە دو رۆژان ژی ئاگر نەھاتبا کونترول کرن”.
رێڤەبەرێ پەێوەندی و راگەھاندنێ ل رێڤەبەریا بەرگیریا شارستانێ ل دھۆکێ دیار کر، ل دووڤ ڤەکۆلین دەستپێکی ئاگر ژ موەلیدی یێ بەربوویە بازارێ چەلێ ھێشتا ڤەکۆلین دھێتە کرن ئەڤ دوسیەیا یا ڤەکریە و بەردەوام دووڤچوون تێدا دھێتە کرن و کەسێن خەمسار، بێگومان دێ ھێنە سزادان، لەورا ژی ھەر جار ئەم داخازێ ژ خەلکێ خوە و ھەموو خودان کاران دکەین رێنمایێن بەرەڤانیا باژێری بجە بینن ھەکە ھەموو کەس ھەڤکار بن و رینمایان بجە بینن روودانێن ھوسا مەزن روونادەن ئەم دێ زووتر کونترولی ل سەر کەین.