ئه‌ڤرۆ نیوز:
سه‌رۆك بارزانى د په‌یامه‌كێ دا، پیرۆزباهى ل دونالد تره‌مپ كرن وه‌كو سه‌رۆكێ هه‌لبژارتیێ ئه‌مریكا و راگه‌هاند” گه‌لێ كوردستانێ چاڤه‌رێى پشته‌ڤانیا تمام ل جه‌نابێ هه‌وه دكه‌ت بۆ بده‌ستڤه‌هاتنا مافێن وان یێن ره‌وا”
بارزانى سوپاسیا حكومه‌ت و گه‌لێ ئه‌مریكا دكه‌ت بۆ پشته‌ڤانیكرنا ل هه‌رێما كوردستانێ و راگه‌هاند : هیڤیخوازین ئه‌و هاریكاریه و هه‌ڤپه‌یمانیا مه ل ئاینده‌دا زێده‌تر به‌ده‌وام و بهێز بیت.
ئه‌ڤرۆ نيوز:
نێچيرڤان بارزانى سه‌رۆكێ حوكمه‌تا هه‌رێما كوردستانێ پيروزباهى ل دونالد تره‌مپ كرن ب هه‌لكه‌فتا هه‌لبژارتنا وى وه‌ك سه‌رۆكێ نوو يێ ئه‌مريكا و راگه‌هانديه: ئه‌ڤ هه‌لبژارتنێن ئه‌مريكا دده‌مه‌كێ دايه كو ئه‌م مژوولى ئوپه‌راسيونه‌كا به‌رفره‌هين ل مووسل و ده‌وروبه‌رێن وێ بۆ نه‌هێلانا تيرورستێن داعش، خه‌لكێ كوردستانێ ئاگادارى وێ يه‌كێ نه كو به‌رى نوكه به‌رێز تره‌مپ ل ده‌مێ هه‌لبژارتنان پشته‌ڤانيا خوه بۆ حوكمه‌ت هه‌رێمێ و پێشمه‌رگه دووپات كريه،
ئه‌ڤرۆ نيوز:
سه‌رۆك بارزانى ئه‌ڤرۆ سه‌را سه‌نگه‌رێن هێزێن پێشمه‌رگه‌ى ل ميحوه‌رێ باشيك دا و ئاموژگاريا فه‌رماندێن پێشمه‌رگه‌ى ل وى ميحوه‌رێ كرن، سه‌رۆك بارزانى ئاموژگاريێن پێدڤى ئاراسته‌ى فه‌رماندێن پێشمه‌رگه‌ى كرن و داخواز ژێ كر كو باژارۆكێ باشيك ب زووترين ده‌م ژ مين و ته‌قه‌مه‌نى و پاشماييێن داعش پاقژ بكه‌ن بۆ وێ يه‌كێ روونشتڤانێن وێ ناوچێ بشێن ب پشت راستى ڤه‌گه‌رنه سه‌ر مال و حالێن خوه.
ئه‌ڤرۆ نیوز ، نه‌وزاد زاده هلورى:
ب مه‌ره‌ما پتر خزمه‌تاكرنا خه‌لكێ ده‌ڤه‌رێ ، رێڤه‌به‌ریا گشتى یا هاتن و چوونا دهوكێ پشكا دانا موله‌تێ بو شوفێران ل رێڤه‌به‌ریا هاتن و چوونا ئامێدیێ ڤه‌كر و ژ ئه‌ڤرۆ وێڤه شوفێر دكارن هه‌ر ل ئامێدیێ موله‌تا شوفێریێ وه‌ربگرن.
دڤى واریدا كاوه ئه‌حمه‌د به‌رپرسێ پشكا ده‌ستوردانێ ل رێڤه‌به‌ریا هاتن و چوونا ئامێدیێ بو ئه‌ڤرۆ نیوز گۆت : ( ب مه‌ره‌ما پتر خزمه‌تكرنا خه‌لكێ ده‌ڤه‌را ئامێدیێ ئه‌ڤرۆ ب به‌رهه‌ڤبوونا رێڤه‌به‌رێ گشتیێ هاتن و چوونا دهوكێ و قایمقامێ ئامێدیێ پشكا ده‌ستوردانێ ل رێڤه‌به‌ریا هاتن و چوونا ئامێدیێ هاته ڤه‌كرن )
زێده‌تر گۆت : ( شوفێرێن ئامێدیێ ژ ئه‌ڤرۆ وێڤه دكارن هه‌موو قوناغێت وه‌رگرتنا موله‌تێ ل ئامێدیێ بكه‌ن هه‌تا كو دگه‌هیته ترایێ و وه‌رگرتنا موله‌تێ و پێدڤى ناكه‌ت بچنه دهوك و سوران و هه‌ر شوفێره‌كێ كارتا وى یا زانیاریان یا ئامێدیێ بیت دكاریت ل ڤێره موله‌تێ وه‌ربگریت )
به‌رپرسێ پشكا ده‌ستوردانێ ل ئامێدیێ دیاركر ژى كو رۆژانێن دوشه‌مبى و سێشه‌مبى ئه‌و ل نڤیسینگه‌ها قه‌دشێ ترایێ دخزمه‌تا شوفێران داینه و رۆژانێن ئێكشه‌مبى و چوارشه‌مبى و پێنج شه‌مبى ژى ل ئامێدیێ تاقیكرنان ب وه‌لاتیان دكه‌ن و داخوازا پێشكێشكرنێ وه‌ردگرن و گۆت ژى : ( مه ل هژمار ئێك ده‌ستپێكریه و هه‌تا نها 57 موله‌تێن گشتى و 60 موله‌تێن تایبه‌ت ژى ب شوفێران داینه كو ئێك ژ وان ژى بو ئافره‌ته‌كێ هاتیه دان )
ئه‌ڤرۆ نيوز:
دونالد تره‌مپ وه‌كو به‌ربژێرێ كۆماريان وه‌كو سه‌رۆك كۆمارێ 45ێ يێ ئه‌مريكا هاته هه‌لبژارتن، پشتى شيايى زێده‌ترى 270 ده‌نگان ب ده‌ست خوه ڤه بينيت.
تره‌مپ د ده‌رحه‌قا كوردان دا دبێژيت: “ئه‌ز مه‌زنترين پشته‌ڤانێ كوردانم، دێ بزاڤێ كه‌م ل گه‌ل كوردان ئاش بن و پێكڤه شه‌رێ دژى ده‌وله‌تا داعش بكه‌ن، ئه‌ز گه‌له‌ك يێ ب پێشمه‌رگه‌ى و هێزێن كوردى سه‌رسامم، ژ به‌ر هندێ پشته‌ڤانه‌كێ نموونه‌ى يێ وانم”.
ل 13ى چريا ئێكێ 2016ى دبێژيت: “من دڤێت په‌يوه‌نديێن مه ل گه‌ل كوردێن عيراقێ زێده‌تر گه‌شێ پێ بده‌م، ئه‌م دشێين ل گه‌ل وان كارێن باشتر و زێده‌تر بكه‌ين”.
ئه‌ڤرۆ نيوز:
ئه‌ڤرو ل رێكه‌فتى (9-11-2016) ل ده‌مژمێر (12)ى نیڤرو سه‌لاحه‌دین محمه‌د بهائه‌دین ئه‌میندارێ گشتى یێ یه‌كگرتوو ب هه‌ڤالینیا شانده‌كا بلند ب سه‌ره‌دانه‌كێ گه‌هشتنه باژێرێ دهۆكێ .
سه‌عید عه‌لى عه‌بۆ سه‌رۆكێ سه‌ركردایه‌تیا یه‌كگرتوو ل بادينان دياركريه بریاره د سه‌ره‌دانا ئه‌ڤجاره دا ئه‌میندارێ گشتى یێ یه‌كگرتوو چه‌ندین كوومبوون و هه‌ڤدیتنان دگه‌ل مه‌لبه‌ند و رێكخستنێن سنورێ ده‌ڤه‌رێ ئه‌نجام بده‌ت و ژ نێزیك هایدارى ره‌وشا وان و كارو چالاكى و خه‌باتا وان ل ڤێ ده‌ڤه‌رێ بیتن.
ئه‌ڤرۆ نيوز:
د ڤێ هه‌يڤێ دا روودانه‌كا مه‌زن دێ رووده‌ت و هه‌موو دشێن ببينن، به‌لێ ئه‌ڤا جهێ سه‌رنجێ يه و ئه‌و روودانا كێم وێنه هه‌تا چه‌ندين سالێن دژى دووباره نابيت.
ئه‌ڤرۆ نيوز:
ئاخفتنكه‌را ئۆپه‌راسيۆنا تۆره‌ييا فورات راگه‌هاند كو ئۆپه‌راسيۆنا كونترۆلكرنا ره‌ققه يا به‌رده‌وامه و شه‌رڤانان 14 كيلۆمه‌تران پێشڤه‌چوون كريه.
جيهان ئه‌حمه‌د ئاخفتنكه‌را ب ناڤێ ئۆپه‌راسيۆنا ره‌ققه ئامارا رۆژا چارێ ژ ئۆپه‌راسيۆنا ئازادكرنا ره‌ققه راگه‌هاند و گۆت: “د ماوێ چار رۆژان دا شه‌رڤانان 14 كيلۆمه‌تران پێشڤه‌چوون كريه و 43 چه‌كدارێن داعش كوشتينه”.
ئاماژه ب و ێ چه‌ندێ ژى كر كو ئۆپه‌راسيۆنا تۆره‌ييا فورات ل سلۆك و عه‌ين عيساوا ده‌ست پێكريه و شه‌رڤان يێ د پێشڤه‌چوونێ دا.
ئاخفتنكه‌را ب ناڤێ ئۆپه‌راسيۆنا تۆره‌ييا فورات گۆتژى: “ل ده‌سپێكا ئۆپه‌راسيۆنێ حه‌فت ترۆمبێلێن مينرێژكرى هاتينه ژناڤبرن و دو چه‌كدارێن داعش خوه مينرێژكربوو، به‌رى بگه‌هنه ناڤ شه‌رڤانان هاتنه ژناڤبرن، ديسا رێژه‌كا زۆر يا چه‌ك و ته‌قه‌مه‌نيان ژى كه‌فتيه ده‌ستێ شه‌رڤانان”.
ئه‌ڤرۆ نيوز:
ل دووڤ ئه‌نجامێن ده‌ستپێكى، دۆناڵد ترەمپ به‌ربژێرێ كوماريان بۆ سه‌رۆكێ نوو يێ ئه‌مريكا و نوكه يێ خوه به‌رهه‌ڤ دكه‌ت بۆ پێشكێشكرنا گوتاره‌كێ.
ترامپ ب ره‌نگه‌كێ فه‌رمى بوويه سه‌رۆك كۆمارێ ئه‌مريكا به‌رى ئه‌نجامێن هه‌لبژارتنان ب دووماهى بهێن و هه‌تا به‌رهه‌ڤكرنا ڤى نووچه‌ى ده‌نگێن ترامپ 274 ده‌نگن و يێن هيلارى ژى 218 كو ب تنێ ترامپ پێدڤى 270 ده‌نگان بوو دا كو ببيته سه‌رۆك كۆمار.
نيشاندان