ئه‌ڤرۆ نيوز:
رێڤه‌به‌ريا گشتى يا كه‌شناسى و بيڤه‌له‌رزێ ل هه‌رێما كوردستانێ جوداهيا رێژا باران بارينا ئه‌ڤ ساله ل گه‌ل سالا بۆرى به‌لاڤكر.
ب گۆره‌ى راگه‌هاندنه‌كێ كو پشكا ئامارا رێڤه‌به‌ريێ ئاماده‌كريه هه‌تا ئه‌ڤرۆ رێژا باران بارينێ ل سه‌نته‌رێ پارێزگه‌ها دهۆكێ 86ملم كێمتر بوويه ل گه‌ل سالا بۆرى و ل هه‌ولێر 100ملم و ل سلێمانيێ 257ملم و ل كه‌ركووك 91ملم و ل هه‌له‌بچه ژى 257ملم.
ئه‌ڤرۆ نيوز:
چه‌كدارێن حه‌شه‌د شه‌عبى قووناغا سيێ يا ئۆپه‌راسيۆنا رزگاركرنا مووسل ل رۆژئاڤايێ باژێرى راگه‌هاند و بۆ ڤێ جارێ مه‌ره‌ما وان رزگاركرنا تله‌عفه‌ره 30 كيلۆمه‌تران دوورى سه‌نته‌رێ باژێرێ مووسل.
د به‌ياننامه‌كێ دا كو ل مالپه‌رێ خوه يێ فه‌رمى به‌لاڤكريه، ئه‌حمه‌د ئه‌سه‌دى، ئاخفتنكه‌رێ ب ناڤێ حه‌شه‌د شه‌عبى راگه‌هاند كو ئه‌ڤرۆ رۆژا دوشه‌مبى رێكه‌فتى 14ى چريا دويێ قووناغا سيێ يا رزگاركرنا مووسل ل رۆژئاڤايێ باژێرى راگه‌هاند كو مه‌ره‌ما وان رزگاركرنا باژێرێ تله‌عفه‌ره.
هه‌ر د وێ به‌ياننامێ دا ئه‌سه‌دى داخواز ژ وه‌لاتيێن وێ ده‌ڤه‌رێ كر كو د هاريكار بن ل گه‌ل هێزێن حه‌شه‌د شه‌عبى ژ بوو كونترۆلكرنا ده‌ڤه‌رێ ژ بن ده‌ستێ داعش.
تله‌عفه‌ر مه‌زنترين قه‌زا عيراقێ يه دكه‌ڤيته رۆژئاڤايێ باژێرێ مووسل ب دووراتيا 30 كيلۆمه‌تران و پتريا روونشتڤانێن وێ شيعێن توركمانن ئه‌وێن ب گۆره‌ى رووپيڤا سالا 2014ێ ژمارا وان گه‌هشتيه 200 هزار كه‌سان.
ئەڤرۆ نيوز:
نوونەرەکێ پارێزگەھا کەرکووکێ ل جڤاتا نوونەرێن عیراقێ ئاشکرا کر، ئەو پرۆژێ گۆڕان داخواز دکەت کو سلێمانیێ ژ ھەرێما کوردستانێ بھێتە جوداکرن، پرۆژێ دۆژمنێن کوردانە و دبێژیت: گۆڕان دڤێت بجە بینیت، ئەڤە ژی د دەمەکی دایە، ل شوونا ڤەگەڕاندنا کەرکووکێ بۆ سەر ھەرێما کوردستانێ، ئەو یێ سنوورێ ھەرێمێ بچووک دکەن و سلێمانیێ ژ ھەرێمێ جودا دکەن.
شاخەوان عەبدوللا، ئەندامێ جڤاتا نوونەرێن عیراقێ یێ پارێزگەھا کورکووکێ دیار کر، گۆڕان بۆ دژایەتیکرنا مللەتێ کورد یا دروست بووی و بۆ مالپەرێ فەرمیێ پارتی دیموکراتی کوردستان گۆت: “گۆڕانێ ب ئازراندنا پرسا جوداکرنا سلێمانیێ ژ ھەرێما کوردستانێ و رادەستکرنا وێ بۆ بەغدا سەلماند کو دژی دەستکەفتێن گەلێ کوردە، چونکو گۆڕان ل گەل بچووککرنا ھەرێما کوردستانێ دایە، نە ل گەل بەرفرەھکرنا سنوورێ کوردستانێ نە”.
شاخەوانی ئاماژە ب وێ چەندێ ژی کر، دڤیا ئارام شێخ محەمەد کو ئەڤە دو سالە جێگرێ سەرۆکێ پەرلەمانێ عیراقێ یە، رۆل د ڤەگەراندنا زەڤیێن کوردان ل کەرکووکێ بۆ خودانێن وان ھەبا کو ب تنێ دەنگدان مایە ل سەر بھێتە کرن و گۆت: “من ل 26-9-2016 نڤیسارەک دایە ڤێ، دا کو بێخیتە بەر دەنگدانێ، لێ وی ئەڤ چەندە کریە، ژ بلی ڤێ ژی پێدڤی بوو، گۆڕان کار بۆ ڤەگەراندنا کەرکووکێ بۆ سەر ھەرێما کوردستانێ کربا، لێ گۆڕان ھەر مژوولی نەشرینکرنا ھەرێمێ و ڤەگەریان بۆ بەغدایێ بووینە، لەو نوکە گۆڕان یا بوویە ڤایرۆسەک و چوویە د ناڤ لەشێ ھەرێما کوردستانێ دا”.
وی پەرلەمانتارێ کورد دا زانین کو ھەکە ئەو ڤایرۆس ل سنوورێ سلێمانیێ بھێتە ژناڤبرن، ژ وێ چەندێ باشترە کو ل ناڤ ھەموو کوردستانێ بەلاڤ ببیت و گۆت: “ھزرا جوداکرنا سلێمانیێ یا گۆڕان نینە، بەلکو دۆژمنێن گەلێ کورد یا دایە وان”.
ئەڤ چەندە ژی د دەمەکی دایە، ئارام شێخ محەمەد، جێگرێ سەرۆکێ پەرلەمانێ عیراقێ ژ فراکسیۆنا گۆڕان داخواز دکەت ھەکە ھەرێم و بەغدا نەگەھنە رێککەفتنێ، دڤێت بەغدا جودا سەرەدەریێ ل گەل سلێمانیێ بکەت.
ئەڤرۆ نيوز:
ل گۆڕ بەلگەنامێن ل سەر مالپەرێ خوارکوک ھاتینە بەلاڤکرن، نوری مالکی کوژمێ (87) ملیۆن دۆلاران بناڤێ قەری بۆ کۆمپانیا چاڤی لاند داینە شاسوار عەبدلواحد، ل دووڤ نڤیسارا ژمارە یا (641) رێککەفتی 25/5/ 2014، نوری مالکی ل وی دەمی رازیبوونا خوە ل سەر دیارکریە کو کوژمێ ناڤبری بۆ کۆمپانیا چاڤی لاندە بھێتە مەزاختن.
ل گۆڕ پێزانینێن تایبەتێن مالپەرێ ناڤبری کو نوری مالکی ئەو کوژمێ پارەی بۆ کومپانیا چاڤی لاند مەزاخت، بەلێ ئەو پارە دبنەرەتدا بۆ مەرەمەکا دی بوویە، کو ئەو ژی بۆ کەنالێ (NRT) یا عەرەبی ھاتبیتە مەزاختن.
ھەروەسا ل گۆر پێزانیان ئەو رێککەفتنا کەنالێ عەرەبی دناڤبەرا سرەو عەبدواحد ئەنداما پەرلەمانێ عیراقێ یا سەرب لیستا گۆرانێ ڤە کو دبیتە خویشکا شاسواری و نوری مالکی ھاتیە کرن، کو پشکەکا مەزنا وی کەنالی بەھرا نوری مالکی تێدایە لەورا کاردێن برێڤەبرنا کەنالێ (NRT) عەرەبی برێیا کروپێن سەر ب نوری مالکی ڤە دھێتە برێڤەبرن.
ئەڤرۆ:
سکرتێرێ ئێکەتیا نەتەوەیا دیموکراتی کورد ئاشکراکر، سەرۆکێ ھەرێما کوردستانێ ھەر ل دەستپێکا رۆلێ پرۆسا ئاشتیێ دا رۆلەکێ گرنگ ھەبوو و نوکە ژی دشێت رۆلەکێ زێدەتر ھەبیت وباروەریێ بۆ وەلاتێ تورکیا چێکەت، ھەروەسا دیارکر، پەکەکە دشێت ل گەل سەرۆکێ ھەرێمێ روونشتنان بکەت و مفای ژ پەیوەندنیێن نێڤدەولی یێن سەرۆک بارزانی وەربگرن.
سکرتێرێ پارتی ئێکەتیا نەتەوەیا کورد (غەفور مەخمووری) راگەھاند، پێدڤیە ھەموو کێشە ب رێیا ئاشتیی و لێکتێگەھشتن و دانوستاندنێ بھێنە چارەکرن، و پرۆسا ئاشتیێ کو ل باکوورێ کوردستانێ ھەبوو، تورکیا پێنگاڤێن پێشڤەچوونێ بۆ نەھاڤێتن، لەورا گەھشتە بنبەستێ، لێ دشیان دا ھەیە نوکە جارەکا دی سەرشنوو دەست ب پرۆسا ئاشتیێ بھێتە کرن، چونکە ئەڤە تاکە رێکە و ھەموو دونیا ژی ھەر بڤی رەنگی یە.
غەفور مەخمووری ھەروەسا گۆت: ئەم ل گەل توندوتیژیێ نینە، و چو کێشە ب توندوتیژیێ ناھێنە چارەسەرکرن، و خزمەتا ب کاودانێن نوکە ژی ناکەت، دشیان دایە ل سەر بنەمایێ لێکتێگەھشتنێ درێژە ب پرۆسا ئاشتیێ بھێتە کرن.
مەخمووری ئەو چەندە ژی دیارکر و نەڤەشارت، کو دڤێت ھەموو پەیوەندیێن مللەتێ کوردستانێ ل گەل ئێکدا دباشبن و کێشێن لابەلایی دەستژێ بەردەن و بتنێ ھزرا پرسا نەتەوەیی بکەین، چونکی رەوشا باشوورێ کوردستانێ زورا ھەستیارە، لەورا پێدڤیە ل سەر پارچێن دی یێن کوردستانێ تایبەتمەندیا ڤێ پارچێ بەرچاڤ بگرین، ودەست دکاروبارێن ناڤخوەیا وێ وەرنەدەین.
سکرتێرێ ئێکەتیا دیموکراتیا نەتەوەیی یا کورد ھەروەسا خوەیاکر، پێدڤیە کێشە ب رێیا دیالۆگێ بھێنە چارەکرن، چونکە ئەڤە تاکە رێیە بۆ چارەسەریا کێشان.
غەفور مەخمووری زێدەباری وێ چەندێ گۆت: سەرۆک بارزانی دشێت رۆلەکێ گرنگ ل چارەکرنا پرۆسا ئاشتیێ ل وەلاتێ تورکیا بگێریت، چونکی ھەر ل دەستپێکێ وی رۆلەکێ کاریگەر ل سەر پرۆسا ئاشتیێ ھەبوو و دشێت رۆلەکێ کاراتر ژی دڤێ قوناغێ دا ھەبیت، و باوەریەکا تەمام ژی بۆ وەلاتێ تورکیا سەبارەت پرۆسا ئاشتیێ پەیدا بکەت.
ل دووماھیێ سکرتێرێ پارتا ناڤبری، دووپاتکر پەکەکە دشێت ل گەل سەرۆک بارزانی چاڤپێکەفتنان بکەت بۆ ھندێ پرۆسیا ئاشتیێ ل تورکیا بەر ب پێشڤە بچیت و مفای ژ پەیوەندیێن ب ھێزێن نێڤدەولی یێن سەرۆک بارزانی ببینن.
ئه‌ڤرۆ نیوز:
پشتی ئیڤارا سوبه‌هی رۆژا دوشه‌مبی 14 مه‌هێ دێ هه‌یڤ ب ره‌نگه‌كێ كێموێنه و سه‌ره‌نجراكێش مه‌زن و نێزیك و گه‌ش دیاربیت.
ئه‌ڤ دیاربوونا هه‌یڤێ كو ب هه‌یڤا مه‌زن “supermoon” دهێـ نیاسین دێ بره‌نگه‌كێ گه‌له‌ك مه‌زن هێته دیتن كو پشتی سالا 1948 ئێكه‌م جاره ب ڤی قه‌باره‌یێ مه‌زن بهیته دیتن.
سه‌ده‌ما ڤێ یه‌كێ ژی ئه‌وه كو هه‌یڤ دگه‌هیته نێزیكترین خال د خولگه‌ها خوه دا ل دۆر ئه‌ردی.
گه‌ر ئه‌سمان یێ ساهی نه‌بوو ژی، هین دشێن سوبه‌هی ئێڤاری ل سه‌ر ڤێ لینكا ل خوارێ ته‌ماشه بكه‌ن كو ب زندی دێ ڤێ دیارده‌یا سرۆشتی ڤه‌گوهێزیت.
ئه‌ڤرۆ نیوز:
وه‌زيرێ ناڤخۆ یێ به‌لجیكا هۆشداری دان كو چێدبیت سێ هزار هه‌تا پێنج هزار كه‌سێن ئه‌وۆپی كو نها د ناڤ رێزا داعشێ نه پشتی ئۆپه‌راسیۆنێن مووسل و ره‌قایێ ڤه‌گه‌رنه ئه‌ورۆپا.
ژان ژامبون، وه‌زیرێ ناڤخۆ یێ به‌لجیكا گۆت: نها هێرشی داعشێ ل سووریێ و ئیراقێ دهێته كرن، دلگرانی د وێ یه‌كێ دا یه كو دبیت داعش دوسه‌د به‌لجیكیێن ناڤ داعشێ دا یان ژی نێزیكی پێنج هزار داعشێن ئه‌ورۆپی بهنێرنه ئه‌ورۆپا.
ئەڤرۆ نیوز، قەیس وەیس:
ئێکەتیا تەپا پێ یا عیراقێ دوھی ل روژا ئێک شەمبی ئەو کاودانێن ل یاریگەھا زاخو رویداین شەرمزارکرن ، دیسان سوز دا سزایێن توند لسەر یانا زاخۆ بدانن تایبەت کو بەری چەند روژ بۆ سزایێ کرنا یاریێ بێ جەماوەر ھاتبو گھورین ب کوژمەکێ پارەی .
قەیس محمەد ئەندامێ ئێکەتیا تەپا پێ یا عیراقێ بو دەزگەھێن راگەھاندنێ گوت : ب لێبورین ڤە توندو تیژی جارەکا دی ل یاریگەھا یانا زاخۆ دوبارە بوو د یاریا زاخۆ بەرامبەر بەغدا کو دڤێ یاریێ دا جەماوەرێ یانا زاخۆ ھەمان سیناریو جارێن بوری دەست ب ھاڤێتنا بتلێن ئاڤێ کو بەری ڤێ یاریێ ب چەند رۆژا ئێکەتیا تەپا پێ سزایێ ل سەر یانا زاخۆ گھورین تێدا کربوون کو بەرامبەر کوژمەکێ پارەی سزا ل سەر یانا زاخۆ ھاتبو راکرن کو یاریێن وێ بێ جەماوەر بوون لێ پشتی کارگێریا یانێ بەرامبەر ئەوی سزایێ خوە کوژمەکێ پارەی دای ئەو سزا ل سەر ھاتبو راکرن .
دیسان قەیسی گوت : جەماوەرێ زاخو مفا ژڤێ چەندێ نە وەرگرت و توندیا خوە دوبارەکر و ئەڤ چەندە دێ بیتە ئەگەرێ سزایێن توند لسەر یانا زاخۆ ودیارکر کو ئەو یێل ھیڤیا راپورتا سەرپەرشتێ یاریێ سادق عەبدوالحسێن و دادڤانێ یاریێ محمەد سادق و پشتی راپورت ب گەھنە دەستێن ئەوان ئەو دێ بریارێ ل سەر دەن.
ئه‌ڤرۆ نيوز:
ترامپ سه‌رۆكێ هه‌لبژارتيێ ئه‌مريكا سوزدايه سێ مليون په‌نابه‌رێن نه‌ياسايى ، ئێكسه‌ر بهێنيريته وه‌لاتێن وان، پشتى كو پۆستێ سه‌رۆكايه‌تيا ئه‌مريكا وه‌ردگريت ل هه‌يڤا 1 يا سالا بهێت.
ماوێ چه‌ند رۆژانه ل چه‌ند ويلايه‌تێن ئه‌مريكى خونيشادانان ل دژى تره‌مپ دهێنه كرن ژبه‌ر وان داخويانيێن دژوار يێن وى داين ل ده‌مێ كه‌مپينا هه‌لبژارتنان.
نيشاندان