ئهڤرۆ نيوز:
ژ ئهنجامێ روودانا دو تهقينان ل باژێرێ سان پترسبورگ يێ رووسى 10 كهس هاتنه كوشتن و 50 كهس برينداربوون، پوليسێن رووسيا ئاشكراكرينه كو تهقين ل ويستگهها ميترۆ يا چوارريانا سينايا يا رووداى.
قوربانيێن تهقينا رووسى زێده بوون
نووترين نووچه
- سەرۆكێ هەرێما كوردستانێ پێشوازی ل بەرپرسێ نڤیسینگەها ئێكەتییا ئورۆپایێ كر
- نێچیرڤان بارزانی و یان برێم دوپاتیێ ل سەر بەردەوامییا هاریكارییا د ناڤبەرا هەرێمێ و فەرەنسایێ دا دكەن
- ب فەرمانا سەرۆكێ هەرێمێ پلەیا هەژمارەكا پلەدارێن هێزێن ئاسایشا ناڤخۆ هاتە بلندكرن
- دیمەشق دەست ب ڕێكارێن ڤەكرنا قونسلخانەیا خۆ ل هەرێما كوردستانێ دكەت
- بناس دۆسكی ب بەلگەنامەیێن فەرمی روو ب روویێ وەزارەتا پەترۆلا فیدرال دبیت
- كاراكرنا پەرلەمانی و پێكئینانا حوكمەتێ پێدڤییەكا نیشتمانی یە
- نێچیرڤان بارزانی و قونسلێ بەریتانیا دوپاتیێ ل سەر بەردەوامییا ب هێزكرنا پەیوەندییان دكەن
- هشیار زێباری: رێككەفتنێن ل گەل ئەمریكا دێ پاشەڕۆژەكا باشتر و گەشەكرنێ بۆ ئیراقێ دابین كەن
- پارتی ل سەر چارەسەركرنا قەیرانان پێگیرە
- چارەسەركرنا كێشەیێن هەولێرێ و بەغدایێ هێز و سەروەریێ د دەنە ئیراقێ
سهرهكى نووترين نووچه
پهيڤدارێ پارتى: ل گهل ئێكهتيێ دێ سهرهدانا گۆران دهين
پارتی و ئێكهتیێ بریار ل دۆر رێفراندۆما ههرێما كوردستانێ دا
ئهڤرۆ نیوز:
هاته راگههاندن كو د كۆمبوونا ئهڤرۆ یا پارتی و ئێكهتیێ دا بریار هاتییه دان: ئهڤ ساله رێفراندۆما سهرخوهبوونێ ل ههرێما كوردستانێ بهێته كرن.
مهحموود محهمهد، ئەندامێ مەکتەبا سیاسی یا پارتی دیمۆکراتی کوردستان د داخویانییهكا میدیایی دا دیار كر: بۆ مهرهما رێفراندۆمێ دێ دهست ب گۆتوبێژان د گهل بهغدا و وهلاتێن جیران هێته كرن، ههروهسا شاندێ ههڤپشك یێ پارتی و ئێكهتیێ دێ سهرهدانا ئالییان كهت.
پهروهردێ بهايێ خواندنێ كێم كر
ئهڤرۆ نيوز: رهوان نهێلى:
د.عزهت سابر سهرۆكێ لژنا دارايى و ئابوورى ل پهرلهمانێ كوردستانێ بۆ ئهڤرۆ نيوز دياركر كو وهزارهتا پهروهردێ بريار دا كو ب رێژا 10% كرێيا خواندنێ ل ههموو باخچه و قوتابخانه و پهيمانگههێن نهحكومى بۆ سالا خواندنێ 2016- 2017 كێم بكهت.
د.عزهت سابر دياركر كو ئهڤ برياره دێ رۆلهكێ باش ههبيت بۆ سهر وێ كارتێكرنا دژوارا دارايى ئهڤا ژ ئهنجامێ قهيرانا دارايى ل هاولاتيان بوون.
ئێكهتى و پارتى يێ د كۆمبوونێ دا
ئهڤرۆ نيوز:
ئهڤرۆ ب سهرپهرشتيا ههر ئێك ژ سهرۆك بارزانى و كوسرهت رهسول ، مهكتهبيێن سياسى يێن پارتى و ئێكهتيێ بۆ شروڤهكرنا رهوشا سياسى يا ههرێمێ و ئهنجامدانا ريفراندومێ ل پيرمام يێ د كۆمبوونێ دا.
شاندێ پارتى ژ بلى بهرههڤبوونا سهرۆك بارزانى، ههر ئێك ژ فازڵ میرانی، سکرتێرێ مەکتەبا سیاسی ، هۆشیار زێباری ، رۆژ نووری شاوەیس ، مەسروور بارزانی، مەحموود محەممەد و ئازاد بەرواری بهرههڤ بووينه.
شاندێ ئێكهتيێ پێكدهێن ژ کۆسرەت رەسوڵ عەلی، جێگرێ ئێكێ يێسکرتێرێ گشتی يێ یەکێتی و مەلا بەختیار، حاکم قادر ، عەدنان موفتی، سەعدی ئەحمەد پیرە، رزگار عەلی، عومەر فەتاح و ئەرسەلان بایز .
سهرۆك بارزانى: ههرێما كوردستانێ نهشێت بهرامبهر پاشهرۆژا مووسل تهماشهڤان بیت
ئهڤرۆ نیوز:
سهرۆكێ ههرێما كوردستانێ د كۆمبوونهكێ دا ل گهل پارێزگار و جڤاتا پارێزگهها مووسل راگههاند ، ههرێما كوردستانێ نهشێت بهرامبهر پاشهرۆژا مووسل تهماشهڤان بیت و پێدڤیه ل پاشهرۆژا پێكهاتێن وێ و پارێزگهها نهینهوا و ئاسایشا ههرێمێ پشت راست بین و ئێدى رێ نههێته دان كو كارهسات و مهترسى دووباره ببن.
سهرۆك بارزانى ئاماژه دا وێ چهندێ كو جڤاتا پارێزگهها نهینهوا نوونهرێن شهرعى یێن روونشڤانێن نهینهوانه و دووپات كر كو ئهو ئاگادارى ئێش و ئازارێن ئاكنجیێن پارێزگهها نهینهوایه و ههڤكاریكرنا ئاواران ژى ب ئهركهكێ مروڤى و نیشتیمانى وهسف كر و ئاماژه دا وێ یهكێ كو جڤاكا نێڤدهولهتى و بهغدا ل ههمبهر هاریكاریكرنا ئاواران یا خهمسار بوویه.
كۆمیتهكا ههڤپشك د ناڤبهرا ههموو لایهنێن كوردستانێ دێ هێته پێكئینان
ئهڤرۆ نیوز:
ههردو مهكتهبێن سیاسى یێن پارتى دیموكراتى كوردستان و ئێكهتى نیشتمانى كوردستان، ب سهرپهرشتیا مهسعود بارزانى سهرۆكێ ههرێما كوردستانێ سهبارهت رهوشا كهركووكێ و كێشێن د ناڤبهرا ههولێر و بهغدا و ئهنجامدانا ریفراندومێ سوبه بۆ سهربخوییێ كۆم بن.
عهدنان موفتى ئهندامێ مهكتهبا سیاسى یا ئێكهتیێ راگههاند، بوچوونهكا وهسا ههیه كو كۆمیتهكا ههڤپشك د ناڤبهرا ههموو لایهنێن كوردستانێ بهێته پێكئینان ب تایبهت ئهو لایهنێن پشتهڤانیا سهربخوییێ دكهن.
موفتى دیاركر د چارچوڤێ بهحسكرنا پرسا ریفراندومێ، پێدڤیه بهحسێ كاراكرنا پهرلهمانێ كوردستانێ بهێته كرن چونكه ئهو بابهت پێدڤى ب قانوونێ ههیه.
جڤاتا پارێزگهها كهركووك: ئهم بڕیارا پهرلهمانێ عیراقێ بجه نائینن
ئهڤرۆ نیوز:
سهرۆكێ جڤاتا پارێزگهها كهركووكێ راگههاند، ئهو بڕیارا پهرلهمانێ عیراقێ ل دۆر داگرتنا ئالایێ كوردستانێ ل دام و دهزگایێن حكومى ل كهركووكێ بجه نائینن و گۆت” بڕیارا پهرلهمانێ عیراقێ ، بڕیارهكا نه دستوورى یه ژبهر كو ل دووڤ بڕیارا دادگهها فیدرالى ئهڤ دهڤهره بخوه دێ بڕیارێ دهن و مادێ 115 یێ دستوورێ عیراقێ دهستههلات دایه پارێزگههان بۆ دهركرنا بڕیارێن تایبهت ب دهڤهرێن خوهڤه”.
رۆژا 28 ئادارا 2017، جڤاتا پارێزگهها كهركووكێ ب پرانیا دهنگان، بڕیار دا ب بلندكرنا ئالایێ كوردستانێ ل سهر دام و دهزگایێن حكومى یێن پارێزگههێ و دوهى پهرلهمانێ عیراقێ ئهو بڕیاره رهتكر.
گهنهل ئێنێرجی دێ وهبهرهێنانا غازێ ل كوردستانێ زێدهكهت
ئهڤرۆ نیوز:
كۆمپانیا گهنهل ئێنێرجی پلانا خوه دیار كر دێ دهست ب بهرفهرهكرنا ئۆپهراسیۆنێن خوه یێن بهرههمئینانا غازا سروشتی ل ههرێما كوردستانێ كهت، ب مهرهما قهرهبووكرنا كێمبوونا یهدهگێ نهفتا زهڤیێن تهق تهق.
گهنهل ئاشكرا كر نها ئهو د گۆتوبێژان دایه د گهل كۆمپانییا وزهیا توركیا دا ببیته ههڤپشكا وێ د وهبهرهێنانێ غازا سرۆشی ل ههرێما كوردستانێ دا.
كۆمپانییا گهنهل ئهڤ بریاره دا پشتی بهرههمئینانا زهڤیێن تهق تهق برێژهیا 37% كێم بووی و گههشتییه رۆژانه 50،000 بهرمیلان و داهاتێ وێ كۆمپانیێ كێم بووی.
حوكمهتا ههرێمێ پهيامهك بهلاڤكر
ئهڤرۆ نيوز:
د پهيامهكێ دا ب ههلكهفتا هاتنا سالا نوو يا بابلى-ئاشوورى و جهژنا ئهكيتۆ، جڤاتا وهزيرێن ههرێما كوردستانێ، سهرهرايى پێرۆزباهيكرنێ ل گهلێ كلدان، سريا و ئاشوورى ل كوردستانێ و جيهانێ تهكست كر كو پێكڤه ژيان و لێبۆرين ل كوردستانێ دێ يا پاراستى بيت، كوردستان ژى وهكو ههردهم مال و وهلاتێ ئارامێ ههموو پێكهات و نهتهوه و ئاينايه.
ئهڤه ژى دهقێ پهيامێ يه:
ساڵى تازهى بابلى ـ ئاشوورى و جهژنهكانى ئهكیتۆ، له تهواوى گهلى كلدان، سریان، ئاشوورى له كوردستان و جیهان پیرۆز دهكهین، هیواى جهژنێكى ئارام و كامهرانیان بۆ دهخوازین.
له كاتێكدا ژمارهیهكى زۆرى خوشك و برایانى مهسیحیمان لهگهڵ پێكهاته نهتهوهیى ئایینییهكانى دیكه، له ئهنجامى شهڕى تیرۆردا، زێد و ماڵ و حاڵى خۆیان جێهشێتووه و ئێستا له ههرێمى كوردستان له میوانداریى خوشك و برایانى خۆیاندان، له نزیكهوه ههست به ئێش و ئازاریان دهكهین و پشتیوان و هاوسۆزیانین. هیوادارین جهژنهكانى داهاتوو به سهرفرازى و سهركهوتووانه بگهڕێنهوه ناوچه و شوێنه ئازاد و ئاوهدانهكانى خۆیان و ههموومان له سایهى سهركهوتنى یهكجارى و بهدهستهێنانى تهواوى مافهكانماندا، یاد و بۆنه و جهژنهكانى داهاتوو بكهینهوه.
لهم بۆنهیهدا دووپاتى دهكهینهوه كهلتوورى پێكهوهژیان و لێبوردهیى كه پێكهێنهرێكى سهرهكیى بنیادى كهلتوورى و كۆمهڵایهتیى گهلى كوردستانه و شانازى پێوه دهكهین، ههمیشه پارێزراو دهبێت و به هیچ شێوهیهك ههوڵى بێئاكامى تیرۆر ناتوانێت ئهو كهلتووره لهق بكات. دڵنیایى دهدهینه خوشك و برایانى كلدان، سریان، ئاشوورى و ههموو پێكهاته نهتهوهیى و ئایینییهكانى كوردستان، تا كۆتایى بهرگرى لهو كهلتووره دهكهین و كوردستان بۆ ههمیشه به ماڵ و نیشتمانى ئارامى ههمووان دهمێنێتهوه.
دووباره ساڵى تازهى بابلى ـ ئاشوورى و جهژنهكانى ئهكیتۆ له تهواوى گهلى كلدان، سریان، ئاشوورى پیرۆز دهكهین، هیواى ساڵێكى تازهى پڕ له سهركهوتن و كامهرانى و جهژنێكى خۆش و ئارامیان بۆ دهخوازین.
ئهنجومهنى وهزیرانى ههرێمى كوردستان
نيشاندان
WP Facebook Auto Publish Powered By : XYZScripts.com