ئه‌ڤرۆ نيوز:
ئەڤرۆ ١٧ تشرینا ئێکەما ٢٠١٦، مەسعود بارزانی سه‌رۆكێ هه‌رێما كوردستانێ د کونفراسەکا رۆژنامەڤانی دا ل میحوەرێ خازر راگەهاند، هەتا نوكه پتر ژ ٢٠٠ کیلۆمەتر چار کۆشە ئاخا سنورێ پارێزگەها نەینەوا هاتیە کۆنترۆلکرن و گوت ‘ ” ئەڤرۆ رۆژەکا مێژوویی یە د شەرێ دژی تیرۆرێ دا “.
بارزانى به‌حسێ هه‌ماهه‌نگيا ناڤبه‌را عيراق و هه‌رێمێ كر د شه‌رێ ئازادكرنا مووسل دا و گوت: ئەڤ هەماهەنگیا پێشمەرگەى و لەشکەرێ عێراقێ بۆ پاشەرۆژا پەیوەندیێن بەغدا و هەرێمێ گرنگە”.
ئه‌ڤرۆ نيوز:
نێچیرڤان بارزانی سەرۆکێ حکومەتا هەرێما کوردستانێ ژبەر دەستپێکرنا ئۆپه‌راسیۆنا موسل پەیامەک بەلاڤکر و راگەهاندیە “پێدڤی یە هەمی جیهان و کۆمەلگەها نێڤدەولەتی ب رێز و گرنگیەگا پێدڤی ڤە تەماشەی رۆلێ پێشمەرگە بکەت”.
نێچیرڤان بارزانی د پەیامەیەکێ دا راگەهاندیە “ئەڤرۆ هێزێن پێشمەرگە و ئاسایش و هێزێن ناڤخویێن سەر ب حکومەتا هەرێما کوردستانێ، ئۆپه‌راسیۆنا رزگارکرنا باژێرێ موسل دەستپێکریە، ئەڤ ئێک رویدانەکا گەلەک گرنگە بۆ هەمی جیهانێ، چونکی دەستپێکا رزگارکرنا گرنکترین جهێ بەردەستێ هێزێن تیرۆرستێن داعشە کو ئەو باژێر کریە بنگەهێ پلاندانا هێرشێن خو بۆ سەر هەمی دەڤەرێ و جیهانێ”.
نەوزاد زادە ھلۆری:
پارێزگەھا نھایا موسل ب دیرێژاھیا مێژوویێ بوریەکێ تاری و رەش و شەر و ئالوزیان بخوڤە دیتی یە، بەلێ ل گەل ڤێ یەکێ ژی دەە جاران بێی ھەبوونا چوو شەر و کوشتنان ھاتیە داگیرکرن
ئەڤ رۆژا ئێکێ یا ئوپەراسیوونێن کونترولکرنا موسلێ دەستپێکر ، بەلێ وەکو دیارە ھەر ژ دەستپێکا وێ پێشمەرگێن قارەمان خونا خوە رێت و ناھێتە چاڤەرێکرن کو کونترولکرنا موسلێ بێی شەر ب ھێتە رادەستکرن.
گرنگترین ئەو شەرێن کو موسل بێی شەر و شوتن ھاتیە گرتن ئەڤ شەرێن ل خوارێ نە.
1- ل سالا 627ز ھێزێن رومانیان ئانکو بەریتانیا چونە دناڤا مووسل و بێ کو کوشتن رووبدەت ھاتە کونترولکرن.
2- ل سالا 637ز ھێزێن عەرەبێن موسلمان چونە دناڤا مووسل و بێ کو کوشتن رووبدەت ھاتە کونترولکرن.
3- ل سالا 1262ز ھێزێن مەغولان چونە دناڤا مووسل و بێ کو کوشتن رووبدەت ھاتە کونترولکرن.
4- ل سالا 1386ز ھێزێن تەیمورلەنگ چونە دناڤا مووسل و بێ کو کوشتن رووبدەت ھاتە کونترولکرن.
5- ل سالا 1532ز ھێزێن عوسمانیان یێن تورکی چونە دناڤا مووسل و بێ کو کوشتن رووبدەت ھاتە کونترولکرن.
6- ل سالا 1734ز ھێزێن نادر پاشا یێن تورکی چونە دناڤا مووسل و بێ کو کوشتن رووبدەت ھاتە کونترولکرن.
7- ل سالا 1918ز جارەکا دن ھێزێن ن بەریتانیا چونە دناڤا مووسل و بێ کو کوشتن رووبدەت ھاتە کونترولکرن.
8- ل سالا 2003ز ھێزێن ھەڤپەیمانان ب سەروکاتیا ئەمریکا چونە دناڤا مووسل و بێ کو کوشتن رووبدەت ھاتە کونترولکرن.
9- ل سالا 2006ز ھێزێن پێشمەرگەیان چونە دناڤا مووسل و بێ کو کوشتن رووبدەت ھاتە کونترولکرن.
10- ل سالا 2006ز ھێزێن چەکدارێن ب ناڤ دەولەتا ئیسلامی یا عیراق و شام ” داعش ” چوونە دناڤا مووسل و بێ کو کوشتن رووبدەت ھاتە کونترولکرن.
چاڤدێرێن سیاسی وەھا دبینن کو شەرێ ئەڤ جار یێ کونترولکرنا موسل بێی خوون نابیت ژ بەرکو ھێزا بەرامبەر ھێزەکا تیروری و نە قانونی یە و خودانا بوستەکا ئاخێ و کەسەک ژی نینە کو بپارێزیت کو بو ببیتە خەم ئەگەر ژ دەست بدەت ژی ، بەلکو پتر لسەر بنەمایێ بەرژەوەندی یا ماددی ھاتیە دامەزراندن و چوو بنەمایێن ئەخلاقی و رەوشتی و مرۆڤایەتی ل بەرچاڤ وەرناگرن.
ئه‌ڤرۆ نيوز:
سه‌رۆكاتيا هه‌رێما كوردستانێ راگه‌هاند كو شه‌ڤا بۆرى د په‌يوه‌نديه‌كا تله‌فۆنى دا د ناڤبه‌را حه‌يده‌ر عه‌بادى و سه‌رۆك وه‌زيرێن عيراقێ و مه‌سعود بارزانى ده‌مژمێر سفرا ئۆپه‌راسيۆنا مووسل دياركريه.
سپێده‌هيا ئه‌ڤرۆ رۆژا دوشه‌مبى حه‌يده‌ر عه‌بادى سه‌رۆك وه‌زيرێن عيراقێ ده‌سپێكرنا پرۆسا ئازادكرنا باژێرێ مووسل راگه‌هاند.
مالپه‌رێ سه‌رۆكاتيا هه‌رێمێ ئه‌ڤرۆ به‌لاڤكريه كو ده‌مژمێر 12:00ى شه‌ڤا 16 ل سه‌ر 17ى چريا ئێكێ 2016 د په‌يوه‌نديه‌كا تله‌فۆنى دا د ناڤبه‌را مه‌سعود بارزانى سه‌رۆكێ هه‌رێما كوردستانێ و حه‌يده‌ر عه‌بادى سه‌رۆك وه‌زيرێن عيراقێ ئاماده‌كارى بۆ ده‌سپێكرنا ئۆپه‌راسيۆنا ئازادكرنا مووسل گه‌نگه‌شه كرينه.
ئاماژه ب وێ چه‌ندێ ژى كريه كو هه‌ر د وێ په‌يوه‌نديا تله‌فۆنى دا “ته‌كست ل سه‌ر هه‌ماهه‌نگيا ته‌مام يا د ناڤبه‌را پێشمه‌رگه و هێزێن سۆپايێ عيراقێ كريه. هه‌ر ديسا ده‌مژمێر سفرا ده‌سپێكرنا ئۆپه‌راسيۆنێ دياركريه”.
ئه‌ڤرۆ نيوز:
پێنج پێشمه‌رگه ژ ليوا سێ يا تايبه‌ت يا كوسره‌ت ره‌سۆل ئه‌ڤرۆ د ئۆپه‌راسيۆنا موسلدا شه‌هيدبوون و چه‌ند پێشمه‌رگێن دژى بريندار بوون كو شالاو كوسره‌ت ره‌سۆل ئه‌ندامێ جڤاتا سه‌ركرداتيا ئێكه‌تيێ د ناڤ برينداران دايه.
ژێده‌ره‌كى ژ نڤيسينگه‌ها كوسره‌ت ره‌سۆل بۆ خه‌ندان گۆت: “د شه‌رێ كونترۆلكرنا مووسل دا ل ميحوه‌رێ خازر پێنج پێشمه‌رگێن ليوا سێ يا تايبه‌تا كوسره‌ت ره‌سۆل شه‌هيد بوون و چه‌ند پێشمه‌رگه ژى بريندار بوون و كه‌سێن بريندار شالاو كوسره‌ت ره‌سۆل يێ ل گه‌ل”.
ئه‌ڤرۆ نيوز:
هێزێن پێشمه‌رگه‌ى هه‌موو ئه‌و پلانه ب جهئينا و هه‌موو ئه‌و گۆندێن بۆ هاتينه دياركرن كۆنترۆلكرن، فه‌رمانده‌كێ پێشمه‌رگه‌ى ژى ل ناڤ باژێرێ مووسل و ناحيا به‌رتلا يێن نێزيك بووين.
عه‌ميد سه‌يد هه‌ژار جێگرێ فه‌رماندێ زێره‌ڤانى بۆ مالپه‌رێ فه‌رميێ پارتى ديموكراتى كوردستان راگه‌هاند: “چه‌نده‌كێ به‌رى نوكه هه‌موو ئه‌و گۆندێن كوردستان يێن ده‌ڤه‌را خازرى هاتنه كونترۆلكرن و هێزێن پێشمه‌رگه‌ى شيان پلانا ئۆپه‌راسيۆنا ئه‌ڤرۆ ب ته‌مامى هاته بجهئينان و 9 گۆند كونترۆل كرن”.
سه‌يد هه‌ژار گۆتژى: “چه‌كدارێن داعش ب ترۆمبێلێن مينرێژكرى هێرش كريه سه‌ر هێزێن پێشمه‌رگه‌ى، به‌لێ پێشمه‌رگه‌ى بزاڤێن وان ژناڤبرن و ئه‌وا ب تنێ من ديتى زێده‌تر ژ 10 ته‌رمێن تيرۆرستێن داعش ل به‌ر ده‌ستێ مه‌نه و ب گرتنا گۆندێن كوردستانى ژى، ل سه‌رنته‌رێ ناحيا به‌رتلا و باژێرێ مووسل نێزيك بووين”.
ئه‌ڤرۆ نيوز:
رێڤه‌به‌ريا پۆليسێن فيدرالێن عيراقێ راگه‌هاند هێزێن وان ل بنگه‌هێن له‌شكرى يێن گه‌ياره ده‌ست ب پێشڤه‌چوونێ كريه به‌ر ب باشوورێ مووسل.
هێزێن پۆليسێن فيدرال و سۆپايێ عيراقێ هێزێن ئێكانه نه كو دچنه ناڤ باژێرێ مووسل، هه‌ر وه‌كو سه‌رۆك وه‌زيرێن عيراقێ حه‌يده‌ر عه‌بادى ل ده‌مێ راگه‌هاندنا ده‌سپێكرنا ئۆپه‌راسيۆنا مووسل راگه‌هاند ژبلى ڤان دو هێزان چو هێزێن دى ناچنه ناڤ باژێرێ مووسل.
ئه‌ڤرۆ نيوز:
جێگرا سه‌رۆكا فراكسيۆنا پارتى ديموكراتى كوردستان ل په‌رله‌مانێ كوردستانێ راگه‌هاند كو هه‌كه گۆڕان و كۆمه‌ل و ئێكگرتوو خوه ژ حوكمه‌تێ ڤه‌كێشن، حوكمه‌تا هه‌رێمێ ناهێته هه‌رفاندن.
ئامينا زكرى، جێگرا سه‌رۆكا فراكسيۆنا پارتى ديموكراتى كوردستان ل په‌رله‌مانێ كوردستانێ، د ديداره‌كێ دا بۆ ئاژانس د به‌رسڤا پرسياره‌كێ دا ل دۆر “هه‌كه گۆڕان و كۆمه‌ل و ئێكگرتوو خوه ڤه‌كێشن، دێ حوكمه‌ت هێته هه‌رفانندن؟” خۆيا دكه‌ت كو هه‌كه گۆڕان و كۆمه‌ل و ئێكگرتوو خوه ژ حوكمه‌تێ ڤه‌كێشن، حوكمه‌تا هه‌رێمێ ناهێته هه‌رفاندن.
زێده‌تر دبێژيت: “ب گۆره‌ى قانوونا ژماره سێ يا جڤاتا وه‌زيران هه‌كه پتريا وه‌زيران خوه ڤه‌كێشن، دێ بيته حوكمه‌تا كار ب رێكه‌ر، سه‌ره‌راى وێ چه‌ندێ ژى هه‌تا ئێكه‌تى ژى خوه ژ حوكمه‌تێ ڤه‌نه‌كێشيت ناهێته هه‌رفاندن.
ئه‌ڤرۆ نيوز:
وه‌زاره‌تا خواندنا بلند شه‌ش پۆست ل زانكۆيا دهۆك راگه‌هاندن و دياركريه كو خوازيار دڤێت سى ڤييێ خوه بۆ ڤى ئيميلى فرێكه‌ت jobs@mhe-krg.org.
پۆست ئه‌ڤه‌نه
1.ڕاگرێ کۆلێژا پزیشکى ددان
2.ڕاگرێ کۆلێژا دەرمانسازى
3.ڕاگرێ کۆلێژا زانستى تەندروستى
4.ڕاگرێ کۆلێژا کارگێرى و ئابوورى
5.ڕاگرێ کۆلێژا پەروەردا بنیات
6.ڕاگرێ کۆلێژى پەروەردە
مه‌رج ژى ئه‌ڤه‌نه:
1- ناسناڤێ وى يێ زانستى ژ پروفيسورێ هاريكار كێمتر نه‌بيت
2- خزمه‌تا وى يا زانكۆيێ ژ 10 سالان كێمتر نه‌بيت
دووماهى ژڤان ژى بۆ پێشكێشكرنا فورمان، 30/10/2016
بۆ پتر پێزانينان سه‌ره‌دانا ڤى لينكێ وه‌زاره‌تا خاندنا بلند بكه
نيشاندان