ئه‌ڤرۆ نيوز:
ئه‌ڤرۆ ل توركيا رێككه‌ڤتنا پرۆژێ هێلا بوريا غازا سروشتى كو دێ غازا سروشتيا رووسيا ب رێيا توركيا بۆ ئوروپا هێته ڤه‌گوهاستن د ناڤبه‌را هه‌ردو حكومه‌تێن رووسيا و توركيا هاته ئيمزاكرن.
ئيمزاكرنا رێككه‌فتنه‌كێ د ناڤبه‌را توركيا و رووسيا
نووترين نووچه
- هیڤیدارم كاربدەست مفای ژ بۆچوون و بڕیارێن كۆڕبەندێ مێپس وەربگرن
- سەرۆك بارزانی: دانوستاندنێن ئالییان بۆ پێكئینانا حوكمەتێ دێ ب سەركەفتییانە هێنە ئەنجامدان
- نێچیرڤان بارزانی: كریارا تیرۆرستییا خورماتوو سەلماند كو تیرۆر هێشتا مەترسییەكا راستەقینەیە
- دوپاتیێ ل پێشڤەبرنا هەماهەنگیێ د ناڤبەرا پێشمەرگەی و لەشكرێ ئیراقێ دا بۆ چەسپاندنا ئارامیێ ل دەڤەرێن كوردستانی دكەین
- سەرۆكێ حوكمەتا هەرێمێ: پێدڤییە ب زووترین دەم، پرۆسەیا هنارتنا پەترۆلێ دەست پێ بكەت
- فازل میرانی: مام جەلالی شێوازێ (دێ گوهۆڕین و شكێنین و دەركەین) ل گەل پارتی ب كارنەدئینا
- هیڤیدارین ئەنجامێن هەلبژارتنان د خزمەتا ڤەژاندنا هەرێمێ دا بن
- پێدڤییە وەلاتی ژ ململانێیا هەرێمی دووربێخین
- كۆمبوونا مەسرور بارزانی و سۆدانی دێ ئەنجامێن باش هەبن
- سەرۆكێ هەرێما كوردستانێ و قونسلێ ئەلمانیا پێكئینانا حوكمەتا هەرێمێ گەنگەشەكر
سه‌ره‌كى نووترين نووچه
ئه‌مريكا: ئۆپەراسیۆنا مووسلێ دێ یا ب زەحمەت بیت
ئەڤرۆ نيوز:
نوونەرێ سەرۆکێ ئەمریکا د ھەڤپەیمانیا دژی داعشێ دا راگەھاند، ئۆپەراسیۆنا رزگارکرنا مووسلێ دێ گرنگترین شەڕێ سوپایێ عیراقێ بیت ل ھەمبەری تیرۆرستێن داعشێ و گۆت:( شەرێ ئۆپەراسیۆنا رزگارکرنا مووسلێ دێ یا ب زەحمەت بیت).
بریت ماکگۆرک ئاشکرا ژی کر، کو 30 ھزار چەکدار دێ پشکداریێ د شەرێ مووسلێ دا کەن و ھەموو بەرھەڤی بۆ دەستپێکرنا ئۆپەراسیۆنا کۆنترۆلکرنا مووسل یێن ھاتینە کرن.
داخويانيا پوتين بهايێ نه‌فتێ بلند كر
گوهۆڕين كه‌فته بهێنڤه‌دانا 10ى موحه‌ره‌مێ
ئه‌ڤرۆ نيوز:
حوكمه‌تا هه‌رێما كوردستانێ رۆژا چارشه‌مبى رێكه‌فتى 12ى چريا ئێكێ وه‌كو بهێنڤه‌دانا فه‌رمى ب هه‌لكه‌فتا رۆژا عاشورايێ راگه‌هاند.
سه‌فين دزه‌ى، ئاخفتنكه‌رێ فه‌رميێ حوكمه‌تا هه‌رێما كوردستانێ ل سه‌ر مالپه‌رێ فه‌رميێ حوكمه‌تێ راگه‌هاند: “رۆژا چارشه‌مبى رێكه‌فتى 12ى چريا ئێكێ 2016 ل هه‌موو داموده‌زگه‌هێن حوكمه‌تا هه‌رێما كوردستانێ ب هه‌لكه‌فتا شه‌هيدكرنا ئيمام حوسێن خودێ ژێ رازى بيت (عاشورا) دێ بيته بهێنڤه‌دانا فه‌رمى”.
قوباد تاله‌بانى به‌حسێ چاوانيا ڤه‌گه‌راندنا پاشخستنا مووچه‌ى دكه‌ت
ئه‌ڤرۆ نيوز:
قوباد تاله‌بانى جێگرێ سه‌رۆكێ حوكمه‌تێ راگه‌هاند: ل ئاينده‌ى دێ پارێ پاشخستيێ فه‌رمانبه‌ران، ئێخينه سه‌ر كارتا ئه‌لكتروتى يا كو تا سه‌رێ سالێ دێ بۆ هه‌موو فه‌رمانبه‌ران هێته چێكرن.
ئه‌ڤرۆ پرۆسا ب ئه‌لكترونيكرنا مووچێ فه‌رمانبه‌ران ده‌ستپێكر و قوباد تاله‌بانى راگه‌هاند كو مه‌ره‌ما وان ئه‌وه دوو موچه‌ييێ نه‌هێلن.
هيلارى كلينتۆن: دێ چه‌كى ده‌ينه پێشمه‌رگه‌ى
ئه‌ڤرۆ نيوز:
به‌ربژێرا پارتيا ديموكرات بۆ سه‌رۆكاتيا ئه‌مريكا هيلارى كلينتۆن، راگه‌هاند كو ئه‌و دێ هێزێن پێشمه‌رگه‌ى پرچه‌ك كه‌ت هه‌كه هات و بۆ سه‌رۆكا ئه‌مريكا.
كلينتۆن د ديبه‌يته‌كا تله‌ڤزيۆنى دا ل گه‌ل به‌بژێرێ كۆمارى دونالد ترامپ دا خۆيا كر كو ئه‌و دێ به‌غدادى كه‌ته ئارمانج ب ره‌نگه‌كێ تايبه‌ت و دێ كار ل سه‌ر پرچه‌ككرنا هێزێن كوردى كه‌ت.
به‌ربژێرا پارتيا ديموكرات بۆ سه‌رۆك كۆماريا ئه‌مريكا زێده‌تر گۆت: “ب هيڤى نه ل گه‌ل ب دووماهى هاتنا هه‌لبژارتنێن ئه‌مريكا داعش ل مووسل نه‌هێلين”.
دادگه‌ها فيدرال: ژ كارلادانا جێگرێن سه‌رۆك كۆمارى نه‌يا دستوورى يه
ئه‌ڤرۆ نيوز:
ژێده‌ره‌كێ ئاگه‌هدار ئه‌ڤرۆ رۆژا دوشه‌مبى راگه‌هاند كو بڕياره‌ك ژ دادگه‌ها فيدرال ده‌ركه‌فتيه كو بڕيارا لادانا جێگرێن سه‌رۆك كۆمارى نه‌يا قانوونى يه و هه‌ڤدژى دستوورى يه.
ئه‌ڤى ژێده‌رى د داخۆيانيه‌كێ دا بۆ سۆمه‌ريه نيوز گۆت: “دادگه‌ها فيدرال بڕيار دايه كو ژ كارلادانا جێگرێن سه‌رۆك كۆمارى نه‌يا دستووى يه”.
ئه‌ڤى ژێده‌رێ ناڤێ خوه ئاشكه‌را نه‌كرى گۆتژى: “بڕيارا دادگه‌هێ پشت به‌ستن ل سه‌ر ئێك ژ مادێن دستوورى كريه يێن به‌حس ل هه‌لبژارتنا جێگره‌كى يان زێده‌تر ژ جێگره‌كى بۆ سه‌رۆك كۆمارى دكه‌ن.
مادێ 69 ژ دستوورێ عيراقێ دبێژيت: “دێ هێته رێكخستن ب قانوون، رێيێن هه‌لبژارتنێ بۆ پۆستێ سه‌رۆك كۆمارى، دێ هێته هه‌لبژارتن ب قانوون، رێيێن هه‌لبژارتنا جێگره‌كى يان زێده‌تر بۆ سه‌رۆك كۆمارى“.
ل 9ى ته‌باخا 2016ێ سه‌رۆك وه‌زيرێن عيراقێ بڕيارا هه‌لوه‌شاندنا جێگرێن سه‌رۆك كۆمار و سه‌رۆك وه‌زيران دا.
سه‌رۆك كۆمارێ عيراقێ فوئاد مه‌عصوم سێ جێگر هه‌بوون؛ نورى مالكى و ئوسامه نوجێفى و هاريكارێ كاروبارێن پێكهاتنا نشتيمانى ئه‌ياد عه‌لاوى كو ل 2014ێ ژ لايێ جڤاتا نوونه‌ران ڤه ده‌نگ پێ هاتبوونه دان.
كوچكا سپى راگه‌هاندنه‌كێ ل دۆر په‌كه‌كێ به‌لاڤ دكه‌ت
ئه‌ڤرۆ نيوز:
كۆچكا سپى راگه‌هاندنه‌ك ل سه‌ر پارتيا كرێكارێن كوردستانێ PKK به‌لاڤكر و ته‌قينێن شه‌مزينان و سته‌مبۆلێ شه‌رمزار كرن و پشته‌ڤانيا خوه ژى بۆ وه‌لاتێ توركيا دووباتكر.
مالپه‌رێ كۆچكا سيى رۆژا 10ى چريا ئێكێ 2016 راگه‌هاندنه‌كا جڤاتا ئاسايشا ئه‌مريكا به‌لاڤكر و تێدا هاتيه: “ئه‌مريكا ب دژوارى وان هێرشێن تيرۆستى شه‌رمزار دكه‌ت كو كرينه سه‌ر خاله‌كا پشكنينێ يا له‌شكرى ل باشوورێ رۆژهه‌لاتێ توركيا “شه‌مزينان” كو د ئه‌نجام دا ژماره‌كا كه‌سان هاتينه كوشتن و برينداركرن كو وه‌لاتيێن سڤيل ژى د ناڤ دابوون”.
د راگه‌هاندنێ دا ته‌كست ل سه‌ر وێ چه‌ندێ ژى هاتيه كرن كو ئه‌مريكا هێرشا رۆژا پێنجشه‌مبى يا بۆرى ژى شه‌رمزار دكه‌ت ئه‌وا ل سته‌مبۆل ژ لايێ ئه‌لهۆيێن ئازاديا كوردستانێ ناسيار ب TAK كو يه‌كه‌كا تيرۆرستى يا په‌كه‌كێ يه د ناڤ باژێران دا و به‌رپرستيا خوه ب ستوو ڤه‌گرتبوو.
كوچكا سپى ئاماژه ب وێ چه‌ندێ ژى كريه كو ته‌قينا سته‌مبۆلێ ل رۆژا پێنجشه‌مبى ئاماژه‌كه بۆ زێده‌بوونا توندوتيژيێ ژ لايێ په‌كه‌كێ ڤه و ژ ئه‌نجامێ وێ چه‌ندێ خه‌لكێ مه‌ده‌نى و ئه‌ندامێن هێزێن ئه‌منى ل سه‌رانسه‌رى توركيا دبنه قوربانى.
ل دووماهيا راگه‌هاندنێ ئه‌مريكا پشته‌ڤانيا خوه بۆ توركيا دووپاتكريه و پشت راستى دايه كو دێ هه‌ڤكار بن ل گه‌ل ئه‌نقه‌ره بۆ ژ ناڤبرنا هه‌موو جورێن تيرۆرێ.
سيسته‌مێ ئه‌لكترۆنيكرنا مووچه‌ى ده‌سپێكر
ئه‌ڤرۆ نيوز:
پرۆسا ئه‌لكترۆنيكرنا مووچه‌ى ل هه‌رێما كوردستانێ ئه‌ڤرۆ ده‌سپێكر كو مه‌ره‌م پێ نه‌هێلانا بنديوار و ناڤێن دووباره‌كرى و دو مووچه‌يه، جێگرێ سه‌رۆكێ حوكمه‌تێ ژى راگه‌هاند كو ئه‌وان دڤێت د پاشه‌رۆژێ دا مووچه‌ى وه‌كو ره‌سيد بده‌نه فه‌رمانبه‌ران.
نێچيرڤان بارزانى سه‌رۆكێ حوكمه‌تا هه‌رێما كوردستانێ و قوباد ته‌له‌بانى جێگرێ وى ل گه‌ل پشكه‌ك ژ به‌رپرسێن حوكمه‌تێ ئه‌ڤرۆ ناڤێن خوه د سيسته‌مى دا تۆماركرن.
نێچيرڤان بارزانى د په‌يڤه‌كێ دا بۆ رۆژنامه‌ڤانان گۆت: “پرۆسا ئه‌لكترۆنيكرنا مووسه‌ى پشكه‌كه ژ پرۆسا چاكسازيێ”.
سه‌رۆكێ حوكمه‌تا هه‌رێما كوردستانێ داخواز ژى ژ فه‌رمانبه‌ران كر كو ل دووڤ داخوازيا حوكمه‌تێ بچن دا كو ناڤێن خوه د سيسته‌مى دا تۆمار بكه‌ن.
پرۆژێ ئه‌لكترۆنيكرنا سيسته‌مێ مووچه‌ى ژ لايێ جێگرێ سه‌رۆكێ حوكمه‌تێ ڤه دهێته سه‌رپه‌رشتيكرن و بڕياره ل 19ى ڤێ هه‌يڤێ ل وه‌زاره‌ت و دامه‌زراوێن دى يێن حوكمه‌تێ ده‌ست پێ بكه‌ت و ل دووماهيا هه‌يڤا 12 يا ئه‌ڤ ساله ژى ب دووماهى بهێت.
ژ لايێ خوه ڤه قوباد ته‌له‌بانى پشتى تۆماركرنا ناڤێ خوه د سيسته‌مى دا بۆ رۆژنامه‌ڤانان گۆت: “مه دڤێت د رێيا ڤى سيسته‌مى دا كونترۆلا سيسته‌مێ مووچه‌ى بكه‌ين و پرسيا پێدانا مووچه‌ى ب له‌زتر بكه‌ين كو نوكه 23 بۆ 28 رۆژا پێ دچيت”.
جێگرێ سه‌رۆكێ حوكمه‌تێ گۆتژى: “هه‌ر د ڤێ رێ دا مه دڤێت پاشكه‌فتێ مووچه‌ى وه‌كو ره‌سيد بده‌ينه فه‌رمانبه‌ران دا كو پشت راست بن ئه‌و پاره يێ بۆ پاشكه‌فت كريه و ژ ناڤ ناچيت”.
د خرڤه‌بوونه‌كێ دا قوتابيان پشته‌ڤانيا هه‌لويستێ مامۆستايێن پارێزگه‌ها دهۆكێ كر
ئه‌ڤرۆ نيوز:
د خرڤه‌بوونه‌كێ دا ئه‌ڤرۆ رۆژا دوشه‌مبى ل پارێزگه‌ها دهۆكێ قوتابيێن پارێزگه‌هێ ل به‌رامبه‌ر ئاڤاهيێ رێڤه‌به‌ريا گشتيا په‌روه‌ردا دهۆكێ ب دۆريشمێن جودا سوپاسيا مامۆستايێن پارێزگه‌ها دهۆكێ كر كو د به‌رده‌وامن ل سه‌ر ده‌واما خوه.
ل به‌ر ده‌رگه‌هێ رێڤه‌به‌ريا گشتيا په‌روه‌ردا پارێزگه‌ها دهۆكێ ژ لايێ رێڤه‌به‌رێ گشتيێ په‌روه‌ردا پارێزگه‌ها دهۆكێ عومه‌ر عه‌لى تاها و ژماره‌كا مامۆستا و فه‌رمانبه‌ران ڤه هاتنه پێشوازيكرن.
د په‌يڤه‌كێ دا نوونه‌رێ قوتابيێن خرڤه‌بووى سۆپاسيا هه‌لويستێ مامۆستايێن پارێزگه‌ها دهۆكێ كر كو هه‌رده‌م د چه‌په‌رێن زانين و زانستى دا كور و كچێن ملله‌تى فێرى په‌روه‌رده و زانستى دكه‌ن. پشته‌ڤانيكرنا داخۆازيێن مامۆستان ژى پشكه‌كا دى يا په‌يڤا نوونه‌رێ قوتابيان بوو.
ژ لايێ خوه ڤه رێڤه‌به‌رێ گشتيێ په‌روه‌ردا پارێزگه‌ها دهۆكێ ب وه‌كاله‌ت د په‌يڤه‌كێ دا به‌رامبه‌ر قوتابيێن خرڤه‌بووى دياركر كو هه‌موو ده‌مه‌كى مامۆستايان به‌رژه‌وه‌ندا قوتابيان ل به‌رى هه‌ر تشته‌كى دانايه و چو جاران هۆلێن خواندنێ چۆل نه‌كرينه و هه‌لويستێ مامۆستايان د به‌رده‌واميا 60 سالێن بۆرى دا، هه‌تا نوكه خودان هه‌لويستێن مه‌ردانه نه.
رێڤه‌به‌رێ گشتيێ په‌روه‌ردێ د پشكه‌كا دى يا په‌يڤا خوه دا سۆپاسيا هه‌موو قوتابيان كر و داخۆازا سه‌ركه‌فتنێ بۆ هه‌موو قوتابيان خواست.
وێنه: نيوار ئه‌ترووشى
نيشاندان
WP Facebook Auto Publish Powered By : XYZScripts.com