ئەڤرۆ نيوز:
ھەموو سالان ل 10ی موحەرەمێ ل ھەرێما کوردستانێ و عیراقێ بھێنڤەدانا فەرمیە و حوکمەتا عیراقێ رۆژا چارشەمبی کریە بھێنڤەدانا فەرمی، وەزارەتا ئەوقاف و کاروبارێن ئایینی یا حوکمەتا ھەرێما کوردستانێ ژی رۆژا سێشەمبی ب 10 موحەرەمێ دزانیت.
مەریوان نەقشەبەندی، بەرپرسێ پەیوەندی و پێکڤەژیانێ ل وەزارەتا ئەوقاف و کاروبارێن ئایینی یا حوکمەتا ھەرێما کوردستانێ ئاشکرا کر کو ل دووڤ رۆژھژمێرا کۆچی 10ی موحەرەمێ دکەڤیتە رۆژا سێشەمبی یا ڤێ حەفتیێ دا، بەلێ حوکمەتا عیراقێ رۆژا چارشەمبی یا کریە 10 موحەرەمێ و بھێتڤەدانا فەرمی.
ناڤھاتی ل دۆر بھێنڤەدانا ھەرێما کوردستانێ دیار کر کو دڤێت ئەنجومەنێ وەزیران بڕیارێ بدەت، چونکی بڕیار یا د دەستێ وان دا و بۆ باسنیۆز گۆت: “مە ئەو ئاگەھدارکرینە کو رۆژا سێشەمبی یا ڤێ حەفتیێ 10ی موحەرەمێ یە و ئێڤاری یا ھەمان رۆژ دێ چالاکیێن ئایینی ھەبن”.
نووترين نووچه
- پێدڤییە ئیراق ژ ململانێیێن رۆژهەلاتا ناڤین دوور بكەڤیت
- هیڤیدارم كاربدەست مفای ژ بۆچوون و بڕیارێن كۆڕبەندێ مێپس وەربگرن
- سەرۆك بارزانی: دانوستاندنێن ئالییان بۆ پێكئینانا حوكمەتێ دێ ب سەركەفتییانە هێنە ئەنجامدان
- نێچیرڤان بارزانی: كریارا تیرۆرستییا خورماتوو سەلماند كو تیرۆر هێشتا مەترسییەكا راستەقینەیە
- دوپاتیێ ل پێشڤەبرنا هەماهەنگیێ د ناڤبەرا پێشمەرگەی و لەشكرێ ئیراقێ دا بۆ چەسپاندنا ئارامیێ ل دەڤەرێن كوردستانی دكەین
- سەرۆكێ حوكمەتا هەرێمێ: پێدڤییە ب زووترین دەم، پرۆسەیا هنارتنا پەترۆلێ دەست پێ بكەت
- فازل میرانی: مام جەلالی شێوازێ (دێ گوهۆڕین و شكێنین و دەركەین) ل گەل پارتی ب كارنەدئینا
- هیڤیدارین ئەنجامێن هەلبژارتنان د خزمەتا ڤەژاندنا هەرێمێ دا بن
- پێدڤییە وەلاتی ژ ململانێیا هەرێمی دووربێخین
- كۆمبوونا مەسرور بارزانی و سۆدانی دێ ئەنجامێن باش هەبن
سه‌ره‌كى نووترين نووچه
ڤێ حەفتیێ شاندێ حوکمەتا ھەرێمێ دێ چیتە بەغدا
ئەڤرۆ نيوز:
ئەندامەکێ لژنا دارایی ل جڤاتا نوونەرێن عیراقێ ئاشکرا کر کو ل دەمێ سەرەدانا سەرۆک مەسعود بارزانی بۆ بەغدا رێککەفتنەکا دەستپێکی ھاتیەکرن دەربارەیی بۆدجێ و بڕیارە بەری پەسەندکرنا پرۆژە قانوونا بۆدجێ شاندەکێ حوکمەتا ھەرێمێ بچیتە بەغدا بۆ وێ چەندێ رێککەفتنێ ئەنجامبدەن.
سەرحان سلێڤانەیی، ئەندامێ لژنا دارایی ل جڤاتا نوونەرێن عیراقێ بۆ مالپەرێ فەرمی یێ پارتی دیمۆکراتی کوردستان ئاشکرا کر کو ل دەمێ سەرەدانا سەرۆک مەسعود بارزانی بۆ بەغدا رێککەفتنەکا دەستپێکی ھاتیەکرن دەربارەیی بۆدجێ و بۆ تمامکرن و ئیمزاکرنا رێککەفتنێ پێدڤیە شاندەکێ حوکمەتا ھەرێما کوردستانێ سەرەدانا بەغدا بکەت و گۆت: “پێدڤیە د ڤێ حەفتیێ دا شاندێ ھەرێمێ بچیتە بەغدا، چونکی ل 15ی ڤێ ھەیڤێ بڕیارە پرۆژە قانوونا بۆدجێ رەوانەیی جڤاتا نوونەران بھێتەکرن”.
ناڤھاتی ئاماژە دا وێ چەندێ کو ھەتا نوکە چو بڕیار نەھاتینەدان کو بەغدا رێژەکا پارەی رەوانەیی ھەرێمێ بکەت و گۆت: “چاڤەرێ دھێتەکرن ھەکە تشتەک ھەبیت پشتی ئەنجامدانا رێککەفتنێ بھێتەکرن”.
ستێره‌كا ناڤدار یا ئه‌مریكا ل كوردستانێ بوو بێی میدیا كوردی و جیهانی بزانیت
ئه‌ڤرۆ نیوز; ڤەدەر رەشاڤایی:
ستێرا سترانێن پۆپێ سترانبێژا ئەمریکا یا ناڤدار دێمی لۆڤاتۆیێ، سەرەدانا ھەرێما کوردستانێ کر، بێی میدیا کوردی رۆمالا ھاتنا وێ بکەت، لێ پێشبینی دھێتە کرن ناڤھاتیێ ھوسا خواست بیت.
دێمی لۆڤاتۆ ل سەر ئەکاونتا خوە ل تۆرا جڤاکی یا تویتەری کو پتری سیھـ و ھەشت ملیۆن فۆلۆوەر ھەنە بەلاڤ کر: نھا ئەز د فرۆکەیەکی دا مە و کوردستانا ئیراقێ بجھدھێلم، من سەربۆرەکا گەلەگ باش ل وێرێ بدەستڤەئینا، بھڤییا وێ یەکێ وان سەربۆران بۆ وە باس بکەم”
لۆڤاتۆیێ سەرباری سترانگۆتنێ پشکدارییەکا سەرەکی د پرۆگرامەکێ ساخلەمییا دەرۆنی دا ھەیە ب مەرەما پێشخستنا ساخلەمییا دەرۆنی ل جیھانێ
پێشمه‌رگه و حه‌شه‌د شه‌عبى ناچنه ناڤ سه‌نته‌رێ باژێرێ مووسل
ئه‌ڤرۆ نيوز:
ئه‌ميندارێ گشتيێ ئێكگرتوو ئيسلامى كوردستان راگه‌هاند كو به‌رنامه هاتيه دانان كو ب كێمترين زيان و زووترين ده‌م پرسيا رزگاركرنا باژێرێ مووسل بهێته ئه‌نجام دان.
سه‌لاحه‌دين بهائه‌دين ئه‌ميندارێ گشتيێ ئێكگرتوو ئيسلامى كوردستان د هه‌ڤپه‌يڤينه‌كێ دا بۆ ئاژانسا ئه‌نادۆلا توركيا به‌حس ل شه‌رێ رزگاركرنا مووسل دكه‌ت و رادگه‌هينيت كو هه‌بوونا پشكداريكرنا توركيا د شه‌رێ مووسل دا بابه‌ته‌كێ سياسى يه و ژ لايێ قانوونى ژى ڤه پێدڤى ره‌زامه‌نديا حوكمه‌تا عيراقێ يه، به‌لێ د روويێ ژيوارى دا توركيا پشكداريا خوه وه‌كو پێدڤى دزانيت.
ئه‌ميندارێ گشتيێ ئێكگرتوو ئيسلامى كوردستان نه‌ڤه‌شارت ژى كو بڕيار هاتيه دان كو پێشمه‌رگه و حه‌شه‌د شه‌عبى نه‌چنه ناڤ سه‌نته‌رێ باژێرێ مووسل و ل ژ ده‌رڤه‌ى باژێرى بمينن و حه‌شه‌د وه‌ته‌نى و له‌شكرێ عيراقێ ژى بچنه د ناڤ باژێرى دا.
هه‌ر ديسا به‌حس ل وێ چه‌ندێ ژى دكه‌ت كو به‌رنامه‌ك هاتيه دانان كو گه‌له‌ك ب دژوارى باژێر بهێته بۆردۆمانكرن ب مه‌ره‌ما وێ چه‌ندێ كو چو چه‌كدارێن داعش نه‌ميننه د ناڤ باژێرى دا و پێدڤيه رێيه‌ك ژى ل هه‌مبه‌ر بهێته ڤه‌كرن كو هه‌كه هات و وان ڤيا ب ره‌ڤنه سوريا.
ئه‌مريكا بارێ نه‌ئاسايى راگه‌هاند
ئه‌ڤرۆ نيوز:
ژ ئه‌نجامێ نێزيكبوونا ره‌شه‌بايێ مه‌سيۆ “Matthew” باراك ئۆباما بارێ نه‌ئاسايى ل ويلايه‌تا فلۆريدا راگه‌هاند.
هه‌تا نوكه نێزيكى 320 كه‌سان ژ ئه‌گه‌رێ ره‌شه‌بايێ مه‌سيۆ ل ويلايه‌تا هايتى گيانێ خوه ژ ده‌ست دايه و ب له‌زاتيا 220 كيلۆمه‌تران د ده‌مژمێره‌كێ دا به‌ر ب باشوورێ ئه‌مريكا و كه‌نارێن رۆژهه‌لاتێ ويلايه‌تا فلۆريدا دچيت.
سه‌رۆكێ ويلايه‌تێن ئێكگرتى يێن ئه‌مريكا باراك ئۆباما ئاشكه‌را كر كو بۆ ڤه‌گوهاستنا هاريكارى و ئاماده‌يى و به‌رسينگگرتنا ره‌شه‌باى، بارێ نه‌ئاسايى ل ويلايه‌تا فلۆريدا راگه‌هاند.
ب گۆره‌ى نووچه‌كێ cnn ره‌شه‌بايێ مه‌سيۆ د ماوێ زێده‌تر ژ سه‌ده‌كى يه، خويناويترين ره‌شه‌بايه، ل كه‌نارێن رۆژهه‌لاتێ فلۆريدا دده‌ت.
ژ لايێ خوه ڤه ئاژانسا رۆيترز ژى راگه‌هاند كو ب بڕيارا ب زوورى ڤه‌گوهاستنا دومليۆن كه‌سان ل وان ده‌ڤه‌رێن ئه‌مريكا هاتيه دان يێن دكه‌ڤنه سه‌ر رێيا ره‌شه‌بايێ مه‌سيۆ.
رێژا فرۆتنا په‌ترۆل و داهاتێ وێ بۆ هه‌يڤا بۆرى هاته ئاشكه‌را كرن
ئه‌ڤرۆ نيوز:
وه‌زاره‌تا سامانێن سرۆشتى يا حوكمه‌تا هه‌رێما كوردستانێ راگه‌هاند د هه‌يڤا بۆرى دا، 16 مليۆن و 944 هزار و 237 به‌رميلێن په‌ترۆلێ هاتينه فرۆتن و داهاتێ وێ ژى 611 مليۆن و 765 هزار و 928 دۆلار بووينه.
ب گۆره‌ى راگه‌هاندنه‌كا وه‌زاره‌تا سامانێن سرۆشتى، د هه‌يڤا بۆرى دا هه‌رێمێ رۆژانه 564 هزار و 808 به‌رميلێن په‌ترۆلێ ره‌وانه‌ى ژ ده‌رڤه كرينه و بهايێ ناڤه‌ندى يێ فرۆتنا هه‌ر به‌رميله‌كا په‌ترۆلێ 36 دۆلار و 10 سه‌نت بووينه.
ژ داهاتێ وێ هه‌يڤێ يێ فرۆتنا په‌ترۆلێ حوكمه‌تا هه‌رێما كوردستانێ نێزيكى 76 ميلۆن دۆلار داينه كۆمپانيێن په‌ترۆلێ يێ ل هه‌رێمێ كار دكه‌ن و زێده‌تر ژ 188 مليۆن دايه ئه‌وان كۆمپانيێن پێشتر قه‌ر ژێ وه‌رگرتين، 20 مليۆن دۆلار ژى داينه كه‌ركووك وه‌كو پترۆدۆلار، ل دووماهيێ نێزيكى 328 مليۆن دۆلاران بۆ حوكمه‌تێ ماينه.
هه‌ر چه‌نده وه‌كو هه‌ڤبه‌ركى ل گه‌ل هه‌يڤا بۆرى هه‌رێما كوردستانێ پتر په‌ترۆل فرۆتيه، به‌لێ ژ به‌ر دانا قه‌رێن به‌رى نوكه كێمتر داهات بۆ مايه.
هه‌يڤا ته‌باخێ حوكمه‌تا هه‌رێمێ 12 مليۆن و 736 هزار و 566 به‌رميلێن په‌ترۆلێ ره‌وانه‌ى ژ ده‌رڤه كربوون و داهاتێ وێ 413 مليۆن و 994 دۆلار بوويه و د وێ هه‌يڤێ دا، پشتى دانا قه‌رێن كۆمپانيان و پارێ پترۆدۆلارێ كه‌ركووك، هه‌رێمێ نێزيكى 350 مليۆن دۆلاران بۆ مابوون.
به‌غدا لژنه‌ك بۆ دووڤوچوونا مووچێ فه‌رمانبه‌رێن هه‌رێمێ پێكئنيا
جڤاتا نوونه‌رێن عيراقێ بڕيارا ڤه‌گه‌راندنا “ترقين قيد”ێ دا
مه‌سرۆر بارزانى پێزانينێن گرنگ ل دۆر شه‌رێ ئازادكرنا مووسل ئاشكه‌را دكه‌ت
ئه‌ڤرۆ نيوز:
مه‌سرۆر بارزانى راگه‌هاند كو ئه‌و ده‌ڤه‌رێن پێشمه‌رگه‌ى كونترۆل كرين پشكه‌كن ژ هه‌رێما كوردستانێ و ژ به‌ر هندێ ژى چو ئه‌گه‌ر نينن بهێنه چولكرن و دده‌ته زانين كو ب گۆره‌ى پێزانينێن وان داعش ژى ئاماده‌كارى يێن بۆ شه‌رێ مووسل كرين و دێ شه‌ره‌كێ گران بيت.
مه‌سرۆر بارزانى، شيره‌تكارێ جڤاتا ئاسايشا هه‌رێما كوردستانێ د ديداره‌كێ دا ل گه‌ل سكاى نيوز راگه‌هاند، شه‌رێ مووسل دێ يێ گران بيت و داعش ئاماده‌كارى بۆ شه‌رى كرينه.
ده‌رباره‌ى شه‌رێ دژى داعشو كونترۆلكرنا مووسل، مه‌سرۆر بارزانى دبێژيت: “هه‌موو ده‌ڤه‌رێن كو هێزا پێشمه‌رگه‌ى كونترۆل كرين، وه‌سان دبينين كو پشكه‌كن ژ كوردستانێ، ژ به‌ر هندێ ژى چو ئه‌گه‌ر نينن كو پێشمه‌رگه وان ده‌ڤه‌ران چول بكه‌ت، رێيا مه يا راست بوو و دێ پارێزگاريێ لێ كه‌ين.
ده‌رباره‌ى ئۆپه‌راسيۆنێن مووسل، مه‌سرۆر بارزانى، گۆت: “ب گۆره‌ى ئه‌و پێزانينێن ب ده‌ست مه كه‌فتين، شه‌رێ مووسل دێ يێ دژوار بيت. داعش يا ئاماده نينه باژێرى چوول بكه‌ت. نوكه يا ئاماده‌كاريا شه‌رى دكه‌ت و چه‌كدارێن وان يێ تونێلا د ناڤبه‌را باژێران دا لێ دده‌ن”.
بۆچوونا ئه‌مريكا ل سه‌ر سيسته‌مێ فيدرالى ل رۆژئاڤا
ئه‌ڤرۆ نيوز:
وه‌زاره‌تا ژ ده‌رڤه يا ئه‌مريكا دژاتيا خوه به‌رامبه‌ر سيسته‌مێ فيدرالى ل رۆژئاڤايێ كوردستانێ ده‌ربڕى و راگه‌هاند كو ئه‌و پشته‌ڤانيا ئێكپارچه‌يا ئاخا سوريا دكه‌ن.
مارك تۆنه‌ر، ئاخفتنكه‌رێ ب ناڤێ وزاره‌تا ژ ده‌رڤه يا ئه‌مريكا د كۆنگره‌كێ رۆژنامه‌ڤانى به‌رسڤا پرسياره‌كێ د ده‌رباره‌ى بزاڤا پێكئينانا سيسته‌مێ فيدرالى ل رۆژئاڤايێ كوردستانێ گۆت: “پاشه‌رۆژا سوريا دڤێت ژ لايێ گه‌لێ سوريا ڤه بهێته دياركرن”، دا زانين ژى كو ئه‌و پشته‌ڤانيا ئێكپارچه‌يا ئاخا سوريا دكه‌ن.
گۆتژى: “پشته‌ڤانيێ ل وێ چه‌ندێ ناكه‌ن كو لايه‌نه‌ك ل سوريا سيسته‌مه‌كێ ئيدارى و سنورێ خوه ديار بكه‌ت، ژ به‌ر وێ چه‌ندێ كو د چارچۆڤێ بڕيارا هزار و 254 يا نه‌ته‌وێن ئێكگرتى دا پێدڤيه گه‌لێ سوريا ب خوه چاره‌نڤيسێ خوه ديار بكه‌ت و وه‌كو ئه‌مريكا ژى پشته‌ڤانيێ ل پێكئينانا سيسته‌مه‌كێ ديموكراتيك ل سوريا دكه‌ين كو هه‌موو پێكهاتان تێدا جهـ هه‌بيت”.
نيشاندان
WP Facebook Auto Publish Powered By : XYZScripts.com