ئه‌ڤرۆ نيوز:
ئه‌ڤرۆ سپێدێ هه‌لبه‌ستڤانێ به‌نياسێ ئاكرێ حكمه‌ت مه‌لا ياسين وه‌غه‌را دووماهيێ كر و ب ئاماده‌بوونا ژماره‌كا باشا ره‌وشه‌نبير و هۆنه‌رمه‌ندان ل باژێرێ ئاكرێ هاته ڤه‌شارتن.
حكمه‌ت مه‌لا ياسين ماوه‌كێ درێژه ژ به‌ر نه‌خۆشيا خوه دنالى و خودانێ ژماره‌كا پرتووكێن هۆنه‌رى يه و ب هه‌لبه‌ستڤانه‌كێ مه‌زنێ شوره‌شێ دهێته نياسين ژ به‌ر هه‌لبه‌ستێن خوه يێن شوره‌شگێرى.
ئه‌ڤرۆ نيوز:
هه‌ر ئێك ژ شێخ جه‌عفه‌ر، لاهور شێخ جه‌نگى، مسته‌فا چاوره‌ش و وه‌سا ره‌سۆل ل گه‌ل فه‌رماندێن له‌شكرى يێن ئێكه‌تيێ كۆمبوون و داخواز ژێ كر كو د بێ لايه‌ن بن.
ب گۆره‌ى راگه‌هاندنه‌كا هێزێن 70ێ ده‌مژمێر 10:00ى رۆژا شه‌مبى 3ى ئيلۆنا 2016ێ ل سكرتاريه‌تا مام جه‌لال، شێخ جه‌عفه‌ر، فه‌رماندێ گشتيێ هێزێن 70ێ ب ئاماده‌بوونا مسته‌فا چاوره‌ش، به‌رپرسێ مه‌لبه‌ندێ رێكخستنا پێشمه‌رگه‌ى سه‌رپه‌رشتيا كۆمبوونێ كر.
ب گۆره‌ى راگه‌هاندنا هێزێن 70ێ د كۆمبوونێ دا “ب ته‌ماميا ده‌نگان” بڕيار ل سه‌ر سێ خالان هاتيه دان، كو د خالا دويێ دا هاتيه “هێزێن پێشمه‌رگه‌يێ، هێزا 70ێ د چو هه‌ڤركى و ململانێيه‌كا ئێكه‌تيێ دا نابنه لايه‌ن، به‌لكو دێ هێزا فشارێ بن بۆ چه‌سپاندنا ئێكه‌تيا ناڤ ئێكه‌تيێ”.
ئه‌ڤرۆ نيوز:
هه‌ڤسه‌رۆكێ پارتيا ديموكارتيا گه‌لان “هه‌ده‌په” راگه‌هاند كو هه‌تا نوكه نزانن رێبه‌رێ زيندانكريێ پارتيا كرێكارێن كوردستانێ “په‌كه‌كه” يێ زيندى يه يان ژى مريه.
سه‌لاحه‌دين ده‌ميرتاش هه‌ڤسه‌رۆكێ هه‌ده‌پێ و په‌رله‌مانتارێ توركيا د ئاخفتنه‌كا خوه دا ل باژێرێ وانێ يێ باكوورێ كوردستانێ راگه‌هاند: شه‌ڤا كوده‌تايا سوپايى، هه‌رلكوپته‌ره‌ك چوويه گزيرتا ئيمرالى و شه‌ر و پێكدادان روودايه، به‌لێ “هێشتا نزانين ژ ئه‌نجامێ وى شه‌ر و پێكدادانێ چ چێبوويه”.
سه‌لاحه‌دين ده‌ميرتاش ئاماژه ب وێ چه‌ندێ كر كو ئه‌و دێ مانگرتنێ كه‌ن هه‌تا ده‌نگوباسه‌كى ل سه‌ر ره‌وشا ساخله‌ميا عه‌بدولا ئوجه‌لان رێبه‌رێ په‌كه‌كێ دزانن، “رۆژا 5ى ڤێ هه‌يڤێ دێ مانگرتنه‌كا ڤه‌كرى راگه‌هينين”.
هه‌ڤسه‌رۆكێ هه‌ده‌پێ گۆمان يا هه‌ى كو ئه‌و ژه‌نرالێ ب هه‌لكوپته‌رێ چووينه يونان هه‌مان ئه‌و كه‌س بن يێن شه‌ڤا كوده‌تايێ چووينه دورگا ئيمرالى و بزاڤا كوشتنا عه‌بدولا ئوجه‌لان كرين بن.
ده‌ميرتاش گۆت: “رێبه‌رێ په‌كه‌كێ زيندانيه‌كێ ئاسايى نينه و هه‌كه ده‌سته‌لاتا توركيا رێ ب خێزان و پارێزه‌رێن وى نه‌ده‌ت سه‌ره‌دانا وى بكه‌ن، ئه‌و دێ به‌رده‌واميێ ده‌نه مانگرتنا خوه”.
بڕياره رۆژا دوشه‌مبى 5ى ئيلۆنا 2016ێ 50 چالاكڤان و ئه‌ندامێن حزب و رێكخراوێن كوردى يێن باكوورێ كوردستانێ مانگرتنه‌كا ڤه‌كرى بكه‌ن و “خوارنێ نه‌خون” هه‌تا تشته‌كى ژ ره‌وشا ساخله‌ميا عه‌بدولا ئوجه‌لان دزانن.
عه‌بدولا ئوجه‌لان ل رۆژا 15ى شوباتا 1999ێ ژ لايێ ده‌زگه‌هێ هه‌والگه‌ريا توركيا ل وه‌لاتێ كينيا هاته ده‌سته‌سه‌ركرن و پاشان دادگه‌ها توركيا بڕيارا زيندانكرن بۆ هه‌تا هه‌تايێ ب سه‌ردا سه‌پاند و بۆ گزيرتا ئيمرالى هاته ڤه‌گوهاستن.
ئه‌ڤرۆ نيوز:
بڕياره ئه‌ڤرۆ نه‌وشيروان مسته‌فا رێكخه‌رێ گشتيێ بزاڤا گۆڕان به‌ر ب ده‌رڤه‌ى وه‌لاتى ب رێ بكه‌ڤيت.
بڕياره ئه‌ڤرۆ رۆژا شه‌مبى رێكه‌فتى 3ى ئيلۆنا 2016ێ نه‌وشيروان مسته‌فا رێكخه‌رێ گشتيێ بزاڤا گۆڕان بچيته وه‌لاتێ بريتانيا.
پێستر و به‌رى ساله‌كێ نه‌وشيروان مسته‌فا بۆ چاره‌سه‌ريا نوشدارى سه‌ره‌دانا هه‌مان وه‌لات كربوو و حه‌فت هه‌يڤان ل وێرێ مابوو، دبيت ئه‌ڤ جاره ژى بۆ پشتراست بوون ژ نه‌خۆشيا خوه بيت سه‌ره‌دانا نوشدارى بكه‌ت.
ئه‌ڤرۆ نيوز:
عه‌تا سه‌راوى ئه‌ندامێ جڤاتا ناوه‌نديا ئێكه‌تيا نيشتمانيا كوردستانێ راگه‌هاند ئه‌وا هه‌ردو جێگرێن ئێكه‌تيێ كرى بۆ راگه‌هاندنا ناوه‌ندا بريارێ ، ئينقلابه ل سه‌ر ئێكه‌تيێ.
كوسره‌ت ره‌سول و به‌رهه‌م سالح ناوه‌ندا برياردانێ ل ناڤ ئێكه‌تيێ دروست دكه‌ن و دبه‌ياننامه‌كێ دا راگه‌هانديه: چ برياره‌ك چ ل ناڤخويا حزبێ يان ده‌رڤه‌ى حزبێ ، ب بريارا گشتى يا ئێكه‌تيێ ناهێته زانين گه‌ر بهێت و ب ئاگادارى و په‌سه‌ندكرنا ڤێ ناڤه‌ندا برياردانێ نه‌بيت.
ئه‌ڤرۆ نيوز:
هونه‌رمه‌ند عه‌بدولقهار زاخۆیى ئه‌وێ بۆ ماوه‌یێ سێ سالان كار ل سه‌ر چێكرنا به‌رهه‌مه‌كێ نوو دكه‌ت، هنده‌ك ژ تراكێن ئه‌لبۆما وى ژ ئالیێ كه‌سه‌كى ڤه دهێنه دزین و به‌لاڤكر.
عه‌بدولقهار زاخۆیى بۆ وار دیاركر كو هه‌ر ژ سالا 2013ێ وه‌ره ئه‌و مژوولى چێكرنا به‌رهه‌مه‌كى یه كو ژ 12 تراكان پێكدهێت و چه‌ندین ستران یێن وى بخوه‌نه و هنده‌ك یێن هه‌لبه‌ستڤان “ئه‌دیب چه‌لكى و خالد سلێڤانه‌یى”نه.
زاخۆیى ئاشكرا وى ل به‌ر بۆ د سالا 2017ێ دا ئه‌لبۆما خوه به‌لاڤ بكه‌ت، لێ پشتى 5 تراك ژ ئه‌لبۆما وى هاتینه دزین و به‌لاڤكرن ژ ئالیێ كه‌سه‌كى ڤه، به‌لاڤكرنا ئه‌لبۆما خوه یا نوو راوه‌ستاند و ب رێیا كه‌نالێ وار داخواز ژ وان كه‌سان كر كو تراكێن دى ب پارێزن و به‌لاڤ نه‌كه‌ن.
ئه‌ڤرۆ نيوز:
ئه‌ڤرۆ نيوز ناڤێ وان قوتابيێن به‌لاڤ دكه‌ت يێن ل كۆليژێن زانكۆيا پوليته‌كنيك دهۆ هاتينه وه‌رگرتن
ڤى لينكێ ل خوارێ ڤه‌كه و ئاگه‌هداريا وان قوتابيان دكه‌ين يێن ناڤێن وان ده‌ركه‌ڤتين 4/9/2016 تاوه‌كو 8/9/2016 سه‌ره‌دانا تومارا زانكۆيێ بده‌ن و ڤان پێدڤيان ل گه‌ل خو ببه‌ن.
ئه‌ڤرۆ نيوز:
ئه‌ڤرۆ ب ئاماده‌بوونا ( عمر علي تاها ) رێڤه‌به‌رێ گشتى يێ په‌روه‌ردا پارێزگه‌ها دهوكێ ب وه‌كاله‌ت و هه‌ردوو هاريكارێن ريڤه‌به‌رێ گشتى و هه‌مى رێڤه‌به‌رێن په‌روه‌ردێن قه‌زا يێن سه‌ر ب په‌روه‌ردا گشتى ڤه ورێڤه‌به‌رێ رێڤه‌به‌ريا سه‌رپه‌رشتيا په‌روه‌رده‌يى ودلنيا جورى ورێڤه‌به‌رێ رێڤه‌به‌ريا خويتى وميلاكى ل په‌روه‌ردا گشتى كومبونه‌كا تايبه‌ت ل دور دانانا رێنمايێن تايبه‌ت بو ڤه‌گوهاستنا ماموستايان بو سالا نوى يا خواندنێ 2016/2017 هاته كرن .
دكومبونێ دا رێڤه‌به‌رێ گشتى ره‌وشا ئه‌ڤرويا كوردستان تێدا ده‌رباز دبيت و ئه‌و كاودانێن هه‌ين به‌حس كر و سوپاسيا مانديبونا ماموستايان وسه‌رپه‌رشتياران وهه‌مى فه‌رمانبه‌ر و ئه‌ندامێن خێزانا مه‌زنا په‌روه‌ردێ كر بو ئه‌و كار وئه‌ركێن هاتينه ئه‌نجام دان ب شوه‌يه‌كێ باش ل سالا بورى يا خواندنێ 2015/2016 و پيروباهى ل هه‌مى قوتابى وماموستايان كر ب هه‌لكه‌فتا سالا نوى يا خواندنێ .
هه‌ر دكومبونێ دا رژدى هاته كرن كو ئه‌ڤ ساله بابه‌تێ ڤه‌گوهاستنا ماموستايان بهێته ئێك لاكرن ورێنما بهێنه ده‌رئێخستن دگه‌ل به‌رچاڤ گرتنا بارودوخێ هه‌ر په‌روه‌رده‌كێ وب مه‌رجه‌كى چێ كارتێكرن ل پروسا خواندنێ نه‌هێته كرن .
دكومبونێ دا وپشتى ده‌ربازبونا پتر ژ سێ ده‌مژمێرێن دان وستاندنێ رێككه‌فتن لسه‌ر ئه‌ڤان رێنمايان هاته كرن .
ئه‌ڤرۆ نيوز:
وه‌زيرێ په‌روه‌ردا حوكمه‌تا هه‌رێما كوردستانێ راگه‌هاند: جه‌ماعه‌تا فه‌تحولا گويله‌ن ئێدى نه‌شێن سه‌رپه‌رشتيا قوتابخانێن خوه بكه‌ن، به‌لكو دێ ژ لايێ وه‌زاره‌تا په‌روه‌ردێ ڤه هێنه سه‌رپه‌رشتيكرن ب هاريكاريا كه‌رتێ تايبه‌ت.
پشتيوان سادق وه‌زيرێ په‌روه‌ردێ د داخۆيانيه‌كا رۆژنامه‌ڤانى دا ل سوران ئه‌ڤرۆ رۆژا پێنجشه‌مبى راگه‌هاند: ل گه‌ل لايه‌نێ توركى د دانوستاندنێ داينه ده‌رباره‌ى كێشێن قوتابخانێن سه‌ر ب فه‌تحولا گويله‌ن كو وه‌لاتێ توركيا داخوازا داخستنا وان دكه‌ت.
ئێدى رێ ناده‌ين ئه‌و ژ لايێ جه‌ماعه‌تێ ڤه بهێنه ب رێڤه‌برن كو توركيا ب “تيرۆرست” ب ناڤ دبه‌ت و ب جه‌ماعه‌تا “فه‌تحولا گويله‌ن دهێنه ب رێڤه‌برن.
هه‌يڤا بۆرى مه‌سعود بارزانى سه‌رۆكێ هه‌رێما كوردستانێ سه‌ره‌دانا وه‌لاتێ توركيا كر و د په‌يڤه‌كێ دا كو ل ئه‌نقه‌ره پێشكێشكر راگه‌هاند: ل گه‌ل به‌رپرسێن توركيا رێكه‌فتين ب ره‌نگه‌كى چاره بكه‌ين كو زيان نه‌گه‌هيته قوتابيان.
وه‌زيرێ په‌روه‌ردێ ژى دا زانين كو ب چو ره‌نگه‌كى مافێ قوتابيان و دايكوبابێن وان ناهێنه خوارن و ئێدى دێ ژ لايێ وه‌زاره‌تا په‌روه‌ردێ ڤه هێنه ب رێڤه‌برن ب هاريكاريا كه‌رتێ تايبه‌ت، “دێ بزاڤێ كه‌ين ئاستێ زانستى يێ وان قوتابخانان ژ به‌رى نوكه ژى بلندتر لێ بكه‌ين”.
نيشاندان