ئەڤرۆ نیوز:
سەرۆکێ فەرمانگەھا دەڤەرێن مادێ 140 ل جڤاتا وەزیران ئاشکراکر، کو پتریا دەڤەرێن کوردستانی ھاتینە ئازادکرن و نوکە بن کونترۆلا پێشمەرگەی نە و دیارکر کو بەرھەڤی دھێنەکرن بۆ کومبوونەکێ ل سەر دەڤەرێ ل گەل قونسخلخانێن بیانی ب مەرەما ئاڤەدانکرنا دەڤەرێ.
نسرەدین سندی سەرۆکێ فەرمانگەھا دەڤەرێن مادێ 140 ل جڤاتا وەزیران زێدەتر بۆ رۆژناما ئەڤرۆ گۆت: جھێ دلخوشێ یە چارەنڤسیێ ھەموو دەڤەرێن مادێ 140 یێ دکەڤنە ب کونترۆلا پێشمەرگێ کوردستانێ، سالێن بوری حوکمەتا مەرکەزی نەھاتنە سەر خەتی بۆ چارەسەرکرنا ئەڤان ناوچان، لەوما گرنگە پێشمەرگە ئەڤان ناوچان ب پارێزت، ھەڤدەم بزاڤ بھێنەکرن کو حوکمەتا عیراقێ بھێـە سەر خەتی بۆ چارەسەرکرنێ و ئەگەر نە ، حوکمەتا ھەرێمێ گەل یوئینێ و ھەڤپەیمانان ڤی بابەتی ب زووترین دەم چارەسەرکر بکەن، چونکە خەلکێ مە بێزار بوویە و ھەتا کەنکی نوزان گەل کیش حوکمەتێ نە و ئەڤە پشتی شەرێ داعش بھێتەکرن.
نسرەدین ھێشتا ژی گۆت: سەردانا شاندنێ ھەرێمێ یا بۆ بەغدا دانوستاند ل سەر چەند تەوەران ھاتبووکرن و دیسا تەروەرێ سەرەکی شەرێ داعش بوویە، رێککەفتن ل سەر بابەتێ لەشکەری ھاتەکرن چونکە ھەڤپەیمان و ئەمریکا بلەز بوون بو شەری، لێ بابەتێ سیاسی جھێ داخێ یە ھاتە پائێخستن بۆ پشتی شەری.
ھێشتا گۆت: مەترسی ل سەر ئەڤان دەڤەران ھێشتا مایە چونکە ئەڤێن سەر ڤی جھی خودان ھێزن، حەشەدا شەعبی ل کەرکووکێ و دەر دوران دڤێت سستاھی بەرامبەر نەبیت، حەشەدا شەعبی ل دووڤ داخویانیێن وا یا بەرھەڤیا دکەت وەک ھێز ئەڤان دەڤەران ھێزتر بکەت، چەوا دوخورماتور مەترسی بوو و ھەتا نوکە ژی مەترسی بدووماھی نەھاتیە، دیسا دڤێت خەم ژ ئەڤان جھێن دی ژی بھێتە خوارن.
ھێشتا گۆت: ئەگەر ب سیاسی ھێزا pkk نەھێتە چارەسەرکرن مەترسیا وێ چەندێ ھەیە، کو شنگالێ ژی مەترسی ھەبیت و ھیڤداری چو تشت دناڤ ھێزێن کوردی دا نەھێتە ئەنجامدان و ب رێکێن دانوستاندنێ بابەت بھێتە چارەرسەرکرن، دا خەلکێ مە ل شنگال جارەکا دی قوربانیێ نە دەت چونکە ھاتنا داعش بۆ وێ ناوچێ، چونکە قوربانیێن گەلەک مەزن دان و کارەساتێن مەزن ھاتنە سەری و ھەکە بابەت نەھێتە چارەسەرکرن ئەگەرێ چێبوونا ھندەک روودانێن دی ھەیە پشتی داعش.
نسرەدین ئاشکراکر، کو حوێجە ژی دکەڤیتە چارچووڤێ مادێ 140 دا، شنگال ھەتا دگەھیتە مخمور و بەر ب کەرکووک و سەعدیە و جەلولا و حوکمەتا بەعس گەلەک گوھۆڕین ل ئەڤان دەڤەران کرینە و دەرکرنا کوردان و تورکمان و ئینانا عەربان بۆ ئەڤان دەڤەران ھەتا لایێ چەپێ یێ مووسل کوردن لێ ھەتا دەشتا مووسل سنورێن مادێ 140.
شەش سالە لژنا مادێ 140 ھاتیە راوستاندن چار سالێن کابینا مالکی و دو سالێن عەبادی ژی، داخاز دکەین حوکمەتا عەبادی پشتی شەرێ مووسل بھێنە سەر خەت و دیسا ب زووترین دەم حوکمەتا ھەرێما کوردستانێ دەست ب ئاڤەدانکرنێ بکەت وئینانا خەلکی بۆ سەر دەڤەرێن وان و دەسپێکرنا ریفراندوومێ .
ھێشتا گۆت: مە داخاز کریە ب رێکا فەرمانگەھا دەرڤە یا حوکمەتا ھەرێمێ ل گەل قونسلێن وەلاتێن بیانی ل ھەولێرێ کومبین و بشێن بینە سەر خەتی بۆ ئاڤەدانکرنا ئەڤان ناوچان چونکە حوکمەتا ھەرێما کوردستانێ و عیراقێ د قەیرانێن دارایی دانە و ئەگەر ب ھیڤا ئەڤان ڤە بیت دێ گیروبیت، کا چەوا ھەڤپەیمان ھاریکاریا شەرێ دژی داعش کرینە ئا بڤی رەنگی ھاریکاربن بۆ ئاڤەدانکرنا ئەڤان ناوچان.
ئەو ژی گۆت: مە پرۆژەک پێشکی ئەنجوومەنێ وەزیران کریە بۆ سەر ژمێریاریەکێ ئەڤان دەڤەرا و ئەو زیانێن ب خەلکی کەفتین، لێ ژبەر قەیرانا دارایی دەست ب پرۆژەی نەھاتیەکرن، دیسا ئەڤ سەرمێریاریە یا ھووربیت و ھەتا چەند کەس شەھید بووینە و چەند بەرزەنە، ھیفی خوازین ب زووترین دەم ئەف پرۆژە بھێتە بجھئینان.