ئه‌ڤرۆ نيوز:
ئه‌ڤرۆ سپێدێ رێڤه‌به‌رێ گشتيى يێ په‌روه‌ردێ ل پارێزگه‌ها دهۆكێ هاته خانه‌نشينكرن و ل جهێ وى عومه‌ر تاهر وه‌كو رێڤه‌به‌رێ نوو يێ په‌روه‌ردا گشتى ل پارێزگه‌ها دهۆكێ ب وه‌كاله‌ت ده‌ست ب كار بوو.
عه‌بد يوسف ئه‌حمه‌د رێڤه‌به‌رێ گشتيێ په‌روه‌ردێ ل پارێزگه‌ها دهۆكێ هاته خانه‌نشينكرن پشتى 40 سالێن خزمه‌تێ كو ژ دايكبوويێ 1ى تيرمه‌ها 1951ێ يه ل گۆندێ دوسته‌كا سه‌ر ب قه‌زا سێمێل ڤه و ل سالا 1976ێ وه‌كو مامۆستا ده‌ست ب كارێ خوه كر بوو، ل سالا 2012ێ ژى وه‌كو رێڤه‌به‌رێ گشتيێ يێ په‌روه‌ردا دهۆكێ هاتبوو دانان.
عۆمه‌ر تاهر ژى به‌رى نوكه هاريكارێ رێڤه‌به‌رێ گشتيێ بوويه و پشتى خانه‌نشينكرنا وى ئه‌و دێ وه‌كو رێڤه‌به‌رێ گشتى ب وه‌كاله‌ت وى كارى وه‌رگريت و دهێته پێشبينيكرن كو پۆستێ رێڤه‌به‌رێ گشتى ب سى ڤى بهێته دانان.
ئه‌ڤرۆ نيوز:
حوكمه‌تا هه‌رێما كوردستانێ ده‌رباره‌ى شه‌رێ مووسل و پێشڤه‌چوونێن پێشمه‌رگه‌ى به‌رسڤا حه‌يده‌ر عه‌بادى دده‌ت و رادگه‌هينيت كو پێشمه‌رگه د پێشڤه‌چوونێن خوه دا دێ يێ به‌رده‌وام بيت و وان ده‌ڤه‌رێن كورد هه‌ين ڤه‌ناكێشيت.
ده‌رباره‌ى نووترين داخۆيانيا حه‌يده‌ر عه‌بادى، سه‌رۆك وه‌زيرێن عيراقێ كو گۆتيه نابيت پێشمه‌رگه ل جهێ خوه بلڤيت و ده‌ڤه‌رێن خوه به‌رفره‌هـ بكه‌ت، سه‌فين دزه‌يى ئاخفتنكه‌رێ ب ناڤێ حوكمه‌تا هه‌رێما كوردستانێ بۆ رووداو گۆت: “پێشمه‌رگه دێ ل پێشڤه‌چوونێن خوه يێ به‌رده‌وام بيت”.
سه‌فين دزه‌ى راگه‌هاندژى: “پێشڤه‌چوونێن هێزێن پێشمه‌رگه‌ى دێ د به‌رده‌وام بن هه‌تا ئازادكرنا هه‌موو ده‌ڤه‌رێن كوردستانى ل سنورێ نه‌ينه‌وا”. ته‌كست ژى كر، ” پێشمه‌رگه خوه ژ وان ده‌ڤه‌رێن ئازادكرين ڤه‌ناكێشيت و ئه‌وێن دێ ل داهاتى ژى ئازادكه‌ت”.
ئێڤاريا رۆژا سێشه‌مبى 16ى ته‌باخا 2016ێ حه‌يده‌ر عه‌بادى سه‌رۆك وه‌زيرێن عيراقێ گۆتاره‌ك پێشكێش كر و راگه‌هاند: “ل گه‌ل هه‌رێما كوردستانێ لێكتێگه‌هشتن هه‌يه ل ده‌مێ ئۆپه‌راسيۆنا كۆنترۆلكرنا مووسل نابيت پێشمه‌رگه ل جهێ خوه بلڤن و ده‌ڤه‌رێن خوه به‌رفره‌هـ بكه‌ن، پێدڤيه ل جهێن خوه يێن نوكه بمنينن، خوه هه‌كه هاريكاريا سۆپايێ عيراقێ ژى بكه‌ن”.
ئه‌ڤ داخۆيانيا عه‌بادى پشتى پێشڤه‌چوونێن ڤێ حه‌فتيێ يێن هێزێن پێشمه‌رگه‌ى هات كو ب درێژاهيا زێده‌تر ژ 20 كيلۆمه‌تران ل ميحوه‌رێن خازر و گۆێر و مه‌خمۆر كو د ئۆپه‌راسيۆنه‌كا دو رۆژيدا 12 گۆندێن كورد و عه‌ره‌بان ژ بن ده‌ستێ داعش ئينانه ده‌ر.
ئەڤرۆ نيوز:
رێڤەبەرێ گشتیی یێ پلاندانانێ ل وەزارەتا باژێرڤانیا حوکمەتا ھەرێما کوردستانێ راگەھاند کو حوکمەتێ بریاڕ دایە پشکەکێ ژ داھاتێ باژێرڤانیان بدەتە وان ب خوە.
عەبدولحەمید مەجید، رێڤەبەرێ گشتی یێ پلاندانانێ ل وەزارەتا باژێرڤانیا ل حوکمەتا ھەرێما کوردستانێ ئاشکرا کر کو حوکمەت 20% یا داھاتێ باژێرڤانیان دێ ھەر بۆ ئەوان باژێرڤانیان ب خوە مەزاخیتن ب تایبەت بۆ پڕۆژێن خزمەتگوزاری یێن گرنگ و ئەو پارە دێ ب نەقد ھێتە مەزاختن و گۆت: “ئەڤ بڕیارە بۆ باژێرڤانیێن ھەموو پارێزگەھێن ھەرێمێ یە و سالانە باژێرڤانی چەند ملیار دیناران ژ داھاتێ خوە دێ بۆ پێدڤیێن خو راکەن”.
ناڤھاتی ئاماژە دا وێ چەندێ کو % داھاتێ ھەر باژێرڤانیەکێ بۆ وێ دێ ھێنە مەزاختن و 80% داھاتێ وێ بۆ وەزارەتا دارایی دھێتە ڤەگەراندن و ئەڤ بریارە بۆ ھەموو باژێرڤانیان دێ وەکو ئێک بیت.
ئەڤرۆ نیوز:
سەرەرای قەیرانا دارایی، پارەکێ مەزن بۆ خانەنشینێن وەزیر و بریکار و پەرلەمانتاران دھێتە مەزاختن. رێڤەبەرێ گشتیێ خانەنشینا ھەرێما کوردستانێ ژی راگەھاند، نوکە 115 وەزیر و 250 بریکارێن وەزیران و 322 پەرلەمانتارێن خانەنشین ھەیڤانە مووچێ خانەنشینیێ وەردگرن و گۆت: “ل ھەرێما کوردستانێ 222 ھزار خانەنشین ھەنە”.
حازم ئیسماعیل، رێڤەبەرێ گشتیێ خانەنشینا ھەرێما کوردستانێ بۆ ئەڤرۆ دیار کر کو ھەتا نوکە ل ھەرێما کوردستانێ نێزیکی 100 ھزار کەسان ب پلێن سەربازی ھاتینە خانەنشینکرن و ھژمارا گشت خانەنشینێن ھەرێما کوردستانێ کو ھەیڤانە مووچەی وەردگرن دگەھیتە 222 ھزار خانەنشینان و گۆت: “مووچێ خانەنشینێن سەربازی ھەیڤانە بێ کو پاشکەفت بکەن ھەموو دھێنە دان و چو پارە ژێ ناھێنە بڕین”.
ناڤبری ئاماژە دا وێ چەندێ کو نوکە ل ھەرێما کوردستانێ 322 پەرلەمانتارێن خانەنشینکری ھەنە کو مووچێ ھەر ئێک ژ وان شەش ملیۆن و 580 ھزار دینارە، بەلێ ل گۆرەی سیستەمێ نوو یێ کێمکرن و پاشکەفتکرنێ، مووچێن وان ژی ب نیڤی بووینە و نھا ھەر ئێک ژ وان ب تنێ سێ ملیۆن و 280 ھزار دیناران وەردگرن و گۆت: “راستە پارەکێ مەزن ل مووچێن پەرلەمانتاران دھێتە مەزاختن، بەلێ ئەڤە ل گۆر قانوونەکا پەرلەمانی ھاتیە کرن و کەس نەشێت دەستکاریێ تێدا بکەت”.
رێڤەبەرێ گشتیێ خانەنشینا ھەرێما کوردستانێ ئاشکرا ژی کر کو چینا کرێکار و خزمەتکاران کێمترین مووچەی ل رێڤەبەریا مە وەردگرن کو مووچێ وان ب تنێ 220 ھزار دینارە، بەلێ ئاریشە د وەرگرتنا مووچان دا ھەیە، چونکی خانەنشین ھەموو د دانعەمرن و ھەتا مووچێ خوە وەردگرن گەلەک ماندوو دبن، ژ بەر کو قەلەبالغەکا مەزن ل سەر وەرگرتنا مووچێن وان ھەیە و گۆت: “ھەموو بزاڤ یێ دھێنە کرن وەرگرتنا مووچێن خانەنشینان ببیتە ئەلکترونی و ھەکە ئەڤ پێنگاڤە بھێتە جێبەجێکرن، دێ خانەنشین ژ نەخۆشیا وەرگرتنا مووچێن خوە و قەلەبالغێ قورتال بن”.
حازم ئیسماعیل ئەو یەک ژی دیار کر، ل سالا بۆری ھەر فەرمانبەرەکێ ژدایکبوویێ سالا 1952 یێ ھاتیە خانەنشینکرن و بۆ ئەڤ سالە ژی ھەر فەرمانبەرەکێ ژدایکبوویێ سالا 1953 بیت دێ ئێکسەر ھێتە خانەنشینکرن.
ئەڤرۆ نيوز:
رێڤەبەریا گشتی یا کەشناسی و بیڤەلەرزان ل ھەرێما کوردستانێ ل دۆر وێ پێلا تۆزبارینێ یا دوھی ھەرێما کوردستانێ ڤەگرتی، ھۆشداریێ ددەتە وەلاتیان ب تایبەت یێن بھێنکورتی ھەی خوە ب پارێزن و دیار دکەت کو بۆ دەمێ 48 دەمژمێران ئەو پێلە دێ یا بەردەوام بیت.
ل دووڤ ڕاگەھاندنەکا رێڤەبەریا گشتی یا کەشناسیا ھەرێمێ ژ ئەگەرێ نەجێگیریا ڕەوشا سەقای و زێدەبوونا لەزاتیا بای، ھەرێما کوردستانێ کەڤتیە ژێر کاریگەریا پێلەکا تۆزبارینێ، کو ژێدەرێ وێ ژ ناڤەراست و باشورێ عیراقێ یە و تێدا ھاتیە: “مەودایێ دیتنێ ل ھەموو دەڤەرێن ھەرێمێ دێ کێم بیت”.
ھەروەسا خویا ژی کریە، پێشبینی دھێتە کرن ھەتا 48 دەمژمێران کاریگەریا وێ پێلێ یا بەردەوام بیت، لەو دڤێت وەلاتی خوە ب پارێزن.
ئه‌ڤرۆ نيوز:
بڕیارە حوکمەتا ھەرێما کوردستانێ ھەیڤانە کۆژمەکێ پارەی بۆ بەلێندەران دێ مەزێخیت، ئێکەتیا بەلێندەران ژی دبێژیت: ئەڤ کۆژمێ پارەی یێ کێمە و بەری نوکە حوکمەتێ سۆزدابوو بەلێندەران ھەیڤانە 20 ملیار دیناران بۆ ب مەزێخیت، لەوڕا پشتی کۆمبوونێ دێ بڕیارێ ل دۆر وەرگرتنا وی پارەی دەین.
ئازاد حەسەن، جێگرێ سەرۆکێ ئێکەتیا بەلێندەرێن کوردستانێ بۆ رۆژناما ئەڤرۆ ئاشکرا کر، ئەڤە دوسالە حوکمەتا ھەرێما کوردستانێ چو پارەیەک بۆ بەلێندەران نەمەزاختیە و گۆت: “مە وەکو ئێکەتیا بەلێندەران چەندین خوەنیشادان ئەنجامداینە، دیسا گەلەک جارا مە بەرپرسێن بلندێن حوکمەتێ دیتینە و دانوستاندن د گەلدا کرینە، لێ ھەتا نوکە چو نەھاتیەکرن، بڕیاربوو مانگرتنا سەرانسەری بھێتەکرن، چونکی ڕەوشا بەلێندەران گەلەک یا خرابە. مە ھژمارەکا بەلێندەر ھەنە ژ بەر قەڕداران رەڤینە و نەشێن ل مالێن خوە بنڤن، بڕیاربوو حوکمەت ھەیڤانە 20 ملیار دیناران بۆ مە ب مەزێخیت، ل سەر ڤێ چەندێ ژی، جێگرێ سەرۆکێ حوکمەتێ سۆزدابوو بەلێندەران”.
ئازادی خویا ژی کر، نوکە حوکمەتێ بڕیار یا دای ھەیڤانە 10 ملیار دیناران بۆ بەلێندەران ب مەزێخیت، ئەڤە ژی پارەیەکێ زۆرێ کێمە و گۆت: “نوکە مە چو چارەسەرێن دی ژبلی ڤێ نینن، ھێشتا مەزاختنا ئەڤی پارەی ژی نەبوویە بڕیارا فەرمی، ئانکو ب نڤیسین نەگەھشتیە بەر دەستێ مە، ھەر دەمێ گەھشت، وی دەمی مە لژنەک یا ھەی دێ بڕیارێ دەت یان بڤی پارەی ڕازی ببین یان ژی دێ دەست ب مانگرتنا سەرانسەری کەین ل زاخۆ ھەتا خانەقین”.
ئه‌ڤرۆ نيوز:
دو ڤەکۆلەرێن نێڤدەولەتی دبێژن ھەرێما کوردستانێ یا بوویە پەنجەرا ھیڤیا ل رۆژھەلاتا ناڤەراست و شلەژنێن دەڤەرا وێ پەیدا بووین.
د گۆتارەکێ بۆ ھاڤینگنۆن پۆست، ھەردوو ڤەکولەرێن نێڤدەولەتی، (ساشا تۆپێریچ) و (تیا ئێڤانۆڤینگ) ل زانکۆیا (جون ھوپێکرنز)، سەرەرای ئاماژە ب ئیرادەیا ب ھێزا پێشمەرگەێ ھەرێما کوردستانێ د بەرسینکگرتنا چەکدراێن تیرۆری یێن داعشێ دا، بەحسێ ھندێ کریە کو گیانەکێ چاکسازیێ و گوھۆڕینێ ل ھەرێما کوردستانێ ھەیە.
سەبارەت ب پاشەرۆژا کەم ئاین و نەتوەیێن کوردستانێ ژی، ئەو ھەردوو ڤەکۆلەر دبێژن، ھەرێما کوردستانێ پشتەڤانیا ئێزدی و شەبەک و کاکەیی و کریستیانان ل دەشتا نەینەوا دکەن، کو دداھاتی ل دەڤەرێ کاروبارێن خوە برێڤە ب بەن.
ئه‌ڤرۆ نيوز:
ژ ئه‌نجامێ كارتێكرنا وێ شه‌پولا بارينا توزێ كو هه‌رێم ڤه‌گرتى، بوو ئه‌گه‌ر كو مه‌ودايێ دێتنێ كێم ببين و ل دهۆكێ كێمترين مه‌ودا هاتنه توماركرن كو ب تنێ 900 متر بوون.
و ب ڤى ره‌نگێ ل خوارێ:
1- هه‌ولێر 6 كم 2- پیرمام 8 كم 3- سلێمانى 8 كم 4-چه‌مچه‌ماڵ 3 كم 5- دهۆك 0.9 كم 6- زاخۆ 2 كم 7- كه‌ركووك 5 كم 8 – دووز خورماتوو 2 كم
نيشاندان