ئه‌ڤرۆ نيوز:
پێنج پێشمه‌رگه ژ ليوا سێ يا تايبه‌ت يا كوسره‌ت ره‌سۆل ئه‌ڤرۆ د ئۆپه‌راسيۆنا موسلدا شه‌هيدبوون و چه‌ند پێشمه‌رگێن دژى بريندار بوون كو شالاو كوسره‌ت ره‌سۆل ئه‌ندامێ جڤاتا سه‌ركرداتيا ئێكه‌تيێ د ناڤ برينداران دايه.
ژێده‌ره‌كى ژ نڤيسينگه‌ها كوسره‌ت ره‌سۆل بۆ خه‌ندان گۆت: “د شه‌رێ كونترۆلكرنا مووسل دا ل ميحوه‌رێ خازر پێنج پێشمه‌رگێن ليوا سێ يا تايبه‌تا كوسره‌ت ره‌سۆل شه‌هيد بوون و چه‌ند پێشمه‌رگه ژى بريندار بوون و كه‌سێن بريندار شالاو كوسره‌ت ره‌سۆل يێ ل گه‌ل”.
ئه‌ڤرۆ نيوز:
هێزێن پێشمه‌رگه‌ى هه‌موو ئه‌و پلانه ب جهئينا و هه‌موو ئه‌و گۆندێن بۆ هاتينه دياركرن كۆنترۆلكرن، فه‌رمانده‌كێ پێشمه‌رگه‌ى ژى ل ناڤ باژێرێ مووسل و ناحيا به‌رتلا يێن نێزيك بووين.
عه‌ميد سه‌يد هه‌ژار جێگرێ فه‌رماندێ زێره‌ڤانى بۆ مالپه‌رێ فه‌رميێ پارتى ديموكراتى كوردستان راگه‌هاند: “چه‌نده‌كێ به‌رى نوكه هه‌موو ئه‌و گۆندێن كوردستان يێن ده‌ڤه‌را خازرى هاتنه كونترۆلكرن و هێزێن پێشمه‌رگه‌ى شيان پلانا ئۆپه‌راسيۆنا ئه‌ڤرۆ ب ته‌مامى هاته بجهئينان و 9 گۆند كونترۆل كرن”.
سه‌يد هه‌ژار گۆتژى: “چه‌كدارێن داعش ب ترۆمبێلێن مينرێژكرى هێرش كريه سه‌ر هێزێن پێشمه‌رگه‌ى، به‌لێ پێشمه‌رگه‌ى بزاڤێن وان ژناڤبرن و ئه‌وا ب تنێ من ديتى زێده‌تر ژ 10 ته‌رمێن تيرۆرستێن داعش ل به‌ر ده‌ستێ مه‌نه و ب گرتنا گۆندێن كوردستانى ژى، ل سه‌رنته‌رێ ناحيا به‌رتلا و باژێرێ مووسل نێزيك بووين”.
ئه‌ڤرۆ نيوز:
رێڤه‌به‌ريا پۆليسێن فيدرالێن عيراقێ راگه‌هاند هێزێن وان ل بنگه‌هێن له‌شكرى يێن گه‌ياره ده‌ست ب پێشڤه‌چوونێ كريه به‌ر ب باشوورێ مووسل.
هێزێن پۆليسێن فيدرال و سۆپايێ عيراقێ هێزێن ئێكانه نه كو دچنه ناڤ باژێرێ مووسل، هه‌ر وه‌كو سه‌رۆك وه‌زيرێن عيراقێ حه‌يده‌ر عه‌بادى ل ده‌مێ راگه‌هاندنا ده‌سپێكرنا ئۆپه‌راسيۆنا مووسل راگه‌هاند ژبلى ڤان دو هێزان چو هێزێن دى ناچنه ناڤ باژێرێ مووسل.
ئه‌ڤرۆ نيوز:
جێگرا سه‌رۆكا فراكسيۆنا پارتى ديموكراتى كوردستان ل په‌رله‌مانێ كوردستانێ راگه‌هاند كو هه‌كه گۆڕان و كۆمه‌ل و ئێكگرتوو خوه ژ حوكمه‌تێ ڤه‌كێشن، حوكمه‌تا هه‌رێمێ ناهێته هه‌رفاندن.
ئامينا زكرى، جێگرا سه‌رۆكا فراكسيۆنا پارتى ديموكراتى كوردستان ل په‌رله‌مانێ كوردستانێ، د ديداره‌كێ دا بۆ ئاژانس د به‌رسڤا پرسياره‌كێ دا ل دۆر “هه‌كه گۆڕان و كۆمه‌ل و ئێكگرتوو خوه ڤه‌كێشن، دێ حوكمه‌ت هێته هه‌رفانندن؟” خۆيا دكه‌ت كو هه‌كه گۆڕان و كۆمه‌ل و ئێكگرتوو خوه ژ حوكمه‌تێ ڤه‌كێشن، حوكمه‌تا هه‌رێمێ ناهێته هه‌رفاندن.
زێده‌تر دبێژيت: “ب گۆره‌ى قانوونا ژماره سێ يا جڤاتا وه‌زيران هه‌كه پتريا وه‌زيران خوه ڤه‌كێشن، دێ بيته حوكمه‌تا كار ب رێكه‌ر، سه‌ره‌راى وێ چه‌ندێ ژى هه‌تا ئێكه‌تى ژى خوه ژ حوكمه‌تێ ڤه‌نه‌كێشيت ناهێته هه‌رفاندن.
ئه‌ڤرۆ نيوز:
وه‌زاره‌تا خواندنا بلند شه‌ش پۆست ل زانكۆيا دهۆك راگه‌هاندن و دياركريه كو خوازيار دڤێت سى ڤييێ خوه بۆ ڤى ئيميلى فرێكه‌ت [email protected].
پۆست ئه‌ڤه‌نه
1.ڕاگرێ کۆلێژا پزیشکى ددان
2.ڕاگرێ کۆلێژا دەرمانسازى
3.ڕاگرێ کۆلێژا زانستى تەندروستى
4.ڕاگرێ کۆلێژا کارگێرى و ئابوورى
5.ڕاگرێ کۆلێژا پەروەردا بنیات
6.ڕاگرێ کۆلێژى پەروەردە
مه‌رج ژى ئه‌ڤه‌نه:
1- ناسناڤێ وى يێ زانستى ژ پروفيسورێ هاريكار كێمتر نه‌بيت
2- خزمه‌تا وى يا زانكۆيێ ژ 10 سالان كێمتر نه‌بيت
دووماهى ژڤان ژى بۆ پێشكێشكرنا فورمان، 30/10/2016
بۆ پتر پێزانينان سه‌ره‌دانا ڤى لينكێ وه‌زاره‌تا خاندنا بلند بكه
ئه‌ڤرۆ نيوز:
وه‌زاره‌تا خواندنا بلند سێ پوستان ل زانكۆيا پوليته‌كنيك يا دهۆك رادگه‌هينيت، له‌وما داخواز كريه ئه‌وێن كو مه‌رج تێدا سيڤيێن خوه بۆ ڤى ئيميلى فرێكه‌ن [email protected]
پۆست ئه‌ڤه‌نه:
1- ڕاگرێ کۆلێژا تەکنیکى ئەندازیارى دهۆک
2- ڕاگرێ کۆلێژا تەکنیکى کارگێرى دهۆك
3- ڕاگرێ پەیمانگه‌ها تەکنیکى کارگێرى دهۆک
مه‌رج ژى ئه‌ڤه‌نه:
1- ناسناڤێ وى يێ زانستى ژ پروفيسورێ هاريكار كێمتر نه‌بيت
2- خزمه‌تا وى يا زانكۆيێ ژ 10 سالان كێمتر نه‌بيت
دووماهى ژڤان ژى بۆ پێشكێشكرنا فورمان، 30/10/2016
بۆ پتر پێزانينان سه‌ره‌دانا لينكێ وه‌زاره‌تا خواندنا بلند بكه‌ن
ئه‌ڤرۆ نيوز:
فه‌رماندێ هێزێن دژه تيرۆرا عيراقێ داخوازێ ژ وه‌لاتيێن باژێرێ مووسل دكه‌ت كو ل مالێن خوه بمينن و باژێرى چول نه‌كه‌ن، ل ده‌مێ گه‌هشتنا هێزێن ئه‌منى بۆ ده‌وروبه‌رێن مووسل كو ئه‌ڤرۆ 17ى چريا ئێكێ ده‌سپێكريه.
عه‌بدولغه‌نى ئه‌سه‌دى، فه‌رماندێ هێزێن دژه تيرۆرێ د داخۆيانيه‌كا رۆژنامه‌ڤانى دا گۆت: “ل گه‌ل گه‌هشتنا هێزێن ئه‌منى بۆ ده‌وروبه‌رێن مووسل، دێ رێيێن پاراستى بۆ ده‌ربازكرنا وه‌لاتيان ڤه‌كه‌ين، هه‌ڤده‌م داخواز ژ وه‌لاتيێن باژێرى كر كو د روويێ پێزانيان دا هاريكاريا هێزێن ئه‌منى بكه‌ن”.
ئه‌ڤرۆ نيوز:
وه‌زاره‌تا به‌ره‌ڤانيا ئه‌مريكا راگه‌هاند كو شه‌رێ مووسل بۆ داعش يێ ئێكلاكه‌ره و دڤێت د ئاماده بن بۆ هاريكاريكرنا پێشمه‌رگه‌ى و هێزێن عيراقى.
ئاشتون كارته‌ر وه‌زيرێ به‌ره‌ڤانيا ئه‌مريكا د به‌ياننامه‌كێ دا گۆت: “ئۆپه‌راسيۆنا مووسل بۆ شه‌رێ دژى داعش دێ يێ ئێكلاكه‌ر بيت و هه‌ڤده‌م هه‌ڤپه‌يمانيا نێڤده‌وله‌تى يا ئاماده‌يه هاريكاريا پێشمه‌رگه‌ى و هێزێن عيراقى د وى شه‌رى دا بكه‌ت.
وه‌زيرێ به‌ره‌ڤانيا ئه‌مريكا گۆت: “عيراقى ب هه‌ڤپشكى دێ مووسل ژ ده‌ستێ داعش رزگار كه‌ن، عيراق دێ ژ هۆڤێن داعش رزگار بيت”.
ژ لايێ خوه ڤه ميديايێن توركيا ژ زار ده‌ڤێ سۆپايێ وه‌لاتێ خوه راگه‌هاند كو د پرۆسا ئازادكرنا مووسل دا شه‌رێ گران يێ ل سه‌ر ملێ پێشمه‌رگه‌ى.
ژ لايه‌كێ دى ڤه سه‌رۆكێ رۆسيا فلاديمێر پۆتن هيڤى خواست كو كار ژ بوو وێ چه‌ندێ بهێته كرن كو قوربانيێن سڤيل ل باژێر مووسل دكێم بن.
هه‌ر د ڤێ ده‌ربارێ دا جێگرێ سكرتێرێ گشتى يێ نه‌ته‌وێن ئێكگرتى بۆ كاروبارێن مرۆڤايه‌تى ستيڤێن ئۆبراين دلته‌نگيا خوه ده‌رباره‌ى چاره‌نڤيسێ مليۆن و نيڤ وه‌لاتيێن خۆجهێن مووسل ده‌ربڕى كو دكه‌ڤنه بن كارتێكرنا ئۆپه‌راسيۆنێن گرتنا باژێرێ مووسل ژ داعش.
فه‌رماندا گشتى يا هێزێن چه‌كدارێن هه‌رێما كوردستانێ به‌ياننامه‌ك به‌لاڤكر و تێدا راگه‌هاند كو نێزيكى ده‌مژمێر 6:00ى 17ى چريا ئێكێ 2016، پرۆه‌سه‌يه‌كا به‌رفره‌ها هێزا پێشمه‌رگه‌ى ل خازرى ل رۆژهه‌لاتا مووسل، ب هه‌ڤكاريا هێزێن سۆپايێ عيراقێ ل گوێر و گه‌ياره ل باشوورێ مووسل ده‌سپێكر وه‌كو قووناغا ئێكێ يا رزگاركرنا مووسل ژ ده‌ستێ تيرۆرستێن داعش.
دايه زانين ژى كو د ڤێ ئۆپه‌راسيۆنێ دا زێده‌تر ژ چار هزار پێشمه‌رگه دێ رابن ب پاقژكرنا گۆندێن ده‌وروبه‌رێن ده‌ڤه‌را خازرى ژ تيرۆرستێن داعش ب گۆره‌ى وێ رێكه‌فتنا د ناڤبه‌را حوكمه‌تا هه‌رێما و حوكمه‌تا عيراقا فيدرال دا هه‌ى.
هه‌ر د ڤێ به‌ياننامێ دا ئاماژه دايه وێ چه‌ندێ ل 16ى چريا ئێكێ هێزێن هه‌ڤپه‌يمانان بۆردۆمانا وان ده‌ڤه‌ران كريه و بڕياره د به‌رده‌وام بن د هاريكاريكرنا هێزێن پێشمه‌رگه‌ى دا.
نيشاندان