ئەڤرۆ نیوز، مەحمود نهێلی:
ئەڤرۆ فرۆکێن تورکیا دەڤەرێن دەوروبەرێن چیایێ گارەی بۆردومان کرن.
نووترين نووچه
- پارتی ل گەل چارەسەركرنا كێشەیا كوردی یە ل توركیا ب شێوەیەكێ دیموكراسی و ئاشتییانە
- هێمن هەورامی: دەرگەهێ پارتی بۆ هەموو ئالییان یێ ڤەكریە
- رێككەفتن هاتیەكرن، بێی هەرێمێ ئەنجامێن سەرژمێریێ ل دەڤەرێن مادەیێ 140 ناهێنە بەلاڤكرن
- شاندێ پارتی بۆ دانوستاندنێن پێكئینانا حوكمەتێ دێ سەرەدانا ئالیێن سیاسی كەت
- پەیاما سەرۆك بارزانی بۆ ئەڤرۆ و پاشەڕۆژا كوردستانێ یە
- رێكێ نادەین هیچ كەسەك دەستێوەردانێ د كاروبارێن مە دا بكەت
- بەرهنگاربوونا مادەیێن هۆشبەر ئەركەكێ نیشتمانی و ئەخلاقی یێ مە هەموویانە
- مەسرور بارزانی: هیڤیدارین د زووترین دەمدا، حوكمەتەكا نوو و ب هێز و خزمەتگوزار پێكبینین
- فڕەنسا کار بۆ دەستپێکرنا قۆناغەکا نوو ل رۆژئاڤایێ کوردستانێ دکەت
- پێدڤییە ئیراق ژ ململانێیێن رۆژهەلاتا ناڤین دوور بكەڤیت
سه‌ره‌كى نووترين نووچه
ب وێنە: ترۆمبێلەک وەرگەریا و کەسەکێ گیانێ خوە ژ دەستدا
خوبه‌خشه‌كێ ئه‌مریكى ل كوردستانێ هاته ڤه‌شارتن
ئه‌ڤرۆ، كــاروان باعــــه‌درى:
خوبه‌خشه‌ك ب ناسنامه ئه‌مریكى بناڤێ ” مستر لى “ئه‌ڤه بۆ ماوه‌یێ چار مه‌هان بوو ل كه‌مپا باجد كه‌ندالا ل پارێزگه‌ها دهۆكێ وه‌ك خوبه‌خش كار دكر و مامۆستایێ زمانێ ئینگلیزى بوو ل وێ كه‌مپێ و چه‌ندین خۆل بۆ قوتابیان ڤه‌كربوون و چه‌ندین كه‌لو په‌ل بۆ قوتابییان ل گه‌ل خۆ دئینان و ئه‌ڤرۆ وه‌غه‌ركرا دوماهییێ كر و ل به‌ر مه‌زارگه‌هێ شه‌رفه‌دین هاته ڤه‌شارتن .
پشتى وه‌غه‌را دوماهیێ كرى ، خێزانا وى دیاركرن كو خوبه‌خشێ وه‌غه‌ركرى وه‌سیه‌ت كربوو ، ئه‌گه‌ر مر ل به‌ر مه‌زارگه‌هێ شه‌رفه‌دین ڤه‌شێرن ژبه‌ر حه‌ژێكرنا وى بۆ خه‌لكێ ئێزدى ژبه‌ر وێ زوڵم و زۆرداریا ب سه‌ر ئۆلا ئێزدیان هاتى د كاره‌ساتا شنگالێ دا .
راگه‌هاندنكار دیار نه‌عمۆ خه‌تارى ، ل چیایێ شنگالێ بۆ مالپه‌رێ ئه‌ڤرۆنیوز دیاركر، پشتى خێزانا ” مستر لى ” ئه‌ڤ وه‌سیه‌ته گه‌هاندیه جهێن شۆله‌ژێ ل هه‌رێما كوردستانێ ، و هه‌رێمێ رازیبوونا خۆ دیاركرى ، ئه‌ڤرۆ فه‌رمانده‌یا پێشمه‌رگه‌هێن شنگالێ ب مه‌راسیمه‌كا تایبه‌ت ل گۆرستانا جانگۆریێن شنگالێ هاته بن ئاخ كرن .
بۆچى كورد د كونفرانسێ هه‌ڤپه‌يمانيا دژى داعش دا د پشكدار نينن؟
ئه‌ڤرۆ نيوز:
مایکڵ فاڵۆن، وەزیرێ بەرەڤانیا بریتانیا سەدەمێ بەشداری پێ نەکرنا کوردا د کۆنفرانسێ هەڤپەیمانیا ل دژى داعشێ دا ئاشکرا کر و گۆت “حکومەتا عێراقێ هاتیە گازیکرن ئان ڤەخاندن کو نوونەراتیا تەماما پێکهاتەیان دکەت”.
مایکل فالۆن وەزیرێ بەرەڤانیا بریتانیا د داخوویانیەکا تایبەت دا ب ئێن ئاڕ تى راگەهاند “حکومەتا عێراقێ ژلایێ وەزیرێ بەرەڤانیا عێراقێ ڤە نوونەرایەتى دهێتە کرن کو خەلکێ موسلە و سونەیە و ل عێراقێ ژى وەکى دهێتە زانین حکومەتەکا هەڤپەیمانی هەیە و ژ سەرۆکەکێ کورد و سەرۆک وەزیرانەکێ شیعە و وەزیرەکێ بەرەڤانیێ یێ سوننە پێکهاتیە و حکومەتا عێراقێ حکومەتا نوونەرایەتیا پێکهاتەیانە”.
جارەکا دى پرسیار ژ وەزیرێ بەرەڤانیا بریتانیا کر کو ئایا ئەو وەسا نابینیت کو پێدڤى بوو کورد د وێ کۆنفرانسێ دا هەبوونا ئان کو هەبان؟.
وەزیرێ بەرەڤانیا بریتانیا راگەهاند “ئەو بریارا حکومەتا عێراقێ یە کو کى دڤێت نوونەرایەتیێ بکەت و هەر وەلاتەک ژى ژلایێ وەزیرەکێ بەرەڤانیێ ڤە نوونەرایەتى دهێتە کرن”.
پێشتر ئاشتۆن کارتەر، وەزیرێ بەرەڤانیا ئەمریکا راگەهاندبوو “د وێ کۆنفرانسێ دا بەحسا رۆلێ پێشمەرگەى هاتیە کرن و پێشمەرگە هەڤپەیمانێ بهێزێ ئەمریکایە”.
ژێده‌ر: NRT
كه‌سوكارێن شه‌هيدان دێ هێنه دامه‌زراندن، بلا سه‌ره‌دانا مه بكه‌ن
ئه‌ڤرۆ نيوز:
ئه‌شفى مه‌لا رێڤه‌به‌رێ رێڤه‌به‌ريا كاروبارێن شه‌هيد و ئه‌نفالكريان ل سوران ب رێيا مالپه‌رێ فه‌رميێ پارتى ديموكراتى كوردستان ئاگه‌هه‌داريا كه‌سوكارێن شه‌هيدان دكه‌ت كو ئه‌وێن ده‌چوويێن زانكۆ و په‌يمانگه‌هان بن ب ره‌نگێ گرێبه‌ست بڤێت بهێنه دامه‌زراندن، بلا رۆژا ئێكشه‌مبى سه‌ره‌دانا رێڤه‌به‌ريا وان بكه‌ن.
ئاماژه ب وێ چه‌ندێ ژى كر كو دێ ده‌رچوويێن هه‌رسێ قه‌زايێن چۆمان و سۆران و ره‌واندوز وه‌رگرن، ب مه‌رجه‌كى ده‌چوويێن زانكۆ و په‌يمانگه‌هان بن و ل چ جهان نه‌هاتبنه دامه‌زراندن.
نه‌ڤه‌شارت ژى كو دێ وه‌كو مامۆستايێن قوتابخانێن ئه‌هلى و مامۆستايێن باخچێن ساڤايان و ژماره‌ك ژى بۆ چه‌ند كۆمپانيێن جودا وه‌كو كارمه‌ند هێنه دامه‌زراندن.
موسلمانێن ئه‌مريكا دژى ترامپ د راوه‌ستن
ئه‌ڤرۆ نيوز:
موسلمانێن سه‌رانسه‌رى ئه‌مريكا ل دژى ترامپ رادوه‌ستن و ئاماژێ ب وێ چه‌ندێ دكه‌ن كو ل دژى ترامپێ ره‌گه‌زپه‌رستێ عه‌سكه‌رتار راوه‌ستن دا نه‌بيته سه‌رۆكێ كۆمار.
ئاژانسا رويترز ژ زار ده‌ڤێ ئوسامه ئيبۆ ئێك ژ مه‌زنه موسلمانێن وه‌لاتێ ئه‌مريكايه به‌لاڤكريه كو ئه‌وان خوه ئاماده‌كريه و چه‌ند بانگخوازه‌ك به‌رهه‌ڤ كرينه دێ ل سه‌رانسه‌رى زانكۆ و مزگه‌فتيێن وه‌لاتێ ئه‌مريكا كار ژ بوو وێ چه‌ندێ كه‌ن كو ترامپ ده‌رنه‌كه‌ڤيت ژ به‌ر كو مرۆڤه‌كێ ره‌گه‌زپه‌رست و عه‌سكه‌رتاره.
پۆتن و ئه‌ردۆگان دێ كۆم بن
ئه‌ڤرۆ نيوز:
كۆشكا سه‌رۆكاتيا رۆسيا ئاشكه‌را كر كو ل ده‌سپێكا هه‌يڤا بهێت فلاديمێر پۆان يێ سه‌رۆكێ رۆسيا دێ ل گه‌ل ره‌جه‌ب ته‌يب ئه‌ردوگان كۆم بيت.
د راگه‌هاندنه‌كێ دا ديميترى بێسكۆڤ ئاخفتنكه‌رێ ب ناڤێ كۆشكا سه‌رۆكاتيا رۆسيا “كريملن” ئاشكه‌را كر كو هه‌تا 10ى هه‌يڤا بهێت بڕياره پۆتن ل گه‌ل ئه‌ردۆگان كۆم ببيت و كۆمبوون ژى دێ ل رۆسيا بيت، به‌لێ كريملن يا ئاماده نه‌بوو جهێ كۆمبوونێ ئاشكه‌را بكه‌ت.
ب فه‌رمى ئه‌ڤ جهێ كوردستانێ ب 5 ژ گه‌مترين جهێن جيهانێ هاته هژمارتن
ئه‌ڤرۆ نيوز:
رێڤه‌به‌ريا كه‌شناسيا هه‌رێمێ ، ئه‌ڤرۆ د مالپه‌رێ خوه‌دا دياركر كو رێكخراوا كه‌شناسيا جيهانێ، WMO ئه‌ڤرۆ ئاماژه گه‌رمترين ده‌ڤه‌رێن جيهانێ دايه و ئاماژه ب ويستگه‌هێ كه‌شنياسيا ئوتوماتيكى يا خانه‌قين كريه كو خودان كوده‌كا جيهانى يا ژماره STATION ID. 40637) و تێدا خانه‌فين ب 5 گه‌رمترين جهێن سه‌ر روويێ ئه‌ردى هژمارتيه كو پلا گه‌رماتيێ گه‌هشته (50.5).
گه‌رمترين جهـ ژى ل جيهانێ ئه‌ڤرۆ باژێرێ ناسريه بوو ل باشوورێ عيراقێ كو پلا گه‌رماتيێ تێدا گه‌هشته 52.4
سوبه‌هى سه‌رانسه‌رى هه‌رێمێ بهێنڤه‌دانه
ئه‌ڤرۆ نيوز:
سه‌رۆكاتيا جڤاتا وه‌زيران راگه‌هاند كو ژ به‌ر بلندبوونا پلێن گه‌رمێ ل سه‌رانسه‌رى هه‌رێما كوردستانێ بۆ بهێنڤه‌دانا فه‌رمى.
ب گۆره‌ى نڤيساره‌كا سه‌رۆكاتيا حوكمه‌تا هه‌رێما كوردستانێ كو وێنه‌ك بۆ ئه‌ڤرۆ نيوز ره‌وانه‌كريه، سوبه‌هى رۆژا پێنجشه‌مبى 21ى تيرمه‌ها 2016ێ ل سه‌رانسه‌رى هه‌رێما كوردستانێ ژ به‌ر بلندبوونا پلێن گه‌رمێ بهێنڤه‌دانا فه‌رمى يه.
پشتى مالكى سه‌ره‌دانا وى كرى جاره‌كا دى ته‌له‌بانى به‌ر ب ده‌رڤه‌ى وه‌لاتى بر
ئه‌ڤرۆ نيوز:
پشتى مالكى سه‌ره‌دانا وى كرى جاره‌كا دى ته‌له‌بانى ب مه‌ره‌ما چاره‌سه‌ريا نوشدارى به‌ر ب ده‌رڤه‌ى وه‌لاتى بر.
ژێده‌ره‌كى بۆ رووداو راگه‌هانديه كو چوونا جه‌لال ته‌له‌بانى سكرتێرێ گشتيێ ئێكه‌تيێ بۆ ژ ده‌رڤه‌ى وه‌لاتى ب مه‌ره‌ما چاره‌سه‌ريا نوشدارى يه و دێ د رێيا فرۆكخانا نێڤده‌وله‌تيا سلێمانيێ را بيت.
نوشدارێن وى دا زانين كو ئه‌ڤ سه‌ره‌دانا وى يا ئاسايى يه و پێدڤيه هه‌ر چه‌ند هه‌يڤان جاره‌كێ بهێته ئه‌نجام دان و دا زانين كو ب گشتى ره‌وشا وى يا به‌ر ب باشتر ڤه دچيت.
ل ده‌مێ ب رێكه‌فتنێ ل فرۆكخانا نێڤده‌وله‌تى يا سلێمانيێ هه‌ر ئێك ژ هێرۆ ئيبراهيم ئه‌حمه‌د هه‌ڤژينا وى و جێگرێ ئێكێ يێ سكرتێرێ گشتى كوسره‌ت ره‌سۆل ل فرۆكخانێ ئاماده ببوون.
ل 17ى كانوونا دويێ 2012 ل باژێرێ به‌غدا تووشى جه‌لتا مێشكى ببوو و بۆ چاره‌سه‌ريێ بربوو وه‌لاتێ ئه‌لمانيا ل نه‌خۆشخانه‌كا وى وه‌لاتى چاره‌سه‌رى وه‌ردگرت.
نيشاندان
WP Facebook Auto Publish Powered By : XYZScripts.com