ئه‌ڤرۆ نيوز:
په‌يمانگه‌ها فه‌له‌كى و ستێرناسيێ يا مسرى رۆژا ئێكێ يا جه‌ژنا قوربان دياركر و راگه‌هاند رۆژا راوه‌ستيان ل عه‌ره‌فێ 10 هه‌يڤا ئيلونێ يه و ب ڤێ چه‌ندێ ئێكه‌م رۆژا قوربان دێ بيته 11 هه‌يڤا ئيلونێ.
رۆژا ئێكێ يا جه‌ژنا قوربان هاته دياركرن
نووترين نووچه
- مەسرور بارزانی: ئەڤە دوجارە مە دو كۆمبوونێن زۆر ئەرێنی و باش ئەنجامدان
- قەرەبووكرنا كەسوكارێن قوربانیێن هەلەبجە، ئەركێ دەولەتا ئیراقێ یە
- هەلەبجە بوویە هێمایەكا جیهانی بۆ ستەما ل گەلێ مە هاتیە کرن
- مەسرور بارزانی: داخواز دكەین پارێزگەهبوونا هەلەبجە د زووترین دەم دا بهێتە پەسەندكرن
- سەرۆك بارزانی و مەسرور بارزانی پشكداری رێوڕەسمێ رێزگرتنێ ل قوربانیێن كێمیابارانكرنا هەلەبجە بوون
- سەرۆكێ حوكمەتا هەرێمێ و سەرۆكێ دەزگەهێ هەوالگیرییا فیدرال رەوشا ئەمنی ل ئیراقێ و دەڤەرێ گەنگەشەكر
- پێشەوا هەورامانی: سەرۆكێ حوكمەتا هەرێمێ بەرنامەیێن جودا بۆ پێشڤەبرنا هەلەبجە یێن هەین
- پەرلەمانتارەك: شیعەیان و سوننەیان سۆز یا دای دەنگ ب پڕۆژە قانوونا ب پارێزگەهبوونا هەلەبجە بدەن
- فازل میرانی: دەستهەلاتدارێن بەغدا كورد وەكو هەڤپشك قەبوول نەكرینە
- جێگرێ خەلیفەیێ داعشێ ب پێزانینێن مە هاتە كوشتن و سۆدانی ئاماژە ب وی رۆلی نەكر
سه‌ره‌كى نووترين نووچه
ئه‌میندارێ ئێكه‌تیا زانكۆیێن عه‌ره‌بى سوپاسیا گه‌لێ كوردستانێ دكه‌ت
ئه‌ڤرۆ نیوز:
مه‌سعود بارزانى سه‌رۆكێ هه‌رێما كوردستانێ ئه‌ڤرۆ پێشوازى ل پرۆفیسۆر سولتان ئه‌بو عرابى ئه‌لعدوان ئه‌میندارێ ئێكه‌تیا زانكۆیێن عه‌ره‌بى كر.
د یداره‌كێ دا، ئه‌میندارێ ئێكه‌تیا زانكۆیێن عه‌ره‌بى كورتیه‌ك ل دۆر ئاستێ په‌یوه‌ندیێن زانكۆیێن كوردستانێ و یێن وه‌لاتێن عه‌ره‌بى پێشكێشكر و داخواز ژى كر كو په‌یوه‌ندیێن د ناڤبه‌را زانكۆیێن هه‌ردو ئالیان دا موكمتر لێ بهێن.
هه‌روه‌سا ب ناڤێ خوه و زانكۆیێن عه‌ره‌بى و هه‌موو سه‌رۆك زانكۆیێن وه‌لاتێن عه‌ره‌بى سوپاسیا سه‌رۆك بارزانى و گه‌لێ كوردستانێ كر كو ب سه‌دان هزار ئاواره و لێ قه‌ومى حه‌واندینه و ب روودانه‌كا دیرۆركى ل ده‌ڤه‌رێ وه‌سفكر و ئاماژه ژى كر كو ناڤه‌دێن ئه‌كادیمى یێن وه‌لاتێن عه‌ره‌بى رێز بۆ سه‌رۆك بارزانى و قوربانیدانا پێشمه‌رگه‌ى د روو ب رووبوون و شكاندنا تیرۆرستان دا هه‌نه.
د هه‌مبه‌ر دا، سه‌رۆك بارزانى سوپاسیا هه‌لویستێ ئه‌میندارێ ئێكه‌تیا زانكۆیێن عه‌ره‌بى كر و خوه‌شحالیا ل هه‌مبه‌ر په‌یوه‌ندى و كارێ هه‌ڤپشكێ زانكۆیێن كوردستانێ و یێن عه‌ره‌بى نیشادا.
مه‌كته‌با سه‌رۆك بارزانى په‌يامه‌ك ئاراسته‌ى رۆژناما ئه‌ڤرۆ كر
ئه‌ڤرۆ نيوز:
ب هه‌لكه‌فتا 13 ساليا رۆژناما ئه‌ڤرۆ، مه‌كته‌با سه‌رۆك بارزانى په‌يامه‌ك ئاراسته‌ى رۆژناما ئه‌ڤرۆ كر.
د ڤێ په‌يامێ دا، مه‌كته‌با سه‌رۆك بارزانى ب هه‌لكه‌فتا بۆينا 13 سالان ل سه‌ر رۆژناما ئه‌ڤرۆ پيرۆزباهى ئاراسته‌ى رۆژناما ناڤبرى كرينه و هيڤى خواستيه كو د كارێ خوه يێ ميدياى دا بۆ دلسۆزيا به‌رامبه‌ر نه‌ته‌وێ خوه د به‌رده‌وام بن، كا چاوان به‌رى نوكه رۆله‌كێ گرنگ د هشياركرنا تاكێ كورد دا ديتيه.
د پشكه‌كا دى يا ڤێ په‌يامێ دا به‌حس ل وێ چه‌ندێ ژى دكه‌ت كو رۆژناما ئه‌ڤرۆ د وارێن نه‌ته‌وى و نشتيمانى و سه‌رده‌مانه هه‌ڤملێ پێشمه‌رگێن قه‌هره‌مانێن كوردستانێ به‌ره‌ڤانى ژ ئاخ و نه‌ته‌وا خوه كريه.
دايه زانين ژى كو رۆژنا ئه‌ڤرۆ د وارێن سياسى و ره‌وشه‌نبيرى و ئابوورى و جڤاكى و په‌روه‌رده فێركرنێ دا، تۆماره‌كا پر ژ شانازيێ هه‌يه، “بوويه جهێ ده‌ستخۆشى و پرۆزباهيكرن ل ستافێ ئازيزێ رۆژنامێ”.
ل دووماهيێ ژى مه‌كته‌با سه‌رۆك بارزانى هيڤيا سه‌ركه‌فتن و به‌رده‌واميێ بۆ رۆژناما ئه‌ڤرۆ خواستيه.
ده‌قێ په‌يامێ:
بەڕێزان سەرنووسەر و رۆژنامەنووس و کارمەندانی رۆژنامەی(ئەڤڕۆ)
سڵاو و ڕێز..
بەبۆنەی تێپەڕبوونی سێزدە ساڵ بەسەر دەرچوونی رۆژنامەی(ئەڤڕۆ) پیرۆزبایی ئاڕاستەی ئێوەی خۆشەویست دەکەین. تەمەننا دەکەین لە پیشەیی میدیایتان و دڵسۆزیتان بۆ نەتەوەکەتان بەردەوام بن، ھەروەک چۆن لە رابردوو رۆڵی گرنگتان بنیوە لە ھۆشیارکردنەوەی تاکی کوردی، بەھەمانشێوە لە ئایندەیشدا ھەمان رۆڵی بەرچاوتان ھەبێ.
رۆژنامەکەتان بە بیرێکی نەتەوەیی و نیشتمانی و سەردەمیانە ھاوشانی پێشمەرگە قەرەمانەکانی کوردستان، بەرگریتان لە خاک و نەتەوەکەتان کردوە.
رۆژنامەی(ئەڤڕۆ) لە بواری سیاسی و رۆشنبیری و ئابوری و کۆمەڵایەتی و پەروەردە و فێرکردندا، تۆمارێکی پڕ لە شانازی ھەیە، بۆیە جێگەی دەستخۆشی کردن و پیرۆزباییە لە ستافی ئازیزی رۆژنامەکەتان.
ئومێدی سەرکەوتن و بەردەوامیتان بۆ دەخوازین..
مەکتەبی سەرۆک
2ـی8ـی2016
ئاڤاهیێ نوى یێ رێڤه‌به‌ریا پوليسێن پارێزگه‌ها دهوكێ هاته ڤه‌كرن
ئه‌ڤرۆ نيوز:
ئه‌ڤرو ب چااڤدێرى و ئاماده‌بونا كه‌ریم شنگارى وه‌زیرێ نافخویێ هه‌رێما كوردستانێ و به‌رهه‌ڤبونا پارێزگه‌رێ دهوكێ و سه‌روكێ جڤاتا پارێزگه‌ها دهوكێ و هژماره‌كا زور یا به‌رپرسێن حكومه‌تا هه‌رێمێ ئاڤاهیێ نوى یێ رێڤه‌به‌ریا پولسێن پارێزگه‌ها دهوكێ هاته ڤه‌كرن ,
دریو ره‌سمێن ڤه‌كرنا ئاڤاهیێ نوى دا به‌راهیێ به‌رێز لیوا تارق ئه‌حمه‌د رێڤه‌به‌رێ پولیسێن پارێزگه‌ها دهوكێ دپه‌یڤه‌كێ دا سه‌ربارى بخیر هاتنێ ل میهڤانا و دیار كر كو ئه‌و ئاڤاهیێ رێڤه‌به‌ریێ دگه‌ل نێزیكى 50 ئاڤاهیێن دى بو بنگه‌ه و نڤیسینگه‌هێن پولیسان هاتینه ئاڤاكرن ژلایێ حكومه‌تا هه‌رێمێ ڤه و ئه‌ڤه نیشانا پوته‌دانا حكومه‌تێ یه ب هێزێن ئێمناهیێ و پو
لیسان و دیار كر كو ب ئاڤاكرنا ڤان ئاڤاهیان بوینه ئه‌گه‌رێ زیده‌تر پێشڤه‌چونا كارێ پولیسان و دیار كر كو ب پشته‌ڤانیا وه‌زیرى نافخو و پارێزگه‌رێ دهوكێ و پویته‌دانا زان پولیس شیاینه كاره‌كێ باشتر ئه‌نجام بده‌ن و پێتر خزمه‌تا وه‌لاتیان و یاسایێ بكه‌ن و كار باشتر هاتیه رێكخستن و گوت پولیسێن پارێزگه‌هێ پشكدارى دچه‌ندین خولا دا كریه ل ئوردن و ئه‌مریكا و كوریا بو پێشڤه‌برنا كارى و مفا وه‌رگرتنێ ژ سه‌ربور و سیسته‌مێ وان ده‌وله‌تان و چاوانیا سه‌ره‌ده‌رى كرنێ دگه‌ل وه‌لاتیان و ره‌وشه‌نبیر كرنێ و دیار كر كو وان هیزه‌كا تایبه‌ت بو به‌شێ چالاكیێن مه‌ده‌نى به‌رهه‌ڤ كریه و هاتیه مه‌شق دان و په‌روه‌رده كرن بو سه‌ره‌ده‌ریێ دگه‌ل وان كاودانا ,, دیسان دلایه‌كێ دیێ په‌یڤا خودا ئاماژه كره گرنگیا به‌رقرار بونا ئارامى و ته‌ناهیێ و گوت حهێ ئارام و ته‌نا هه‌مى ره‌نگین بزاڤێ تێدا په‌یدا دبن و ئه‌و ده‌ڤه‌ر پێتر گه‌شێ دگه‌ت و گه‌شتیار پێتر قه‌ست دكه‌نێ ,
دیسان به‌حسێ وان ئامیره و تكنولوجیا نوى كر یا كه‌تیه دكارێ روژانه دا بو پاراستنا مال و ملك و گیانێ وه‌لاتیان و لدیماهیێ سوپاسیا وان هه‌مى كه‌س و لایه‌نا كر ێن بوینه ئه‌گه‌رێ سه‌ركه‌فتنا كارێ ئاڤاهیێ رێڤه‌به‌ریا پولیسان ,
دیڤدا پارێزگه‌رێ دهوكێ فه‌رهاد ئه‌مین ئه‌تروشى پارێزگه‌رێ دهوكێ دپه‌یڤه‌كێ دا سوپاسیا وان هه‌مى ئه‌ندازیار و كه‌سا كر یێن پشته‌ڤان بو بدیماهیك ئینانا كارى ل سه‌ر ئاڤاهیێ رێڤه‌به‌ریا پولیسا و دیار كر یا فه‌ره ئاماژه پێ بهیته كرن ئه‌و 46 ئاڤاهیێن هاتینه دورست كرن پێدڤیه سوپاسى و ده‌ست خوشیا پارێزگه‌رێ به‌رى نوكه كاك ته‌مه‌ر ره‌مه‌زان به‌كین كو باهرا پێتریا ڤان كارا ل سه‌ر ده‌مى خزمه‌تا وى هاتینه ئه‌نجام دان دیسان گوت هنده‌ك كێماسى ل ڤان باره‌گایێن پولیسا هه‌نه و گه‌له‌ك جار هاتیه به‌حس كرن و دگه‌ل وه‌زیرى نافخو و رێڤه‌به‌رێ پولیسا ئه‌م بزاڤێ دكه‌ین كو باهرا پێتریا وان كێماسیا ته‌مام ببن و بهێنه چاره‌كرن , دیسان داخا زكه وه‌زاره‌تا نافخو هنده‌ك پێدڤیێن تكنولوجیا ئه‌ڤرو بو ده‌زگایێن پولیسان دابین بكه‌ت داكو باشتر خزمه‌تێ بكه‌ن ,,
دیڤدا كه‌ریم شنگارى وه‌زیرێ نافخو دپه‌یڤه‌كێ دا دیار كر كوه ێزێن ئێمناهیێ بگشتى و پولیس ب تایبه‌تى رویێ گه‌شێ هه‌رێمێ نه دناف جڤاكى دا له‌وما پویته‌دان ب وان ژ ئه‌ركێن سه‌ره‌كى یێن حكومه‌تا هه‌رێما كوردستانێ و وه‌زاره‌تا نافخو نه داكو خزمه‌ته‌كا باش پێشكێش بكه‌ن بو خه‌لكێ و دیار كر كو حكومه‌تا هه‌رێمێ پلانێن باش بو پێشڤه‌برنا پولیسا ده‌ست پێكریه و دێ به‌رده‌وام بیت و دیار كر كو گه‌له‌ك خولێن پێشڤه‌برنا شیانێن پولیسا ل ده‌رڤه و نافخو هه‌رێمى هاتیه ڤه‌كرن دیسان گوت وه‌زاره‌تا نافخو كاره‌كێ باش ل سه‌ر وێ چه‌ندێ كریه كو پێدڤیه پولیس بشیوه‌كێ جوان و باش ئه‌ركێ خو ئه‌نجام بده‌ت و رێزه‌كا مه‌زن ل وه‌لاتیان بگریت و بو ڤێ چه‌ندێ ده‌زگایێ رێنمایێن مه‌عنه‌وى بو چاندنا هزرا خزمه‌تكرنا ملله‌تى دناف مه‌ژیێ پولیسان دا و نێزیكى 15 ساله كارى دهێته كرن ل ڤى ده‌زگاى و ب رێك و پێكى , ده‌زگایێ دوویێ ده‌زگایێ پولیسێن كومه‌لگه‌هى یه كو چه‌ند ساله هاتیه دامه‌زراندن و كارێ وى لێك نێزیك كرنا جڤاكى و پولیسا یه وئاڤا كرنا باوه‌ریێ ب پولیسان داكو جڤاك هاریكارى پولیسى بیت ,
دیسان به‌حسێ وان سیسته‌م و تكنولوجیا نوى كر یا نوكه دخزمه‌تا ده‌زگایێن ئێمناهیێ و تایبه‌ت پولیسا دا بو خوزمه‌تا گشتى و گوت به‌رده‌وام دێ بزاڤێ كه‌ین ده‌زگایێن ئێمناهیێ و پولیسا ب رێكا تكنولوجا نوى و پێشكه‌فتى پێش بێخین دیسان گوت دێ بزاڤێ كه‌یت یه‌كه یێن ئاكنجى بونێ بو پولیسێن تانوكه نه‌مفادار دابین بكه‌ین ,
ل دیماهیێ ده‌ست خوشى ل وان لایه‌نا كر یێن كار دپروژێ ئاڤاهیێ پولیسا دا كر و هیڤیا سه‌ركه‌فتنێ بو پولیسێن پارێزگه‌ها دهوكێ خواست .
هه‌ژىگوتنێ یه كوژمێ 6 ملیون دولارا ل ئاڤاهیێ رێڤه‌به‌ریا پولیسێن پارێزگه‌ها دهوكێ هاتیه مه‌زاختن ب كه‌ل و په‌ل ڤه و پێك دهێت ژ سێ نهوما و 90 ژورێت كارى ,, هه‌روه‌سا كوژمێ نێزیكى 11 ملیار دینار بو ئاڤاهیێن دى یێن پولیسان ل سه‌رانسه‌رى پارێزگه‌ها دهوكێ هاتینه مه‌زاختن .
ئاسايشێ چه‌ند ئه‌ندامێن داعش گرتن
هه‌رێمێ دێ بهێنڤه‌دانا ژ به‌ر گه‌رمێ راگه‌هينيت؟
ئه‌ڤرۆ نيوز:
ئاخفتنكه‌رێ ب ناڤێ حوكمه‌تا هه‌رێما كوردستانێ راگه‌هاند كو ئه‌و هيڤى دكه‌ن روونشتنێن لايه‌نێن سياسى پێشڤه‌چوونێ د به‌رژه‌وه‌ندا وه‌لاتيان دا ب خوه ڤه ببينن و هه‌تا نوكه چو ئه‌گه‌ر بۆ بهێنڤه‌دانێ ژ به‌ر بلندبوونا پلێن گه‌رمێ نينن.
د داخۆيانيه‌كا رۆژنامه‌ڤانى دا، سه‌فين دزه‌ى، ئاخفتنكه‌رێ ب ناڤێ حوكمه‌تا هه‌رێما كوردستانێ راگه‌هاند كو وه‌سان دياره كه‌شوهه‌وايه‌كێ ئه‌رينێ دێ ب دووڤ ڤان پێشڤه‌چوونێن لايه‌نێن سياسى هه‌بيت و ب هيڤيا وێ چه‌ندێ كو لايه‌نێن سياسى بگه‌هنه رێكه‌فتنه‌كێ د به‌رژه‌وه‌نديا وه‌لاتيان دا.
ده‌رباره‌ى ته‌قاندنا بۆريێن په‌ترۆلێ يێن باى حه‌سه‌ن ژى گۆت: “راسته ژ ئه‌گه‌رێ په‌قاندنا بۆريێن په‌ترۆلێ يێن باى حه‌سه‌ن، هنارتنا په‌ترۆلێ هاتيه راوه‌ستاندن، لێ هێشتا نوزان ب چ رێژه‌يه و كه‌نگى دێ هێته چاره‌كرن”.
ده‌رباره‌ى بهێنڤه‌دانێ ژى ژ ئه‌گه‌رێ هاتنا پێلا گه‌رمێ گۆت: “هه‌تا نوكه ل گه‌ل رێڤه‌به‌ريا سه‌قاناسيێ ل سه‌ر خه‌تين و پلا گه‌رمێ ژ 46ێ نه‌بۆريه و هه‌رده‌ما گه‌هشته 50يێ دێ بڕيارا بهێنڤه‌دانێ راگه‌هينين”.
سه‌در بۆچوونا خوه ل سه‌ر كه‌ركووك دياركر
ئه‌ڤرۆ نيوز:
سه‌رۆكێ ته‌ڤگه‌را سه‌در، موقته‌دا سه‌در راگه‌هاند كو كه‌ركووك بۆ هه‌موو عيراقيانه ب هه‌موو پێكهات ڤه.
د به‌رسڤا ئێك ژ دووڤكه‌ڤتيێن ته‌ڤگه‌را وى دا، سه‌رۆكێ ته‌ڤگه‌را سه‌در، نڤيسايه: “كه‌ركووك بۆ هه‌موو عيراقيانه ب هه‌موو پێكهاته ڤه”.
ئێك ژ دووڤكه‌فتيێن موقته‌دا سه‌در پرسيار كريه: “مه‌زن و فه‌رماندێ من، ده‌سته‌يا ده‌ڤه‌رێن كوردستانى راگه‌هانديه كو پلان بۆ كۆنگره‌كى هه‌يه كو تێدا پاشه‌رۆژا كه‌ركووك بهێته دياركرن و ئاماژه ب وێ چه‌ندێ كريه كو واقعێ ئيدارا پارێزگه‌هێ د ده‌ستێ كوردان دايه و هه‌موو لايه‌نێن كوردى دخوازن كه‌ركووك ڤه‌گه‌ريته سه‌ر هه‌رێما كوردستانێ، بۆچوونا ته چيه ل سه‌ر ئه‌وى كۆنگرێ دڤێت كه‌ركووكێ ڤه‌گه‌ريننه سه‌ر هه‌رێما كوردستانێ؟”.
د به‌رسڤا پرسيارا وى دا، موقته‌دا سه‌در نڤيسيه: “كه‌ركووك بۆ هه‌موو عيراقيانه ب هه‌موو پێكهات ڤه”.
ئه‌ڤرۆ لێپرسين دێ ل گه‌ل وه‌زيرێ به‌ره‌ڤانيێ هێته كرن
ئه‌ڤرۆ نيوز:
فه‌رمانگه‌ها راگه‌هاندنێ ل جڤاتا نوونه‌رێن عيراقێ راگه‌هاند كو د كۆمبوونا ئه‌ڤرۆ يا جڤاتا نوونه‌رێن عيراقێ دا چه‌ندين پرسيار و تێبينيان د ده‌رباره‌ى وه‌زاره‌تا به‌ره‌ڤانيێ دا ئاراسته‌ى خالد عوبێدى وه‌زيريێ به‌ره‌ڤانيێ هێته كرن.
بڕياره د كۆمبوونا ئه‌ڤرۆ يا جڤاتا نوونه‌رێن عيراقێ دا، خالد عوبێدى، وه‌زيرێ به‌ره‌ڤانيێ بهێته گازيكرن بۆ جڤاتا نوونه‌ران و پرۆژێ قانوونا ئه‌ردو و خانيان ژى بكه‌ڤيته به‌ر ده‌نگدانێ.
د راگه‌هاندنه‌كێ دا، فه‌رمانگه‌ها راگه‌هاندنا جڤاتا نوونه‌ران، كو وێنه‌ك ب ده‌ست ئه‌ڤرۆ نيوز كه‌فتيه، كۆمه‌كا پرسيار و تێبينيان ژ لايێ په‌رله‌مانتاران ڤه دێ ئاراسته‌ى وه‌زيرێ به‌ره‌ڤانيا عيراقێ هێنه كرن.
كۆپته‌ره‌كا رۆسا كه‌فته خوار
ب وێنه: د سێ ده‌مژمێران دا 20 كه‌س بوونه قوربانى روودانێن هاتنوچوونێ
ئه‌ڤرۆ نيوز، نيوار محه‌مه‌د سه‌ليم:
رێڤه‌به‌را هاتنوچوونێ ل پارێزگه‌ها دهۆكێ راگه‌هاند كو دوهى د ماوێ سێ ده‌مژمێران دا ل ده‌وروبه‌رێن پارێزگه‌ها دهۆكێ 20 كه‌س بووينه قوربانى.
رائيدێ مافپه‌روه‌ر ئازاد تاها، به‌رپرسێ راگه‌هاندنێ ل رێڤه‌به‌ريا هاتنوچوونا پارێزگه‌ها دهۆكێ د داخۆيانيه‌كێ دا بۆ ئه‌ڤرۆ نيوز گۆت: “دوهى رۆژا ئێكشه‌مبى رێكه‌فتى 30ى تيرمه‌ها 2016ێ د ماوێ سێ ده‌مژمێران دا ل جهێن جودا يێن ده‌وروبه‌رێن پارێزگه‌ها دهۆكێ 20 كه‌س بووينه قوربانى روودانێن ترافيكێ”.
رائيدێ مافپه‌روه‌ر زێده‌تر گۆت: “ل ده‌مژمێر 4:00ى ئێڤارى ل دوريانا ناحيا گرده‌سين ترۆمبێله‌كا ژ جۆرێ تويوتا تايبه‌ت پيكاچۆ ره‌نگێ سپى وه‌رگه‌ريا و د ئه‌نجام دا ب مخابنى ڤه كه‌سه‌كى گيانێ خوه ژ ده‌ست دا و دو كه‌س ژى ب گرانى بريندار بوون”.
دا زانين ژى كو هه‌ر دوهى ل ده‌مژمێر 4:45 ده‌قيقه ل سه‌ر رێيا مرنێ د ناڤبه‌را كه‌له‌ك بۆ به‌رده‌ره‌ش دا ل نێزيك گۆندێ گه‌ويلان دو ترۆمبێلان لێكدا و د ئه‌نجام دا د ناڤ ڤان هه‌ردو ترۆمبێلان دا 10 كه‌س ب برينێن سڤك و گران بريندار بوون.
ب گۆره‌ى گۆتنێن ئازاد تاها رێيا مرنێ د ماوێ كێمتر ژ سێ ده‌مژمێران دا زێده‌تر ژ روودانه‌كێ تێدا هاتيه ئه‌نجام دان و گۆت: “روودانه‌كا دژى ل سه‌ر رێيا مرنێ ل ده‌مژمێر 7:00ى ئێڤارى د ناڤبه‌را به‌رده‌ره‌ش و رۆڤيا دا ل نێزيك گۆندێ ئاميانۆك د ناڤبه‌را دو ترۆمبێلان دا روودايه و د ئه‌نجام دا 7 كه‌س ب گرانى بريندار بووينه”.
نه‌ڤه‌شارت ژى كو روودانه‌كا دژى د هه‌مان ده‌م دا و ل سه‌ر جادا داڕهۆزان و گڕك سندى روودا كو ترۆمبێله‌كا كرێ ته‌كسى وه‌رگه‌ريا، لێ خۆشبه‌ختانه گيان ب سلامه‌ت بوون.
به‌رپرسێ راگه‌هاندنێ ل رێڤه‌به‌ريا هاتنوچوونا پارێزگه‌ها دهۆكێ هيڤى ژ شوفێران كر كو پێگريێ ب رێنمايێن هاتنوچوونێ بكه‌ن و له‌زاتيێ ب كار نه‌ئينن دا گيانێن وان و يێن ل گه‌ل وان د پاراستى بن.
نيشاندان
WP Facebook Auto Publish Powered By : XYZScripts.com