ئه‌ڤرۆ نيوز:
ئه‌ڤرۆ رێكه‌فتى 14ى تيرمه‌ها 2016ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئه‌ڤرۆ نيوز:
شيره‌تكارا ئه‌لمانيا ئه‌نگێلا مێركل ئه‌ڤرۆ رۆژا پێنجشه‌مبى راگه‌هاند كو ئه‌وێ سه‌رۆك وه‌زيرا بريتانيا تيريزا ماى داخوازكريه به‌رلين.
پشتى وه‌رگرتنا پۆستى سه‌رۆك وه‌زيريا بريتانيا، ئه‌لمانيا وه‌لاتێ ئێكێ داخوازا سه‌ره‌دانا ماى دكه‌ت و مێركل د سه‌ره‌دانا خوه قيرغيزستانێ دا، دا زانين كو مه‌ره‌م ژ داخوازكرنا وێ ئه‌وه كو پێكڤه كار بكه‌ن كو ئه‌و كێشێن ل سه‌ر ئاستێ جيهانێ هه‌ين و دا زانين ژى كو بريتانيا و ئه‌لمانيا ب ره‌نگه‌كێ گه‌له‌ك ئه‌كتيف كار ل سه‌ر وان كێشان دكه‌ن يێن ئه‌ڤرۆ ل جيهانێ د به‌ربه‌لاڤ.
تيريزا ماى بوو سه‌رۆك وه‌زيرا بريتانيا پشتى دێڤێد كاميرۆن يێ سه‌رۆك وه‌زير ده‌ست ژ كاركێشتانا خوه راگه‌هاندى ژ ئه‌گه‌رێ ده‌نگدانا وه‌لاتيێن وى وه‌لاتى بۆ ده‌ركه‌فتن ژ ئێكه‌تيا ئورۆپا د چارچۆڤێ وێ راپرسيا ل 23ى هه‌يڤا بۆرى هاتيه ئه‌نجام دان.
ئه‌ڤرۆ نيوز:
وه‌زاره‌تا دارايى راگه‌هاندنه‌ك سه‌باره‌ت پاشخستنا مووچه‌ى به‌لاڤكريه و تێدا راگه‌هانديه كو ئه‌و فه‌رمانبه‌رێن ژ ئه‌گه‌رێ خه‌له‌تيێ زێده يان كێمتر ژ شايستێن دارايى بۆ هاتينه مه‌زاختن دڤێت موچێ وان بهێته رێكخستن.
ل دووڤ راگه‌هاندنێ ئه‌و مووچه‌خورێن كێمتر مووچه وه‌رگرتين ل وان رێنمايێن بۆ پاشخستنا مووچه‌ى هاتيه دان، دڤێت ئه‌و جوادهى ل گه‌ل مووچێ هه‌يڤێن 6 و 7 بۆ بهێته خه‌رجكرن، هه‌روه‌سا ئه‌و مووچه‌خورێن ب شاشى ڤه مووچه و ده‌رمالێن زێده وه‌رگرتين، دڤێت ژێ بهێنه وه‌رگرتن.
سه‌باره‌ت پێشينا خانوبه‌ران راگه‌هانديه: دڤێت رێڤه‌به‌رێن گشتى يێن بانكان كارێ پێدڤى ئه‌نجام بده‌ن ب مه‌ره‌ما ڤه‌گه‌راندنا پشكا شايسته يا پێشينه‌يا خانووبه‌رێن هاولاتيان و ل ده‌مێ پێدڤي رێكارێن ياسايى و كارگێرى بهێنه ئه‌نجامدان ب مه‌ره‌ما ڤه‌گه‌راندنا پشكا شايسته و ڤه‌گه‌راندنا مافێن به‌نكێن تايبه‌تمه‌ند.
ئەڤرۆ نیوز، نیوار محەمەد سەلیم:
دەلال کچا باژێرێ زاخۆ و سەرکەفتیا ئێکێ ل سەر ئاستێ پارێزگەها دهۆکێ قووناغا 9ێ ناڤنجی د دیدارەکێ دا بۆ ئەڤرۆ نیوز بەحس ل سەربورا خوە یا خواندنێ دکەت.
دەلال ئەحمەد جەمیل ئەحمەد قوتابیا قوتابخانا زەری یا بنەرەت بوو ل زاخۆ بۆ ئەڤرۆ نیوز دبێژیت: “رۆژانە من ئەرکێن خوە یێن قوتابخانێ بجهدئینان و ل رۆژێن ئەزموونان من پتر خوە ماندوو دکر”.
زێدەتر گۆت:”پشت بەستنا من یا خواندنێ ب تنێ ل سەر مامۆستایێن من بوو، خێزانا من ژی هاریکار بوون ل گەل من و من چ مامۆستایێن تایبەت ژی نەبوون، مامۆستایێن قوتابخانێ ژی گەل من گەلەک د هاریکارن”.
دەلالێ دا زانین ژی کو توڕێن جڤاکی ژی ب کار دئینیت بەلێ بۆ دەم و مەرەمێن دیارکری.
کچا زاخۆ دەستخۆشی ل قوتابیێن سەرکەفتی کر و گۆت: “یێن سەرنەکەفتی ژی بلا خوە بێ ئومێد نەکەن ب ئانەهیا خودێ ل خولا دویێ دێ سەرکەڤن”.
ل دۆر نهێنیا خوە یا خواندنێ گۆت: “دا کو قوتابی نمرێن بلند ب دەست خوە ڤە بینن، پێدڤیە رۆژانە و ب رەنگەکێ بەردەوام ب خوینن و تێ بگەهن، ل گەل ڤێ چەندێ ژی دڤێت باوەری ب خوە هەبیت”.
ئه‌ڤرۆ نیوز،هه‌ژار مه‌عررف:
ده‌سته‌یا کارگێریا یانا زاخۆ د گونگره‌کێ روژنامه‌ڤانی دا ئه‌ڤرو ب فه‌رمی هه‌ڤبه‌ستا ده‌سته‌یا راهێنه‌ری یا تیما خولا عیراقێ راگه‌هاند کو پێکهاتی یه راهێنه‌رێ تیمێ عیسام حه‌مه‌د هاریکارێ وی ئه حمه‌د والی و راهێنه‌رێ گولچیا مه‌حمود جه‌میل.
هه‌ژی گوتنێ یه عیسام حه‌مه‌د ل ماوێ دو سالێن بوری راهێنه‌رێ یانا که‌رخ بۆ به‌رێ وێ ل گه‌ل یانا زه‌ور بوو هه‌ردیسان ئێک ژ به‌رنیاسترین یاریزانا بو لگه‌ل هه‌لبژارتیێ عیراق و یانا زه‌ورا
ئه‌ڤرۆ نيوز:
ئه‌ڤرۆ رۆژا چارشه‌مبى 13ى تيرمه‌ها 2016ێ د په‌يوه‌نديه‌كا تله‌فۆنى دا د ناڤبه‌را مه‌سعود بارزانى سه‌رۆكێ هه‌رێما كوردستانێ و حه‌يده‌ر عه‌بادى سه‌رۆك وه‌زيرێن عيراقێ كاودانێن مه‌يدانى يێن به‌ره‌يێن روو ب رووبوونا تيرۆرستێن داعش گه‌نگه‌شه كر.
هه‌ر د وێ په‌يوه‌نديا تله‌فۆنى دا سه‌رۆك بارزانى پيرۆزباهيا سه‌ركه‌فتنێن هێزێن عيراقى و ئازادكرنا فرۆكخانا گه‌ياره ل سه‌رۆك وه‌زيرێن عيراقێ كر و ته‌كست ل سه‌ر به‌رده‌واميا هه‌ماهه‌نگيا ناڤبه‌را هه‌رێم و به‌غدا دا كر د قووناغێن شه‌رێ تيرۆرستێن داعش دا.
ئه‌ڤرۆ نيوز:
دهێته چاڤه‌رێكرن حه‌فتيا داهاتى مووچێ هه‌يڤا گۆلانێ يێ خانه‌نشينكريان و مووچێ هه‌يڤا خزيرانێ يێ وه‌زاره‌تا پێشمه‌رگه‌ى بهێته به‌لاڤكرن.
هه‌تا نوكه ب تنێ مووچێ هه‌يڤا گۆلانێ يێ خانه‌نشينكريێن له‌شكرى و شارستانى به‌لاڤ نه‌كريه، د وێ ده‌ربارێ دا شێرزاد سورچى، سه‌رۆكێ به‌نكا زاگرۆس بۆ رووداو گۆت: “هه‌تا نوكه ليستێن مووچێ خانه‌نيشنيكريێن له‌شكرى و مه‌ده‌نى نه‌گه‌هشتيه ده‌ستێ به‌نكان”.
رێڤه‌به‌رێ به‌نكا زاگرۆس ئاشكه‌را ژى كر كو به‌نكان ئاماده‌يا ته‌مام كريه و چاڤه‌رێ ليستێن مووچه‌ى و دابينكرنا پارێن پێدڤى نه بۆ به‌لاڤكرنا مووچێ خانه‌نشينكريان.
ده‌رباره‌ى ده‌سپێكرنا پرۆسا به‌لاڤكرنا مووچێ هه‌يڤا خزيرانێ، ژێده‌ره‌كێ تايبه‌ت ل به‌نكا ناڤه‌ندى يا هه‌رێما كوردستانێ بۆ رووداو گۆت: “چاڤه‌رێ دهێته كرن ل ناڤه‌راست يان دووماهيا حه‌فتيا بهێت مووچێ هه‌يڤا خزيرانێ يێ وه‌زاره‌تا پێشمه‌رگه‌ى بهێته به‌لاڤكرن”.
ئه‌وى ژێده‌رى ئاشكه‌را ژى كر كو دهێته چاڤه‌رێكرن هه‌ر د حه‌فتيا بهێت دا مووچێ هه‌يڤا گۆلانێ يێ خانه‌نشينكريێن له‌شكرى و شارستانى بهێنه به‌لاڤكرن.
ئه‌ڤرۆ نيوز: ره‌وان نهێلى:
رۆژنامه‌ڤانێ بريتانى يێ كو هاتيه گرتن ژ ئاليێ رێكخراوا داعش يا تيرورست ڤه نوكه ل مووسله و بۆ جارا دوێ ڤيديويه‌ك ل دۆر مووسل به‌لاڤكريه و د ڤيديويێ دا به‌حسێ وێ وێرانكاريێ دكه‌ت يا ژ ئه‌نجامێ هێرشێن هه‌ڤپه‌يمانان ل سه‌ر باكوورێ مووسل دروست بووى و ئه‌ڤ وێنێ ل خوارێ، وێنێ زانكۆيا مووسله كو به‌ر ب هێرشێن هه‌ڤپه‌يمانان كه‌فتى و ئه‌ڤرۆژنامه‌ڤانه د ڤييويێ دا به‌حس دكه‌ت.
ئه‌ڤرۆ نيوز:
پشتى زێده‌بوونا دراڤێ ژ جۆرێ 50 هزار دينارى يێ عيراقى ل بازارێن هه‌رێما كوردستانێ و به‌لاڤبوونا ده‌نگويێ مامه‌له‌نه‌كرن ب وى دراڤى ژ لايێ چه‌ندين كه‌سان ڤه، لقێ به‌نكا ناڤه‌ندى يا عيراقى ل هه‌رێما كوردستانێ هه‌موو لايه‌كى پشت راست دكه‌ت كو مامه‌له‌كرن ب وى دراڤى يا ئاسايى يه.
50 هزار دينارێ عيراقى ژ لايێ به‌نكا ناڤه‌ندى يا عيراقى ڤه ده‌رچوويه و ل ده‌سپێكا ئه‌ڤ ساله كه‌فتيه بازارێن عيراقێ و ل گه‌ل جه‌ژنا ره‌مه‌زانێ و هاتنا گه‌شتيارێن عه‌ره‌ب ژ ناڤه‌راست و باشوورێ عيراقێ بۆ هه‌رێما كوردستانێ مامه‌له‌كرن ب وى دراڤى ل هه‌رێما كوردستانێ ژى زێده بوويه.
لقێ به‌نكا ناڤه‌ندى يا عيراقى ل هه‌رێما كوردستانێ د راگه‌هاندنه‌كێ دا وه‌لاتيان پشت راست دكه‌ت كو ل هه‌رێما كوردستانێ ژى كار ب دراڤێ 50 هزار دينارى يێ عيراقێ دهێته كرن هه‌ر وه‌كو پشكێن دى يێن عيراقێ.
دراڤێ 50 هزار دينارى ژبلى زمانێ عه‌ره‌بى هه‌ر ئێك ژ زمانێن كوردى و ئنگليزى ژى ل سه‌ر هه‌نه و پانيا وى 65 ملمه‌تره و رێژيا وى 150 مليمه‌تره.
نيشاندان