ئه‌ڤرۆ نیوز:
دیشامپ راهێنه‌رێ فره‌نسا رۆنالدۆ ب مه‌زنترین گه‌ف بۆ سه‌ر گولا تیما هه‌لبژارده‌یێ خوه دزانیت.
د كۆنفرانسه‌كێ رۆژنامه‌ڤانى دا دیشامپ راهێنه‌رێ فره‌نسا دیاركر ئه‌و دێ خه‌باتێ كه‌ن بۆ به‌ستڤه‌ئینانا جامێ یورو بۆ جارێ سیێ د دیرۆكێ دا و رۆنالدو ب مه‌ترسیترین یاریكه‌ر زانى ژبه‌ر كو خودان لاشه‌كێ بهێزه و د هه‌مان ده‌مدا بۆ لێدانێن سه‌رى كێم یاریكه‌ر یێن هه‌ین رێگریێ لێ بكه‌ن .
ئه‌ڤرۆ نيوز، فاتما مزوورى:
ئێك ژ وان كێشێن گه‌له‌ك به‌رچاڤێن خه‌لكێ هه‌رێما كوردستانێ و عيراقێ د سيسته‌مێ ئه‌ندرۆيد دا ئه‌وه كو ئه‌پليكه‌يشن ل سه‌ر بنه‌مايێ وه‌لاتان هاتينه دانان و گه‌له‌ك ژ به‌رنامه و ياريێن خه‌لك حه‌ز ژێ دكه‌ت ل به‌ر ده‌ست نينن.
رێيا ئێكانه ژى ئه‌وه پله‌ى ستورێ خوه بگوهۆڕى و بكه‌يه يێ وه‌لاته‌كى كو پترترين ئه‌ڤ به‌رنامه و ياريه تێدا بن كو باشترين ژى وه‌لاتێ ئه‌مريكا يه.
گه‌له‌ك رێيێن ب هه‌ين و دشيان دايه د وان رێيان دا ڤى كارى بكه‌ى چ ب رێيا روتى بيت كو گه‌له‌ك يا ب زه‌حمه‌ته و هه‌موو كه‌س نه‌شێن بكه‌ن يان ژى كه‌لێنه‌كى بۆ دروست بكه‌ى كو ئه‌و ژى يا ب زه‌حمه‌ته، به‌لێ دێ نوكه رێيه‌كاب ساناهى به‌رچاڤ كه‌ين كو ب تنێ ئه‌پليكه‌يشنه‌كه.
“psiphone” ئه‌و ئه‌پليكه‌يشنه يێ ل گه‌له‌ك وه‌لاتێن جيهانى دهێته ب كارئينان و د رێيا وى دا دشيان دايه وه‌لاتێ پله‌ى ستورێ خوه بۆ هه‌ر وه‌لاته‌كى بگوهۆڕى كو ته حه‌ز ل سه‌ر هه‌يه و د ناڤ وان ژى دا وه‌لاتێ ئه‌مريكا.
ئه‌ڤرۆ نيوز:
به‌رپرسێ راگه‌هاندنێ ل رێڤه‌به‌ريا گشتيا ساخله‌ميا پارێزگه‌ها دهۆكێ ئامارا رۆژانێن جه‌ژنێ راگه‌هاند و دا زانين كو 31 كه‌سان گيانێ خوه ژ ده‌ست دايه.
حه‌مزه ره‌زيكى، به‌رپرسێ پشكا راگه‌هاندنێ ل رێڤه‌به‌ريا گشتيا ساخله‌ميا پارێزگه‌ها دهۆكێ بۆ ئه‌ڤرۆ نيوز گۆت: “ل رۆژانێن جه‌ژنێ 15 هزار و 843 كه‌سان سه‌ره‌دانا نه‌خۆشخانێن پارێزگه‌ها دهۆكێ كريه و 56 نشته‌رگه‌رى هاتينه ئه‌نجام دان و 914 كه‌س هاتينه نڤاندن و 474 زارۆ ژى ژ دايك بووينه و ژ وان ژى 248 كچ و 226 كوڕ”.
زێده‌تر گۆت: “هه‌ر د ڤان سێ رۆژان دا 65 روودانێن جودا هاتينه تۆماركرن كو ژ وان 17 يێن هاتنوچوونێ بووينه و ژنه‌ك و زارۆيه‌كان تێدا گيانێ خوه ژ ده‌ست دايه، سێ زارۆيان ل نه‌خۆشخانا هيڤى و دو كه‌سان ل ئاكرێ و 17 كه‌سان ل ئازادى و 9 ل كه‌سان ژى ل زاخۆ گيانێ خوه ژ ده‌ست دايه، سه‌رجه‌مێ ڤان كه‌سان ژى دبيته 31 كه‌س”.
دا زانين ژى كو تيمێن زێره‌ڤانيا ساخله‌ميێ ژى شياينه سه‌ره‌دانا زێده‌تر ژ 200 جهان بكه‌ن و 9 ژ ڤان جهان سزايێ هوشداريێ بده‌نێ و پشكنينێ بۆ زێده‌تر ژ 608 كه‌رستان بكه‌ن.
ئه‌ڤرۆ نيوز:
رێڤه‌به‌ريا پۆليسێن هاتنوچوونێ ل پارێزگه‌ها دهۆكێ ئامارا هه‌رسێ رۆژێن جه‌ژنێ راگه‌هاند و دا زانين كو د رۆژانێن جه‌ژنێ دا چو كه‌سان ب روودانێن هاتنوچوونێ گيانێ خوه ژ ده‌ست نه‌دايه.
رائيدێ مافپه‌روه‌ر، ئازاد تاها، به‌رپرسێ راگه‌هاندنێ ل رێڤه‌به‌ريا پۆليسێن پارێزگه‌ها دهۆكێ گۆت: “ل هه‌ر سێ رۆژێن جه‌ژنا ره‌مه‌زانا پيرۆز 9 روودانێن هاتنوچوونێ رووداينه، 18 كه‌س ژى بريندار بووينه”.
زێده‌تر گۆت: “ل رۆژا ئێكێ يا جه‌ژنێ ل سه‌ر جادا زاويته-مانگێشك ترۆمبێله‌ك ل ده‌مژمێر 04:00ى ئێڤارى وه‌رگه‌ريا سێ كه‌س ب گرانى بريندار بوو، ل سه‌ر جادا دهۆك پيكه‌مه‌ك و ماتۆرسكله‌كى لێكدا و ژ ئه‌نجامێ وێ ژى كه‌سه‌ك يێ برينداره، ل ئاكرێ ژى ترۆمبێله‌كێ ژى خوه ل چه‌ندين داروبارى دايه و شوفێر بريندار بوويه”.
رائيدێ مافپه‌روه‌ر به‌رده‌وامى دا ئاخفتنێن خوه و گۆت: “هه‌ر ل رۆژا ئێكێ جه‌ژنێ ل سێمالكا ل سه‌نته‌رێ باژێرێ زاخۆ ژى ترۆمبێله‌كێ خوه ل زارۆيه‌كى دابوو و بگرانى بريندار بوو”.
ده‌رباره‌ى رۆژا دويێ يا جه‌ژنێ ژى دا زانين كو ل ده‌مژمێر 04:30ى ئێڤارى ل سێمێل دو ترۆمبێلان لێكدا و سێ كه‌س بريندار بوون و ژنه‌ك و زه‌لامه‌ك ژى ب گرانى بريندار بوو، ل زاخۆ ژى ترۆمبێله‌كێ ل زارۆيه‌كى دايه و ل ئيبراهيم خه‌ليل ژى ترۆمبێلێ ل دو كه‌سان دايه و ئه‌ڤه ژى ب گرانى د بريندارن.
ده‌رباره‌ى رۆژا سيێ جه‌ژنێ ژى به‌رپرسێ راگه‌هاندنا هاتنوچوونا پارێزگه‌ها دهۆكێ گۆت: “ل رۆژا سيێ جه‌ژنێ ژى ب مخابنى ڤه دو روودان هاتينه تۆماركرن؛ يا ئێكێ ل باتيفا بوو كو دو ترۆمێبێلان لێكدابوو و دو كه‌س بريندار ببوون، ل جادا سه‌رسنگ بۆ قه‌دش ژى ژ ئه‌نجامێ روودانه‌كێ د ناڤبه‌را ترۆمبێله‌كا ته‌كسى و ئێكا جێب دا دو كه‌س بريندار ببوون”.
ئه‌ڤرۆ نيوز:
ده‌مژمێر 04:00ى سپێده‌هيا ئه‌ڤرۆ رۆژا شه‌مبى رێكه‌فتى 9ى تيرمه‌ها 2016ێ ل ده‌ڤه‌را كاغتهانه يا باژێرێ سته‌مبۆلێ 17 ترۆمبێل ژ لايێ چه‌ند كه‌سێن نه‌نياس ڤه هاتنه سۆتن و خه‌لكێ ده‌ڤه‌رێ و تيمێن ئاگرڤه‌مراندنێ ژى پشتى چه‌ندين بزاڤێ دژوار شيان ئاگرى كۆنترۆل بكه‌ن.
ل جادا ئالينار يا تاخێ نورته‌يه سه‌ر ب ده‌ڤه‌را كاغتهان يێ باژێرێ سته‌مبۆلێ چه‌ند كه‌سان ئاگر به‌ردا 17 ترۆمبێلان و پشتى بزاڤێن ڤه‌مراندنێ ژ لايێ خه‌لكێ ده‌ڤه‌رێ و تيمێن ئاگرڤه‌مراندنێ شيان ئاگرى كۆنترۆل بكه‌ن، به‌لێ ترۆمبێل هاتنه سۆتن و زيانێن مه‌زن ب به‌ر كه‌فتن.
هێزێن پۆليسێن سته‌مبۆلێ ده‌ست ب ڤه‌كولينێ كريه بۆ ڤه‌ديتنا بكه‌ران د رێيا كاميرێن چاڤدێريێ دا ل نێزيك جهێ روودانێ.
سۆتن و ئاگربه‌ردانا ترۆمبێلان ل سته‌مبۆل بوويه ديارده و هه‌تا نوكه هێزێن ئه‌منى يێن حوكمه‌تا توركيا نه‌شياينه كونترۆل بكه‌ن و نزانن چ لايه‌ن و جهـ به‌رپرساتيا خوه ژ ڤان كاودانان وه‌رگرتيه و ب گۆره‌ى ئاماران ژى ل ماوێ دو سالێن بۆرى زێده‌ترى 300 ترۆمبێلان ب ڤى ره‌نگى هاتينه سۆتن.
ئه‌ڤرۆ نیوز: ڤه‌ده‌ر ره‌شاڤایی:
پشتی گیرۆكرنه‌كا درێژ كو حه‌فت سالان ڤه‌كێشا، ل داویێ لێكۆلینا چیلكۆت ل دۆر رۆلێ بریتانیا د داگیركرنا ئیراقێ یا سالا 2003 ێ دا هاته به‌لاڤكرن.
لێكۆلین دبێژیت: بریتانیا به‌ری خوه ژ رێیێن ئاشتیخواز بێهیڤی بكه‌ت ل دۆر ژناڤبرنا چه‌كێ رژێما سه‌دامی، بریارا داگیركرنا ئیراقێ دا، بزاڤا له‌شكه‌ری رێیا ئێكانه نه‌بوو بۆ چاره‌سه‌ركرنا ره‌وشا ئیراقێ و زانیاریێن هه‌والگیری ل سه‌ر بنه‌مایه‌كێ شاش هاتبوونه دان.
هه‌روه‌سا تێدا هاتییه: پلانا بریتانیا بۆ ده‌مێ پشتی داگیركرنێ گه‌له‌ك یا سه‌رنه‌كه‌فتی بوو و سه‌رۆكوه‌زیرێن بریتانیا یێ وی ده‌می، تۆنی بلێری به‌ری چه‌ندین مه‌هان ژ گۆتۆبێژكرنا داگیركرنا ئیراقێ د گه‌ل ئه‌مریكا، رازیبوونا داگیركرنێ دابوو جۆرج ده‌بلیو بۆشێ سه‌رۆكێ هنگی یێ ئه‌مریكا و بریارا وی ل سه‌ر بنه‌مایێن قانوونی یێن دروست نه‌بوو.
“هه‌والگیریێ هۆشداری دابوونه تۆنی بلێر كو داگیركرنا ئیراقێ دێ ئه‌لقاعیده بهێز ئێخست و چه‌ك دێ كه‌ڤیته ده‌ستێ تیرۆرستان دا، رۆلێ بریتانیا یێ سه‌ركه‌فتی نه‌بوو ل ئیراقێ د ئه‌نجام دا كاریگه‌ری ل ملیۆن كه‌سان ل ئیراقێ كر و ئاواره‌بوون په‌یدا كر، بلێری باوه‌ریه‌كا زێده دابوو خوه كو بشێت كاریگه‌ری ل سه‌ر بریاران ل ئیراقێ بكه‌ت، لێ وه‌سا ده‌رنه‌كه‌فت و نه‌شییا ئێمناهیێ ل ئیراقێ دابین كه‌ت.
تێ زانین ل ده‌مێ داگیركرنا ئیراقێ له‌شكه‌رێ بریتانیا چوار پارێزگه‌هێن باشۆرێ ئیراقێ ب ستوويێ خوه‌ڤه گرتبوون.
بلێری پشتی به‌لاڤبوونا لێكۆلینی گۆت :ئه‌ز یێ به‌رهه‌ڤم به‌رپرسیارییا تشتێن د لێكۆلینی َدا هاتی وه‌رگرم.
ژ ئالییه‌كێ دی ڤه چه‌ندین سیاسه‌تمه‌دارێن بریتانیا خواست بلێر بهێـه دادگه‌هكرن ژبه‌ركو فێلأبازی كر و داگیركرنا ئیراقێ یا فه‌ر نه‌بوو، بتنێ زارۆكێن خه‌لكی دانه كوشتن.
ئه‌ڤرۆ نیوز: ڤه‌ده‌ر ره‌شاڤایی:
میدیايا سپانی راگه‌هاند كو دادگه‌ها سپانیا بریار دا لیونێل مێسی یاریكه‌رێ یانا به‌رشه‌لۆنا و بابێ وی بۆ ده‌مێ 21 مه‌هان ب سووچا فێلبازیكرن د دانا باجان دا بهێنه زیندان كرن، هه‌روه‌سا ب دانا دو ملیۆن یۆرۆیان ژی مێسی هاته سزادان.
مێسی ماف هه‌یه تانێ ل بریارا دادگه‌هێ بده‌ت و ل گۆری قانوونێن سپانیا ناڤهاتی دشێت خوه ژ ڤی سزایێ زیندانكرنێ رزگاركه‌ت.
نيشاندان