ئه‌ڤرۆ نيوز:
ژ ئه‌گه‌رێ وێ ره‌وشا ژ نشكه‌كێ ڤه ل توركيا دروست بووى، هه‌موو گه‌شتێن ئاسمانى ل توركيا هاتن راگرتن
نووترين نووچه
- مەسرور بارزانی: ئەڤە دوجارە مە دو كۆمبوونێن زۆر ئەرێنی و باش ئەنجامدان
- قەرەبووكرنا كەسوكارێن قوربانیێن هەلەبجە، ئەركێ دەولەتا ئیراقێ یە
- هەلەبجە بوویە هێمایەكا جیهانی بۆ ستەما ل گەلێ مە هاتیە کرن
- مەسرور بارزانی: داخواز دكەین پارێزگەهبوونا هەلەبجە د زووترین دەم دا بهێتە پەسەندكرن
- سەرۆك بارزانی و مەسرور بارزانی پشكداری رێوڕەسمێ رێزگرتنێ ل قوربانیێن كێمیابارانكرنا هەلەبجە بوون
- سەرۆكێ حوكمەتا هەرێمێ و سەرۆكێ دەزگەهێ هەوالگیرییا فیدرال رەوشا ئەمنی ل ئیراقێ و دەڤەرێ گەنگەشەكر
- پێشەوا هەورامانی: سەرۆكێ حوكمەتا هەرێمێ بەرنامەیێن جودا بۆ پێشڤەبرنا هەلەبجە یێن هەین
- پەرلەمانتارەك: شیعەیان و سوننەیان سۆز یا دای دەنگ ب پڕۆژە قانوونا ب پارێزگەهبوونا هەلەبجە بدەن
- فازل میرانی: دەستهەلاتدارێن بەغدا كورد وەكو هەڤپشك قەبوول نەكرینە
- جێگرێ خەلیفەیێ داعشێ ب پێزانینێن مە هاتە كوشتن و سۆدانی ئاماژە ب وی رۆلی نەكر
سه‌ره‌كى نووترين نووچه
روودانا ئه‌ڤ شه‌ڤه يا فره‌نسا 73 كه‌س كرنه قوربانى
ئه‌ڤرۆ نيوز:
تله‌فزيونا فره‌نسا راگه‌هاند ژ ئه‌گه‌رێ وێ بارهه‌لگرا ئه‌ڤ شه‌ڤه خوه كريه د ناڤ ئاهه‌نگه‌كێ دا ل فره‌نسا 73 كه‌سان گيانێ خوه ژ ده‌ستدا
ئه‌ڤ شه‌ڤه ل باژێرێ نيس ل باشوورێ رۆژهه‌لاتێ فره‌نسا بارهه‌لگره‌كێ خوه ئێخسته ناڤ ئاهه‌نگه‌كا جه‌ماوه‌رى كو ب هه‌لكه‌فتا جه‌ژنا نيشتمانيا فره‌نسا هاتبوو سازكرن و د ئه‌نجامدا 73 كه‌س هاتنه كوشتن.
ل فلکا ئێتيتێ دو ترۆمبێلا لێکدا
ئيرانێ سيسرك يێن به‌رداينه ده‌ڤه‌را گه‌رميان
ئەڤرۆ نیوز، نەوزاد زادە ھلۆری:
دوھی ئێڤاری فروکەیەکا نەناسیار کو ئیرانین و د شەرێ داعشێ دا ھەڤکاریا حەشد شەعبی ل فەلوجە دکر رێژەیەکا زور یا سیسرکان ل گەرمیان ل ئەسمانی بەرداینە خوارێ داکو کەرتێ چاندنێ ل دەڤەرێ تێکبدەن.
ئەو سیسرک و حەشەراتێن ل کفری یا سەر بە کارگێریا گەرمیان ل ئەسمانان ب رێیا ئەلیکوپتەران بەردانیە خوارێ دەرکەفتن فروکەیێن ئیرانی و د شەرێ دژی داعشێ ژی دا ھاتینە بکارئینان.
ژێدەرەکێ ئاگەھدار دیارکر کو مەەرم ل بەلاڤکرنا ئەوان سیسرکان درۆستکرنا نەخوشیەکا چاندنێ داکو دەرامەتێ چاندنێ ل ھەرێما کوردستانێ تێکدبەن و د بەرامبەر داخ وسات لسەر بەرھەمێن چاندنێ یێن ئیرانی زێدەتر بیت.
سوران کەریم رێڤەبەرێ ساخلەمیا کفری ئاماژە ب وێ یەکێ کر کو ئەڤ جورێ سیسرکێ ل ھەرێما کوردستانێ نیە و گۆت: (ئەڤ جورێ سیسرکێ ل دەرڤەیی ھەرێمێ ھاتیە و ھەتا نھا ئەم یێ ڤەکولینان ل سەر دکەین).
پارسال ب ھەمان شێوە دناڤ دەرمان و پەینێن کێمیایی دا ئەڤ جورێ سیسرکێ ھاوردەیێ ھەرێمێ ھاتیەکرن و ب جوتیاران ھاتەدان و ھەتا نھا ژی کارتێکرنێن ئەوی پەینێ کیمیایی لسەر چاندن و دەرامەتێ ھەرێمێ دھێتەکرن کو ژلایێ ئیرانێ ڤە ھاتبوویە ھەرێمێ داکو نەھێلن شوتیێ ھەرێمێ ھەڤرکی یا شوتیێ ئیرانی بکەت.
مافێ ئه‌ندامه‌تيێ ژ شه‌ش په‌رله‌مانتاران هاته وه‌رگرتن
ئه‌ڤرۆ نيوز:
ب بڕيارا سه‌ليم جبۆرى سه‌رۆكێ جڤاتا نوونه‌رێن عيراقێ شه‌ش په‌رله‌مانتار ژ ئه‌گه‌رێ ئاماده‌نه‌بوونێ ل روونشتنان مافێ ئه‌ندامه‌تيێ ژێ هاته وه‌رگرتن.
ئه‌و په‌رله‌مانتاره پشكه‌كن ژ وان يێن ژ ئه‌گه‌رێ پشكدارى نه‌كرن د روونشتنێن په‌رله‌مانى دا هاتينه دوورخستن، دو سه‌ر ب هه‌ڤپه‌يمانيا ده‌وله‌تا قانوونێ نه و دو ژى سه‌ر ب هه‌ڤپه‌يمانيا موته‌حيدون و ئێك ژى سه‌ر ب هه‌ڤپه‌يمانيا مواتن و ئه‌و ژى سه‌ر ب هه‌ڤپه‌يمانيا نشتيمانى يه و ژ سه‌رجه‌مێ 34 روونشتنێن په‌رله‌مانى پشكدارى ژ 18 روونشتنان دا نه‌كريه.
ب گۆره‌ى راگه‌هاندنه‌كا سه‌رۆكاتيا جڤاتا نوونه‌رێن عيراقێ ژ 15ى تيرمه‌ها 2014ێ هه‌تا 30ى چريا دويێ يا هه‌مان سال ئه‌و په‌رله‌مانتار ئاماده‌ى 18 روونشتنێن په‌رله‌مانى نه‌بووينه.
ب گۆره‌ى په‌يره‌وێ ناڤخۆ يێ جڤاتا نوونه‌رێن عيراقێ سالێ په‌رله‌مانتاران مافێ 15 رۆژێن موله‌تێ هه‌يه و ژ ئه‌گه‌رێ ئامانه‌بوونێ ژى د روونشتنێن جڤاتێ دا بۆ چه‌ند جاران ل سه‌ر ئێك يان سالێ 10 جاران، په‌رله‌مانته‌ر دێ هێته ئاگه‌هداركرن، هه‌كه ده‌ركه‌فت پابه‌ند نابيت ب روونشتنێن په‌رله‌مانى، ل سه‌ر بڕيارا ده‌سته‌يا سه‌رۆكاتيێ دێ مافێ ژێ وه‌رگرتنا ئه‌ندامه‌تيا په‌رله‌مانى ئێخنه به‌ر سينگێ ئه‌ندامێن جڤاتێ.
پارتى: يێ ده‌ستێ خوه درێژكه‌ته پارتيان، دێ كاڤه‌ندانێن دژوار هه‌بن
ئه‌ڤرۆ نيوز:
ئاخفتنكه‌رێ فه‌رميێ پارتى ديموكراتى كوردستان راگه‌هاند، باشه په‌كه‌كه ده‌ست ژ كارێن دانه‌پالا پێزانينێن نه‌دروست بينيت. ته‌كست ل سه‌ر وێ چه‌ندێ ژى دكه‌ت كو پێدڤيه ئه‌و بزانن هه‌ر كه‌س يان لايه‌ن ده‌ستدرێژيێ بكه‌ته سه‌ر كادر و لايه‌نگرێن پارتى، دڤێت چاڤه‌رێ كاڤه‌دانێن دژوارێن پارتى بن.
ده‌قی ڕوونكردنه‌وه‌یه‌ك له پارتی دیموكراتی كوردستانه‌وه
ماوه‌یه‌كه چه‌ند سایت و كه‌ناڵێكی ته‌له‌ڤزیۆنی سه‌ربه په‌كه‌كه هه‌ندێ هه‌واڵ و زانیاریی هه‌ڵبه‌ستراو و دروستكراو بڵاو ده‌كه‌نه‌وه و، ناوی دۆست و لایه‌نگرانی پارتیمان دێنن بۆ له‌كه‌داركردن و ناوزڕاندنیان. بۆیه خه‌ڵكی تێكۆشه‌ری كوردستان ئاگادار ده‌كه‌ینه‌وه كه سه‌رله‌به‌ری ئه‌م هه‌واڵ و زانیاریانه هه‌ڵبه‌ستراون و دوورن له راستییه‌وه، ئامانجی په‌كه‌كه له‌و چه‌واشه‌كارییه و هێرشی راگه‌یاندنیان بۆ دوو مه‌به‌سته:
یه‌كه‌م: ره‌وایه‌تیدانه به‌و كه‌ڵه‌گایه‌تییه‌ی له گوندنشینه‌كانی ده‌كه و ناهێڵن ژماره‌یه‌كی زۆر له‌و گوندانه ئاوه‌دان بكرێنه‌وه، ئه‌وه‌نده‌شی كه ئاوه‌دان كراونه‌ته‌وه دووباره چۆڵ و وێران ببنه‌وه، وه‌كو ره‌فتاری ده‌یانساڵه‌یان.
دووه‌م: بۆ ناشرینكردنی پارتیمان و نیشاندانی دژایه‌تییان بۆ ئه‌و هه‌وڵه نه‌ته‌وه‌یی و نیشتمانیانه‌ی، پارتی سه‌باره‌ت به ریفراندۆم و سه‌ربه‌خۆییی كوردستان.
باشه په‌كه‌كه واز له‌م چه‌واشه‌كاریانه و بڵاوكردنه‌وه‌ی زانیاریی هه‌ڵبه‌ستراو بێنێت و، پێویسته ئه‌وه‌ش بزانن كه هه‌ركه‌س و لایه‌نێك ده‌ستدرێژیی بكاته سه‌ر كادیر و لایه‌نگرانی پارتیمان، ده‌بێ چاوه‌ڕێی كاردانه‌وه‌ی توندی پارتی بن.
گوته‌بێژی فه‌رمیی پارتی دیموكراتی كوردستان
14/7/2016
ئيسلاميێن كوردستانێ دێ كۆم بنئێ
ره‌وشا دراڤى ل بازارێن پاره‌گوهۆڕان
ئه‌ڤرۆ نيوز:
ئه‌ڤرۆ رێكه‌فتى 14ى تيرمه‌ها 2016ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
مێركل سه‌رۆك وه‌زيرا نوو يا بريتانيا داخواز دكه‌ته ئه‌لمانيا
ئه‌ڤرۆ نيوز:
شيره‌تكارا ئه‌لمانيا ئه‌نگێلا مێركل ئه‌ڤرۆ رۆژا پێنجشه‌مبى راگه‌هاند كو ئه‌وێ سه‌رۆك وه‌زيرا بريتانيا تيريزا ماى داخوازكريه به‌رلين.
پشتى وه‌رگرتنا پۆستى سه‌رۆك وه‌زيريا بريتانيا، ئه‌لمانيا وه‌لاتێ ئێكێ داخوازا سه‌ره‌دانا ماى دكه‌ت و مێركل د سه‌ره‌دانا خوه قيرغيزستانێ دا، دا زانين كو مه‌ره‌م ژ داخوازكرنا وێ ئه‌وه كو پێكڤه كار بكه‌ن كو ئه‌و كێشێن ل سه‌ر ئاستێ جيهانێ هه‌ين و دا زانين ژى كو بريتانيا و ئه‌لمانيا ب ره‌نگه‌كێ گه‌له‌ك ئه‌كتيف كار ل سه‌ر وان كێشان دكه‌ن يێن ئه‌ڤرۆ ل جيهانێ د به‌ربه‌لاڤ.
تيريزا ماى بوو سه‌رۆك وه‌زيرا بريتانيا پشتى دێڤێد كاميرۆن يێ سه‌رۆك وه‌زير ده‌ست ژ كاركێشتانا خوه راگه‌هاندى ژ ئه‌گه‌رێ ده‌نگدانا وه‌لاتيێن وى وه‌لاتى بۆ ده‌ركه‌فتن ژ ئێكه‌تيا ئورۆپا د چارچۆڤێ وێ راپرسيا ل 23ى هه‌يڤا بۆرى هاتيه ئه‌نجام دان.
وه‌زاره‌تا دارايى راگه‌هاندنه‌كێ سه‌باره‌ت پاشخستنا مووچه‌ى به‌لاڤ دكه‌ت
ئه‌ڤرۆ نيوز:
وه‌زاره‌تا دارايى راگه‌هاندنه‌ك سه‌باره‌ت پاشخستنا مووچه‌ى به‌لاڤكريه و تێدا راگه‌هانديه كو ئه‌و فه‌رمانبه‌رێن ژ ئه‌گه‌رێ خه‌له‌تيێ زێده يان كێمتر ژ شايستێن دارايى بۆ هاتينه مه‌زاختن دڤێت موچێ وان بهێته رێكخستن.
ل دووڤ راگه‌هاندنێ ئه‌و مووچه‌خورێن كێمتر مووچه وه‌رگرتين ل وان رێنمايێن بۆ پاشخستنا مووچه‌ى هاتيه دان، دڤێت ئه‌و جوادهى ل گه‌ل مووچێ هه‌يڤێن 6 و 7 بۆ بهێته خه‌رجكرن، هه‌روه‌سا ئه‌و مووچه‌خورێن ب شاشى ڤه مووچه و ده‌رمالێن زێده وه‌رگرتين، دڤێت ژێ بهێنه وه‌رگرتن.
سه‌باره‌ت پێشينا خانوبه‌ران راگه‌هانديه: دڤێت رێڤه‌به‌رێن گشتى يێن بانكان كارێ پێدڤى ئه‌نجام بده‌ن ب مه‌ره‌ما ڤه‌گه‌راندنا پشكا شايسته يا پێشينه‌يا خانووبه‌رێن هاولاتيان و ل ده‌مێ پێدڤي رێكارێن ياسايى و كارگێرى بهێنه ئه‌نجامدان ب مه‌ره‌ما ڤه‌گه‌راندنا پشكا شايسته و ڤه‌گه‌راندنا مافێن به‌نكێن تايبه‌تمه‌ند.
نيشاندان
WP Facebook Auto Publish Powered By : XYZScripts.com