ئەڤرۆ نیوز:
جێگرێ سەرۆکێ لیژنا یاسایێ جڤاتا نوونەرێن عیراقێ دیارکر حکومەتا عێراقێ ب رەنگەکی نھێنی پشتەڤانیا ھێزێن وەلاتێن بیانێ یێن نە قانوونی ل سەر ئاخا عێراقێ دکەت، د وەختەکێ دا پێشمەرگەی کوردستانی ھیزەکا یاسایێ و قانوونی یە لێ حکومەتا عێراقێ ھارێکاری و پشتەڤانیا پێشمەرگەی ناکەت.
مەحسن سەعدون جیگرێ سەرۆکێ لژنا قانوونی ل جڤاتا نوونەرێن عیراقێ دیارکر، پێدڤیە پەرلەمانێ عیراقێ بێدەنگ نەمینیت ل سەر وان زێدەگاڤیێن دھێنە کرن ژلایێ حەشدا شەعبی ڤە، ئەنجامدانا زێدەگاڤیان دناڤ حەشدا شەعبی دا بەرامبەر وەلاتین سڤیل دێ بیتە ئەگەرێ تێکدانێ د ناڤبەرا سونە و شیعەیێن عیراقێ دا.
جیگرێ سەرۆکێ لژنا قانوونی ل جڤاتا نوونەرێن عیراقێ دیارکر، ئەشکەنجەدانا وەلاتیان ژلایێ حەشدا شەعبی ڤە دێ زیانێن مەزن گەھینتە ناڤێ عیراقێ و سموعەتا حەشدا شەعبی بخوە ژی پێدڤیە چو کەس نەھێنە ئەشکەنجەدان ددەمێ شەری دا، ھەر ئێکی بھێتە دەستەسەرکرن بۆ دادگەھی بھێتە ڕەوانەکرن، وقانوون سەروەر بیت ھەکە نە دێ ئاریشە د ناڤبەرا سونە و شیعان دا دروست بن، ئەڤە ژێ گەلەک مەترسیە، چونکی ئەشکەنجەدان و کارین نە مروڤایەتیی یێن ھاتینە رەتکرن ژلایێ مافێ مروڤی و دەولەتێن زلھیز جیھانێ.
موحسن گەرگەری گۆت:” پەرلەمانێ عیراقی پشتی ب دووماھیی ھاتنا بێھنڤەدانێ دێ دووڤچوونێ ل سەر وان زێدەگاڤیان کەت، یێن دھێنە ئەنجامدان ژلایێ حەشدا شەعبی ڤە ئەڤە ژێ دێ ب راپۆرت و بەلگە ھێنە سەلماندن، چونکی نوکە رێکخراوێن مافێ مروڤی و جیھانی ھەر تشتەکێ بینن و ھاتیە کرن دێ بۆ ھەموو جیھانی ئاشکرا کەن.
موحسن سەعدون، جێگرێ سەرۆکێ لیژنا قانوونی یێ جڤاتا نوونەرێن عیراقێ دیارکر، پەکەکە و ئیرانی و گەلەک ھیزێن دێ یێن نە قانوونی ل سەر ئاخا عیراقێ ھەنە، لێ حوکمەتا عێراقی ئاشکرا ناکەت، و دەمێ پرسیار ژ بەرپرسین عیراقێ دھێنە کرن ژی دبیژن شیرەتکارێن لەشکری نە.
ناڤبری ئەو ژی ئاشکرا کر پشتی پارێزگەھا مووسل رزگار بیت دێ ھشنی ئاشکرا بیت چو ھێزەکا وەلاتێن بیانی ل عێراقێ ھەیە، چونکی ھەر ھێزەکا ل عێراقێ پشکداریا شەری دژی تیرۆرستان بکەت، بیگۆمان نوکە وێ ھیزێ مەرج داناینە بۆ حوکمەتا بەغدا ھەکە بەغدا مەرجێن وێ بجە نەئینت ژ عیراقێ دەرناکەڤیت.

ئەڤرۆ نیوز:
بەرپرسێ لقا 14 یێ پارتی دیموکراتی کوردستان ئاماژە بڤێ چەندێ دکەت، ھەتا نوکە ژۆرەکا ھەڤپشک د ناڤبەرا ھەرێم و بەغدا بۆ رزگارکرنا باژێڕێ مووسڵ چو نەھایتنە رێکخستن و دیارکر، مەرجێن کورددان بۆ پشکداریکرن د ئۆپەڕاسیۆنا ئازادکرنا مووسڵدا چاوانیا برێڤەبەرنا مووسڵە پشتی رزگارکرنێ و رەوشا ئەمنیا مووسڵ کاریگەری ل سەر رەوشا ئەمنیا ھەرێما کوردستانێ ھەیە.
عسمەت رەجەب، بەرپرسێ لقێ 14 یێ پارتی بۆ رۆژناما ئەڤرۆ گۆت” ھێزێن پێشمەرگەی ب چو مەرجەک دێ پشکداربیت ل رزگارکرنا ھەموو دەڤەرێن کوردستانیێن دەرڤەی ئیدارەیا حوکمەتا ھەرێما کوردستانێ ل دەوروبەرێ مووسڵ، بەلێ ھەرێمێ مەرج ھەنە بۆ پشکداریکرن د پڕۆسا ئازادکرنا باژێڕێ مووسڵدا، دڤێت ھەماھەنگی د ناڤبەرا ھێزا پێشمەرگە و ھەڤپەیمان و لەشکرێ عێراقێ دا بھێتەکرن، بۆ چاوانیا ئەنجامدانا پڕۆسا ئازادکرنا سەنتەرێ باژێڕێ مووسڵ، مەرجێن ھەرێما کوردستانێ بۆ پشکداریا پێشمەرگەی د ئازادکرنا باژێڕدا ئەڤە یە، لسەر چاوانیا ئیدارەکرنا دەڤەرێن دھێنە رزگارکرن، ھەروەسا پلاندانان بۆ ب رێڤەبرنا مووسڵ ژلایێ ئەمنی ڤە، چونکە مووسڵ بەردەوام مەترسیە بۆسەر ئەمنیەتا ھەرێما کوردستانێ، ھێشتا ئامارێن فەرمیی نینە، لێ رۆژانە چەکدارێن تیرۆرستێن داعش دھێنە کوشتن لناف سەنتەرێ باژێڕێ مووسڵ و سەنگەرێن ل ھەمبەر ھێزێن پێشمەرگەی، لناف ئاخا بن کۆنتڕۆلا تیرۆرستێن داعش چەندین گروپ و تاقم پەیدابووینە و شەڕی چەکدارێن داعش دکەن، دەزگەھێن ئەمنی یێن ھەرێما کوردستانێ چەندین جارا گورزێن کوژەک ل تیرۆرستێن داعش داینە و لناف جەرگێ وان چالاکی ھاتینە ئەنجامدان و بسەرکەفتیانە دووماھی ھاتینە.
عسمەت رەجەب گۆت ژی” ھەتا نوکە ژۆرا ئۆپەڕاسیۆنا رزگارکرنا مووسڵ دگەل پێشمەرگەی چو چالاکی نەبووینە، بەلێ وەکی مەبدەئی، ھەرێما کوردستانێ لەزاتیێ دکەت بۆ رزگارکرنا باژێڕێ مووسڵ، ژدەرڤەی ئەف ژۆرا ئۆپەڕاسیۆنا یا ھەڤپشکا پێشمەرگەی ل گەل لیوایێن لەشکرێ عێراقێ چالاکی ھەبووینە دژی تیرۆرستێن داعش، بەری چەند رۆژان ژی لیوایەکادیا لەشکرێ عێراقێ گەھشتیە قەزا مەخموور، ئەف ھێزا نوکە ژی ھاتی یا لەشکرێ عێراقێ نەشێت کارێ بجە بینیت و پێدڤی ب ھێزەکا پتر ھەیە، ھەتا بشێت کارێ ئەنجام بدەت ئەوژی رزگارکرنا دەڤەرێن پارێزگەھا نەینەوایە یێن دکەڤنە لایێ قەزا مەخموور.