سه‌ره‌كى نووترين نووچه

به‌حسێ جێبه‌جێكرنا بڕیارا ئه‌مریكا بۆ هاریكاریا دارایى یا هێزا پێشمه‌رگه‌ى كرن

11/06/2016 17:42

112

ئه‌ڤرۆ نیوز:
شانده‌كێ سیاسى و سه‌ربازى یێ ئه‌مریكى كو ژ ستیوارت جونز بالیۆزێ ئه‌مریكا ل عیراقێ و جه‌نه‌رال مه‌كفارله‌ند فه‌رماندێ هێزێن هه‌ڤپه‌یمان ل عیراقێ پێكدهات سه‌را سه‌رۆك بارزانى دا و بارزانى ب پلانا ئه‌مریكا و هه‌ڤه‌پمانان بۆ تێكشكاندنا داعش ل جهێن جودا جودا یێن عیراقێ و سووریا ئاگه‌هدار كر.
د كۆمبوونێ دا هه‌ردو ئالیان به‌حسێ ئۆپه‌راسیونا ئازادكرنا مووسل و قوناغا پشتى داعش و برێڤه‌برنا پارێزگه‌ها نه‌ینه‌وا پشتى داعش كرن و هه‌ردو ئالى هه‌ڤرابوون كو پێدڤیه‌ ب هوورى قوناغا پشتى داعش بهێته‌ دیراسه‌كرن و رژدى ل سه‌ر پشكداریا پێكهاتان د پرۆسا ئازادكرنا مووسل كرن.
د پشكه‌كا دى یا كۆمبوونێ هه‌ماهه‌نگیا ناڤبه‌را هێزا پێشمه‌رگه‌ى و هێزێن هه‌ڤپه‌یمانان بلند نرخاند و رۆناهى به‌ردانه‌ سه‌ر جێبه‌جێكرنا بڕیارا ئه‌مریكا بۆ هاریكاریا دارایى یا هێزێن پێشمه‌رگه‌یێ كوردستانێ.

سوبه دێ پارتی و ئێکەتی ل هەولێرێ کومبن

11/06/2016 17:16

127

ئەڤرۆ نیوز،زنار تۆڤی:

بریارە سوبە رۆژا ئێکشەمبی 12.6.2016 هەردو مەکتەبێن سیاسی یێن پارتی دیمۆکراتی کوردستان و ئێکەتی نیشتیمانی کوردستان ل هەولێرێ کومبن و ئەڤ کومبوونە دێ ل سەر چەند تەوەرێن گرنگ هێتە گرێدان،ژ وانا پرسا پەیوەندیێن دناڤبەرا پارتی و ئێکەتیێ دا دێ هلنە بەحسکرن و هەروەسا پرسا پێکئیننا شاندەکێ بۆ دانوستاندنێ دگەل حوکمەتا عێراقێ و چوونا وان بۆ بەغدا،دیسان بریارە دڤێ کومبوونێ دا پرسا ئەنجامدانا ریفراندۆمێ و پرسا رێکەفتنا دناڤبەرا گۆرانێ و ئێکەتیێ دا بهێتە بەحسکرن.

وەزارەتا دارایی دێ مووچێ خانەنشینان دابەشکەت

11/06/2016 16:06

742

ئەڤرۆ نیوز،زنار تۆڤی:
وەزارەتا دارایی و ئابووری یا حوکمەتا هەرێما کوردستانێ ئەڤرۆ رۆژا شەمبی راگەهاند کو رۆژێن ئێکشەمبێ و دوشەمبێ ئانکو 12 و 13 هەیڤا 6 دێ مووچێ هەیڤا ئادارێ یێ خانەنشینێن وەزاڕەتا پێشمەرگەی هێتە دابەشکرن.
دیسا وەزارەتا دارایی و ئابووری یا حوکمەتا هەرێمێ ئەوژی دیارکریە کو ل رۆژا سێشەمبی 14 ڤێ هەیڤێ دێ مووچێ هەیڤا ئادارێ یێ خانەنشینێن شارستانی هێتە بەلاڤکرن.

وه‌زيرێ به‌ره‌ڤانيا عيراقێ فه‌لاحات و سه‌بيحات راگه‌هاند

11/06/2016 13:13

189

ئه‌ڤرۆ نيوز:

خالد عوبه‌يدى، وه‌زيرێ به‌ره‌ڤانيا عيراقێ گه‌هشته‌ فه‌لۆجه‌ بۆ سه‌رپه‌رشتيكرنا ئۆپه‌راسيۆنێن كۆنترۆلكرنا ده‌ڤه‌رێن فه‌لاحات و سه‌بيحات ل رۆژئاڤايێ فه‌لۆجه‌ و كۆنترۆلكرنا وان دو ده‌ڤه‌ران راگه‌هاند.

سپێده‌هيا ئه‌ڤرۆ رۆژا شه‌مبى رێكه‌فتى 11ى تيرمه‌ها 2016ێ ئۆپه‌راسيۆنێن كۆنترۆلكرنا فه‌لاحات و سه‌بيحاتى ل رۆژئاڤايێ فه‌لۆجه‌ ده‌سپێكرن.

ليوا روكن ئيسماعيل مه‌حلاوى، فه‌رماندێ ئۆپه‌راسيۆنێن ئه‌نبار راگه‌هاند: “ب پشكداريا فرقا 8 يا سۆپايێ عيراقێ و ب پشته‌ڤانيا فرۆكێن هه‌ڤپه‌يمانان و هێزێن ئه‌سمانى يێن عيراقى، سپێده‌هيا ئه‌ڤرۆ رۆژا شه‌مبى پرۆسه‌كا به‌رفره‌هـ يا كۆنترۆلكرنا ده‌ڤه‌رێن فه‌لاحات و سه‌بيحات ل رۆژئاڤايێ فه‌لۆجه‌ ده‌سپێكرينه‌”.

هه‌ر وه‌سا عه‌بدولوه‌هاب ساعدى، فه‌رماندێ ئۆپه‌راسيۆنێن كۆنترۆلكرنا فه‌لۆجه‌ گۆت: “مه‌ره‌م ژ ئۆپه‌راسيۆنێ رێگرتنه‌ ل گه‌هاندنا هاريكاريان ل رۆژئاڤايێ فه‌لۆجى و رووبارێ فوران بۆ چه‌كدارێن ئابلۆقه‌داى يێن داعش ل ناڤ فه‌لۆجه‌”.

ليوا روكن دا زانين ژى كو د ڤێ ئۆپه‌راسيۆنێ دا هێزێن چه‌كدارێن حه‌شه‌د شه‌عبى و هۆزان د پشكدارن و ئه‌وان پێشره‌وى يێن كرين.

ئۆپه‌راسيۆنێن رزگاركرنا رۆژئاڤايێ فه‌لۆجه‌ ده‌سپێكرن

11/06/2016 10:54

899

ئه‌ڤرۆ نيوز:

مه‌كگۆرك: رێيا په‌يوه‌نديێ د ناڤبه‌را مووسل و ره‌ققه‌ دا يا هاتيه‌ بڕين

11/06/2016 10:45

203

ئه‌ڤرۆ نيوز:

برێت مه‌كگۆرك، نوونه‌رێ تايبه‌تێ سه‌رۆكێ ئه‌مريكا باراك ئۆباماى بۆ شه‌رێ دژى داعش د كۆنگره‌كێ رۆژنامه‌ڤانى دا ل كوچكا سپى راگه‌هاند: ب گۆره‌ى دووماهى ئامارێن مه‌، د هه‌يڤا بۆرى دا داعش 20% ژ ئه‌ردێ بن ده‌سته‌لاتا خوه‌ ل سوريا و 50% ل عيراقێ ژ ده‌ست دايه‌”.

گۆتژى: “داعش د لاوازبوونێ دايه‌، چونكو ژ هه‌موو لايان ڤه‌ فشارێن مه‌زن ل سه‌رن و سنورێن توركيا ژى ئێدى بۆ وان د ڤه‌كرى نينن، باژێرێن مه‌زنێن عيراقى ژى كو هه‌ڤسنورێن ئه‌وان بوون، نوكه‌ يێن ل بن كۆنترۆلا عيراقيان و ده‌ستێ وان ناگه‌هيتێ، ب تايبه‌ت ل تكريت و رومادى و روتبه‌ و هه‌موو ئه‌و رێيێن په‌يوه‌نديێ د ناڤبه‌را مووسل و ره‌ققه‌ ژى دا هاتينه‌ بڕين”.

رێژه‌یا زه‌كات و سه‌رفتره‌یان بۆ سالا 2016ێ هاته‌ دياركرن

10/06/2016 03:37

1106

ئه‌ڤرۆ نيوز:

د رۆنكرنه‌كێ دا، لژنه‌یا بلندا فه‌توایێ ل هه‌رێما كوردستانێ دا دياركر، ب مه‌ره‌ما دیاركرنا هه‌ر ئێك ژ میكانزما هه‌ر ئێك ژ سه‌رفیتره‌، فیدییه‌و زه‌كاتێ لژنه‌یا بلندا فه‌توایێ ل كوردستانێ دوڤچۆن و لێكۆلین بۆ بهایێ زێر و گه‌نمى كريه‌ و وان بریار دایه‌؛ سه‌رفیتره‌بۆ هه‌ر كه‌سه‌كى سێ هزار دینار بن، فیدیه‌یا ب رۆژى نه‌بوونێ ژى بۆ هه‌ر رۆژه‌كێ سێ هزار دینارن.

سه‌باره‌ت زه‌كاتێ ژى ئاشكراكريه‌ كو بۆ هه‌ر چار ملیۆن و پێنج سه‌د هزار دیناران واجبه‌ زه‌كات بهێته‌دان، هه‌ر كه‌سه‌كێ ئه‌و كوژمێ دراڤى ساله‌ك ب سه‌ر دا ده‌رباز بیت و د مالا وى دا مابن بۆ هه‌ر ملیۆنه‌كێ دێ25 هزار دینارێن ئیراقى ده‌ت.

93 دۆسییێن گەندەلیێ بۆ دەستەیا نەزاھێ و داواکارێ گشتی ھاتینە ئاراستەکرن

10/06/2016 03:33

388

ئه‌ڤرۆ نيوز:

سه‌رۆك بارزانى د پەیامەکێ دا پشتەڤانیا خوە بۆ پلانا ریفۆرما ھەرێمێ دیارکر و دياركريه‌ كو د ماوەیێ بۆریدا 93 دۆسییێن گەندەلیێ بۆ دەستەیا نەزاھێ و داواکارێ گشتی ھاتینە ئاراستەکرن.

سه‌رۆك بارزانی دڤێ پەیامێ دا گۆتییە: پێدڤییە دامەزراوەیێن ھەرێمێ دوور ژ بەرژوەندیێن کەسی و حزبی و سیاسی پشتەڤانیێ لێ بکە، دایەزانین ئارمانجا ھەرە مەزنا ڤێ پلانێ روخساندنا دەلیڤەیێن کاری یە و کێمکرنا بارێ گرانێ سەر مللێن ھەژارانە و دڤێت حکومەتا ھەرێمێ ب ھووری ل سەر بجھـ ئینانا وێ راوەستیت و قۆناغ بۆ قۆناغێ ئەنجامێن پلانێ بۆ رایا گشتی رابگەھینیت.

بارزانی دبێژیت؛ چ کەسەکی پارێزبەندی د ڤێ پرۆسەیێ دا نابیت و ھەموو سێکتەر و دامەزراوەیان دێ بخوەڤەگریت و بۆ بەرھنگاربوونا گەندەلیێ ژی چ جوگرافیەکا دریارکری نابیت.

پێزانين ل سه‌ر تۆزا مه‌زنا ئه‌ڤرۆ دهۆك ڤه‌گرتى

09/06/2016 13:09

1585

ئه‌ڤرۆ نيوز:

رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ راگه‌هاند كو ئه‌ڤ تۆزبارينا پارێزگه‌ها دهۆكێ و هه‌رێما كوردستانێ ڤه‌گرتى دێ سوبه‌هى ژى يا به‌رده‌وام بيت.

ب گۆره‌ى نڤيساره‌كێ كو رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ ل سه‌ر په‌يجێ خوه‌ يێ تايبه‌ت يێ فه‌يسبۆكێ به‌لاڤكريه‌، ئاماژه‌ ب وێ چه‌ندێ كريه‌ كو ژ ئه‌نجامێ كارتێكرنا درێژبوونا فشارێن نزمێن كه‌نداڤێ عه‌ره‌بى بۆ سه‌ر هه‌رێما كوردستانێ، ل سه‌رانسه‌رى هه‌رێما كوردستانێ دێ تۆزبارين يا به‌رده‌وام بيت.

پشكا پێشبينيان ل رێڤه‌به‌ريا گشتيا كه‌شناسى و بيڤه‌له‌رێ دايه‌ زانين ژى كو سوبه‌هى دێ ئه‌سمان ساهى بيت ل گه‌ل هه‌بوونا تۆزه‌كا سڤك و مه‌ودايێ ديتنێ ژى دێ 8 بۆ 10كم بيت.

ده‌باره‌ى پلێن گه‌رمێ ژى خۆيا كريه‌ كو سوبه‌هى ل پارێزگه‌ها دهۆكێ نزمترين پلا گه‌رميێ دێ 23 پله‌ بيت و بلندترين پله‌ ژى دێ 34 پله‌ بيت و ئاراستێ باى ژى دێ باكوورێ رۆژهه‌لات بيت ب له‌زاتيا 10 هه‌تا 15 كيلۆمه‌تران د ده‌مژمێره‌كێ دا.

بۆ ڤان مه‌ره‌مان لژنا بلندا قه‌يرانان دێ كۆم بيت

09/06/2016 11:07

763

ئه‌ڤرۆ نيوز:

لژنا بلندا روو ب رووبوونا قه‌يرانێن دارايى دێ ئه‌ڤرۆ بۆ دانوستاندنێ ل سه‌ر سيسته‌مێ پاشكه‌فتكرنا مووچه‌ى كۆم بيت.

كۆمبوون دێ ب سه‌رۆكاتيا نێچيرڤان بارزانى و ئاماده‌بوونا هه‌ر ئێك ژ جێگرێ سه‌رۆكێ حوكمه‌تێ و وه‌زيرێ سامانێن سرۆشتى و وه‌زيرێ پلاندانانێ و وه‌زيرێ ئاڤه‌دانكرن و بنه‌جهكرنێ و وه‌زيرێ دارايى ب وه‌كاله‌ت و سه‌رۆكێ فه‌رمانگه‌هان دووڤچوونێ و سه‌رۆكێ ديوانا سه‌رۆكاتيا جڤاتا وه‌زيران بيت.

د كۆمبوونێ دا دێ به‌حس ل داهاتان هێته‌ كرن ب تايبه‌ت داهاتێ هه‌يڤا گۆلانێ و فرۆتنا په‌ترۆلێ و سيسته‌مێ پاشكه‌فتكرنا مووچێ فه‌رمانبه‌ران دێ ئێخنه‌ به‌ر دانوستاندنێ كو ل دووڤ گۆتنا به‌رپرسان پێدڤيه‌ ده‌ستكارى تێدا بهێته‌ كرن كو ماوه‌كه‌ بهايێ په‌ترۆلێ د بازارێن جيهانێ دا روو ل زێده‌بوونێ يه‌.

هه‌ر ديسا ب گۆره‌ى ئه‌و پێزانينێن ل به‌ر ده‌ست ئه‌ڤرۆ نيوز دێ د ڤێ كۆمبوونێ دا بڕيار ل سه‌ر به‌لاڤكرنا مووچێ هه‌يڤا گۆلانێ يێ فه‌رمانبه‌رێن هه‌رێمێ هێته‌ كرن.

نيشاندان 1...190 1,190 2,190 2,1982,1992,200...3,104 زێده‌تر

لاپه‌ر 2,199 ژ 3,104