ئه‌ڤرۆ نیوز:
وه‌یسى نایف سه‌رۆكێ جڤاتا قه‌زا شنگالێ راگه‌هاند ژ به‌ر نه‌بوونا خزمه‌تگوزارى و پشت راست بوو ژ پاشه‌رۆژێ و كاڤلبوونا ده‌ڤه‌رێن وان یێن داگیركرى، ئاوارێن شنگال و ده‌وروبه‌رێن وێ نه‌ ناڤه‌گه‌رن.
وه‌یسى نایف دیاركر ژى ئاواره‌ ژبه‌ر ترسا ده‌رئه‌نجامێن ناكوكیێن سیاسى د ناڤبه‌را لایه‌نێن سیاسى ل قه‌زا شنگال ناخوازن ڤه‌گه‌رن كو ئه‌ڤ چه‌نده‌ژى دبینه‌ مه‌زنترین به‌ربه‌ست ل هه‌مبه‌ر ڤه‌گه‌ریانا ئاواران.
وه‌یسى نایف ره‌خنه‌ ژ حوكمه‌تا عیراقێ ژى گرتن كو شنگال سه‌ر ب پارێزگه‌ها نه‌ینه‌وایه‌، به‌لێ وه‌كو پێدڤى هاریكاریا قه‌زا شنگال و خه‌لكێ وێ یێ ئاواره‌ نه‌كریه‌.
وه‌یسى نایف ئاماژه‌ ب وێ یه‌كێ كر كو ئوپه‌راسیونا رزگاركرنا موسل چ كارتێكرن ل سه‌ر ئاسایشا ده‌ڤه‌رێن وان نابیت ژ به‌ر كو ده‌ڤه‌رێن وان پێشمه‌رگه‌ دپارێزن و داعش ب دووریا 70 كیلومتران ل جهێ ئاكنجیبوونێ هاتینه‌ دوورخستن.

ئه‌ڤرۆ نیوز:

به‌رى چه‌نده‌كێ ئاسو فه‌ره‌یدوون پارێزگارێ سلێمانیێ ناما ده‌ست ژ كاركێشانا خوه‌ ئاراسته‌ى جڤاتا پارێزگه‌ها سلێمانیێ كر.

ئه‌ڤرۆ نيوز:

ئه‌حمه‌د گه‌رميانى سه‌رۆكێ ئێكه‌تيا ماموستايێن كوردستانێ راگه‌هاند ئه‌ڤرۆ ئه‌و وه‌كو مه‌كته‌با سكرتاريه‌تا ئێكه‌تيا ماموستايێن كوردستانێ ل گه‌ل مه‌سعود بارزانى سه‌رۆكێ هه‌رێمێ كوم بووينه‌ و سه‌رۆك بارزانى سوزدايه‌ ب زووترين ده‌م كێشا پاشخستنا مووچێ ماموستايان چاره‌ بكه‌ت.

ئه‌حمه‌د گه‌رميانى سه‌رۆكێ ئێكه‌تيا ماموستايێن كوردستانێ راگه‌هاند سه‌رۆك بارزانى سوزدايه‌ ل گه‌ل به‌رپرسێن حكومه‌تێ كێشا پاشخستنا مووچێ ماموستايان چاره‌ بكه‌ت.

ئه‌ڤرۆ نيوز:

كۆمبوونا جڤاتا پارێزگه‌ها سلێمانيێ كو بڕيار بوو بۆ ده‌ست ژ كاركێشانا پارێزگارێ سلێمانيێ و ده‌ستبكاربوونا پارێزگاره‌كێ نوو بهێته‌ ئه‌نجام دان ب گۆره‌ى گۆتنێن سه‌رۆكێ فراكسيۆنا ئێكه‌تيێ ل جڤاتا پارێزگه‌ها سلێمانيێ “بۆ ده‌مه‌كێ نه‌ديار هاته‌ پاشخستن، چونكو كۆمبوون هه‌ڤدژى قانوونێ يه‌”. سه‌رۆكێ فراكسيۆنا گۆڕان ژى ل جڤاتا پارێزگه‌ها سلێمانيێ دبێژيت: “ل سه‌ر پاشخستنا كۆمبوونێ نه‌هاتيمه‌ ئاگه‌هداركرن”.

رێكه‌وت زه‌كى، سه‌رۆكێ فراكسيۆنا ئێكه‌تيێ ل جڤاتا پارێزگه‌ها سلێمانيێ گۆت: “كۆمبوونا جڤاتا پارێزگه‌ها سلێمانيێ بۆ ده‌مه‌كێ نه‌ديار هاته‌ پاشخستن”، ده‌رباره‌ى ئه‌گه‌رى ژى گۆت: “ناڤه‌رۆكا كۆمبوونێ هه‌ڤدژى قانوون و رێكه‌فتنا ئێكه‌تى و گۆڕانه‌، ژ به‌ر هندێ بۆ ده‌مه‌كێ نه‌ديار هاته‌ پاشخستن”.

د به‌رامبه‌ر دا ئه‌نوه‌ر تاهر، سه‌رۆكێ فراكسيۆنا گۆڕان ل جڤاتا پارێزگه‌ها سلێمانيێ گۆت: “ئاگه‌هدارى كۆمبوونێ نينين، دێ چينه‌ جڤاتێ، پاشخستنا كۆمبوونێ ژى دێ ب دو رێيان بيت، يان رێژه‌يا قانوونى يا ئه‌ندامان ته‌مام نابيت و كۆمبوون ناهێته‌ كرن، يان ژى فراكسيۆنه‌ك ژ به‌ر هه‌ر ئه‌گه‌ره‌كى داخوازا پاشخستنا كۆمبوونێ بكه‌ت و ئه‌و ژى هه‌تا نوكه‌ نه‌هاتيه‌ كرن”.

ئێكه‌تى نشتيمانى كوردستان و بزاڤا گۆڕان، پێشتر ل سه‌ر وێ چه‌ندێ رێكه‌فتينه‌ كو دو سال بۆ دو سالان دێ هێته‌ گوهۆڕين و چه‌ندين پۆستێن ى يێن پارێزگه‌ها سلێمانيێ و هه‌له‌بچه‌ ب خوه‌ ڤه‌ بگريت.