ئه‌ڤرۆ نيوز:
وه‌زاره‌تا دارايى و ئابوورى يا حكومه‌تا هه‌رێمێ به‌لاڤكرنا مووچێ خێزانێن شه‌هيد و ئه‌نفالكرى و زيندانيێن سياسى راگه‌هاند، ل دووڤ راگه‌هاندنه‌كا وه‌زاره‌تا دارايى و ئابوورى يا حكومه‌تا هه‌رێمێ ل رۆژێن چوارشەمبى و پێنجشەمبى (8 و 9ی 6ی 2016) دێ مووچێ خێزانێن شه‌هيد و ئه‌نفالكرى و زيندانيێن سياسى هێته به‌لاڤكرن.
ئه‌ڤرۆ نيوز:
ئەندامەکێ جڤاتا نوونەرێن عیراقێ ل سەر فراکسیۆنا پارتی بۆ رۆژناما ئەڤرۆ دیار کر کو ھەتا پشتی جەژنا رەمەزانا پیرۆز جڤاتا نوونەران کۆم نابیت و پشتی ڤی دەمی ژی دیار نینە کانێ دێ نیسابێ قانوونی تمام بیت یان نە، ژ بەرکو پەرلەمانتارێن مانگرتی ل سەر ھەلویستێ خوە دبەردەوامن.
حاکم سەرحان سلێڤانەی، ئەندامێ جڤاتا نوونەرێن عیراقێ ئاشکرا کر، نوکە ھەتا ئێکی ھەیڤا بھێت جڤاتا نوونەرێن عیراقێ د بھێنڤەدانا خوە یا ئاسایی دایە و پشتی وی دەمی ژی دێ نێزیکی جەژنێ بیت، لەو ھەتا پشتی جەژنا رەمەزانێ جڤاتا نوونەران کۆم نابیت و گۆت: “سەلیم جبۆری، سەرۆکێ جڤاتا نوونەرێن عیراقێ بەردەوام یێ بزاڤان دکەت پەرلەمان کۆم بیت، لێ ھەتا نوکە نیسابێ قانوونی تمام نەبوویە سەرکەنەفتی یە، بڕیار ئەوە پشتی جەژنا رەمەزانا پیرۆز کۆمبوونا بھێت یا جڤاتا نوونەرێن عیراقێ بھێتە کرن، لێ وی دەمی ژی دیار نینە کانێ نیسابێ قانوونی دێ تمام بیت یان نە”.
سلێڤانەی خویا ژی کر، بڕیارە ل 9/6/2016 دادگەھا فیدرالی بڕیارێ ل سەر پەرلەمانی بدەت و گۆت: “ھەکەر بڕیارا دادگەھێ د بەرژەوەندیا سەرۆکێ پەرلەمانی دا ئێکلا نەبیت، ئاریشە دێ گەلەک مەزن بیت، لەو رەنگە ئەو بڕیارە د بەرژەوەندیا سەرۆکێ پەرلەمانی دا ئێکلا ببیت”.
ئەڤرۆ نيوز:
پەیڤدارێ حوکمەتا ھەرێما کوردستانێ دیار کر کو د ھەیڤا رەمەزانا پیرۆز دا حوکمەتا ھەرێمێ بڕیار دایە ل ھەموو دام و دەزگەھێن فەرمی یێن حوکمەتا ھەرێما کوردستانێ ل دەمژمێر نەھی سپێدێ دەوام دێ دەست پێ کەت و ل دەمژمێر دویێ پشتی نیڤرۆ ب دووماھی ھێت.
سەفین دزەیی، پەیڤدارێ حوکمەتا ھەرێما کوردستانێ د ڕاگەھاندنەکێ دا کو ل مالپەرێ فەرمی یێ حوکمەتێ دا ھاتیە بەلاڤکرن و تێدا ھاتیە: “ب ھەلکەفتا ھاتنا رەمەزانا پیرۆز، گەرمترین پیرۆزباھیان ل ھەموو وەلاتیێن ھەرێما کوردستانێ، ب تایبەت خێزانێن شەھید و پێشمەرگێن قارەمان دکەن، ھیڤیدارین ئەڤ ھەیڤە ببیتە ئەگەرێ مۆکمکرنا گیانێ پێکڤەژیانێ و چارەکرنا ئالۆزیان و سەرکەفتن ل سەر تیرۆرستان دا”.
ھەر د ڕاگەھاندنا پەیڤدارێ حوکمەتا ھەرێمێ دا ئاشکرا ژی کریە، دەواما فەرمانبەران ل ھەموو دام و دەزگەھێن فەرمی یێن حوکمەتا ھەرێما کوردستانێ ھاتیە کێمکرن و تێدا ھاتیە: “دەوام ل دەمژمێر نەھی سپێدێ دێ دەست پێ کەت و ل دەمژمێر دویێ پشتی نیڤرۆ دێ ب دووماھی ھێت”.
ئەڤرۆ نيوز:
پەیڤدارێ وەزارەتا کارەبا حوکمەتا ھەرێما کوردستانێ دیار کر کو د ھەیڤا شەش دا، ئانکو د ھەیڤا رەمەزانێ دا، ھەر وەکو ھەیڤا گۆلانێ کارەبا نشتیمانی 18 دەمژمێران د شەڤ و رۆژەکێ دا بۆ وەلاتیان دێ ھێتە دان.
محەمەد ئەمین ھەورامی، پەیڤدارێ وەزارەتا کارەبا حوکمەتا ھەرێما کوردستانێ خویا کر، د ھەیڤا گۆلانێ دا ئەو شیاینە 18 دەمژمێران کارەبا نشتیمانی بدەنە وەلاتیان و گۆت: “د ڤێ ھەیڤێ دا ھەر ھەمان بەرنامە مە ھەیە و ھەر وێ رێژا کارەبێ دێ دەینە وەلاتیان”.
ناڤبری ئاشکرا ژی کر، ژ ئەگەرێ بلندبوونا پلێن گەرمێ د ڤێ ھەیڤێ دا، ھەروەسا ھاتنا ھەیڤا رەمەزانا پیرۆز، داخوازیا وەلاتیان ل سەر بکارئینانا کارەبێ زێدە دبیت و بۆ باسنیوز گۆت: “ژ بەر ڤان ئەگەران گوھۆرین د دانا کارەبێ دا دێ ھێتە کرن، لێ ب وی رەنگی نابیت کو دەمژمێرێن دانا کارەبێ کێم ببن، چونکو وێستگەھێن کاروئاڤی ژی دێ دەینە کاری”.
پەیڤدارێ وەزارەتا کارەبێ ئاماژە ب وێ چەندێ ژی کر، ئەو دەمێ کارەبا نشتیمانی دھێتە بڕین، دڤێت خودانێن موەلیدان ل دووڤ وی بەرنامێ د گەل یەکێن کارگێری داناین کارەبێ بدەنە وەلاتیان.
ئەڤرۆ نيوز:
رێڤەبەرێ دەستەیا وەبەرئینانێ ل وەزارەتا شەھید و ئەنفالکریان یا حوکمەتا ھەرێما کوردستانێ ئاشکرا کر کو زێدەتری 10 ھزار کەسان ژ کەس و کارێن شەھیدان، بەری شەرێ تیرۆرستێن داعش فەرمانا جڤاتا وەزیران ھەیە بۆ وەرگرتنا ئەردی و نوکە ژی مامەلێن سێ ھزارێن دی ل جڤاتا وەزیرانە بۆ وەرگرتنا ئەردی، بەلێ ئەو شقێن کو دێ دەنە کەس و کارێن شەھیدان ئاریشێن خزمەتگۆزاری ھەنە.
بەرەڤان حەمدی، رێڤەبەرێ دەستەیا وەبەرئینانێ ل وەزارەتا شەھید و ئەنفالکریان یا حوکمەتا ھەرێما کوردستانێ دیار کر کو بەلاڤکرنا پارچێن ئەردی ل سەر کەس و کارێن شەھیدان دێ ب دو جۆران بیت، جۆرێ ئێکێ: ئەو شەھیدێن بەری شەرێ تیرۆرستَن داعش فەرمانا جڤاتا وەزیران بۆ دەرکەتی بۆ و
ئەڤرۆ نيوز:
رێڤەبەریا پۆلیسێن نێڤدەولەتی یا بەرنیاس ب ئینتەرپۆل، بازرگانەکێ لەشفرۆشان ب رەگەز تورک پشتی دەستەسەرکرنێ ل ھەرێما کوردستانێ رادەستی پۆلیسێن ئینتەرپۆلا ئەنقەرە کر.
رێڤەبەریا گشتی یا پۆلیسێن ھەرێما کوردستانێ د راگەھاندنەکێ دا بەلاڤکریە کو ل رۆژا 3/6/2016 رێڤەبەریا پۆلیسێن نێڤدەولەتی (ئینتەرپۆل) بازرگانەکێ ب رەگەز تورک ب ناڤێ (ئ،ح،م) ژ دایکبوویێ سالا 1969 ب تۆمەتا بازرگانیکرنێ ب لەشڤرۆشان، پشتی بۆرینا دو سال و شەش ھەیڤان ژ خوە ڤەشارتنێ ل ھەرێما کوردستانێ ھاتە دەستسەرکرن.
د ھەمان راگەھاندن دا ئاماژە ب وێ چەندێ ھاتیەدان کو ئەڤ تۆمەتبارە ژ لایێ رێڤەبەریا پۆلیسێن نێڤدەولەتی ب ھەماھەنگیا دەزگەھێ پۆلیس و ئاسایشا ھەرێما کوردستانێ ڤە ھاتە دەستەسەرکرن و پاش ب رێیا فرۆکخانا نێڤدەولەتی یا ھەولێرێ رادەستی پۆلیسێن ئینتەرپۆلا ئەنقەرە ھاتەکرن.
ئەڤرۆ نیوز:
ل دووڤ رێنمایەکا نوو یا وەزارەتا باژێرڤانی و گەشت و گوزارێ یا حوکمەتا ھەرێما کوردستانێ د فۆرما بەلاڤکرنا ئەردی ل سەر مامۆستا و فەرمانبەران چەند رێنمایی و گوھۆرینێن دی ھاتینە کرن و مامۆستا و فەرمانبەرێن گرێبەست ژی دشێن وێ فۆرمێ پربکەن.
ئەو رێنمایا نوو یا وەزارەتا باژێرڤانی و گەشت و گوزارێ یا حوکمەتا ھەرێما کوردستانێ، کو ل 30/5/2016 دەرکەفتیە و ژ لایێ وەزارەتا پەروەردێ ڤە ھاتیە گشتاندن تێدا ھاتیە: “د فۆرما بەلاڤکرنا ئەردی ل سەر مامۆستا و فەرمانبەران چەند رێنمایی و گوھۆرینێن دی ھاتینە کرن، بۆ ڤێ مەرەمێ ژی وەزارەتا پەروەردێ د دەمەکێ نێزیک دا ناڤەندێن خواندنێ دێ ئاگەھدار کەت و فۆرم و کەلێشەکا تایبەت دەربارەی وان گوھۆرینان بەلاڤ کەن”.
ھەروەسا ئەو فۆرما بەری نوکە ھاتیە بەلاڤکرن گوھۆرین تێدا ھاتینە کرن، ژ بەرنامێ (ئەکسل) ھاتیە گوھۆرین بۆ بەرنامێ (ئەکسس) و ڤێ جارێ ماف بۆ مامۆستا و فەرمانبەرێن گرێبەست ھاتیە دان کو ئەو ژی دشێن وێ فۆرمێ پربکەن.
ژ لایەکێ دیڤە د وێ رێنمایا نوو یا وەزارەتا باژێرڤانی و گەشت و گوزارێ دا ئاماژە ب وێ چەندێ ژی کریە کو ھەموو ئەو مامۆستا و فەرمانبەرێن د مۆلەتێ ژی دا دشێن ب رێیا بریکارێن خوە ژ وەرگرتنا وێ فۆرمێ مفادار بن.
وەکو دیار بەری نوکە وەزارەتا باژێرڤانی و گەشت و گوزارێ یا حوکمەتا ھەرێما کوردستانێ ڕاگەھاند بوو کو ئەرد ل سەر مامۆستا و فەرمانبەران ل باژێر و باژێرکێن ھەرێما کوردستانێ دێ ھێتە بەلاڤکرن، بۆ ڤێ چەندێ ژی فۆرمەک ل سەر وان ھاتبوو بەلاڤکرن و ژ لایێ وان ڤە ھاتبوو پرکرن.
ئەڤرۆ نيوز:
رێڤەبەرێ قوتابخانێن ئەھلی ل وەزارەتا پەروەردا حوکمەتا ھەرێما کوردستانێ ئاشکرا کر کو ب رێیا لژنەکا ڤەکۆلینێ وەزارەتا پەروەردێ دێ وان قوتابخانێن ئەھلی دەتە دادگەھێ یێن کو پێگیری ب کێمکرنا کریا خواندنێ نەکری.
شاسوار کەمال، رێڤەبەرێ قوتابخانێن ئەھلی ل وەزارەتا پەروەردا حوکمەتا ھەرێما کوردستانێ دیار کر کو ھندەک قوتابخانێن ئەھلی پێگیری ب کێمکرنا بھایێ کریا خواندنێ نەکریە کو ئەڤ سالە وەزارەتا پەروەردێ ب رێژا 20% کێمکربوو و بۆ دواڕۆژ گۆت: “لژنەکا ڤەکۆلینێ ژ نوونەرێ داواکارێ گشتی و وەزارەتا پەروەردێ و دادوەران ھاتیە پێکئینان و دێ خودانێن وان قوتابخانان سزا دەت یێن کو پێگیری ب بڕیارا وەزارەتێ نەکری”.
ھەژی گۆتنێ یە کو ئەو بەرپرسێ وەزارەتا پەروەردێ یێ ئامادەنەبوو ھژمارا وان قوتابخانێن پێگیری ب بڕیارا وەزارەتا پەروەردێ نەکری ئاشکرا بکەت و گۆت: “ب پشتراستی ڤە ئەز دبێژم دڤێت ئەو پارێ وەرگرتی بزڤرینن”.
ئەڤرۆ، ھەژار مەعروف:
ل دیڤ راپرسینەکا بەرنامەیێ تو دادڤانی ئەوێ ل سەر کەنالێ عیراقی یە سپورت ھێتە پێشکێشکرن کو بەرنامەیەکێ تایبەت ب دادڤانێن خولا عیراقێ یا تەپا پێ ڤە، بەرنامەیێ ناڤبری راپرسینەک ل سەر دەست نیشانکرنا باشترین دادڤانێ خولا عیراقێ یێ ئەڤ سالە کو چەندین دادڤانێن نیڤدەولی ئەوێن یاریێن خولا عیراقێ ب رێڤەبەن پشکدار بوون و ٢٤ کەسانێن شارازا پشکداری د ڤێ راپرسینێ دا کر بوو.
د وێ دەنگدانێ دا دادڤانێ کورد و خەلکێ باژێرێ کەرکوک یوسڤ سەعید رێزا دوێ ھات وەکو دووەم باشترین دادڤانێ ناڤین ل سەر ئاستێ خولا عیراقێ یا ئەڤ سالە کو یوسڤ خودانێ دوەم دادڤان بوو ل سەر ئاستێ عیراقێ کێمترین شاشی د یاریێن ئەڤ سالە یێن خولا عیراقێ کرین و ئەمیر دادود کو دادڤانێ ھاریکارە خەلکێ کەرکوکێ یە و یاریێن خولا کوردستانێ ژێ برێڤە دبرن رێزا دوێ ھات وەکو ھاریکارێ دادڤانی.
ھەژی گوتنێ یە یوسف سەعید ل وەرزێ ئەڤ سالە ھژمارەکا مەزن یا یاریێن خولا عیراقێ ب رێڤەبرینە چەندین یاریێن خولا بژارە یا عیراقێ و دھێتە ھژمارتن ئێک ژ باشترین دادڤانێن خولا کوردستانێ ل وەرزێ ئەڤ سالە و سالا بوری.
نيشاندان