ئه‌ڤرۆ نيوز:
سه‌رۆك بارزانى پێشوازیا شانده‌كێ هه‌ڤپشكێ عیراق و ئه‌مریكا كر كو پێكهاتبوون ژ فالح فه‌یاز راوێژكارێ ئاسایشا نه‌ته‌وه‌ییا عێراقێ و برێت مه‌كگورگ نوونه‌رێ ئوباما ل هه‌ڤپه‌یمانیا شه‌رێ دژى داعش و ستوارت جونز بالیوزێ ئه‌مریكا ل عیراقێ، د دیدارێ دا نوونه‌رێ ئوباما ل هه‌ڤپه‌یمانیا شه‌رێ دژى داعش خوشحالیا خوه ل هه‌مبه‌ر هه‌ماهه‌نگى و كارێ هه‌ڤپشكێ ناڤبه‌را هه‌ولێر و به‌غدا ل شه‌رێ دژى داعش و به‌رهه‌ڤیان بۆ ئازادكرنا مووسل نیشادا و راگه‌هاند” ژ سایا قوربانیدان و قاره‌مانیا هێزێن پێشمه‌رگه‌ى و هێزێن عیراقێ نوكه داعش یا پاشڤه‌چوون و د شكه‌ستنێ دا.
بارزانى ب ناڤێ هه‌رێما كوردستانێ و عیراقێ سوپاسیا ئه‌مریكا و هه‌ڤپه‌یمانان كر كو د شه‌رێ دژى داعشدا پشته‌ڤانا پێشمه‌رگه و هێزێن عیراقێ بووینه و ده‌ستكه‌فتێن سه‌ربازى ب هاریكاریا سوپایێ ئه‌مریكا و هه‌ڤپه‌یمانان هاتینه مسوگه‌ر كرن.
هه‌ر د كومبوونێ دا هوورده‌كارى و پێنگاڤێن پراكتیكى بۆ ئازادكرنا مووسل به‌حس كرن و سه‌رۆك بارزانى راگه‌هاند” پێدڤیه رێككه‌فتن ل سه‌ر مووسلا پشتى داعش بهێته كرن”.
ئه‌ڤرۆ نیوز:
ئەڤرو رۆژنامه‌نڤیسه‌ك 28سالی بـ ناڤێ ویداد حسێن ژلایێ کەسەکێ نەدیارڤە دهێتە قوتان ل سەر رێکا سێجێ یا سەر بـ قەزایا سێمێلێ ڤە وبگرانی بریندار دبـیت و هەتا گەهاندیە نەخوشخانێ گیانێ خو ژ دەست ددەت .
لدیف گوتنا پولیسێن دهۆكێ ب بریارا دادوەرێ نوبەدار پەرێن ڤەکولینێ بو ڤێ تاوانێ هاتینە ڤەکرن بو ڤەکولین و دیفچونێ و گرتنا تاوانباری .
ئه‌ڤرۆ نيوز:
ل گه‌ياره شه‌رى د ناڤبه‌را داعش و سۆپايێ توركيا دا يا ده‌سپێكرى و ئه‌فسه‌ره‌كێ سۆپايێ عيراقێ ژى دبێژيت: “دو گۆند ل نێزيك گه‌ياره يێن هاتينه كونترۆلكرن”.
رائيد ته‌حسين سه‌عيد ئه‌فسه‌ر د سۆپايێ عيراقێ دا بۆ رووداو راگه‌هاند: سپێده‌هيا ئه‌ڤرۆ رۆژا شه‌مبى 13ى ته‌باخا 2016ێ سۆپايێ عيراقێ ل نێزيك گه‌ياره ئۆپه‌راسيۆنه‌ك بۆ كونترۆلكرنا گوندێن ده‌وروبه‌رێن گه‌ياره ده‌سپێكريه و گوندێن جه‌دعه و عوجه ل گه‌ل پرا گه‌ياره كونترۆلكرن.
رائيد ته‌حسين گۆت: “داعش بزاڤێ دكه‌ت ب هێرشێن خۆكوژى رێگريێ ل پێشڤه‌چوونێن سۆپايێ عيراقێ بكه‌ت و دو خۆكوژان خوه ته‌قانديه، به‌لێ زيان نه‌بووينه”.
ده‌مژمێر 8:00ى سپێده‌هيا رۆژا ئه‌ينى 12ى ته‌باخا 2016ێ هێرشا سۆپايێ عيراقێ بۆ باشوورێ گه‌ياره ده‌سپێكريه و گۆندێ ئيمام عه‌لى كونترۆلكريه.
ئه‌ڤرۆ نيوز:
نوونه‌رێ تايبه‌ت سه‌رۆكێ ئه‌مريكا د هه‌ڤپه‌يمانيا نێڤده‌وله‌تى دا ل دژى داعش گه‌هشته باژێرێ هه‌ولێر.
چه‌نده‌كێ به‌رى نوكه (شه‌مبى 13ى ته‌باخا 2016ێ) بڕێت مه‌كگۆرك، نوونه‌رێ تايبه‌تێ باراك ئۆباما سه‌رۆكێ ئه‌مريكا د هه‌ڤپه‌يمانيا نێڤده‌وله‌تى يا ل دژى داعش د تويته‌كى دا ل پێگه‌هێ تايبه‌تێ خوه ل تۆڕا جڤاكيا تويته‌رێ به‌لاڤكر، “ئه‌ڤرۆ يێ ل هه‌ولێر”.
مه‌كگۆرك ئاماژه ب وێ چه‌ندێ ژى كر كو سه‌ره‌دانا وى ب مه‌ره‌ما به‌حسكرنێ و دووڤچوونێ يه ل سه‌ر پلانا وى ده‌رباره‌ى پرۆسا ئازادكرنا نه‌ينه‌وا و كاروبارێن مرۆڤى و سه‌قامگێرى و دبێژيت: “ئه‌ڤان پرسان دێ ل گه‌ل به‌رپرسێن حوكمه‌تا هه‌رێما كوردستانێ گه‌نگه‌شه كه‌م”.
شه‌ڤا چارشه‌مبى 10ى ته‌باخا 2016ێ برێت مه‌كگۆرك ب سه‌ره‌دانه‌كا چاڤه‌رێنه‌كرى گه‌هشته به‌غدايا پايته‌ختێ عيراقێ و كۆمه‌كا ديداران ل گه‌ل سه‌رۆك وه‌زيرێن عيراقێ و وه‌زيرێ به‌ره‌ڤانى و به‌رپرسێن دى ئه‌نجام دا.
ئه‌ڤرۆ نيوز:
پرسا پارێزگه‌هبوونا هه‌ردو باژێركێن گه‌ڤه‌ر و جزيرێ ل په‌رله‌مانێ توركيا ب پتريا ده‌نگێن په‌رله‌مانتاران په‌سه‌ندكر و ب ئيمزايا سه‌رۆك كۆمارێ توركيا دێ ئه‌ڤ بڕياره كه‌ڤيته د وارێ بجهكرنێ دا.
ئێڤاريا رۆژا ئه‌ينى 12ى ته‌باخا 2016ێ په‌رله‌مانێ توركيا پرۆژێ پارێزگه‌هبوونا هه‌ردو باژێركێن گه‌ڤه‌ر و جزيرێ ل جهێ شرناخ و جۆله‌مێرگ په‌سه‌ندكر و هه‌موو رێكارێن كارگێرى و قانوونى خستنه به‌ر به‌حس و ڤه‌كولين ب پتريا ده‌نگێن په‌رله‌مانتاران هاته په‌سه‌ندكرن، نوكه ژى پرۆژێ قانوونێ چاڤه‌رێ ئيمزا ره‌جه‌ب ته‌يب ئه‌ردوگان يێ سه‌رۆك كۆماره.
پشتى په‌سه‌ندكرنا پرۆژێ قانوونێ ناڤێن هه‌ردو پارێزگه‌هان دێ هێنه گوهۆڕين و گه‌ڤه‌ر دێ بيته جۆله‌مێرگ و ب ناڤێ وێ يێ كه‌ڤن و ره‌سه‌نێ كوردى بكارهێت و ل جهێ جزيرێ ژى دێ ناڤێ نوح ب كارهێت.
ئه‌ڤرۆ نيوز:
د چارچۆڤێ ڤه‌كولينان ده‌باره‌ى بزاڤێن ئه‌نجامدانا كوده‌تايا رێخراوا فه‌تحولا گۆله‌ن كو تێدا رێڤه‌به‌رێ پشكه‌كا رێڤه‌به‌ريا پۆليسێن باتمانێ ب ناڤێ ئه‌حمه‌د دوران بيتمه‌ز كو به‌رى نوكه ره‌ڤى بوو، هێزێن توركيا د ئۆپه‌راسيۆنه‌كا هه‌ڤپشك دا ل گه‌ل هێزێن هه‌رێما كوردستانێ ئه‌نجام دا و دوران ل زاخۆ ده‌سته‌سه‌ركر.
ب گۆره‌ى ئه‌و پێزانينێن ل به‌ر ده‌ست بيتمه‌ز د چارچۆڤێ ڤه‌كولينان د ده‌باره‌ى بزاڤێن ئه‌نجامدانا كوده‌تايێ ژ كارێ وى هاتبوو دوورخستن و خست بوو، پاشان بڕيارا ده‌سته‌سه‌ركرنێ ژى بۆ ده‌ركه‌فت.
د ئه‌نجامێ ڤه‌كولينێن تيمێن رێڤه‌به‌را پۆليسێن باتمانێ ده‌ركه‌فت كو بيتمه‌ت ره‌ڤيه زاخۆ و هه‌ر ب وێ رێ ژى د ئه‌نجامێ ئۆپه‌راسيۆنه‌كێ دا ل گه‌ل هێزێن هه‌رێما كوردستانێ هاته ده‌سته‌سه‌ركرن.
پشتى بيتمه‌ز بۆ توركيا ڤه‌گوهاستى ل باژێرێ باتمان ده‌سته‌سه‌ركر پاش رێيێن قانوونى ل رێڤه‌به‌را پۆليسێن وى باژێرى، ره‌وانه دادگه‌هێ كر.
گۆمان دهێته كرن كو بيتمه‌ز ب مه‌ره‌ما پشكداريكرنێ ل گه‌ل رێزێن په‌كه‌كێ بۆ هه‌رێما كوردستانێ هاتبيت.
ئه‌ڤرۆ نيوز، مه‌حمود نهێلى:
رێڤه‌به‌ريا به‌ره‌ڤانيا باژێرى ل دێره‌لۆك راگه‌هاند كو ئه‌و كه‌سێ به‌رى سێ رۆژان به‌رزه بووى ته‌رمێ وى هاته ديتن.
جيدارێ ئێكێ ئيحسان سه‌نعان، به‌رپرسێ به‌ره‌ڤانيا باژێرێ ل دێره‌لۆك بۆ ئه‌ڤرۆ نيوز گۆت: “وه‌لاتيه‌ك ب ناڤێ حسێن خه‌ليل كو ژ دايكبوويێ 1980ێ يه و خه‌لكێ رۆژئاڤايێ كوردستانێ يه و خودان خێزانه، پشتى به‌رزه‌بوونێ بۆ ماوێ سێ رۆژان، خه‌ندقى هاته ديتن”.
زێده‌تر گۆت: “ئه‌ڤرۆ ده‌مژمێر 3:00ى ئێڤارى ته‌رمێ وى ل نێزيك رووبارێ زێ ل دێره‌لۆك هاته ديتن و بۆ نوشداريا داد هاتيه ره‌وانه‌كرن بۆ ئاشكه‌راكرنا ئه‌گه‌رێن دروستا مرنا وى”.
نيشاندان