ئەڤرۆ نیوز:
بڕیارە ل دووماھیا ئەڤ سالە تۆنێلا گەلیێ زاخۆ بھێتە ڤەکرن، بەرپرسەکێ حوکمەتێ ژی دیار دکەت، ئەگەرێ گیرۆبوونا تۆنێلا گەلیێ زاخۆ بۆ وێ چەندێ دزڤریت کو د دەمێ دەستپێکرنا پرۆژێ تۆنێلا گەلیێ زاخۆ، جاددێن دەوروبەرێ تۆنێلێ ژ ئەگەرێ نەبوونا بودجێ د ناڤ پڕۆژەی دا نەبوون و پاشی ھاتنە چێکرن، لەو گیرۆ بوو.
سدقی ئیسماعیل ئامێدی، بریکارێ وەزارەتا ئاڤاکرن و ئاکنجیکرنێ یێ رێک و پران بۆ رۆژناما ئەڤرۆ ئاشکرا کر، سەرەرای قەیرانا دارایی و ڕاگرتنا ھژمارەکا زۆرا پڕۆژێن رێک و پڕان و ئاڤاکرنێ، لێ ھژمارەکا پڕۆژان ل ھەرێما کوردستانێ نەھاتینە ڕاگرتن و ھەتا نوکە کار تێدا یێ بەردەوامە و گۆت: “ژ وان پرۆژێن نەھاتینە ڕاگرتن، چێکرنا تۆنێلانە و بەردەوام کار ل سەر دھێتە کرن، نوکە کار ل کۆلانا تۆنێلا بنێ ھەریرێ دھێتەکرن و پڕۆژە یێ بەردەوامە کو رێیەکا ستراتیژیە ل ھەولێرێ بۆ حاجی ئومەران، ھەروەسا رێیا د ناڤبەرا باتێلێ بۆ گەلیێ زاخۆ کار تێدا یێ بەردەوامە”.
سدقی ئیسماعیل گۆتژی: “کار ل سەر تەمامکرنا تۆنێلا گەلیێ زاخۆ ژی یا بەردەوامە و ھەتا نوکە 75% ژ پڕۆژێ تۆنێلا گەلیێ زاخۆ ب دووماھی ھاتیە و بەلێندەری سۆزدایە ئەگەر رێکێن دەوروبەرێ تۆنێلێ ھاتنە چێکرن ل دووماھیا ئەڤ سالە دێ تۆنێلا زاخۆ ھێتە ڤەکرن”.
ناڤھاتی خویا ژی کر، د دەمێ خوە دا ئەو ھەردو جاددێن لایێن تۆنێلێ د ناڤ پڕۆژەی دا نەبوون ژ بەر نەبوونا بودجێ، نوکە ھەر ل سەر پارێ تۆنێلا گەلیێ زاخۆ جاددێن وێژی دێ ھێنە چێکرن، لەو ھەتا نوکە پرۆژە گیرۆ بوویە و گۆت: “ھەتا دووماھیا ئەڤ سالە دێ ھێتە ڤەکرن و کەڤیتە دخزمەتا وەلاتیان دا”.

ئەڤرۆ نیوز، سالار دۆسکی:

سەعدی ئەحمەد پیرە ئەندامێ مەکتەبا سیاسی یا ئێکەتی نشتیمانی کوردستان بۆ ئەڤرۆ نیۆز گۆت: رێکەفتنا دناڤبەرا تەڤگەرا گوران و ئێکەتیێ دا نە ھێزە دژی چ لایەنان و پارتی نە گۆتیە ئەڤە ھێزە دژی مە ھاتیە چێکرن و بتنێ راگەھاند وە دبێژیت.
پیرە گۆت ژی: دێ ل گەل پارتی کومبین و دڤێت بابەتێ پەرلەمانی چارەک بۆ بھێـتە دیتن و ھەر کێشەکا ھەبیت دێ ھێتە چارەسەرکرن، مە رێکەفتنا ستراتیجی ھەیە ل گەل پارتی دیموکراتی کوردستان و د حوکمەتێ دا پێکڤەینە و دیسا ل شەرێ دژی داعش پێکڤەینە.
ل دۆر پشتی 100 سالێن رێکەفتنا سایکس بیکو ناڤبری گۆت: ئەو دابەشکرنا دەڤەرێ و چێبوونا ھندەک وەلاتان ھەتا نوکە ئارامی ل دەڤەرێ پەیدا نەبوویە و بتنێ کێشە دروست کرینە.

ئه‌ڤرۆ نيوز: ره‌وان نهێلى:

رێڤه‌به‌رێ گشتى یێ پولیسێن پارێزگه‌ها دهۆكێ لیوا تارق دياركر كو تاوانبارى مينا كوشتى، ئه‌رد ل گوندێ به‌رئاشێ هه‌یه‌ و ئه‌ڤ زاروكه‌ بریه‌ گوندى و دئاڤێ دا خه‌ندقاندیه‌ و پشتى هینگێ لاشه‌یێ وێ كریه‌ د چاله‌كێ دا .

ئەڤرۆ نیوز:
وەزارەتا کارەبا حوکمەتا ھەرێما کوردستانێ راگەھاند:ئەگەر داخازی ل سەر کارەبێ وەک نھا بیت ئەڤە ھەیڤا داھاتی کارەب ب ڤی ئاوایی دبیت .
محەمەد ئەمین بەردەڤکێ وەزارەتا کارەبا ھەرێمێ دیارکر دڤێ ھەیڤێ دا رۆژانە 16 بۆ 18 دەمژمێران کارەبێ بۆ وەلاتیان دابین کەن پێشبینی دئێتەکرن ھەیڤا بھێت کارەب ھەر بڤی ئاوای بھێتە پارڤەکرن .
بەردەڤکێ وەزارەتا کارەبا حوکمەتا ھەرێما کوردستانێ دیارکر ئەگەر داخازیا کارەبێ وەک ئەڤێ ھەیڤێ بیت ئەڤە دشێن دەمژمێرێن کارەبێ دابین بکەین، لێ لگەل بلندبوونا داخازیێ بۆ کارەبێ ،پێدانا کارەبێ کێم بیت،دئێتە چاڤەرێکرن ھەیڤا بھێت وەک نھا بیت ب ئەگەرێ بلند بوونا پلەیا گەرماتیێ داخازی ل سەر بکارئینەرێنم کارەبێ زێدە بکەن.
ناڤبری ئەو چە ندە ژی دیارکر نھا کێمترین ئاریشەیا تەکنیکی ل ئیسگەھێن وان دا ھەیە و چ ئاریشەیێن تەکنیکی نەبوینە .

ئەڤرۆ نیوز:
دەستەیا سەربخوەیا مافێن مرۆڤی ئاشکرا کر کو بازرگانیکرن ب مرۆڤان ل ھەرێما کوردستانێ زێدەبوویە و پەیڤدارێ مافێ مرۆڤی ئاماژە دا وێ چەندێ کو وەلاتی ھەیە بۆ پارەکێ کێم گۆلچیسکا خوە فرۆتیە و گۆت: “پێدڤیە قانوونا قەدەغەکرنا بازرگانیکرن ب مرۆڤان بھێتە دەرکرن”.
محەمەد گومەشینی، پەیڤدارێ دەستەیا مافێ مرۆڤی بۆ رۆژناما ئەڤرۆ ئاشکرا کر کو بازرگانیکرن ب مرۆڤان ل ھەرێما کوردستانێ ھەیە و ھێشتا نەبوویە دیاردە، بەلێ ناھێتە ڤەشارتن و چەندین حالەتێن بازرگانیکرن ب مرۆڤان ھاتینە تۆمارکرن و گۆت: “بابەتێ بازرگانیکرن ب مرۆڤان گەلەک تشتان بخوەڤە دگریت، ژوان شووکرنا کچێن تەمەنێ وان نەگەھشتیە 18 سالیێ و کارپێکرنا زارۆیان و بکارئینانا زارۆیان د خوەنیشاندانان دا و سەرەرایی ڤێ چەندێ کارەکێ دی یێ مەترسیدار سەرھلدایە ئەو ژی فرۆتنا گۆلچیسکا یە ژ لایێ وەلاتیان ڤە کو ژلایێ قانوونی ڤە قەدەغەیە و بێی پەسەندا نۆشداری کەسەک گولچیسکا خوە بفرۆشیت و وەلاتی ھەبوویە ھەمبەر پارەکێ زۆرێ کێم گۆلچیسکا خوە فرۆتیە”.
ناڤھاتی خویا کر کو پڕۆژە قانوونا بازرگانیکرن ب مرۆڤان خواندنا ئێکێ ل پەرلەمانێ کوردستانێ بۆ ھاتیەکرن و ھاتیە راگرتن ژبەر کۆم نەبوونا پەرلەمانی و پێدڤیە ل دەمێ دەستبکاربوونا پەرلەمانی ئەڤ پڕۆژە قانوونە بھێتە پەسەندکرن، چونکی پڕۆژە قانوونا بازرگانیکرن ب مرۆڤان، ژ قانوونێن بۆدجە و مووچە و ھەموو قانوونێن دی گرنگترە.