ئه‌ڤرۆ نيوز:
ئۆمێد محه‌مه‌د سالح، ئاخفتنكه‌رێ ب ناڤێ وه‌زاره‌تا ڤه‌گوهاستن و گه‌هاندنێ بۆ رووداو راگه‌هاند: د رۆژا ئێكێ يا ده‌سپێكرنا ئه‌زموونێن پۆلێن دووماهيێ ل رۆژا 2ى تيرمه‌ها 2016ێ ل سه‌ر داخوازيا وه‌زاره‌تا په‌روه‌ردێ دێ هێلێن ئه‌نترنێتێ ل كوردستانێ بۆ ماوێ چار ده‌مژمێران هێنه راگرتن”.
زێده‌تر گۆت: “راگرتن دێ ژ ده‌مژمێر 07:00 هه‌تا 11:00ى به‌رى نيڤرۆ بيت و ئه‌ڤه ژى بۆ رێگرى كرنێ يه ل قوپيايێ و پرۆسا راگرتنێ ژى هه‌تا رۆژا دووماهيێ يا ئه‌زموونان دێ يا به‌رده‌وام بيت”.
ئەڤرۆ نیوز:
قائێمقامێ قەزا شێخان بۆ رۆژناما ئەڤرۆ ئاشکرا کر کو ژ بەر خرابیا کوالتیا پانزینێ و پێگری نەکرن ب رێنمایان دو پانزینخانە ل دەڤەرا شێخان ھاتینە داخستن.
سەردار یەحیا، قائێمقامێ قەزا شێخان دیار کر، پێخەمەت بەرژەوەندیا گشتی یا وەلاتیان تیمێن چاڤدێریکرن و دووڤچوونان ل سەر پانزینخانێن سنوورێ پارێزگەھا دھۆکێ، ب تایبەت وان پانزینخانێن دکەڤنە سەر رێیا نێڤدەولەتی یا دھۆکێ بۆ ھەولێرێ و گۆت: “پشتی تیمێ پشکنین ل سەر چەند پانزینخانان کری دو پانزینخانە ل قەزا شێخان ل سەر رێیا سەرەکی و ل نێزیک چاریانا شێخان بۆ دەمێ پێنج رۆژان ھاتنە داخستن”.
خویا ژی کر، بەردەوام ئەو تیمە پانزینخانێن سنوورێ پارێزگەھا دھۆکێ پشکنین دکەن و ھەر پانزینخانەکا کوالیتا پانزینێ وێ یێ باش نەبیت دێ ھێتە سزادان.
ئه‌ڤرۆ نيوز:
ب سه‌رپه‌رشتيا فه‌رماندێ هێزێن چه‌كدار ل هه‌رێما كوردستانێ، مه‌سعود بارزانى، و ب پێشكداريا پێنج هزار پێشمه‌رگان هێرشا پێشمه‌رگه‌ى بۆ سه‌ر سه‌نگه‌رێن داعش ل خازر يا به‌رده‌وامه و پێشمه‌رگه يێ د پێشڤه‌چوونێ دا.
فه‌رمانده‌كێ پێشمه‌رگه‌ى كو ئه‌ڤرۆ نيوز پاراستن ل سه‌ر ناڤێ وى كر بۆ ئه‌ڤرۆ نيوز گۆت: “ئه‌ڤرۆ ل ده‌مژمێر 4:30 ده‌قيقه يێ سپێده‌هيا رۆژا ئێكشه‌مبى رێكه‌فتى 29ى گۆلانا 2016ێ ل ميحوه‌رێ خازر هێرشا پێشمه‌رگه‌ى بۆ سه‌ر چه‌كدارێن داعش ده‌سپێكر”.
زێده‌تر گۆت: “د ڤێ هێرشێ دا پێشمه‌رگه‌ى دڤيت بۆ ده‌وروبه‌رێن مووسل ب چه‌ند كيلۆمه‌تران پێشڤه‌چوونێ بكه‌ت و فرۆكێن هێزێن هه‌ڤپه‌يمانان ژى يێن د ڤێ ئۆپه‌راسيۆنێ دا هاريكاريا پێشمه‌رگه‌ى دكه‌ن”.
ئه‌ڤى فه‌رماندێ پێشمه‌رگه‌ى بۆ ئه‌ڤرۆ نيوز دا زانين ژى كو وره‌يا پێشمه‌رگه‌ى ئێكجار د ڤى شه‌رى دا يا بلنده و ب تايبه‌ت ژ ئه‌گه‌رێ هه‌بوونا مه‌سعود بارزانى فه‌رماندێ هێزێن چه‌كدار ل گه‌ل وان و گۆت: “سه‌رۆك بارزانى ب ره‌نگه‌كێ ئێكسه‌ر سه‌رپه‌رشتيا ڤى شه‌رى دكه‌ت”.
ل دۆر پێشكه‌فتنێن پێشمه‌رگه‌ى ژى گۆت: “پێشڤه‌چوونێن هێزێن پێشمره‌گه‌ى ب گۆره‌ى ئه‌و پلانا هاتيه دارێژتن د به‌رده‌وامن و نوكه پێشمه‌رگه يێ دبزاڤێ كه‌ت گۆندێ تل ئه‌سوه‌د كو ئێك ژ گۆندێن مه‌زنێن ده‌ڤه‌رێ يه كونترۆل بكه‌ت”.
ئەڤرۆ نیوز:
ریاز حەداد بالیۆزێ سووریێ ل روسیا د داخۆیانیەکێ دا بۆ ئاژانسا سپۆتینگ راگەھاند کو نھا رەوشا سووریێ گەلەک ئالۆزە و پشکەک مەزن ژ ئاخا سووریێ کەفتیە ژێر دەستێ تیرۆرستان و ل باکورێ سووریێ ژی سیستەمەکێ فیدرالی ھاتیە راگەھاند، لێ ئەو سیستەم ژ ئالیێ خەلکێ مە ڤە نەھاتیە قەبوول کرن و ئەم رێ نادەین ژی کو ئەو سیستەمە بەردەوام بیت، بەلکو ھەموو خەلکێن سووریێ دخوازن ل گەل حوکمەتا ناڤەندی بژین، لێ ئەو ئاریشێن کو ھەنە ژی دێ چارە ببن و خەلکێ سووریێ ل دژی تیرۆرێ قوربانیێن مەزن داینە و ئەم رێ نادەین سووریا بھێتە پارچەکرن.
بالیۆزێ سووریێ ل روسیا ئەو یەک ژی دیار کر کو راگەھاندنا سیستەمێ فیدرالی ل باکورێ سووریێ تنێ ل سەر کاغەزێ بوویە و چو وەلاتەکێ جیھان دانپێدان ب وێ فیدرالیێ نەکریە و ھەکە رەوشا سووریێ ئارام بیت ئەو فیدرالی ژی نامینیت و دێ سووریا وەکو بەرێ یا ئێکگتری و ب ھێز بیت و گۆت: (ئاشکرایە کو دەستێ ھندەک وەلاتان د راگەھاندنا وێ فیدرالیێ دا ھەبوو و مەرەما وان پارچەکرنا سووریێ بی و ئەم وێ یەکێ قەبوول ناکەین).
ئه‌ڤرۆ نيوز:
د كۆنگرێ حه‌فتێ يێ ئێكگرتوو دا ژبلى گوهۆڕينا ئه‌ميندارێ گشتيێ ئێكگرتوو ژ محه‌مه‌د فه‌ره‌ج بۆ سه‌لاحه‌دين بهائه‌دين، چه‌ندين سه‌ركردێن ديارێن وێ حزبێ وه‌كو محه‌مه‌د فه‌ره‌ج و محه‌مه‌د ره‌ئوف و ئه‌بۆ به‌كر كاروانى خوه بۆ سه‌ركرداتيا وێ حزبێ نه‌هه‌لبژارت.
ل جهێ وان ژى هنده‌ك كه‌سێن دى بۆ جارا ئێكێ چوونه ناڤ سه‌ركرداتيا وێ حزبێ و ب گۆره‌ى ئه‌نجامێن هه‌لبژارتنان جڤاتا سه‌ركرداتيا نوو يا ئێكگرتوو ئه‌بۆ به‌كر هه‌له‌دنى پترترين رێژا ده‌نگان ب ده‌ست خوه ڤه ئينايه.
ناڤێ ئه‌ندامێن جڤاتا سه‌ركرداتيا ئێكگرتوو:
سەعید عەلی عەبۆ
غازی سەعید
تاریق رەمەزان
نەسرەدیین سندی
د.جەمال كۆچەر
د.محەممد مستەفا
خەلیل ئیبراهیم
بەیان ئەحمد
د.محەممد هاودیانی
فەرهاد مەلا ساڵح
سۆران ئەحمەد
كەژاڵ هادی
ئەبوبكر هەڵەدنی
د. شێركۆ جەودەت
د.عومەر محەممد
د.محەممەد ئەحمەد
د.یەحیا رێشاوی
د.موسەنا ئەمین
سەمیر سەلیم
عوسمان كاروانی
جەلال تاهیر
حەسەن عەبدوڵڵا
د.هادی عەلی
د.سەڵاحەددین بابەكر
م.بارزان ئەحمەد
م.مەولوود باوەموراد
ناسك تۆفیق
بەهار هادی
ئەڤرۆ نیوز:
سەرۆکێ فراکسیۆنا پارتی ل پەرلەمانێ کوردستانێ دیار کو بوچوونا پارتی نەھاتیە گوھۆڕین و ل 23ێ حوزەیرانێ مە راگەھاندیە بەرێز یوسف موحەمەد وەک سەرۆکێ پەرلەمانێ نەمایە و ژئالیێ سیاسی ڤە ئەو باوەریا سیاسی ژ دەست دایە، بەلێ تنێ لایەنێ قانوونی ڤە مایە ئەو ژی ل درونشتنەکا پەرلەمانێ کوردستانێ ب دەنگێ ئەندامێن پەرلەمانی باوەری دێ ژێ ھێتە ڤەکێشان، چونکو یوسف موحەمەد ب رێککەفتنەکا سیاسی ل گەل پارتی بوویە سەرۆکێ پەرلەمانی، ئەو رێککەفتن ژی ب دووماھیک ھاتیە، و دەمێ پەرلەمان دھێتە ئەکتیفکرن دبیت گوھۆڕین ل دەستەیا سەرۆکاتیا پەرلەمانی ژی بھێتە کرن، سەبارەت داخویانیا سەرۆکێ فراکسیۆنا یەکێتی ل پەرلەمانێ کوردستانێ کو راگەھاند بوو، ھەکە بۆ دەمەک ژی بیت یوسف موحەمەد دڤێت بھێتە پەرلەمانی، ئومێد خوشناو ل سەر وێ چەندێ گۆت: دوھی بوو ئەوان ئەو حەزە ھەبوو ئەف بوچوونە ھاتە راگەھاندن بەلێ ب حەزا وان نابیت ئەم ژ یەکێتی بوچوونێن جودا جودا گوھلێ دبین، ئەف بابەتە ژی ل دەف مە نووی یە کو ل فراکسیۆنا یەکێتی ئەف داخازییە ھەبیت، ھەروەسا گۆت: بەلێ داخازیا تەڤگەرا گۆڕان سەبارە ئەکتیفکرنا پەرلەمانی و ڤەگەراندنا سەرۆکێ پەرلەمانی بێی مەرج ناھێتە قەبوول کرن، یا مومکین نینە بھێتە بجھئینان، دیسا دیارکر کومومکین نینە ئەو ھێزا مە ھەڤپەیمانی ل گەل ئیمزاکری سەبارەت پشککرنا پۆستێن پەرلەمانی و حوکمەتێ ئەو ھێز ژی ل وی ئاستێ دا نەبوویە کو تەفگەرا گۆڕانە و مە ب ئاشکرا ب خەلکێ کوردستانێ گۆتی یە ئەو رێککەفتنا تاک لایەنانە ب دووماھیک ھاتیە و ھاتیە ھەلوەشاندن.
ئۆمێد خوشناو گوت: ئەم دبێژین سیفەتێ یوسف موحەمەد وەک سەرۆکێ پەرلەمانی ژ ئالیێ سیاسی ڤە ب دووماھیک ھاتیە، چونکی ئەو ب ھەلبژارتنا خەلکی و ئەندامێن پەرلەمانی نە بوویە سەرۆک پەرلەمان ئەو ب رێککەفتنەکێ کو ل گەل پارتی ئیمزا کر بوو پۆستێ سەرۆکێ پەرلەمانی وەرگرتیە، ئەو دەمێ کو ھاتیە ھەلبژاردن بۆ سەرۆکێ پەرلەمانێ ئێک ئەندام پەرلەمانێ ئێکەتی نیشتیمانی کوردستان دەنگ بۆ نەدانە و ناف ھۆلێ پەرلەمانێ ژی بایکۆت کربوون و چوونە دەرڤەی ھۆلا پەرلەمانی.
ئەڤرۆ نیوز:
ئەندامەکا جڤاتا سەرکردایەتیا پارتی دیموکراتی کوردستان بەحسێ بجە ئینانا پڕۆسا چاکسازیێ دناڤ پارتی دا دکەت و ئیماژە بڤێ چەندێ دکەت، حەفت لیژنە بۆ چاکسازیا ناف پارتی ھاتینە پێکئینان، ھەروەسا دیارکر، پارتی دێ ھژمارا لقێن خوە کێم کەت و ئەگەر جڤاتێن سەرکردایەتیێن پارێزگەھا بمینن ئەڤە دێ سەرکردایەتیا پارتی ل بەھدینان ھێتە ڤەکرن.
ئەڤین ھروری، ئەنداما جڤاتا سەرکردایەتیا پارتی دیموکراتی کوردستان بۆ رۆژناما ئەڤرۆ گۆت” ل ھەیڤا نیسانا بۆری پڕۆژێ چاکسازیێ ژلایێ سەرۆک بارزانی ڤە بۆ ناڤا پارتی دیموکراتی کوردستان و حوکمەتا ھەرێما کوردستانێ ھاتە راگەھاندن، ل دەستپێکا ھەیڤا ئەیارێ وەرە، حەفت لیژنە بۆ چاکسازیا ناڤ پارتی دیموکراتی کوردستان ھاتینە پێکئینان و ئەف لیژنە یێ کاردکەن بۆ دیراسەتکرنا چاوانیا ئەنجامدانا چاکسازیێ دناف پارتی دیموکراتی کوردستان، کو ئەزژی دناف ئەڤان لیژنادامە، ناف دامو دەزگەھێن حوکمەتا ھەرێما کوردستانێ ژی پڕۆسا چاکسازیێ دەستپێکریە و چەند رێڤەبەر ب تۆمەتا گەندەلیێ ھاتینە دەستەسەرکرن و ڤەکۆلین دگەلدا ھاتیەکرن، بەلێ من چو زانیاری لدۆر ھژمارا وان کەسێن ھاتینە دەستەسەرکرن نینن.
لدۆر گوھۆڕینێن سیستەمێ رێکخستنا پارتی ئەڤین ھروری گۆت: لیژنەک بۆ رێکخستنا ناڤ پارتی ھاتیە پێکئینان و ھەکە بڕیار بیت جڤاتێن سەرکردایەتیێن پارێزگەھان بمینن وەکی نوکە ل سلێمانی و ھەولێرێ ھەنە، ئەڤە جڤاتا سەرکردایەتیا پارتی لپارێزگەھا دھۆکێ بۆ دەڤەرا بەھدینان ژی دێ ھێتە ڤەکرن، د بەرنامەیدایە پارتی ھژمارا لقێن خوە یێن حزبی کێم بکەت و لیژنە دێ پێشنیارێ لدۆر ڤێ چەندێ دەتە مەکتەبا سیاسی و مەکتەبا سیاسی دێ بڕیارێ لدۆر کێمکرنا لقێ، حزبێ بدەت، ھەروەسا گوھۆڕین دێ بسەر سیستەمێ رێکخستنا پارتی دا ھێت.
ھەروەسا ئەنداما رێکخستنا پارتی گۆت: مەرەم ژڤێ گوھۆڕینێ ئەوە پارتی پتر ب بیتە پارتەکا مەیدانی و جەماوەری، چونکە سەرکەفتنا پارتی ژی ھەر دڤێ چەندێدا بۆیە پارتەکا جەماوەری بوویە، سیستەمێ حزبێ یێ بەری نوکە ھەی دگەل قۆناغا نوکە ناگونجیت، ژبەرکو دگەل ڤێ قۆناغێ بگونجیت و پارتی بەرەف پێشڤەبچیت گوھۆڕین دێ ھێنەکرن، ل ئایندەیەکێ نێزیک ئەف گوھۆڕینێن ناف پارتی دێ ھێنەکرن.
ئەڤرۆ نيوز:
قارەمان شێخ کەمال جێگرێ سەرۆک ئەرکان بۆ ئوپەراسیونان ل وەزارەتا پێشمەرگەی راگەھاند ل ھەیڤا تیرمەھا ئەڤ سالە دێ ئەمریکا دەست ب مەزاختنا 415 ملیون دولاران بۆ ھەرێما کوردستانێ کەت کو بریارە بدەنە ھێزا پێشمەرگەی.
قارەمان شێخ کەمال ئاماژە ب وێ یەکآ کر کو ئەو بەردەوام ل گەل ئەمریکیان یێن ددانوستاندنان دا و گۆت: “ئەم ئاگەھدار کرینە کو ھەیڤا تیرمەھێ دێ پارە بۆ ھەرێمێ ھێنە مەزاختن، بەلێ ھێشتا ئەم نزانین ئەو پارە دێ راستەوخو بۆ وەزارەتا پێشمەرگە ھێنە دان یان دێ ئەمریکا پێدڤیێن سەربازی بۆ پێشمەرگەی دابین کەن و فرێکەن”.
ئه‌ڤرۆ نیوز: ڤه‌ده‌ر ره‌شاڤایی:
به‌لاڤبوونا نه‌خوه‌شییه‌كا ترسدار كو دێم و سه‌رۆچاڤێن نه‌خوه‌شی تێك دده‌ت و دكه‌ته پنی ل رۆژهلاتا ناڤین ده‌ست ب زێده‌بوونێ كرییه، سه‌ده‌ما وێ ژی هاڤێتنا كه‌له‌خ و لاشه‌یێ كوشتی و مرییانه ژ ئالیێ تیرۆرستێن داعشێ ڤه.
نه‌خوه‌شییا (Cutaneous leishmaniasis) برێییا له‌قێن مێشوموورێن ده‌ڤه‌رێن بخیز په‌یدا دبیت، ده‌ستپێكێ ب تنێ ل ده‌ڤه‌رێن ل بن كۆنترۆلا داعشێ یا به‌ربلاڤ بوو، لێ نها گه‌هشتییه ئیراق، توركیا، لبنان و ئۆردنێ، هه‌ژمارا وێ ژ ده‌هان كه‌یسا بۆ ب هزاران كه‌یسا زێده‌بوویه.
ئه‌ڤ نه‌خوه‌شییه شێوه و پیستێ سه‌رۆچاڤان تێك دده‌ت و پرانییا جاران بێ چاره‌سه‌ری دمینیت، رێكخستنا هه‌یڤا سۆر یا كوردی ل سووریا چه‌ندین كه‌یسێن ڤێ نه‌خوه‌شییێ تۆمار كرینه.
ئه‌ڤرۆ:
دوهى رۆژا شه‌مبى كۆنگرێ حه‌فتێ یێ ئێكگرتوو ئیسلامى كوردستان ل هه‌ولێر ده‌ست ب كارێن خوه كر و تێدا ئه‌میندارێ وێ حزبێ هاته هه‌لبژارتن.
هه‌ر چه‌نده د گه‌را ئێكێ یا ده‌نگدانێ دا، سه‌لاحه‌دین بهائه‌دین ئه‌میندارێ به‌رى سه‌ركه‌فت، به‌لێ ده‌نگێن پێدڤى نه‌بوون، ژ به‌ر هندێ به‌ر ب گه‌را دویێ یا هه‌لبژارتنان هاته كرن.
د گه‌را دویێ یا هه‌لبژارتنان دا، پشتى محه‌مه‌د ره‌ئوف خوه ڤه‌كێشاى، سه‌لاحه‌دین بهائه‌دین شیا 801 ده‌نگان بینیت و ببیته ئه‌میندارێ گشتى یێ وێ حزبێ به‌رامبه‌ر هه‌ڤركێ وى ئه‌بۆ به‌كر عه‌لى 268 ده‌نگ ئینان.
به‌رچاڤترین گوهۆڕینێن د په‌یره‌وێ ناڤخۆ یێ ئێكگرتوو دا هاتینه كرن، مه‌كته‌با سیاسى و جێگرێن ئه‌میندارێ گشتى نه‌مان.
نيشاندان