ئەڤرۆ :
ئیسماعیل بێشکچی مەزنە نڤیسەرێ تورک راگەھاند ھەکە رێککەفتنا ئێکەتی و گۆران بۆ سەربخوەییێ نەبیت، یا بێ بھا و مفایە.
بێشکچی د گۆتارەکێ دا ئاماژە ب وێ یەکێ کریە کو رەوشا جڤاکی و سیاسی یا ئەڤرۆ وێ چەندێ دخوازیت پارتێن سیاسی یێن کوردی د رێککەفتنێن خوە دا ئارمانجا وان سەربخوەییا کوردستانێ بیت و گۆت:(دڤێت کوردان سەبارەت پاشەرۆژا خوە دووماھی ئاخافتنا خوە ھەبیت و خودان بڕیارێن خوە بن).
بێشکچی ئاماژە ب وێ یەکێ ژی کر کو دوژمنێن کوردان ھەموو دێ بنە ئێک بۆ کوشتن و ژ ناڤبرنا کوردان، لەوما بۆ وێ چەندێ کورد بژین دڤێت یەکبگرن و د ئێکگرتنێ دا ژی ئارمانجا وان سەربخوەییا کوردستانێ بیت.

ئەڤرۆ نيوز:
رێڤەبەرێ گشتی یێ کۆنترولا کارەبا ھەرێما کوردستانێ دیار کر کو ل دووماھیا ڤێ ھەیڤێ ئەو دێ برَیارێ ل سەر دانا دەمژمێرێن کارەبا نشتیمانی بۆ وەلاتیان د ھەیڤا رەمەزانێ دا دەن.
ئەمێد ئەحمەد، رێڤەبەرێ گشتی یێ کۆنترولا کارەبا ھەرێما کوردستانێ ئاماژە ب وێ چەندێ ژی کر، ل گەل بلندبوونا پلێن گەرمێ داخوازی ل سەر کارەبێ زێدە دبیت، لەو ھندی پلێن گەرمێ بەر ب بلندبوونێ ڤە بچن شیانێن بەرھەمئینانێ دێ کێم بن و بۆ NNA گۆت: “ئەڤ چەندی ژی دێ بیتە ئەگەر دەمژمێرێن دانا کارەبا نشتیمانی بۆ وەلاتیان کێم ببیت”.
ناڤھاتی ئاشکرا ژی کر، ھەتا نوکە وان بەرنامێ دانا کارەبا نشتیمانی بۆ وەلاتیان د ھەیڤا رەمەزانا پیرۆز دا نەھاتیە دیارکرن و گۆت: “د دووماھیا ڤێ ھەیڤێ کۆمبوونەک ل سەر ڤێ چەندێ دێ ھێتە کرن و د وێ کۆمبوونێ دا خشتێ دانا کارەبێ بۆ ھەیڤا پیرۆزا رەمەزانێ دێ ھێتە دیارکرن”.

ئەڤرۆ نیوز:
ئەندامەکێ یەکگرتوو ئاشکراکر کۆ یەکگرتوو تاکە خزبە کونگرێن خوە ددەمێ خودا بکەن و دیسان مافێ جەماوەرێ بادینانە بخازن ئەندامێن وان بیچن ھەلبژادن لێ دووڤ مەج و بیرویا سیاسی دمینیت و رێککەفتنا ئێکەتی و گوران بەرژوەندیا گەلی دا نەبیت رەدکەین و نەتنێ ئەڤ رێکەفتنە بەلکو ھەر رێکەفتنەکا دووقو لی بیت .
ئیحسان دوسکی ئەندامێ کونکرێ حەفت ئەندامێ ناوەندا راگەھاندنا دەڤەرا بادینان ل دۆر کونگرێ یەکگرتوو خویاکر: بەلێ کونگرە ددەمی خوە دا ھێتە کرن و تانوکە یەکگرتوو تاکە حزب بوویە کۆ کونگرێن خوە ددەمێ خوە دا ئەنجام دەن، ناھێلن پاشئێخستن و گیروو بیت، ھەروەسا ژی کۆ راستە پێشنیاز ھات بوو کرن کۆ بھێتە پاشئێخستن و ئەو ژی بەر ھندەک ئەگەران بوویە کۆ ئەڤرۆکە ناوچە دھندەک کاودانان دا بوریت و لێ چڤینا سەرکردایەتی بڕیار ھاتە دان کۆ ددەمێ خۆ دا بھێتە کرن و ئەو یەکە ھاتە رەتکرن .
ئیحسان گوت: ھەتا نوکە چو بەربژێرێن فەرمی نینن چونکی بەربژێر دبەستنا گونکرێ دا دھێتە راگەھاندن و ل دوویڤ مەرجان بیت و دەلیڤە دھێتە دان خوە بەربژار بکەت، و ئەندامێ مەکتەبا سیاسی بیت، لێ دەزگەھێن راگەھاندنێ ھندەک ناڤ بەلاڤکرینە و ئەو ژی چار کەسن دبیت کێم بن و زێدەبن دەمێ کونگرە بھێتە بەستن، ئەڤ یەکە ژی ئاشکرا کر ژی کۆ بۆچی بادینان چو بەربژار نینن بۆ ڤی پۆستی، گۆت: ئەگەر دزڤرن بۆ وان کەسان کۆ مەرجێن بەربژارکرنێ ژێ دگرن خوە بەربژار ناکەن، لێ بادینان رێز ل وی بەربژاری دھێتە گرتن کۆ خوە بەربژار بکەت و سەرکەفیت .
ھەروەسا ل دۆر گورانکاریان گوت : ھەلبەت دێ گورانکاری ھەبن و د بەستنا کونگرەی دا و چو میکانزمی دا و د بیتە پێنگاڤەکا ھەڤچەرخ و بۆ چارەسەرکرنا ئاریشێن ناڤخوە و دەرڤە ژی ب ھێزکرنا گوتارێ و ھەیکەلێ حزبی و پاراستنا ماف و ئەرکان.
دەربارەی رێککەفتنا نوکە یا ئێکەتی و گۆڕان ھەلوستی یەکگرتووە د ڤێ رێککەفتنێ دا یێ دیارە و ژ زار دەڤێ ئەمیندارێ گشتی ھەر رێککەفتنەکا دوو قوولی د بەرژەوەندیا گەلێ کوردان دا نەبیت و ئێک رێزیا وێ دا نەبیت، وێ رێککەفتنێ یەکگرتوو رەدکەت، و نابیت رێ لێ بھێتە دان، چونکی دڤێت بەرژوەندیا گەلی دا بیت و گەل ل سەر ھەموو رێککەفتنانە .
سەبارەت جەماوەی بادینان مافێ وانە کۆ بخازان ئەندامێن وان بھێنە ھەلبژارتن لێ گرنگ ئەوە کۆ ھەڤسەنگی ھەبیتڤ، چۆ جوداھیەک نەبیت و خەلکێ بادینان چو گۆمان نینن، ھەکە ل دووڤ سیستەمێ و پروگرام و حزبێ ب رێڤە بچیت ئانکو موئەسەساتی بیت رێزێ ل وێ کونگرێ دگرین.