ئه‌ڤرۆ نيوز:
شیرەتکارەکێ پەرلەمانێ کوردستانێ ئاماژە بڤێ چەندێ دکەت، کو ڤەگەڕیانا کوردا بۆ بەغدا شاشیەکا دیرۆکیە دھێتەکرن و بەرێ دیرۆکێ کورد ل سەر دەولەتا بەلافکرینە، ڤێجارێ دیرۆک دگەل کورددایە، ھەروەسا دیارکرژی، کورد ڤەگەڕن بەغدا دێ پشتی چەند سالێن دی بەغدا ب فڕۆکێن ئێف شازدە بەرسیڤا ھەرێما کوردستانێ دەت.
دکتۆر مەدحەت سلێمان شیرەتکارێ پەرلەمانێ کوردستانێ بۆ رۆژناما ئەڤرۆ گۆت” پێدڤیە ئەم مفای ژ سەربورا خوە وەربگرین یا دگەل چێبوونا دەولەتا عێراقێ ھەتا نوکە مە چو نەھامەتی دیتیە، ب چو شێوەیەکی کوردا مفا ل دەولەتا عێراقێ وەرنەگرتیە و عێراقا دستوری ژی ھەر چو مفایێن خوە بۆمە نەبووینە، لەوڕا ڤەگەڕیانا کورددا بۆ بەغدا تنێ دێ عێراقێ ب ھێزکەت، لەو ب دیتنامن بلا کورد نەڤەگەڕێن بەغدا و مژۆلی رێکخستنا ناڤمالیا خوەبیت، باشتر خوە ب بەغدایەکا بێ مفاوە مژۆیلکەین، ژبەرکو بەغدا قەت نابیتە ملکێ کوردا و فەرە کار بۆ پێک ئینانا دەولەتا کوردی بھێتەکرن، بەغدا تنێ یا کوردان بکاردئینیت بۆ تەنابوونا خوە و ناڤبژیا شیعە و سوننا، ھەردەمێ ھەردوک ب ھێزکەتن دێ پشتا خوە کەنە ھەرێما کوردستانێ مینا سالا 2013ێ، لنیکمن یا وەسایە ئەنفالکرنا مللەتێ کورد چو جۆداھی ل گەل برسیکرنا مللەتێ کورد نینە، ئەگەر بەغدا یا رژدە ل سەر ڤەگەڕیانا کوردان، بلا حەشد شەعبی ل دەڤەرێن کوردستانی ڤەگەڕینن و دەڤەرێن کوردستانی ڤەگەڕینن سەر ھەرێمێ و میزانیا سالا 2013ێ ھاتیە بڕین ھەتا نوکە بھێتە ڤەگەڕاندن بۆ خەلکێ کوردستانێ و ئیمتیازاتێن پێشمەرگەی بجە بینن، وی دەمی نیەتا وان دێ دەرکەڤیت و دێ بێژین بەغدا خەمخورا ھەموو عێراقێ یە.
دکتۆر مەدحەتی گۆتژی” ئەگەر کورد نەڤەگەڕیت بەغدا چو رووینادەت، ھەر ئەو دێ بیت یا بەرێ چێبووی میزانیێ نادەنە ھەرێما کوردستانێ و چەکی نادەنە ھێزێن پێشمەرگەی تشتەکی نوو رووینادەت یا روویدای بەری نوکە بۆیە و زێدەتر دێ چکەن، ئەگەر ھەرێما کوردستانێ دەولەتا کوردیژی راگەھاندبا ھەر ھندە بەغدا دا شێت دۆرپێچا ئابووری ئێخیت سەر کوردستانێ، نوکە بەغدا یا لاوازە ھەمبەر ھەرێمێ، ئەگەر بھێت و پشتی سێ سالێن دی کورد بێژین ناچینەڤە بەغدا، وی دەمی بەغدا دێ یا بھێزبیت و ب فڕۆکێن ئێف شازدە دێ بەرسیفا ھەرێمێ دەت نەک نان بڕینێ، کورد نوکە باشترە نەڤەگەڕن بۆ بەغدا، ڤەگەڕیانا کورددا غەدرەکە کورد دێ بخوە دێ کەت، ئەگەر بەرێ دیرۆکێ ئەم بەلافکرینە سەر دەولەتا، ئەڤە ددەمێ نوکە دیرۆک یا دگەل کورددا نابیت کورد ڤێ دەلیڤێ ژدەست بدەن و ئەڤێ غەدرێ ل خوە بکەن.
نيشاندان
