ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 11ى ئه‌يارا 2016ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1300 |
| 1 يۆرۆيێ ئه‌ورۆپى | 1480 |
| 1 ليرێ توركى | 445 |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئه‌ڤرۆ نيوز:
37 كه‌س هاتنه كوشتن و زێده‌ترى 40 كه‌سان بريندار بوون، ژ ئه‌گه‌رێ په‌قينا ترۆمبێله‌كا مينرێژكرى ل بازاره‌كا ده‌ڤه‌ر سه‌در ل ياپته‌ختێ عيراقێ، به‌غدا، پشتى روودانێ ژى داعش به‌رپرساتيا خوه ژ ڤێ روودانێ راگه‌هاند.
هێرشا سپێده‌هيا ئه‌ڤرۆ رۆژا چارشه‌مبى رێكه‌فتى 11ى گۆلانا 2016ێ ماركێته‌كا قه‌ره‌بالغا ده‌ڤه‌را سه‌درا شيعان كربوو ئارمانج ل به‌غدا يا پايته‌ختێ عيراقێ.
هه‌ر وه‌كو مالپه‌رێ سى ئێن ئێن ژ زارده‌ڤێ ژێده‌رێن ساخله‌ميا عيراقێ به‌لاڤكرين، 37 كه‌س هاتينه كوشتن و ئاماژه بۆ وێ چه‌ندێ ژى كريه كو داعش به‌رپرساتيا خوه ژ وێ ته‌قينێ راگه‌هانديه.
ئه‌ڤرۆ نيوز:
د راگه‌هاندنه‌كێ دا كو ل سه‌ر زارێ خالد شوانى ئاخفتنكه‌رێ فه‌رمى يێ ب ناڤێ سه‌رۆكاتيا كۆمارا عيراقێ هاتيه به‌لاڤكرن، ئاشكه‌را كريه كو سه‌رۆك كۆمارێ عيراقێ فوئاد مه‌عصوم ژماره‌كا سزايێن سێداره‌دانێ بۆ ئه‌وان تاوانبارێن تاوانێن مه‌زن كرين ئيمزا كرينه.
دايه زانين كو په‌سه‌ندكرنا وان سزايان پشتى شرۆڤه‌كرنا دوسيێن وان بوويه ژ لايێ كۆميتێن تايبه‌ت بۆ ڤێ مه‌ره‌مێ هاتينه پێكئينان، مه‌رسومێن ئيمزاكرين ژى هاتينه ره‌وانه‌كرن بۆ ده‌سته‌لاتێن په‌يوه‌نديدار بۆ راپه‌راندنا كارێن وان و بجهئينانا سزايان ب سه‌ر وان تاوانباران دا.
د هه‌ردو خولێن بۆرى يێن سه‌رۆك كۆماريێ دا، مام جه‌لال ئيمزا ل سه‌ر چ سزايێن سێداره‌دانێ ل عيراقێ نه‌كربوو.
ئەڤرۆ نيوز:
بەرپرسەکێ بالا یێ رێڤەبەریا رۆژئاڤایێ کوردستانێ کو ناڤێ وی نەھاتیە ئاشکرا کرن بۆ ئاژانسا دیکەن یا نووچەیان دیار کریە کو دەمەکە ل کۆبانێ و حەسەکێ ب سەرپەرشتیا بسپۆرێن ئەمریکی پیلانا رزگارکرنا رەققە ھاتیە دانان و د ماوەیێ چەندێن رۆژێن داھاتی دا دێ ھێزێن سووریا یا دیموکراتیک ھێرشی رەققە بکەن و ئەمریکا ژی دێ ب رێیا فرۆکێن شەری ھاریکاریا وان بکەت و گۆت: (ھێشتا ب تەمامی دیار نینە کا دێ فرۆکێن وەلاتێن ھەڤپەیمانان ژی پشکداریێ د ڤی شەری دا بکەن یان نە، لێ فرۆکێن ئەمریکی دێ پشکداریێ دکەن و بەرھەڤی نھا تەمام بووینە و چ نەمایە ھێزێن سووریا یا دیموکراتیک دەست ب ئۆپەراسیۆنا رزگارکرنا رەققە ژ دەستێ داعشێ بکەن).
ھەمان بەرپرسی ئەو یەک ژی دیار کریە کو ئەو چەکێن بەری نھا ئەمریکا دایە ھێزێن سووریا یا دیموکراتیک کو گەلەک ژ وان چەکێن گرانن دێ د ڤێ ئۆپەراسیۆنێ دا ھێنە بکار ئینان و ژ بۆ ھندێ ژی د بیاڤێ سەربازی دا ل حەسەکێ و کۆبانێ بەرھەڤیێن تەمام ھاتینە کرن.
سەبارەت ب دەنگوباسێن پشکداریا فرۆکێن شەری یێن تورکیا ژی ناڤھاتی دیار کریە کو مە بەری نھا بۆ ئەمریکایا دیار کریە تورکیا مەرەمێن خراب ل رۆژئاڤا ھەنە و مە دڤێت تورکیا پشکداریێ د ئۆپەراسیۆنا رەققە دا بکەت، لێ ھەکە ئەمریکی گەرەنتی بدەن رەنگە وی دەمی رەوش بھێتە گوھۆرین بەس ھەتا نھا سەبارەت ب پشکداریا فرۆکێن شەری یێن تورکیا چو زانیاریەک نەگەھشتیە بەر دەستێ مە و گۆت: (نھا پتر ژ ٢٥ ھزار چەکدارێن ھێزێن سووریا یا دیموکراتیک بۆ ئۆپەراسیۆنا رزگارکرنا رەققە د بەرھەڤن و ئەڤە ھێزەکا مەزنە و دشێت رەققە ژ دەستێ داعشێ رزگار کەت).
ئه‌ڤرۆ نيوز:
به‌رى ده‌مه‌كێ كێم ژ ئه‌نجامێ په‌قينا ترۆمبێله‌كا مينرێژكرى دا، ل باژێرێ سه‌در ل به‌غدا و ل به‌رامبه‌ر ماركێته‌كێ ته‌قينه‌ك روودا و د ئه‌نجام دا 17 كه‌س كوشتن و 40 يێن دى بريندار بوون.
ژێده‌رێن ئه‌منى يێ باژێرێ به‌غدا راگه‌هاندن كو ئه‌ڤرۆ سپێدێ 11ى گۆلانا 2016ێ ترۆمبێله‌كا مينرێژكرى ل ئێك ژ بازارێن قه‌ره‌بالغ ل به‌رده‌رگه‌هێ ماركێته‌كێ ل باژێرێ سه‌در يێ پايته‌ختێ به‌غدا په‌قى و د ئه‌نجام دا 17 كه‌س هاتنه كوشتن و زێده‌ترى 40 كه‌سان بريندار بوون.
ژێده‌رێن ئه‌منى دايه زانين ژى كو دبيت ئه‌ڤ رێژه به‌ر ب زێده‌چوونێ بچيت و گۆت: “هه‌تا نوكه چ لايه‌نان به‌رپرساتيا خوه ديار نه‌كريه، به‌لێ دبيت ئه‌ڤه كارێ داعش بيت”.
ئەڤرۆ نیوز:
رێککەفتنا د ناڤبەرا ئێکەتی نیشتمانی کوردستان و بزاڤا گۆڕان یا نێزیکی ئێمزاکرنێ دبیت، گەلەک خواندن بۆ وێ رێککەفتنێ دھێنەکرن و ل سەر چەندین بنەما ھاتیە ئاڤکرن، کادرەکێ پێشکەفتیێ ئێکەتیێ ل دھۆکێ بەحسێ چەندین خالان دکەت ئەوێن ئەڤ رێککەفتنە ل سە ھاتیە ئاڤاکرن.
عەلی مستەفا جێگرێ ئێکێ یێ بەرپەرسێ مەلبەندێ 4 ئ ئێکەتی نشتیمانی کوردستان ل دھۆکێ بۆ رۆژناما ئەڤرۆ گۆت”بۆ دەربازبوونێ ژڤێ قۆناغێ قوناغێ ئێکەتیێ و گۆڕان پێدڤی ب ھەڤدو ھەبوویە، گۆڕان ڤیا ئێکەتیێ نێزیکی خوە بکەت بۆ وێ چەندێ بەلانسا ھێزێ بۆ لایێ خوەڤە بکێشیت ب تایبەت وەک بەرسڤدانەک وپشتەڤانیەک بۆ کێشێن ل گەل پارتی، ھەمان دەم ژی بۆ ئێکەتیێ ژی کو گۆھارتنا ھێزێ و ئەڤە ژی پشتی جودابوونا نەوشێروان مستەفای ژ ئێکەتیێ و ھەلبژارتنێن 25ى تيرمه‌هێ بەلانسا ھێزێ بۆ لایێ پارتی ڤە چوویە و بۆ ئێکەتیێ ب خوە ژی بارەکێ گران بوویە، بۆ ئێکەتیێ گەلەک گرنگە درەوشا نە ئاسایی و نە ساخلەم یا کو ئەو تێدا دبۆریت، ل سلێمانیێ دھەڤڕکیان دا بیت ل گەل گۆڕان، لەوما ھەڤپەیمانیا ئێکەتیێ و گۆڕان ھەتا دگەھیتە ئێکگرتنێ ژی دبەرژوەندیا ھەر دو لایەنان دایە و بەلانسا ھێزێ دێ ھێتە گوھۆڕین ب لایێ ڤێ ھەڤپەیمانیێ ڤە”.
عەلی مستەڤا زێدەتر گۆت” وەکو گەلەک داخویانیێن نوکە دھێنەدان، پتریا کادرێن ناڤەڕاست و تایبەت یێن ئێکەتیێ وێ چەندێ ناڤەشێرن کو ئەو ل گەل ئێکگرتنێ نە د ناڤبەرا ئێکەتیێ و گۆڕان دا و پێشنیازا گرێدانا کۆنگرەکێ ئێکگرتنێ ھاتیەکرن کو ئێک بگرن، ھەلبەت ئەڤ دیتنە ژی یا گرێدای ئالۆزیێن ناڤ ئێکەتیێ نە و جەمسەربوونا دناڤ ئێکەتیێ دا گەھشتینە قۆناغەکا بێ چارەسەری، لەوما ژی گەلەک دوێ باوەرێ دانە کو ئێکگرتن دێ کێشا دەستەکەریا جەمسەران ژی دێ ب دووماھی ئینت”.
عەلی ئەو ژی ئاشکراکر کو خالێن دپرۆژەی دا ھاتین، ئێکگرتنا لیستێن جڤاتا نوونەرێن عیراقێ و پەرلەمانێ کوردستانێ و جڤاتێن پارێزگەھانە و دھەلبژارتنێن داھاتی دا ب ئێک لیستە پشکداریێ بکەن ھەتا ھەکە نەبنە ئێک حزب ژی”.
جێگرێ بەرپرسێ مەلبەندێ ئێکەتیێ ل دھۆکێ گۆت ژی” ژبلی کو بەلانسا ھێزێ دێ گوھۆڕین ب سەردا ھێت بێگومان دێ ل بەغدا و ھەولێرێ دێ کسیێن ڤێ ھەڤپەیمانیا ئێکەتیێ و گۆڕان دێ زێدەتر لێ ھێن، زێدەباری کو نوکە بەحس ل ھەڤپەیمانیا ھێزێن ئیسلامی دھێتەکرن و دوور نینە ژی جورەکێ پەیوەندیەکا نێزیکی ھەڤپەیمانیێ دناڤبەرا ھەر دو ھەڤپەیمانیان دا ژی بھێتە دروستکرن، ئەو زانیاریێن دھێنە بەحسکرن رەنگە ئێک ژ بەرنامیێن نەوشێروان مستەفای کۆمکرنا تێکرایی ھێزێن دناڤ پەرلەمانی و ژ دەرڤەی پەرلەمانی بیت و پاشان ل پێگەھەکێ ھێزێ داخوازێ ژ پارتی دیموکراتی کوردستان بکەت بۆ ئاسایکرنا پەرلەمانی و گوھارتنا سیستەمێ حوکمڕانیێ ودەست ب پرۆژەیێن چاکسازیێ بھێتە کرن و ئەڤە د رێککەفتنا ئێکەتیێ و گۆڕان دا ب زەلالی رێککەفتن یا ل سەر ھاتیەکرن”.
ل دۆر پوستێ پارێزگەرێ سلێمانیێ ژی، ناڤبری گۆت:” دناڤبەرا ھەر دو ئالیان رێککەفتن ھەیە و ئێکەتیێ پێشوەخت بەرھەڤیا خوە دیارکر بوو بۆ رادەستکرنا پوستێ پارێزگەرێ سلێمانیێ، بەلێ ددەمێ جێبەجێکرنا ھەڤپەیمانیا ئێکەتیێ و گۆڕان دا ھەموو ئەگەرێن دیتر قابلی بجھئینانێ نە، دیسان ھەر دو ئالیان ب ئاشکرایی دیارکر یە کو ھەڤپەیمانیا وان دژی چو ھێزێن سیاسی نینە و تایبەت پارتی دیموکراتی کوردستان، ل سەر ڤی بنیاتی و درەوشەکا ھەرێم تێدا دبۆریت دبیت بۆ پارتی ژی سڤک تربیت ل گەل ئێک ھێز رێککەفتنەکێ ئیمزا بکەت، بەلێ ب دیتنا من پشتی ھەڤپەیمانیا نوو د ناڤبەرا گۆڕان و ئێکەتیێ دا ھەر رێککەفتنەکا ل گەل پارتی دیموکراتی کوردستان دا بھێتەکرن، دێ بنیاتێ وێ خالێن ئێکەتی ل گەل گۆڕان ل سەر رێککەفتی و ئێکەتی خوە ناکێشیتە بن بارێ چو رێکەفتنەکێ پێچەوانەی رێککەفتنا گۆڕان و ئێکەتیێ.
ئەڤرۆ نیوز:
پەرلەمانتارەکێ کورد ل جڤاتا نوونەرێن عیراقێ ل دوور نووترین پێشھات و روودانێن ل عێراقێ پەیدا دبن و ھەروەسا ئەنجامدانا رێفراندۆمێ ل ھەرێما کوردستانێ بۆ رۆژناما ئەڤرۆ دبێژیت، بەری نوکە ھەکە پەرلەمانتارێن کورد نە چووبانە بەغدا، چو کارتێکرنا خوە ل سەر رەوشا پەرلەمانی نەبوو، ژ بەر کو پەرلەمانتارێن عەرەبان رێژا قانوونی یا پەرلەمانی تمام دکر و دشیان بڕیاران بدەن، بەلێ نوکە وەسا نینە وبێ پەرلەمانتارێن کورد نەشێن ڤێ چەندێ بکەن.
شاخەوان عەبدوللا ئەندامێ جڤاتا نوونەرێن عیراقێ ژ فراکسیۆنا پارتی دیموکراتی کوردستان و بڕیاردەرێ لژنا ئاسایش و بەرگریێ ل جڤاتا نوونەرێن بۆ رۆژناما ئەڤرۆ گۆت” ھەکە پەرلەمانتارێن کورد نوکە نەچن، دێ ئاریشە پەیدا بن، چونکی ل دۆرێن 100 پەرلەمانتاران مانگرتیە و نەچووینە پەرلەمانی، لەورا ھەکە کورد نەچن رێژا قانوونی یا پەرلەمانتاران تمام نابیت و پەرلەمان نەشێت چو پرۆژە بڕیاران دەربێخیت و نەشێت دەنگدانێ ل سەر کابینا نوو یا حوکمەتا حەیدەر عەبادی ژی بدەت، لەورا نەچوونا کوردان بۆ بەغدا دێ پەرلەمان و حوکمەت ژی د پەککەفتی بن”.
شاخەوانی زێدەتر گۆت”عەبادی ھەر ژ دەستپێکا کارێ خوە ھەتاکو نوکە ڤیایە کوردان ژ بەغدا دەربێخیت، ب تایبەتی کوردێن دناڤ دامودەزگەھێن ئێمناھیێ دا و ئەڤ چەندە یا دیار و بەرچاڤە، لەورا دەرخستنا وێ ھێزا زێرەڤانا جڤاتا نوونەرێن عێراقێ کو لیوایەکا ھێزێن پێشمەرگێ کوردستانێ بوو، وێ چەندێ دیاردکەت کو عەبادی دڤێت کوردان ژ ھەموو ئیمتیازاتان ل بەغدا دوور بکەت، بەلێ مە وەکو پەرلەمانتارێن کورد ئەو بڕیار دایە کو ھەر دەمێ ئەو ھێز ھاتە دەرخستن، ئەم ژی وەکو پەرلەمانتارێن کورد ناڤەگەرینە بەغدا”.
دیارکر ژی” ئەز نەیێ گەشبینم ژ رەوشا نوکە یا عیراقێ و پێدڤیە ئێدی کورد نەڤەگەرنە بەغدا و شەرمەکا مەزنە بۆمە کو جارەکادی ئەم ڤەگەرینە بەغدا، لەورا ئەز دخوازم ب ئێکجاری ئەم ژ بەغدا ڤەببین و ھەکە ئەم دەولەتا سەربەخوە ژی رانەگەھینین و ریفراندۆمێ ژی نەکەین، پێدڤیە ھەر نەڤەگەرین بۆ بەغدا،چونکی ئێدی سەر شۆریا ل بن دەستێ عەرەبان بەسە”.
ل دۆر ئەنجامدانا ریفراندۆمێ ل ھەرێما کوردستانێ، شاخەوان عەبدوللای گۆت” کۆمسیۆنا سەربخوەیا بلند یا ھەلبژارتنان ل عیراقێ بەرھەڤیا خوە کریە بۆ ڤی بابەتی و بەری نوکە ژی بەرھەڤیا خوە دیارکربوو، دیسان کۆمسیۆنا سەربەخوەیا ھەلبژارتنان ل عیراقێ و کۆمسیۆنا ھەلبژارتنان و راپرسیێ ل ھەرێما کوردستانێ ژی ب ھەڤرا دێ ڤێ پرۆسێ ل کوردستانێ ئەنجام دەن و دخوازین کورد ھەموو ئێک رێزبن بۆ ئەنجامدانا ڤێ پرۆسا گرنگ”.
ناڤبری گۆت ژی” دخوازم ئێکرێزیا فراکسیۆنێن کوردی ل بەغدا بببنە ھێڤێنێ ئێکرێزیا کوردان ل ھەرێما کوردستانێ ژی، چونکی جڤاتا نوونەرێن عیراقێ شەرعیەتا خوە نەمایە و خوە ھەکە کورد ڤەگەرن بەغدا ژی؟ ھەر جڤاتا نوونەرێن عیراقێ کەرامەت و شەرعیەتا خوە یا ژ دەستدای”.
ئەڤرۆ نیوز:
ئەدھەم بارزانی ئەندامێ سەرکردایەتیا پارتی دیموکراتی کوردستان ئاماژە ب وێ یەکێ
دکەت کو بریارا چوونا وی بۆ سلێمانیێ ھاتیە دەرخستن کو ببیتە سەرۆکێ ئەنجوومەنێ سەرکردایەتیا پارتی، بەلێ ھێشتا بڕیار نەچوویە بوارێ بجھئینانێ.
ئەدھەم بارزانی دیارکر کو بۆ وی جھێ شانازیێ یە د رێکخستنێن پارتی دا ل سلێمانیێ کار بکەت و سلێمانی خووشترین جھە.
ئه‌ڤرۆ نيوز:
كۆمه‌لگه‌ها ئيراهيم خه‌ليل د راگه‌هاندنه‌كێ دا كو ل سه‌ر مالپه‌رێ خوه به‌لاڤكريه راگه‌هاند كو نوكه ژ به‌ر ره‌وشا ئه‌منى و ئابوورى يا عيراقێ و نه‌ئارامى و نه‌سه‌قامگێريا توركيا بزاڤا بازرگانى ل ده‌رگه‌هێ ئيراهيم خه‌ليل گه‌له‌ك كێمبوويه و نوكه گه‌شتيار و خودان كاران به‌رێ خودايه ده‌رگه‌هێن دى يێن سنورى.
هه‌ر د وێ راگه‌هاندنێ دا دايه زانين ژى كو ژ به‌ر چه‌ند رێنمايێن گرێداى حوكمه‌تا عيراقێ ڤه، هاتنا جگاران بۆ هه‌رێما كوردستانێ هاتيه قه‌ده‌غه‌كرن.
هه‌ر د ڤێ راگه‌هاندنێ دا نه‌ڤه‌شارتيه ژى كو بزاڤا گه‌شتيارى ژى گه‌له‌ك كێمبوويه و ئه‌گه‌رێ سه‌ره‌كى ژى نه‌مانا ڤيزا ئه‌لكترۆنى و تێكچوونا ره‌وشا ئه‌منى يا وى وه‌لاتى و هاتنا قيرنا داراى ل سه‌ر هه‌رێما كوردستانێ.
ئەڤرۆ نیوز،زنار تۆڤی:
ئیستڤان سیمیچیسکۆ وەزیرێ بەرگریا وەلاتێ ھنگاریا ئەڤرۆ رۆژا سێشەمبی 10.5.2016 ل دەمژمێر 3 ئێڤاری دگەل ل شاندەکێ بلند یێ وەلاتێ ھنگاریا کو پێکھاتینە ژ چەندین پەرلەمانتار و سۆپا سالارێ وی وەلاتی و ھندەک راوێژکارێن سەربازی گەھشتە ھەولێرا پایتەختێ ھەرێما کوردستانێ،ناڤھاتی دێ سێ رۆژان مینیتە ل ھەرێما کوردستانێ دێ دگەل سەرۆکێ ھەرێما کوردستانێ و ھەروەسا سەرۆکێ حوکمەتا ھەرێما کوردستانێ کومبیت،ھەتانوکە ھنگاریا 275 تەنێن چەک و ھاریکاریێن سەربازی داینە ھێزێن پێشمەرگێ کوردستانێ،ئەڤرۆ وەزیرێ بەرگریا ھنگاریا ب رەنگەکێ راستەوخۆ ژ وەلاتێ ھنگاریا ھاتیە ھەرێما کوردستانێ و ناڤھاتی سەرەدانا بەغدا نەکریە.
نوکە 26 راوێژکارێن سەربازی یێن ھنگاریا ل ھەرێمێ ھەنە کو راھێنانان ب ھێزێن پێشمەرگەی دکەن و ھاتنا وی یا ڤێ جارێ بۆ ھندێیە کو بارودۆخێ شەرێ داعش بھێتە گفتوگۆکرن دگەل بەرپرسێن ھەرێمێ و ھەروەسا ھنگاریا زێدەتر ھاریکاریا پێشکێشی ھێزێن پێشمەرگەی بکەن.
نيشاندان
