ئەڤرۆ نیوز، سالار دۆسکی:

سەعدی ئەحمەد پیرە ئەندامێ مەکتەبا سیاسی یا ئێکەتی نشتیمانی کوردستان بۆ ئەڤرۆ نیۆز گۆت: رێکەفتنا دناڤبەرا تەڤگەرا گوران و ئێکەتیێ دا نە ھێزە دژی چ لایەنان و پارتی نە گۆتیە ئەڤە ھێزە دژی مە ھاتیە چێکرن و بتنێ راگەھاند وە دبێژیت.
پیرە گۆت ژی: دێ ل گەل پارتی کومبین و دڤێت بابەتێ پەرلەمانی چارەک بۆ بھێـتە دیتن و ھەر کێشەکا ھەبیت دێ ھێتە چارەسەرکرن، مە رێکەفتنا ستراتیجی ھەیە ل گەل پارتی دیموکراتی کوردستان و د حوکمەتێ دا پێکڤەینە و دیسا ل شەرێ دژی داعش پێکڤەینە.
ل دۆر پشتی 100 سالێن رێکەفتنا سایکس بیکو ناڤبری گۆت: ئەو دابەشکرنا دەڤەرێ و چێبوونا ھندەک وەلاتان ھەتا نوکە ئارامی ل دەڤەرێ پەیدا نەبوویە و بتنێ کێشە دروست کرینە.

ئه‌ڤرۆ نيوز: ره‌وان نهێلى:

رێڤه‌به‌رێ گشتى یێ پولیسێن پارێزگه‌ها دهۆكێ لیوا تارق دياركر كو تاوانبارى مينا كوشتى، ئه‌رد ل گوندێ به‌رئاشێ هه‌یه‌ و ئه‌ڤ زاروكه‌ بریه‌ گوندى و دئاڤێ دا خه‌ندقاندیه‌ و پشتى هینگێ لاشه‌یێ وێ كریه‌ د چاله‌كێ دا .

ئەڤرۆ نیوز:
وەزارەتا کارەبا حوکمەتا ھەرێما کوردستانێ راگەھاند:ئەگەر داخازی ل سەر کارەبێ وەک نھا بیت ئەڤە ھەیڤا داھاتی کارەب ب ڤی ئاوایی دبیت .
محەمەد ئەمین بەردەڤکێ وەزارەتا کارەبا ھەرێمێ دیارکر دڤێ ھەیڤێ دا رۆژانە 16 بۆ 18 دەمژمێران کارەبێ بۆ وەلاتیان دابین کەن پێشبینی دئێتەکرن ھەیڤا بھێت کارەب ھەر بڤی ئاوای بھێتە پارڤەکرن .
بەردەڤکێ وەزارەتا کارەبا حوکمەتا ھەرێما کوردستانێ دیارکر ئەگەر داخازیا کارەبێ وەک ئەڤێ ھەیڤێ بیت ئەڤە دشێن دەمژمێرێن کارەبێ دابین بکەین، لێ لگەل بلندبوونا داخازیێ بۆ کارەبێ ،پێدانا کارەبێ کێم بیت،دئێتە چاڤەرێکرن ھەیڤا بھێت وەک نھا بیت ب ئەگەرێ بلند بوونا پلەیا گەرماتیێ داخازی ل سەر بکارئینەرێنم کارەبێ زێدە بکەن.
ناڤبری ئەو چە ندە ژی دیارکر نھا کێمترین ئاریشەیا تەکنیکی ل ئیسگەھێن وان دا ھەیە و چ ئاریشەیێن تەکنیکی نەبوینە .

ئەڤرۆ نیوز:
دەستەیا سەربخوەیا مافێن مرۆڤی ئاشکرا کر کو بازرگانیکرن ب مرۆڤان ل ھەرێما کوردستانێ زێدەبوویە و پەیڤدارێ مافێ مرۆڤی ئاماژە دا وێ چەندێ کو وەلاتی ھەیە بۆ پارەکێ کێم گۆلچیسکا خوە فرۆتیە و گۆت: “پێدڤیە قانوونا قەدەغەکرنا بازرگانیکرن ب مرۆڤان بھێتە دەرکرن”.
محەمەد گومەشینی، پەیڤدارێ دەستەیا مافێ مرۆڤی بۆ رۆژناما ئەڤرۆ ئاشکرا کر کو بازرگانیکرن ب مرۆڤان ل ھەرێما کوردستانێ ھەیە و ھێشتا نەبوویە دیاردە، بەلێ ناھێتە ڤەشارتن و چەندین حالەتێن بازرگانیکرن ب مرۆڤان ھاتینە تۆمارکرن و گۆت: “بابەتێ بازرگانیکرن ب مرۆڤان گەلەک تشتان بخوەڤە دگریت، ژوان شووکرنا کچێن تەمەنێ وان نەگەھشتیە 18 سالیێ و کارپێکرنا زارۆیان و بکارئینانا زارۆیان د خوەنیشاندانان دا و سەرەرایی ڤێ چەندێ کارەکێ دی یێ مەترسیدار سەرھلدایە ئەو ژی فرۆتنا گۆلچیسکا یە ژ لایێ وەلاتیان ڤە کو ژلایێ قانوونی ڤە قەدەغەیە و بێی پەسەندا نۆشداری کەسەک گولچیسکا خوە بفرۆشیت و وەلاتی ھەبوویە ھەمبەر پارەکێ زۆرێ کێم گۆلچیسکا خوە فرۆتیە”.
ناڤھاتی خویا کر کو پڕۆژە قانوونا بازرگانیکرن ب مرۆڤان خواندنا ئێکێ ل پەرلەمانێ کوردستانێ بۆ ھاتیەکرن و ھاتیە راگرتن ژبەر کۆم نەبوونا پەرلەمانی و پێدڤیە ل دەمێ دەستبکاربوونا پەرلەمانی ئەڤ پڕۆژە قانوونە بھێتە پەسەندکرن، چونکی پڕۆژە قانوونا بازرگانیکرن ب مرۆڤان، ژ قانوونێن بۆدجە و مووچە و ھەموو قانوونێن دی گرنگترە.

ئەڤرۆ نیوز:
رێڤەبەری نڤێسینگەھا کاروبارێن رەڤاندیان ل دھۆکێ بۆ ئەڤرۆ دیار کر کو سەرۆکێ حوکمەتا ھەرێما کوردستانێ دەست ب ھاریکاریا وان کەسان کر یێن ژ دەستێن تیرۆرستێن داعش رزگاربووین و ھەر کەسێ ھاتیە رزگارکرن چەند پارە مەزاخت بن سەرۆکی حوکمەتێ ئەو کۆژمێ پارەی ھەموو لێ ڤەگەراند، ژ لایێ خوە ڤە رێڤەبەرێ کاروبارێن ئێزدیان ل پارێزگەھا دھۆکێ بۆ رۆژناما ئەڤرۆ دیار کر کو دوھی رۆژا 19/6/2016 حەشدا شەعبی ئەو ئاگەھدارکرن کو 354 کچێن ئێزدی یێن رەڤاندنی ژ فەلوجە ھاتنە رزگارکرن و ئەو چاڤەرێنە ل دەمەکێ نێزیک بگەھنە ھەرێما کوردستانێ.
حسێن کورو، رێڤەبەرێ نڤێسینگەھا کاروبارێن رەڤاندیان ل دھۆکێ دیار کر کو ئەو کەسێن ل سالا 2015 ژ دەستێن تیرۆرستێن داعش رزگاربووین ھەموویان ھاریکاریا خوە یا دارایی وەرگرتیە و گۆت: “ئەو کەسێن ھاتینە رزگارکرن چەند پارە مەزاختبیت ھەتا ھاتیە رزگارکرن ھەموو بۆ ھاتە ڤەگەراندن و دھێتە چاڤەرێکرن ئەو کەسێن سالا 2016ێ ژی ژ دەستێن تیرۆرستان رزگاربووین ھاریکاریا دارایی وەربگرن”.
ناڤھاتی خویا کر کو ھەتا نوکە دو ھزار و 593 کچ و ژن و زارۆ و زەلام یێن ھاتینە رزگارکرن و ھەموو دێ ھاریکاریا دارایی یا نێچیرڤان بارزانی، سەرۆکێ حوکمەتا ھەرێما کوردستانێ وەرگرن و گۆت: “ژ وێ ھژمارا رزگاربوویان 326 زەلامن و 937 کچ و ژنن و 659 ژی زارۆیێن کچن و 671 زارۆکین کوڕن”.
رێڤەبەرێ نڤێسینگەھا کاروبارێن رەڤاندیان ل دھۆکێ گۆت: “ژ بلی سەرۆکێ حوکمەتا ھەرێما کوردستانی چو کەس و لایەنێن دی ھاریکاری و پشتەڤانیا رەڤاندیێن ئێزدیان نەکریە و ھەتا نوکە جڤاکێ نێڤدەولەتی و حوکمەتا عیراقێ و رێکخراوان چو ھاریکاری نەکریە”.
ھادی دوبانی، رێڤەبەرێ کاروبارێن ئێزدیان ل پارێزگەھا دھۆکێ ئاشکرا کر کو 354 کچێن ئێزدی یێن ژ لایێ تیرۆرستێن داعش ڤە ھاتینە رەڤاندن ل فەلوجە ھاتنە رزگارکرن و نوکە د دەستێن ھێزێن عیراقی و حەشدا شەعبی دانە و گۆت: “ئەم ب ژڤانین ل دەمەکێ نێزیک ئەڤ کچێن رزگاربووی بۆ ھەرێما کوردستانێ بھێنە رەوانەکرن”.
ناڤھاتی ئاماژە دا وێ چەندێ کو نڤێسینگەھا کاروبارێن رەڤاندیان ل دھۆکێ ب ھەڤکاری د گەل رێڤەبەریا گشتی یا کاروبارێن ئێزدیان بەردەوام بزاڤان دکەت بۆ رزگارکرنا ھەموو کچ و ژن و زارۆیێن ئێزدی یێن ل تەباخا سالا 2014 ێ ژ لایێ رێکخراوا تیرۆرستی یا داعش ڤە ھاتینە رەڤاندن.