ئهڤرۆ نیوز: ڤهدهر رهشاڤایی:
میدیايا سپانی راگههاند كو دادگهها سپانیا بریار دا لیونێل مێسی یاریكهرێ یانا بهرشهلۆنا و بابێ وی بۆ دهمێ 21 مههان ب سووچا فێلبازیكرن د دانا باجان دا بهێنه زیندان كرن، ههروهسا ب دانا دو ملیۆن یۆرۆیان ژی مێسی هاته سزادان.
مێسی ماف ههیه تانێ ل بریارا دادگههێ بدهت و ل گۆری قانوونێن سپانیا ناڤهاتی دشێت خوه ژ ڤی سزایێ زیندانكرنێ رزگاركهت.
ئهڤرۆ نيوز:
سهرا وان تهقينێن ڤێ دووماهيێ يێن بهغدا ب تايبهت تهقينا كهراده كو 215 وهلاتى هاتينه كوشتن، ئهڤرۆ محهمهد سالم غهبان وهزيرێ ناڤخويێ عيراقێ دهست ژ كارێ خوه كێشا.
تهقينا كهراده ب مهزنترين كريارا تيرورستى ل عيراقێ دهێته هژمارتن ژ ئالێ ژمارا كوشتنا وهلاتيێن سڤيل ڤه د ماوێ شهش ههيڤێن بوورى دا.
ئهڤرۆ نيوز:
وەزارەتا کار و کاروبارێن جڤاکی یا حکومەتا ھەرێما کوردستانێ د رۆنكرنهكێ دا دياركريه پشتی ئەنجامدانا چاکسازییان د لیستێن مووچەیێن کێم ئەندامان دا، دێ مووچەیێن وان ڤەگەڕینن سەر رەوشا بهرێ و وهختێ ئاسایی.
وەزارەتا کار و کاروبارێن جڤاکی یا حکومەتا ھەرێما کوردستانێ ئاشکرا كريه حکومەتا ھەرێمێ سۆز دایە، مووچەیێ تەڤایا مەھێن بۆری یێن کێم ئەندامان بدەت.
ئهڤرۆ نيوز:
لژنا بلندا ديتنا ههيڤێ ل ههرێما كوردستانێ راگههاند كو سوبههى رۆژا سێشهمبى تهمامكهرا ههيڤا رهمهزانێ يه و رۆژا چارشهمبى رێكهفتى 6ى تيرمههێ رۆژا ئێكێ يا ههيڤا شهوالێ يه كو دبيته رۆژا ئێكێ يا جهژنا رهمهزانێ.
ديوانا مهلهكى يا ووهلاتێ سعوديێ رۆژا چارشهمبى وهكو رۆژا ئێكێ يا جهژنا رهمهزانێ دياركر و راگههاند: سوبههى رۆژا سێشهمبى 5ى تيرمههێ دێ تمامكهرا رهمهزانێ بيت.
ههڤدهم ل ههر ئێك ژ وهلاتێن قهتهر، ئوردن، ژاپۆن، ئهندونسيا، تايلهند و وهلاتێن باكوورێ ئهمريكا و نيوزلهندا سوبههى كريه تهمامكهرا ههيڤا رهمهزانێ و رۆژا چارشهمبى دێ بيته رۆژا ئێكێ يا جهژنا رهمهزانا پيرۆز.
ئهڤرۆ نیوز، رۆژهات لوقمان:
دهستهیا گهشت و گوزارى ل ههرێما كوردستانێ ل وێ باوهرێ یه كو ل رۆژانێن جهژن دا هاتنا گهشتیاران بو ههرێما كوردستانێ بهر ب زێدهبونێ ڤه بیت و زوربهیا ئوتێلێن ههرێمێ هاتینه گرتن بو رۆژانێن جهژنێ.
نادر روستى بهرپرسێ دهستهیا گهشت و گوزارێ ل ههرێما كوردستانێ بو ئهڤرۆ نیوز راگههاند: مه وهك دهستهیا گهشت و گوزارێ ل ههرێما كوردستانێ ههمو بهرههڤى و كارو كریار ئهنجام داینه ژبو وێ چهندێ گهشتیارێن بیانى ل رۆژانێن جهژنێ و پشتى هنگى بهردهوام قهستا ههرێما كوردستانێ بكهن و دگهل چهندین كومپانیان رێكهفتینه تاكو گهشتیار بهردهوام قهستا كوردستانێ بكهن لهورا ئهم پێشبینى دكهین د ڤێ جهژنێ دا هاتنا گهشتیاران بو ههرێما كوردستانێ بهر ب زێدهبونێ ڤه بیت
روستى دیاركر ژى: ئهڤ ساله گرتنا ئوتێلان گههشیته 90% بو 95% و ئهڤ چهنده ژى جهێ دلخوشیێ یه و نها دا گهلهك گهشتیار ههنه ل ههرێما كوردستانێ . “.
ئهڤرۆ نيوز:
رێڤهبهرا پۆليسێن پارێزگهها دهۆكێ راگههاند كو ئهڤرۆ كهسهكێ 45 سالى ل حهوشكێ خوه كوشت.
رائيدێ مافپهروهر هێمن سلێمان بهرپرسێ پشكا راگههاندنێ ل رێڤهبهريا پۆليسێن پارێزگهها دهۆكێ بۆ ئهڤرۆ نيوز گۆت: “ئهڤرۆ رۆژا دوشهمبى رێكهفتى 4ى تيرمهها 2016ێ وهلاتيهكێ 45 سالى ب ناڤێ (ش.ع.ا) ل گۆندێ حهوشكێ يێ سنورێ قهزا سێمێلێ يا سهر ب پارێزگهها دهۆكێ ڤه خوه كوشت”.
زێدهتر گۆت: “پهرێن ڤهكولينێ بۆ ڤێ روودانێ ل نڤيسينگهها نههێلانا گۆنههباريان ل سێمێلێ هاتينه ڤهكرن و ڤهكولين ل سهر روودانێ بۆ زانينا ئهگهرێ وێ يا بهردهوامه”.
ئهڤرۆ نيوز:
ژێدهرهكى ژ هێزێن ئهمنى يێن كوردى “ئاسايش” راگههاند: ئهڤرۆ رۆژا دوشهمبى هێزێن پێشمهرگهى دهست ب سهر خۆكوژهكى و وێنهگرهكى دا گرتن كو سهر ب تيرۆرستێن داعش ڤه بوون ل ئێك ژ گۆندێن رزگاركرى يێن سهر ب باژێرێ مووسل ڤه.
ئهوى ژێدهرى بۆ “شفق نيوز” راگههانديه كو هێزێن پێشمهرگهى شيان دهست ب سهر وى تيرۆرستى دا بگرن كو پشتينهيهكا تى ئێن تى كرى پێڤه بوو و ل گهل وێنهگرهكى ل گهل بوون ژ گۆندێ “خهرمهر” يێ سهر ب “عيازيه” ڤه ل رۆژئاڤايێ مووسل كو دهڤهرێن بن كونترۆلا داعش هاتبوون.
ههر ئهڤى ژێدهرى يێ مالپهرێ ناڤبرى ناڤێ وى ئاشكهرا نهكرى دايه زانين ژى كو ئهڤ ههردو كهسه ل بازارێ پهزى ل عيازيه هاتينه دهستهسهركرن بهرى كو كريارا تيرۆرستى ئهنجام بدهن.
ئهڤرۆ نيوز:
وهزارهتا ئهوقافێ ل حوكمهتا ههرێما كورسدتانێ راگههاندنهك دهربارهى دياركرنا رۆژا ئێكێ يا جهژنا رهمهزانێ بهلاڤكر و راگههاند ئێڤاريا رۆژا دوشهمبى 4ى تيرمهها 2016ێ لژنا ديتنا ههيڤێ ل ههرێما كوردستانێ و ديوانا وهقفا سونى ل عيراقێ دێ بڕيارێ ل سهر رۆژا ئێكێ يا جهژنێ دهن.
مهريوان نهقشهبهندى، رێڤهبهرێ پهيوهنديێن وهزارهتا ئهوقاف و كاروبارێن ئاينى ل حوكمهتا ههرێما كوردستانێ راگههاندنهك بهلاڤكر و تێدا راگههاند كو لژنا بلندا ديتنا ههيڤێ ل ههرێما كوردستانێ ئێڤاريا ئهڤرۆ ل ديوانا وهزارهتێ دێ كۆم بيت و ههڤدهم دێ پهيوهنديێ دا بيت ل گهل ديوانا وهقفا سونى ل عيراقێ بۆ دياركرنا رۆژا ئێكێ ژ جهژنێ.
وهكو د راگههاندنێ دا ئاماژه پێ هاتيه كرن چهند تيمهكێن شارهزا ل جهێن جودا يێن هەولێر، گەرمیان، دهۆك، هەڵەبجە، سلێمانی، راپەڕین و باڵەكایەتی ب رهنگهكێ خۆبهخشانه دێ چاڤدێريا ديتنا ههيڤێ كهن و دێ د پهيوهنديێ دا بن ل گهل وهزارهتا ئهوقافێ.
هيڤى ژى ژ خهلكێ كوردستانێ كر كو ئهوێن د ڤى وارى دا د شارهزا، ئێڤاريا ئهڤرۆ رۆژا دوشهمبى چاڤدێريا ديتنا ههيڤێ بكهن و ههر كهسهكێ ههيڤ ديت دشێت پهيوهنديێ ب سهرۆكێ يهكهيا ئيدارى ل سنورێ خوه بكهت.
ئهڤه د دهمهكى دايه كو رهوانگهها ئيسلامى بۆ چاڤدێريا ههيڤێ راگههاند ئێڤاريا ئهڤرۆ رۆژا دوشهمبى 4ى تيرمهها 2016ێ دشيان دايه ههيڤا شهوالێ ب تهمامى ل وهلاتێن عهرهبى و چهند وهلاتێن رۆژههلاتى و ئاسيا و ئورۆپا ب چاڤ ببينن.
ئاماژه ب وێ چهندێ ژى كريه كو ئهڤرۆ رۆژا دوشهمبى دووماهى رۆژا ههيڤا رهمهزانێ يه و سوبههى رۆژا سێشهمبى رۆژا ئێكێ يا جهژنا رهمهزانا پيرۆزه.
ئهڤرۆ نيوز:
رهوانگهها ئيسلامى بۆ چاڤدێريا ههيڤێ رۆژا سێشهمبى 5ى تيرمههێ وهكو رۆژا ئێكێ يا جهژنا رهمهزانێ دياركر.
د راگههاندنهكێ دا رهوانگهها ئيسلامى بۆ چاڤدێريا ههيڤێ راگههاند ئێڤاريا ئهڤرۆ رۆژا دوشهمبى 4ى تيرمهها 2016ێ دشيان دايه ههيڤا شهوالێ ب تهمامى ل وهلاتێن عهرهبى و چهند وهلاتێن رۆژههلاتى و ئاسيا و ئورۆپا ب چاڤ ببينن.
ئاماژه ب وێ چهندێ ژى كريه كو ئهڤرۆ رۆژا دوشهمبى دووماهى رۆژا ههيڤا رهمهزانێ يه و سوبههى رۆژا سێشهمبى رۆژا ئێكێ يا جهژنا رهمهزانا پيرۆزه.
رهوانگهها ئيسلامى بۆ چاڤدێريا ههيڤێ پرۆژهكێ جيهانى يه و سهنتهرێ فهلهكى يێ جيهانى سهرپهرشتيا وێ دكهت و ل سالا 1998ێ هاتيه دامهزراندن و كهسێن شارهزا و بسپۆر د وارێ فهلهكى دا كار تێدا دكهن و ژبلى دياركرنا رۆژا جهژنێ رهوانگههـ دهمێن بانگان و قيبلێ ل جهێن جودا يێن جيهانێ ديار دكهت.
نيشاندان