NO IORG
نووترين نووچه
نووترين نووچه

ئه‌ڤرۆنیۆز، هه‌رهین محه‌مه‌د:
لیوا وه‌حید كوڤلى فه‌رماندێ هێزێن پێشمه‌رگێ كوردستانێ بۆ مالپه‌رى ئه‌ڤرۆنیۆز دیاركر كو ب چ ره‌نگان ئه‌و نه‌ ره‌ڤیه‌ و گۆت” ئه‌ز ل كوردستانێ نه‌ بوویمه‌ و ژبۆ چاره‌سه‌ریێ چوو بۆ مه‌ لبنانێ و ده‌مژمێر چارى ئێڤارى ئه‌ز گه‌هشتیمه‌ میحوه‌رێ تلسقوف و پشتى ئه‌ز گه‌هشتیمه‌ تلسقوف به‌رده‌رگه‌هێ لقێ چه‌كداره‌كێ داعه‌ش خوه‌ په‌قاند و دوى مه‌قه‌رى ڤه‌ دو چه‌كدارێن داعه‌ش ما بوونه‌ د وى مه‌قه‌رى ڤه‌ مه‌ ئه‌و چه‌كداره‌ كوشتینه‌.
گۆت:ئه‌ز سوزا شه‌ره‌فێ ده‌مه‌ خه‌لكێ كوردستانێ هه‌موو یێ وه‌حید كوڤلى نه‌ ئه‌و زه‌لامه‌ ب ره‌ڤیت و ئه‌ز ل كوردستانێ نه‌بووم ژبۆ چاره‌سه‌ریێ چوبۆمه‌ چاره‌سه‌ریێ و چه‌وا من زانیه‌ شه‌ر ده‌ست پى َكریه‌ ئه‌ز هاتیمه‌ و ئه‌و كه‌سێن ئه‌ڤ ده‌نگویه‌ به‌لاڤكرى په‌یجه‌كێ ئێكه‌تیان بوویه‌ و به‌لاڤكریه‌ و ئه‌و جهێ هێرش تێرا هاتى ره‌بیعه‌كا فه‌رماندێ سپیلكى بۆ ئه‌و هێرشا هاتى ژهێزا پێشمه‌رگه‌ى پتربوو چارده‌ هه‌مه‌رو شه‌فه‌ره‌ك هێرش كریه‌ ل سه‌ر پێشمه‌رگه‌ى.

گۆتژى: ئه‌ڤرۆ ل میحوه‌رێ تلسقوف هه‌تا سیه وئێك چه‌كدارێن داعش هاتینه‌ كوشتن شه‌ڤ ب سه‌ردا هاتیه‌ ، هه‌موو ده‌وروبه‌رو سه‌نگه‌ر مه‌ گرتینه‌ و ئه‌و سه‌نگه‌رێ  فه‌رمانده‌یێ سپیلكى به‌رداى ژى مه‌ هنده‌ك پێشمه‌رگه‌ فرێكرینه‌ وێرێ و نوكه‌ ئه‌ز ل سه‌ر هه‌موو (نوقته‌یان) دهێم و دچم .
وه‌حیدكوڤلى زێده‌تر گۆت: نوكه‌ ره‌وشا پێشمه‌رگه‌ى گه‌له‌ك یا باشه‌ هه‌موو سه‌نگه‌ر و ده‌وروبه‌رێن تلسقوف مه‌ گرتینه‌، لێ ئه‌و  چه‌كێ نوكه‌ ده‌ستێ پێشمه‌رگه‌ى دا یێ بێ سه‌روبه‌ره‌، لێ سوپاس بۆ خودێ هێزا تایبه‌ت هاتینه‌ وماموستا عه‌بدولخالق دو هه‌مه‌ر بۆ مه‌ فرێكرینه‌ د چه‌په‌راندا، محوه‌رێ تلسقوف نوكه‌ هه‌موو ده‌ستێ پێشمه‌رگه‌ى دایه‌

ئه‌ڤرۆ نیوز:
رۆژنامه‌كا ئه‌مریكى به‌لاڤكریه‌، هه‌كه‌ حه‌یده‌ر عه‌بادى سه‌رۆك وه‌زیرێن عیراقێ نه‌شێت ئه‌و ئالۆزیێن ل عیراقێ هه‌ین چاره‌ بكه‌ت، دڤێت باراك ئۆباما سه‌رۆكێ ئه‌مریكا بریاره‌كا ئێكلاكه‌ر بده‌ت.
رۆژناما واشنتۆن پۆست، د بابه‌ته‌كى دا به‌حسێ ئالۆزیێن ڤێ دووماهیێ یێن عیراقێ دكه‌ت و تێدا هاتیه‌، حوكمه‌ت ل عیراقێ نه‌مایه‌ و كه‌س خوه‌ ب كه‌سێ ناده‌ت و پێشبینیا جودابوونا هه‌رێمێن عیراقێ هاتیه‌ كرن و بۆچوونێن شاره‌زایان دئنینیت و وه‌سا دبینن گه‌له‌كا ب زه‌حمه‌ت عیراق ب ڤى ره‌نگێ نوكه‌ پێكڤه‌ بمینیت.
محه‌مه‌د خه‌دیرى كو د سالێن 2003 هه‌تا 2009 دا ل گه‌ل بالیۆز و فه‌رماندێن هێزێن ئه‌مریكا ل عیراقێ كار كریه‌، دبێژیت:(پێدڤیه‌ حوكمه‌تا ئه‌مریكا پتر هزر ل چاره‌سه‌ریا دابه‌شبوونا هه‌رێما بۆ عیراقێ بكه‌ت نه‌ حوكمه‌تا ناڤه‌ندى و داخواز ژى دكه‌ت حوكمه‌تا ئۆباماى ل گه‌ل سه‌ركردێن كورد و سوننه‌ و شیعه‌ جودا دانوستاندنان بكه‌ت و ب بریاره‌كا گه‌له‌كا رژد نه‌بیت ره‌وش چاره‌ نابیت).

ئه‌ڤرۆ نيوز:

رائيدێ مافپه‌روه‌ر، ئازاد تاها، به‌رپرسێ راگه‌هاندنێ ل رێڤه‌به‌ريا پۆليسێن هاتنوچوونا پارێزگه‌ها دهۆكێ بۆ ئه‌ڤرۆ نيوز گۆت: “ئه‌ڤرۆ رۆژا سێشه‌مبى رێكه‌فتى 3ى ئه‌يارا 2016ێ ل سه‌ر جادا سه‌ره‌كيا رۆڤيا بۆ ئاكرێ دو ترۆمبێلان لێكدا و د ئه‌نجام دا چار كه‌س بريندار بوون”.

13095842_2115683555237613_5297520220618057837_n 13102711_2115683571904278_3108947239683433064_n 13164286_2115683595237609_5045963230682016905_n

ئەڤرۆ نیوز، نەوزاد زادە ھلۆری:
بریکارێ بەرێ یێ وەزارەتا دارایی و ئابووری یا حکومەتا ھەرێما کوردستانێ لسەر دوسیا درۆستکرنا گومرکا حاجی ئومەران بو جارا دوویێ ل دادگەھێ بەرھەڤبوو و وەسا بریارە کو سوبەھی چوارشەمبی سێیەمین رونشتنا دادگەھێ لسەر دوسیا ناڤبری بھێتە ئەنجامدان و ب کەفالەتا 25 ملیون دیناران ھاتیە ئازادکرن.
ژێدەرەکێ ژ دەستەیا دەستپاکی یا ھەرێما کوردستانێ بۆ وشە دیاکر کۆ رەشید تاھر بریکارێ بەرێ یێ وەزارەتا دارایی و ئابووری یا حکومەتا ھەرێما کوردستانێ لسەر پرسا درۆستکرنا کومەلگەھا گومرکا حاجی ئومەران دێ ھێتە دادگەھکرن و سوبەھی سێشەمبی دێ رونشتنا داگەھێ بو دوسیا ناڤبری ھێتە ئەنجامدان.
ل گورەی زانیاریێن وشە بریکارێ وەزارەتا دارایی یا حکومەتا ھەرێما کوردستانێ کوژمێ دیارکریێ پارەی بو پرۆژەی ب کوژمەکێ زێدە خەملاندیە و دڤەکولینێ دا دەرکەفتیە کو ئەو بودجا بو درۆستکرنا ئاڤاھیێ گومرکا حاجی ئومەران درۆستکری زێدەتر ژ وێ یا کو د واقعی دا ئاڤاھی پێ ھاتیە درۆستکرن.
ژێدەرێ دەستپاکیێ زێدەتر گوت پروسەیا دادگەھکرنا وی یا بەردەوامە و دێ ب رژدی کار لسەر ھێتەکرن.
دڤی واریدا وشە پەیوەندی ب حاکم ئەحمەد ئەنوەر سەرۆکێ دەستەیا دەستپاکیێ یا ھەرێما کوردستانێ کر و ناڤبری گۆت د قوناغا نھادا ب باشی نزانین چوو ئاخفتنان لسەر ڤێ دوسیێ و دوسیێن دن بکەین ژبەرکو ئەڤ یەک کارتێکرنێ لسەر دەرئەنجامێن ڤەکولینێ دھێلیت.
جھێ ئاماژەکرنێ یە کو رەشید تاھر 15 سالان بریکارێ وەزارەتا دارایی و ئابووری یا حکومەتا ھەرێما کوردستانێ بوو.

ئه‌ڤرۆ نيوز:

سه‌ركرداتيا پارتى ديموكراتى كوردستان رۆژا پێنجشه‌مبى دێ كۆمبوونه‌كا گرنگ ب ئاماده‌بوونا مه‌سعود بارزانى سه‌رۆكێ وێ حزبێ ئه‌نجام ده‌ت و پرۆسا چاكسازيان و ژماره‌كا گورانكاريان ژى ئێخيته‌ به‌ر دانوستاندنێ.

ب گۆره‌ى پێزانينێن وشه‌ به‌لاڤكرين، رۆژا پێنجشه‌مبى رێكه‌فتى 5ى ئه‌يارا 2016ێ ل پيرمام، كۆمبوونا سه‌ركرداتيا پارتى دێ ب رێڤه‌ چيت و مه‌ره‌م پێ هه‌لسه‌نگاندنه‌ بۆ قووناغا چاكسازيان يا بارزانى ل 10ى شوباتا 2016ێ دا راگه‌هاندى.
هه‌ر د وێ كۆمبوونێ دا پارتى دێ به‌حس ل ژماره‌كا گوهۆڕينان كه‌ت و پێداچوونێ د هه‌يكه‌لێ حزبى يێ خوه‌ دا كه‌ت و دووماهى پێشهاتێن گوره‌پانا سياسى يا عيراقێ ژى گه‌نگه‌شه‌ كه‌ت.
مه‌سعود بارزانى سه‌رۆكێ هه‌رێما كوردستانێ ل 10ى شوباتا رابۆرى دو فايلێن چاكسازيێ بۆ حزب و حوكمه‌تێ راگه‌هاندن و خه‌لكێ كوردستانێ ژى ب هوورى يێ چاڤدێريا ئه‌نجامان دكه‌ت، هه‌تا نوكه‌ ژى ژماره‌ك ژ وان كه‌سێن گه‌نده‌ل راده‌ستى دادگه‌هێ كرينه‌.

وێنه‌: ئه‌رشيف

ئه‌ڤرۆ نيوز:

چه‌كدارێن داعش سپێده‌هيا ئه‌ڤرۆ رۆژا سێشه‌مبى رێكه‌فتى 3ى ئه‌يارا 2016ێ ژ چه‌ند ميحوه‌ران ڤه‌ هێرش كره‌ سه‌ر سه‌نگه‌رێن پێشمه‌رگه‌ى و ل باشيك دو خوه‌كۆژان خوه‌ ته‌قانديه‌ و ل ميحوه‌رێ حازر ژى زێده‌رى سێ ده‌مژمێرايه‌ شه‌ر يێ به‌رده‌وامه‌.

ژێده‌ره‌كى ژ هێزێن پێشمه‌رگه‌ى ل محيوه‌رێ خازر بۆ رووداو گۆت: “ژماره‌كا زۆر يا چه‌كدارێن داعش ل ده‌مژمێر 05:30 ده‌قيقه‌ هێرش كريه‌ سه‌ر سه‌نگه‌رێن پێشمه‌رگه‌ى و هه‌تا نوكه‌ ژى شه‌ر ل گۆندێ وه‌رده‌ك يێ به‌رده‌وامه‌”، دا زانين ژى كو داعش زيانێن هه‌ين، به‌لێ هێشتا نه‌هاتينه‌ زانين.

هه‌ڤده‌م ژێده‌ره‌كێ پێشمه‌رگه‌ى ل ميحوه‌رێ تلسقۆف راگه‌هاند: سپێده‌هيا ئه‌ڤرۆ چه‌كدارێن داعش ده‌ست ب تۆپباراتكرنا سه‌رنگه‌رێن پێشمه‌رگه‌ى كريه‌ و مه‌ ژى به‌رسڤا وان دايه‌”.

ب هه‌مان ره‌نگ ل ميحوه‌رێ باشيكێ ژى داعش هێرش كره‌ سه‌ر هێزێن پێشمه‌رگه‌ى و دو خوه‌كوژان ژى ل نێزيك سه‌نگه‌رێن پێشمه‌رگه‌ى خوه‌ په‌قاند.

ئه‌وى ژێده‌رى گۆتژى: “دو هه‌مه‌رێن مينرێژكريێن چه‌كدارێن داعش ل سه‌نگه‌رێن پێشمه‌رگه‌ى خوه‌ په‌قاند، به‌لێ چو پێشمه‌رگه‌ شه‌هيد و بريندار نه‌بووينه‌”.

ب گۆره‌ى پێزانيان داعش ل چيايێ باشيك ژ چار لايان ڤه‌ هێرشه‌كا به‌رفره‌هـ كريه‌ سه‌ر سه‌نگه‌رێن پێشمه‌رگه‌ى، به‌لێ ژ لايێ پێشمه‌رگه‌ى ڤه‌ به‌سينگێ وێ هاتيه‌ گرتن و شه‌ر يێ به‌ردوامه‌.

هه‌ر ب گۆره‌ى پێزانيان چه‌كدارێن داعش ل ميحوه‌رێ ناوه‌ران، بادۆش، گوێر و چه‌ند ميحوه‌رێن دى هێرش كريه‌ سه‌ر هێزێن پێشمه‌رگێ كوردستانێ.

ئەڤرۆ نيوز:
سکرتێرێ ئەنجومەنێ پارێزگەھا دھۆکێ دیار کر کو رۆژا چارشەمبیا بھێت رێکەفتی 4/5/2016 دەمژمێر 10 سپێدێ دێ رێڤەبەرێن پەیوەندیدار ب پلێتێن ئاھێن خوارنێ ل ئەنجومەنی بەرھەڤبن و ل دۆر ئاریشێن گرێدایی پلێتێن ئاھێن خوارنێ دانوستاندن و گەنگەشێ کەن.
عەبدولسەمەد تێلی کۆچەر سکرتێرێ ئەنجومەنێ پارێزگەھا دھۆکێ بۆ رۆژناما ئەڤرۆ خویا کر ژ بۆ بەرژەوەندیا گشتی و راوستیان ل سەر ئاریشێن گرێدای ب (پلێتێن ئاھێن خوارنێ ڤە) وەک ئەنجومەنێ پارێزگەھا دھۆکێ ب پێدڤی دیت رێڤەبەرێ رێکخستنا ئاھێن خوارنێ، رێڤەبەرێ گشتی یێ ئاھێن خوارنێ، رێڤەبەرێ کۆمپانیا گشتی یا دان و دکاکا، رێڤەبەرێ کۆمپانیا گشتی یا بازرگانی یا دانەوێلا و رێڤەبەریا کۆچ و کۆچبەران گازی بکەتە ئەنجومەنی و گۆت “دێ گەنگەشێ و دانوستاندن ل گەل ھێتەکرن ژبۆ دیتنا رێکێن گونجای بۆ نەھێلانا ئاریشێن گرێدایی پلێتێن ئاھێن خوارنێ”.
عەبدولسەمەد تێلی کۆچەر سکرتێرێ ئەنجومەنێ پارێزگەھا دھۆکێ گۆت ژی “ل ھەمان کۆمبوون دێ دانوستاندن ل دۆر بابەتێ پێشنیارا ناحیکرنا گوندێ (ئاسھێ) و کۆمەلگەھا (خانکێ) و پێداچوون ب بریارا پەسەندکرنا گوندێ (خەلانە) کو ببیتە ناحیە ھێتەکرن”.

ئه‌ڤرۆ نيوز:
بەری 24 سالان ئێکەم تەلەڤزیون ب ناڤێ خەبات کو نوکە بوویە دھۆک تیڤی ل باژێرێ دھۆکێ ھاتە دامەزراندن و ھەتا ئەڤرۆ د خزمەتا خەلکێ پارێزگەھا دھۆکێ دا یە و ب ڤێ ھەلکەفتێ د برۆسکەکا پیرۆزباھیێ دا نڤیسینگەھا جێگرێ سەرۆکێ پارتی دیمۆکراتی کوردستان 24 سالیا دامەزراندنا دھۆک تیڤی ل تەڤایا کارمەندان پیرۆزکریە.
د برۆسکا جێگرێ سەرۆکێ پارتی دیمۆکراتی کوردستان دا ھاتیە دھۆک تیڤی شانازیا وێ یەکێ ھەیە کو ئێکەم کەنالێ تەلەڤزیۆنی یێ پارتیا مەیە، ھەر د دەستپێکا دەست کارکرنێ دا و ھەتا نوکە ب جان و ورەیەکا پێشمەرگانە خزمەتا کوردستان و گەلێ مە و رێبازا پیرۆزا بارزانی دکەت ئەڤجا جھێ دەستخۆشی و رێزگرتنێ یە و ھیڤیا سەرکەفتنێن زێدەتر بۆ ھەوە دخوازین ل سەر رێبازا پیرۆز یا پارتی و بارزانیێ نەمر د خزمەتا خەلک و نەتەوەیا مە دا.
عەدنان یوسف، رێڤەبەرێ دھۆک تیڤی بۆ رۆژناما ئەڤرۆ گۆت: “ژ بەر قەیرانا دارایی و ئەو کاودانێن ب سەر مللەتێ مە دا ھاتین مە لبەر نینە ئەڤرۆ چو رێورەسمان ب ڤێ ھەلکەفتێ ب گێرین بتنێ پیرۆزباھیێ ل ھەموو بینەرێن دھۆک تیڤی دکەم و دبێژمێ چاڤەرێ نوویاتیان بن”.
ناڤبری ئاماژە دا وێ چەندێ کو ئەڤرۆ چو گوھۆرین د بەرنامێن دھۆک تیڤی دا ناھێنە کرن، چونکی ھەیڤا رەمەزانێ نێزیک بوویە و گوھۆرین ب خوە دێ ھێنەکرن، بەلێ پشتی ھەیڤا رەمەزانێ وان لبەرە چەندین گوھۆرینان بکەن و چەندین بەرنامێن نوو پێشکێش بکەن و گۆت: “ئاستەنگێن دھۆک تیڤی وەکو بەھراپتریا دەزگەھێن دی یێن راگەھاندنێ یە ل ھەرێما کوردستانێ و قەیرانا دارایی کارتێکرنەکا مەزن لێ کریە ب تایبەت ژ لایێ تەکنیکی ڤە و ئەم نەشیاینە بەردەوامیێ بدەینە تەکنولۆژیا نوو یا جیھانێ ژ بەر ڤێ چەندێ رەنگە ئەم ھەر د پاشڤەمای بین”.
رێڤەبەرێ دھۆک تیڤی دیار کر کو ھندەک کەنالێن دی یێن راگەھاندنێ یێن ھەرێما کوردستانێ ل خوە دگەریێن، بەلێ دھۆک تیڤی چوجاران ل خوە نەگەریایە و دیتن و بووچوونێن وێ د ئاشکرانە و بێ شەرم دبێژیت ئەز ب سەر لایەنەکێ سیاسی ڤە مە ئەو ژی پارتی دیمۆکراتی کوردستانە و گۆت: “ھەموو تەلەڤزیۆنێن پشتی دھۆک تیڤی ھاتینە ڤەکرن ل پارێزگەھا دھۆکێ خوە ل زارێ بەھدینی نەکریە خۆدان بتنێ دھۆک تیڤی ھەر وەکی خوە مایە و تاکە کەنالە ھەتا نوکە خوە ل زارێ ناڤھاتی کریە خودان و گرنگیەکا تایبەت دایە زارۆیان و ھەموو وارێن ژیانێ و بابەتێن نەتەوەیی و سیاسی و وەرزشی و تەرفیھی و وەرزشی د ناڤ دا ھەنە، بەلێ ھەتا نوکە ئەم سنوورێن خوە دزانین و مە سنوورێن خوە وەکو ھندەک تەلەڤزیۆنان خوە نەبەزاندینە”.
د لایەکێ دی دا عەدنانی خویاکر کو نوکە دھۆک تیڤی کەنالەکێ ئاسمانی یە ل سەر ھەیڤا دەستکرد NSS12 دھێتە پەخشکرن، بەلێ نەچوویە د نایلسات دا ژبەر ڤێ چەندێ خەلکەک دبێژیت نەبوویە کەنالەکێ ئاسمانی و گۆت: “مە دو جۆرێن راگەھاندنێ ھەنە یا لۆکال و یا جیھانی، بەلێ کەنالێن مە یێن ئاسمانی ھوسا ھزر دکەن کو راگەھاندنەکا جیھانی یە لێ ئەو ژی لۆکالن، چونکی پەیام و زمانێ وان یێ لۆکالە”.
ل دووماھیێ ناڤبری دیار کر کو 90% ژ کەنالێن راگەھاندنێ یێن ھەرێما کوردستانێ کادرێ دھۆک تیڤی د ناڤ دا کار دکەت و دھۆک تیڤی بوویە پەیمانگەھا پێگەھاندنا راگەھاندکاران و گۆت: “ئەم ھەست پێ دکەبن کو ب چوونا کادرێ مە بۆ دەزگەھێن دی یێن راگەھاندنێ کارتێکرنەکا مەزن یا ل مە دھێتەکرن ژ بەر ڤێ چەندێ پێدڤیە ئەم سیستەمەکی بدانین و ئەو کادرێ ئەم پێ بگەھینین نابیت ب کەیفا خوە بچیت ل کەنالەکێ دی کار بکەت و ھەکە ئەڤ پێنگاڤە بھێتە ھاڤێتن راگەھاندن دێ بیتە پیشەسازی ل ھەرێما کوردستانێ و ھەتا نەبیتە پیشەسازی راگەھاندکار بھایێ خوە نوزانیت”.

ئەڤرۆ نيوز:
بەرپرسێ نڤیسینگەھا فدراسیۆنا پەنابەرێن سەرانسەری عیراقێ ل ھەرێما کوردستانێ راگەھاند، مشەختبوون گەلەکا کێم بووی و خەلک یێ ژ وەلاتێن ئورۆپی ڤەدگەریێت و گۆت:(خەلکێ ھەرێما کوردستانێ ب چو رەنگەکی ل وەلاتێن ئورۆپا ناھێنە وەرگرتن و ئەڤ چەندە ل دەڤ وان یا ئێکلا بووی).
ئامانج عەبدولا دیار کر کو پشتی رێککەفتنا ئێکەتیا ئورۆپا کەیسا پەنابەریێ 70% یا کێم بووی و رێژا قوربانیان ژی یا کێم بووی و گۆت:(نوکە مشەختبوون گەلەکا ب زەحمەت کەفتی ب تایبەتی د رێیا تورکیا و یۆنانێ را، چونکو ئێکەتیا ئورۆپا داخوازا ژێ کری رێیێن قاچاغ بگرن).
ئامانج عەبدولا بۆ مالپەرێ فەرمی یێ پارتی دوپات ژی کر کو نوکە خەلکەکێ زۆر یێ ژ ئورۆپا دزڤڕیت، چونکو ژیان ل وێرێ گەلەکا ب زەحمەتە و ھەر نەچارن بزڤڕنە ڤە و وەسا وەسا نەبوو وەکو وان چاڤەرێ دکر.

ئه‌ڤرۆ نيوز:

ل دووڤ خه‌ملاندنێن ده‌ستپێكێ، ژ ئه‌گه‌رێ خه‌ملاندنا په‌رله‌مانێ عيراقێ ب بهايێ 69 مليون دولاران زيانێن مادى به‌ر ب ئاڤاهيێ په‌رله‌مانێ عيراقێ كه‌فتينه‌.

هه‌روه‌سا ئاشكرايه‌ كو په‌رله‌مانێ عيراقێ جهه‌كێ دى بۆ كومبوونا ئه‌ندامان ده‌ستنيشانكريه‌ هه‌تا كو په‌رله‌مانێ عيراقێ هولێن خوه‌ نووژه‌ن بكه‌ت.

 

 

website security
WP Facebook Auto Publish Powered By : XYZScripts.com