ئه‌ڤرۆ نيوز:
نورى بريمۆ، چاڤدێرێ سياسى و ئه‌ندامێ سه‌ركرداتيا پارتى ديموكراتى كوردستان- سوريا بۆ باسنيوز راگه‌هاند: “ب هه‌ڤكاريا كۆمارا ئيسلامى يا ئيرانى و نورى مالكى سه‌رۆكێ حزبا ده‌عوه، مه‌زنترين باره‌گايێ په‌يه‌دێ كو سه‌ر ب په‌كه‌كێ يه دێ ل به‌غدا هێته ڤه‌كرن”.
گۆتژى: “نورى مالكى سه‌رۆكێ حزبا ده‌عوه يا ئيسلامى، ئاماده‌يا خوه نيشادايه كو هه‌موو هاريكاريه‌كێ بده‌ته په‌يه‌دێ ژ روويێ مادى و مه‌عنه‌وى و بابه‌تێن دى ڤه”.
بريمۆى هوشدارى دا په‌يه‌دێ و گۆت: “په‌يه‌ده يا د ناڤ ياريه‌كا نێڤده‌وله‌تى يا مه‌ترسيدار”.
ئه‌ڤرۆ نيوز:
پۆليسێن وه‌لاتێ يونان راگه‌هاند كو گه‌شتيه‌كا دى يا ب 700 سه‌رنشين ڤه د ناڤ ده‌ريايێ دا شكه‌ست و نوكه وان يا ده‌ست ب پرۆسا رزگاركرنێ كرى.
پۆليسێن وه‌لاتێ يونان بۆ ده‌زگه‌هێن راگه‌هاندنا فره‌نسى گۆتيه كو گه‌شتيه‌كا دى يا ب 700 سه‌رنشين ڤه د ناڤ ده‌ريا سپى ناڤه‌راست دا شكه‌ست و نوكه وان يا ده‌ست ب پرۆسا رزگاركرنێ كرى.
رێكخراوان نێڤده‌وله‌تى يا په‌نابه‌ران ژى ئاماژه ب وێ چه‌ندێ دكه‌ت كو د وێ گه‌شتيێ دا 700 په‌نابه‌ر تێدا بوون و ل هيڤيێ بوون به‌ر ب ئورۆپا بچن.
رۆژناما گارديان ژى به‌لاڤكريه كو هه‌تا دوهى پۆليس شيابوون 340 كه‌سان ژ مرنێ رزگار بكه‌ن و كارێن لێگه‌ريانێ د به‌رده‌وام بوون.
ئه‌ڤرۆ نيوز:
وەزارەتا پەروەردێ یا حکومەتا ھەرێما کوردستانێ د روونکرنەکێ دا رەتکر بەرسڤا پرسیارێن پۆلا دۆازدێ ئامادەیی ھاتبنە ئاشکراکرن.
وەزارەتا پەروەردێ دیارکریە ئارمانج ژ ڤان جورە کارا تنێ بۆ کۆمکرنا پارەیە، قوتابی ژی دڤێت باوەر پێ نەکەن، چونکە ئەو بەرسڤێن بەلاڤ بووین پشتی ھاتینە بەراورد کرن چ ژ وان راست نینن، تنێ ل ڤێرە مەبەستا وان پارەیە.
ئه‌ڤرۆ نيوز:
چه‌كدارێن داعش ل هه‌ر دو ميحوه‌رێن باشيك و خازر هێرش كرنه سه‌ر سه‌نگه‌رێن پێشمه‌رگه و پێشمه‌رگه‌ى هێرشا وان تێكشكاند و پاشڤه‌برن.
شڤێدى ل ده‌مژمێر 12 شه‌ڤ ل گوندێن وه‌رده‌ك و چه‌ند جهێن دى ل ميحوه‌رێ خازر داعش هێرش كره سه‌ر سه‌نگه‌رێن پێشمه‌رگه‌ى، لێ هێرشا وان هاته شكاندن و پتر ژ 20 ته‌رم داعش دجهدا هێلان.
ئه‌ڤرۆ نيوز:
ئه‌ڤرۆ رۆژا پێنجشه‌مبى رێكه‌فتى 2ى تيرمه‌ها 2016ێ كۆمبوونا ئێكێ يا جڤاتا سه‌ركرداتيا ئێكگرتوو ئيسلامى كوردستان هاته ئه‌نجام دان و پشتى هه‌لبژارتن هاتينه كرن ئێكێ بادينى وه‌كو سه‌رۆكێ جڤاتا سه‌ركرداتيا وێ حزبێ هاته هه‌لبژارتن.
سه‌عيد عه‌لى عه‌بۆ، ئه‌ندامێ جڤاتا سه‌ركرداتيا ئێكگرتوو ئيسلامى كوردستان وه‌كو سه‌رۆكێ وێ جڤاتێ هاته هه‌لبژارتن پشتى د هه‌لبژارتنان دا شيايى زێده‌ترين رێژا ده‌نگدان ب ده‌ست خوه ڤه بينيت.
جڤاتا سه‌ركرداتيا ئێكگرتوو ئيسلامى كوردستان ژ 35 كه‌سان پێك دهێت و 11 ژ وان كه‌سان خه‌لكێ سنورێ پارێزگه‌ها دهۆكێ نه.
ئه‌ڤرۆ نيوز:
مه‌سرۆر بارزانى، شيره‌تكارێ جڤاتا ئاسايشا هه‌رێما كوردستانێ راگه‌هاند كو چو ئه‌گه‌ر نينن دا كو يه‌كينه‌يێن پاراستنا گه‌ل “يه‌په‌گه” رێگريێ ل هێزێن پێشمه‌گه‌يێ رۆژئاڤايێ كوردستانێ بكه‌ن كو ب هێزا رۆژ د به‌رنياسن، هه‌تا ڤه‌گه‌رنه رۆژئاڤايێ كوردستانێ.
د چارچۆڤێ چاڤپێكه‌فتنه‌كێ دا ل گه‌ل رۆژناما واشنتۆن پۆست يا ئه‌مريكى، شيرتكارێ جڤاتا ئاسايشا هه‌رێما كوردستانێ، رادگه‌هينيت كو ئه‌و ژى كوردن و دڤێت ڤه‌گه‌رنه ده‌ڤه‌رێن خوه و به‌ره‌ڤانيێ ژ وه‌لاتێ خوه بكه‌ن.
هه‌ر ديسا دبێژيت: “هه‌رێما كوردستانێ وه‌سان دبينيت كو ئه‌و هێز، هێزه‌كا ئاماده‌يه و يا باوه‌رپێكريه و دشيان دايه ئه‌مريكا پشت به‌ستنێ ل سه‌ر بكه‌ت و پشتبه‌ستنێ ل سه‌ر يه‌په‌گێ ب تنێ نه‌به‌ستيت بۆ به‌رسينگگرتنا داعش ل رۆژئاڤايێ كوردستانێ.
ئاماژه ب وێ چه‌ندێ ژى دكه‌ت كو هێزا رۆژ هێزه‌كا ئاماده‌يه و رێكوپێكه و په‌يوه‌ندى ب چ گرۆپه‌كێ گۆماناوى ڤه نينه.
ئەڤرۆ نیوز،زنار تۆڤی:
ئەڤرۆ پەرلەمانێ ئەلمانیا روونشتنا خوە گرێدا و د وێ روونشتنێ دا پەرلەمانێ ئەلمانیا قرکرن و ژناڤبرنا ئەرمەنان وەکە جینۆساید ناساند و ئە چەندە ل سالا 1915_1916 ل جەنگێ جیھانیێ ئێکێ ژلایێ دەولەتا ئۆسمانی ڤە ل تورکیا ھاتبووکرن،کو دوێ کومەلکۆژیێ دا تورکیا لدۆرێن ملیۆنەک و نیڤ ئەرمەنی کوشتبوون،ھەمی رەنگێن زۆرداریێ و تۆندیێ بەرامبەر ئەرمەنیان بکارئینابوون و ژ جە و وارێ وان یێ باب و کالان دەرێخست بوون و ئەرمەنی تەرابەرا کرن و ژ ھەمی تشتان بێ بەھرکربوون.
ئه‌ڤرۆ نيوز:
وه‌زاره‌تا سامانێن سرۆشتى ل حوكمه‌تا هه‌رێما كوردستانێ رێژا كۆژمێ داهات و رێژا هنارتنا په‌ترۆلێ دێ هه‌يڤا بۆرى دا به‌لاڤكر و هه‌ڤبه‌ركى ل گه‌ل هه‌يڤا بۆرى، داهات و هنارتنا په‌ترۆلا هه‌رێمێ زێده‌كريه.
ب گۆره‌ى ئامارا وه‌زاره‌تێ كو ئه‌ڤرۆ به‌لاڤكريه، د هه‌يڤا بۆرى دا 15 ملييۆن و 904 هزار و 271 به‌رميلێن په‌ترۆلێ هنارتينه كو دكه‌ته رۆژانه 513 هزار و 41 به‌رميل.
ئه‌ڤرۆ نيوز:
سه‌رۆكێ حوكمه‌تا هه‌رێما كوردستانێ راگه‌هاند: چو شاندێن حكومى ژ هه‌رێمێ بۆ چاره‌سه‌ركرنا كێشان ناچنه به‌غدا، ئه‌ڤه ژى د ده‌مه‌كى دايه كو سه‌رۆك وه‌زيرێن عيراقێ داخواز دكه‌ت شانده‌كێ حوكمى و سياسى ژ هه‌رێمێ سه‌ره‌دانا به‌غدا بكه‌ت.
د كۆنگره‌كێ رۆژنامه‌ڤانى دا كو ئه‌ڤرۆ ب هه‌لكه‌فتا ده‌سپێكرنا ئه‌زموونێن پۆلا 12 هاتبوو ئه‌نجام دان، نێچيرڤانب بارزانى سه‌رۆكێ حوكمه‌تا هه‌رێما كوردستانێ گۆت: “چو شاندێن حكومى ژ هه‌رێمێ بۆ چاره‌سه‌ركرنا كێشان ناچنه به‌غدا”.
ئه‌ڤ گۆتنێن سه‌رۆكێ حوكمه‌تێ د ده‌مه‌كى دانه كو د دووماهى كۆمبوونا خوه دا ل گه‌ل سه‌رۆكێن فراكسيۆنان، حه‌يده‌ر عه‌بادى داخواز كر كو شانده‌كێ حكومى سياسى يێ هه‌رێمێ سه‌ره‌دانا به‌غدا بكه‌ت.
نيشاندان