ئەڤرۆ نیوز، بیستێر حکمەت:
ل دیڤ چەند ژێدەرێن کەڤتینە بەر دەستێ مالپەرێ ئەڤرۆ نیوز کو راھێنەرێ ھەلبژارتیێ کوردستانێ پێکھاتیێ دووماھیێ یێ ھەلبژارتیێ کوردستانێ بۆ قارەمانیا کونیڤا یا ھەرێمان ئەوا بریارە ل ٢٨-٥-٢٠١٦ ل ھەرێما ئەبخازیا یا روسیا بھێـتەکرن ب پشکداریا ١٢ ھەلبژارتیێن سەربەخویا خوە نە وەرگرتی.
ئەو یاریکەرێن ھاتینە ھەلبژارتن کو ٩ یاریکەر ژ تیما ھەولێرێ یا خولا عیراقێ ھاتینە ھەلبژارتن و دو یاریکەر ژ یانا دھۆک و دو یاریکەر ژ تیما زاخۆ ھاتینە ھەلبژارتن ئەڤە ژی ئەو یاریکەرێن ھاتینە ھەلبژارتن.
١- جاسم محەمەد حاجی ٢- ھونەر ئەحمەد ژ یانا زاخو
٣- زنار فەیزی ٤- بەیار ابوبەکر ژ یانا دھوکێ
٥- سەرھەنگ محسن ٦- ئەیوب ئەیاد ٧- ئاراس کەلاری ٨- کامیران عەلی ژ یانا زێرەڤانی ٩- نیاز محەمەد ١٠- ھاورێ جەلال ١١- فەرھەنگ وریا ژ یانا پێشمەرگە ھەولێر
١٢- عەلی عەزیز ژ یانا ئارارات
١٣- میران خسرو ١٤- رێباز عبداللە ١٥- دیار رەحمان ١٦- فەرحان شکور ١٧- ھەردی سیامەند ژ یانا ھەولێرێ
١٨- رێکار ھاشم ١٩- کوسرەت بایز ژ یانا ھندرین
٢٠- ھاوکار لەتیف ژ یانا نەوروز
٢١- عبداللە کیفی ژ یانا کەرکوک
٢٢- محەمەد سابر ژ یانا شێروانە
٢٣-رێبوار نەجمەدین ژ برایەتی
راھیێنەرێ ھەلبژارتیێ کوردستانێ خسرو گورون ھاریکارێ راھێنەری خالد موسا و دارەوان قادر راھێنەرێ گولچیان فاخر عەلی
ئه‌ڤرۆ نیوز:
ئه‌ندازیارێ ناسیار، دانییێل لیبیزكیند، د كۆنفرانسه‌كی دا ل باژارێ سان فرانسیسكۆ یێ ئه‌مریكی، دیزایینا مۆزه‌خانا (كوردستان)ێ نیشان دا، كو دێ بیته سه‌ره‌كیترین جهـ بۆ نیشاندانا دیرۆك و كلتۆرێ كوردان ل كوردستانێ.
كۆمپانییا (RWF World) ب هه‌ڤكاری د گه‌ل حكومه‌تا هه‌رێما كوردستانێ، كار ل سه‌ر پرۆژه‌یێ دیزاینكرنا نه‌خشه‌یێ مۆزه‌خانه‌یه‌كێ ل هه‌رێما كوردستانێ كرییه.
مۆزه‌خانه‌یا كوردستان، دێ ل ره‌خ كه‌لها هه‌ولێرا پایته‌ختا هه‌رێما كوردستانێ، ل سه‌ر نێزیكی 14,000 مه‌ترێن چارگۆشه هێته دانان.
ل گۆری گۆتنا كۆمپانییا (RWF World) پرۆژه دێ پشتی كێمتربوونا گه‌فا داعشێ ده‌ست پێ كه‌ت، و ژبه‌ر ره‌وشا ئابۆرییا هه‌رێمێ، هه‌رێم داخوازا هاریكارییێن دارایی یێن ده‌ره‌كی بۆ ڤی پرۆژه‌ی دكه‌ت.
ئه‌ڤرۆ نيوز:
سه‌ليم جبۆرى سه‌رۆكێ جڤاتا نوونه‌رێن عيراقێ ئه‌ڤرۆ رۆژا سێشه‌مبى راگه‌هاند سيڤيێن كانديدێن كوتلێن سياسى ژ لايێ حه‌يده‌ر عه‌بادى ڤى راستى جڤاتێ هاتينه كرن.
جبۆرى د چارچۆڤێ كۆمبوونا ئه‌ڤرۆ يا جڤاتا نوونه‌رێن عيراقێ دا راگه‌هاند سيڤيێ وان كانديدێن كوتلێن سياسى راده‌ستى عه‌بادى كرين بۆ حوكمه‌تا ته‌كنوكرات، عه‌بادى راده‌ستى جڤاتا نوونه‌ران كرن.
داخواز ژى ژ عه‌بادى كر كو رۆژه‌كێ ديار بكه‌ت دا كو جڤاتا نوونه‌رێن عيراقێ ده‌نگى ل سه‌ر كانديدێن وان بده‌ت.
راده‌ستكرنا ئه‌وان ناڤان ژ لايێ عه‌بادى ڤه ب جڤاتا نوونه‌ران، پشتى وێ رێكه‌فتنا د ناڤبه‌را عه‌بادى و كوتلێن سياسى هات بۆ پێشكێشكرنا كانديدان دا كو جهێ وان كانديدان بگرن يێ ژ لايێ جڤاتا نوونه‌ران ڤه هاتينه ره‌تكرن.
ئه‌ڤرۆ نيوز:
مه‌سعود بارزانى سه‌رۆكێ هه‌رێما كوردستانێ و ژان ئيف لودريان، وه‌زيرێ به‌ره‌ڤانيا فره‌نسا و شانده‌كێ هه‌ڤال ل پيرمام يێ د كۆمبوونێ دا.
كۆمبوونا سه‌رۆكێ هه‌رێما كوردستانێ و وه‌زيرێ به‌ره‌ڤانيا فره‌نسا د ده‌مه‌كى دايه د شه‌ڤا بۆرى دا ژان ئيڤ لودريان ژ به‌غدا گه‌هشتيه هه‌ولێر و سپێده‌هيا رۆژا سێشه‌مبى ل گه‌ل نێيچيرڤان بارزانى يێ سه‌رۆك وه‌زيرێن هه‌رێما كوردستانێ ژى كۆمبووى.
ئەڤرۆ نیوز:
ئەندامەکا لیژنا ساخلەمیێ ل پەرلەمانێ کوردستانێ پلانەکا حوکمەتێ بۆ زێدەکرنا پارێ چارەسەریێ ل کەرتێ گشتی ئاشکرا دکەت و رادگەھینیت، ھندەک وەلاتی دنەخۆش نینن و سەرەدانا کەرتێ ساخلەمیێ دکەن، ژبەرکو پارەیەکێ رەمزی دھێتە وەرگرتن، پێشنیار ھاتیەکرن بھایێ پلێتێن نەخۆشخانا بھێتە بلندکرن.
ئاواز حەمید، ئەنداما لیژنا ساخلەمیی ل پەرلەمانێ کوردستانێ بۆ رۆژناما ئەڤرۆ گۆت “لیژنا ساخلەمی و ژینگە دگەل وەزارەتا ساخلەمی ل دۆر خزمەتگوزاریێن ساخلەمیێ ل کەرتێ گشتی کۆم بووینە و پێشنیارەک ھاتیەکرن، کو ل نەخۆشخانێن حوکمەتێ پارە ژ وەلاتیان بھێنە وەرگرتن وەکی وەلاتێن پێشکەفتی ھەمبەر ئەڤێ خزمەتا بۆ نەخۆشان دھێتەکرن، ژبەرکو ل کەرتێ گشتی چارەسەری بێ بەرامبەر وەکی پێدڤی خزمەتا نەخۆشان ناھێتەکرن و کاریگەری ھەبوویە ل سەر چارەسەرکرنا وەلاتیان، ھەتا وەلاتی ھەنە بوویە عادەتەک بۆ چارەسەریەکا زۆر ئاسایی سەرەدانا نەخۆشخانە و بنگەھێن ساخلەمیێ دکەن، رەنگە ھندەک ژ وانا ھەر نەخۆش ژی نەبن”.
ئاوازێ گۆت ژی “پێشنیار ئەوە کو پارەکێ رەمزی ژ نەخۆشان بھێتە وەرگرتن و د ھەمبەر دا پشکنینێن باش بۆ بھێنەکرن، بۆ نموونە وەلاتی ھەیە دێ چیتە نەخۆشخانێ پشکنینا گشتی کەت بێی چ نەخۆشی ھەبن، ئەڤ پشکنینە ل کەرتێ تایبەت ھەتا پێنجی ھزار دینارانە، د ھەمان دەم دا ل حوکمەتێ ب 500 دینارانە”.
ئەڤرۆ نيوز:
نوونەرێ کوردێن ئێزدی ل پەرلەمانێ کوردستانێ دیار کر کو پەکەکە بەردەوام د ناڤ کەمپان و ل سەر چیایێ شنگالێ ژی کار بۆ خاپاندنا کۆر و کچێن ئێزدی دکەت و ب زۆری دبەتە د ناڤ رێزێن خوە دا و بۆ بەرژەوەندیێن خوە بکار دئینن و دبێژیت: “بناڤێ ھاریکاریکرنا خەلکێ شنگالێ، پەکەکە باجێ ژ کوردێن ئێزدی وەردگریت، لەو جوداھی د ناڤبەرا پەکەکێ و داعشێ دا نینە، بۆ وێ زۆرداریا ل کوردێن ئێزدی دکەن”.
شێخ شامۆ، نوونەرێ کوردێن ئێزدی ل پەرلەمانێ کوردستانێ خویا ژی کر، پەکەکە و ئەوێن پشتەڤانیا وێ دکەن، بەردەوام کار بۆ تێکدانا رەوشا شنگالێ دکەن و گۆت: “بەری دەمەکی، پەکەکێ ل کەمپا چەممشکۆ یا دکەڤیتە سنوورێ قەزا زاخۆ، دو سنێلێن ژییێ وان 13 سال کو خەلکێ شنگالێ نە سەردا برینە و ب زۆری بۆ سەربازگەھێن خوە ڤەگوھاستینە، ئەڤە ژی بوویە جھێ نەرازیبوونا خەلکێ دەڤەرێ، ل دووڤ قانوونا پەکەکێ ژی، ھەردەمێ وان بڤێت ڤەگەرنە ناڤ کەسوکارێن خوە دا دێ ھێنە کۆشتن، لەو جوداھی د ناڤبەرا پەکەکێ و داعشێ دا نینە، بۆ وێ زۆرداریا ل کوردێن ئێزدی دکەن”.
گۆتژی: “پەکەکە بەردەوام د ناڤ کەمپان دا، ھەروەسا ل سەر چیایێ شنگالێ ژی کار بۆ خاپاندنا کۆر و کچێن ئێزدی دکەت و ب زۆری دبەنە ناڤ رێزێن خوە، ڤێ چەندێ ژی بۆ مەرەمێن خوە دکەن، پەکەکێ دڤێت کۆر و کچێن ئێزدی بکەڤنە چیایێن کوردستانێ و بۆ بەرژەوەندیێن خوە بکاربینن”.
شێخ شامۆ ئاماژە ب وێ چەندێ ژی کر، پەکەکە باجێ ژ کوردێن ئێزدی وەردگریت و گۆتیە خەلکی، ئەوە ب وی پارەی ھاریکاریا کوردێن ئیزدی یێن ل شنگالێ دکەن و گۆت: “ھەتا نوکە ژ بلی ئالۆزی و دوبەرەکی و تێکدانێ، پەکەکێ دینارەک ژی ھاریکاریا خەلکێ شنگالێ نەکریە”.
ئه‌ڤرۆ نيوز:
حسێن جابر ئەنساری پەیڤدارێ وەزارەتا دەرڤە یا ئیرانێ راگەھاند کو کاروانێ ئێکێ یێ موشەکێن (س ٣٠٠) یێن روسیا گەھشتنە ئیرانێ کو ئەڤ موشەکە وەک موشەکێن گەلەک پێشکەفتی نە و وەک موشەکێن بەرگیریا ئەسمانی دھێنە نیاسین و گۆت: (دەمەک درێژە ئەم چاڤەرێی گەھشتنا وان موشەکان بووین، لێ ژ بەر ھندەک ئالۆزیان و گەفێن ئەمریکا گەھشتنا وان گیرو بوو بەس نھا ئەو موشەک گەھشتنە ئیرانێ و ئەم چاڤەرێ دکەین کو د دەمەکێ کورت کاروانەکێ دی ژی بگەھیتە دەستێ مە).
پەیڤدارێ وەزارەتا دەرڤە یا ئیرانێ ئەو یەک ژی دیار کر کو گرێبەستا کرینا وان موشەکان ل سالا ٢٠٠٧ ھاتیە ئیمزا کرن و ئیرانێ پارێن وان موشەکان ژی داینە و گەھشتنا وان د دەمەکێ وەسا دا کو رەوشا رۆژھەلاتا ناڤین گەلەک ئالۆزە بۆ بەرەڤانیا وەلاتێ مە گەلەک گرنگە.
ل ئالیێ دی وەزارەتا دەرڤە یا ئەمریکا د داخۆیانیەکێ دا نەرازیبوونا خوە ل ھەمبەر ھنارتنا موشەکان بۆ ئیرانێ دیار کر و راگەھاند کو ھێشتا سزایێن ل سەر ئیرانێ ب تەمامی نەھاتنە راکرن و دڤێت روسیا پێگریێ ب رێککەڤتنا ل گەل ئیرانێ بکەت و ھنارتنا وان موشەکان بۆ ئیرانێ دێ کاریگەریەکا خراب ل سەر رەوشا دەڤەرێ بکەت، چونکو پرانیا وەلاتێن رۆژھەلاتا ناڤین ئیرانێ وەک مەترسیەکا مەزن بۆ خوە دبینن و ھەتا رەوشا دەڤەرێ ئاسایی نەبیت نابیت روسیا چەکێن وەسا بدەتە ئیرانێ.
نيشاندان