ئه‌ڤرۆ نيوز:
شاهـ سه‌لمان عه‌بدولعه‌زيز، شاهێ سعوديێ ب سه‌ره‌دانه‌كا فه‌رمى گه‌هشته توركيا.
پشتى سه‌ره‌دانا چه‌ند رۆژێن بۆرى بۆ قاهيره پايته‌ختێ مسرێ، شاهێ سعوديێ ئێڤاريا ئه‌ڤرۆ رۆژا ئێكشه‌مبى 11ى نيسانا 2016ێ گه‌هشته ئه‌نقه‌ره يا پايته‌ختێ توركيا.
بڕياره سوبه‌هى رۆژا دوشه‌مبى 11ى نيسانا 2016ێ شاهـ سه‌لمان عه‌بدولعه‌زيز ل گه‌ل ره‌جه‌ب ته‌يب ئه‌ردوگان يێ سه‌رۆك كۆمارێ توركيا كۆم ببيت.
ئه‌ڤرۆ نيوز:
سێ خوكوژان ئه‌ڤرۆ رۆژا دوشه‌مبى رێكه‌فتى 11ى نيسانا 2016ێ ل هه‌رێما ستاڤرۆپۆل ل رۆسيا خوه په‌قاند.
ب گۆره‌ى ئاژانسا نووچێن ئيته‌رفاكس يا رۆسى “سێ خوه‌كوژان ل هه‌رێما ستاڤرۆپۆل ل باشوورێ رۆژئاڤايێ رووسيا خوه په‌قاند” هێرش ژى بۆ سه‌ر بنگه‌هێ پۆليسان ل ده‌ڤه‌را ستراڤۆپۆل بوو.
ئه‌ڤرۆ نيوز:
جێگرێ سکرتێرێ ئێکەتیا مامۆستایێن کوردستانێ بۆ رۆژناما ئەڤرۆ دیار کر کو ژ بەر کاودانێن نوکە کوردستان تێدا دبۆریت و ئەو شەڕێ ل سەر مللەتێ مە ھاتیە سەپاند، مامۆستا نەشێن کۆنگرێ خوە ب گێرن و رەنگە بھێتە پاشخستن.
ئەحمەد گەرمیانی، جیگرێ سکرتێرێ ئێکەتیا مامۆستایێن کوردستانێ بۆ رۆژناما ئەڤرۆ ئاشکرا کر کو خول ئەڤ جارە یا ماموستایان ب دووماھی ھاتیە، بەلێ ژبەر کاودانێن ب سەر مللەتێ مەدا ھاتین و قەیرانا دارایی نەشێن کۆنگرەیی بگێرین و گۆت: “چو راستی بۆ پاشخستنا ئەزموونان نینە و ئەزمونێن دووماھیا سالێ دێ د دەمێ خوە دا ھێنەکرن”.
ناڤبری گۆت: ” ێداچوون د مووچێ مامۆستان دا ناھێتەکرن، چونکی ئەم ھاتینە ئاگەھدارکرن ھەر پێداچوونەکا د مووچەیێ مامۆستایان دا بھێتەکرن دێ ل دووڤ داھاتی بیت و ل دووڤ پێزانینێن مە داھاتێ مە ھەر وەک خوە یە و زێدەنەبوویە”.
ئەڤرۆ نيوز:
ئەیاد عەلاوی سەرۆکێ تەڤگەرا ویفاقا نیشتمانی ل عیراقێ راگەھاند: حوکمەتا تەکنوکراتا عیراقێ جورەکە ژ سەردابرنا خەلکی و خوەڤەدزینا بەرپرسانە ژ گەندەلیێ. نەوەکو مەرەم پێ ئەوە ژیانا خەلکی خوەش بکەن.
عەلاوی زێدەتر گۆت” ئەوێن دبێژن کابینا عەبادی یا نوویە، وەسا نینە، ژبەر کو دێ کابینەکا دووبارەکری بیت و ھەموو کارەکتەرێن ل سیاسەت و دەستھەلاتا عیراقێ دووبارەنە، لەوما ئەز چو جارا نەیێ بەرھەڤم بێژمێ کابینا تەکنوکرات و نوو”.
عەولای دیارکر ژی پێدڤیە سیستەمێ برێڤەبرنێ و گوھۆرینێن ڕیشالی ل عیراقێ بھێنە کرن، نەوەکو گوھۆرینا وەزیرەکی یان کەسایەتیەکی بۆ پوستەکێ دی.
ئه‌ڤرۆ نيوز:
وه‌زاره‌تا دارايى و ئابوورى ل حوكمه‌تا هه‌رێما كوردستانێ راگه‌هاند كو ئه‌ڤرۆ رۆژا دوشه‌مبى 11ى نيسانا 2016ێ دێ ده‌ست ب به‌لاڤكرنا مووچێ هه‌يڤا ئادارێ هێته كرن.
وه‌زاره‌تا دارايى ئابوورى ل حوكمه‌تا هه‌رێما كوردستانێ ل رۆژا پێنجشه‌مبى رێكه‌فتى 7ى نيسانا 2016ێ راگه‌هاند: رۆژا دوشه‌مبى رێكه‌فتى 11ى نيسانا 2016ێ دێ ده‌ست ب به‌لاڤكرنا مووچێ هه‌يڤا ئادارێ يێ وزاره‌تا پێشمه‌رگه‌ى هێته كرن.
ئه‌ڤرۆ نيوز:
ل باژارێ ئيستانبول، سه‌رۆك كۆمارێ توركيا ره‌جه‌ب ته‌يب ئه‌ردوگان پێشوازى ل سه‌رۆكێ حوكمه‌تا هه‌رێما كوردستانێ نێچيرڤان بارزانى كر.
ل دووڤ ژێده‌رێن ده‌نگوباسێن توركى، كومبوون ل كوچكا ته‌رابيه هاتيه ئه‌نجامدان و پێشهاتێن ڤێ دووماهيێ و بابه‌تێن ئه‌منى و پرسا داعش و په‌كه‌كێ دانوستاندن ل سه‌ر هاتيه كرن.
ئەڤرۆ نیۆز، قائید میرۆ:
ژبەر تێکچوونا رەوشا دەروونیا گەنجەکێ نێزیک تۆمەتبارێن شەھیدکرنا فەرەیدوون جوانڕۆیی ئەڤرۆ خوە بدارڤەکرو دوماھی ب ژیانا خوە ئینا.
ژێدەرەکێ ئاگەھدار ب ئەڤرۆ نیۆز راگەھاند” پشتی دادگەھا ھەولێرێ ب تۆمەتا کوشتنا فەرەیدوون جوانڕۆیی ئەندامێ مەکتەبا سیاسیا پارتی سزایێ بدارڤەکرنێ بۆ شەش تۆمەتبارێن روویدانێ دەرکری ئەڤرۆ کەسەکێ نێزیک تۆمەتبارا خوە بدارڤەکر.
ژێدەری کو نەڤیا ناڤێ وی بھێتە بەلافکرن گۆتژی” ئەڤرۆ وەکی کارڤەدانەک گەنجەکێ نێزیک ئەڤێ مالباتێ بناڤێ دەشتی عادل ل قەزا خەبات بدوماھی ب ژیانا خوە ئینا و خوە خەندقاند.
ئەڤرۆ نیۆز، قائید میرۆ
ل رۆژئاڤایێ قەزا مەخموور سوپایێ عێراقێ ھێرشەکا تیرۆرستێن داعش تێکشکاند و سەرکردەیەکێ گروپا داعش ژی ھاتیە کوشتن.
رەشاد گەلالی، بەرپرسێ کۆمیتەیا مەخموور یا ئێکەتیێ ب ئەڤرۆ نیۆز راگەھاند” ئەڤرۆ ل گوندەکێ نێزیک ناحیا گەیارە یا رۆژئاڤایێ قەزا مەخموور بەرپرسەکێ بلندێ گروپا تیرۆرستیا داعش بناڤێ فازل بەدر بەرپرسێ ئاسایشا داعش ل دەڤەرێ یە و د شەڕەکی دا ھاتیە کوشتن.
ژلایەکێ دیڤە ژێدەرەکێ ئاگەھدار ل قەزا مەخموور ب ئەڤرۆ نیۆز راگەھاند” شەڤا بۆری تیرۆرستێن داعش ل گوندێ خڕە بەردان یێ نێزیک مەخموور چەکدارێن داعش ھێرشی سەر سوپایێ عێراقێ کر و ھێرشا وان ھاتیە شکاندن .
ئه‌ڤرۆ نيوز:
شانده‌كێ هه‌رێما كوردستانێ ب سه‌رۆكاتيا قوباد ته‌له‌بانى جێگرێ سه‌رۆكێ سه‌رۆكێ حوكمه‌تێ به‌ر ب وه‌لاتێ ئه‌مريكا ب رێ كه‌فتن و بڕياره چه‌ندين كۆمبوونان ل گه‌ل به‌رپرسێن حكومى يێن ئه‌مريكى ب مه‌ره‌ما دابينكرنا چه‌ك و ته‌قه‌مه‌نى و هاريكاريێن داراى ئه‌نجام بده‌ن.
ب گۆره‌ى ئه‌و پێزانينێن به‌لاڤ بووين، ژبلى جێگرێ سه‌رۆكێ حوكمه‌تێ هه‌رێێك ژ كه‌ريم شنگالى وه‌زيرێ ناڤخۆ و وه‌زيرێ پێشمه‌رگه ب وه‌كاله‌ت و فه‌لاح مسته‌فا به‌رپرسێ فه‌رمانگه‌ها په‌يوه‌نديێن ژ ده‌رڤه ل حوكمه‌تا هه‌رێما كوردستانێ يێ ل گه‌ل وى شاندى.
بڕياره پشتى ب دووماهى هاتنێ ژ كۆمبوونێن ئه‌مريكا شاندێ هه‌رێما كوردستانێ بۆ هه‌مان مه‌ره‌م سه‌ره‌دانا چه‌ند وه‌لاتێن ئورۆپى ژى بكه‌ن.
ئەڤرۆ نیۆز، قائید میرۆ:
بەرپرسەکێ وەزارەتا ئەوقاف و کاروبارێن ئاینی دیارکر، کو ھژمارا چەکدارێن داعش یێن کورد زۆر کێمبووینە و نوکە ئەمیرێن داعش چاڤدێری ئێخستیە سەر چەکدارێن خوە یێن کورد.
مەریوان نەقشبەندی، بەرپرسێ پەیوەندیێن وەزارەتا ئەوقافا ھەرێمێ ب ئەڤرۆ نیۆز راگەھاند” ژبەرکێمبوونا ھژمارا چەکدارێن کورد دناڤا رێزێن گروپا تیرۆرستیا داعش، نوکە داعش چاڤدێری ئێخستیە سەر چەکدارێن خوە یێن کورد و وەک بەرێ باوەری ب چەکدارێن کورد نەمایە.
نەقشبەندی گۆتژی” داعش دو رێک داناینە بۆ چەکدارێن کورد، یان دڤێت ھێرشی سەر چەپەرێن پێشمەرگە و یەپەگێ بکەن و خوە بپەقینن، یانژی دڤێت ببنە سەر بڕێن گروپا تیرۆرستیا داعش و لبەر چاڤێن کامیرێ سەرێ وان کەسا ببڕن یێن داعش بڕیارێ بۆدە دکەت.
نيشاندان