ئه‌ڤرۆ نيوز:
سه‌عيد محه‌مه‌د مه‌سيفى په‌رله‌مانتارێ فراكسيونا كه‌سك ل په‌رله‌مانێ كوردستانێ دياركر كو دهى ئه‌و ل گه قوباد تاله‌بانى جێگرێ سه‌رۆكێ حكومه‌تێ كومبوون بۆ زانينا ئه‌گه‌رێ بريارا حوكمه‌تى بۆ پاشخستنا مووچێ پێشمه‌رگێن كێم ئه‌ندام و زيندى، ژبه‌ر كو پێشمه‌رگێن كێم ئه‌ندام و زيندى سه‌ر ب وه‌زاره‌تا پێشمه‌رگه‌ڤه‌نه، به‌لێ قوباد تاله‌بانى گوت، حوكمه‌تێ برياردايه ژبلى پێشمه‌رگێن ل به‌رۆكێن شه‌رى، سه‌رجه‌م موچه‌خورێن هه‌رێمێ مووچێ وان بهێته پاشخستن.
ئه‌ڤرۆ نيوز:
پشکا سامانێ ماسیان ل رێڤەبەریا سامانێ گیانەوەری یا سەر ب رێڤەبەریا گشتی یا چاندنێ ڤە ل پارێزگەھا دھۆکێ د نڤیسارەکێ دا کو دانەک بۆ رۆژناما ئەڤرۆ ھنارتیە، تێدا دیار کریە، گرتنا ماسیان ھەر ژ سوبەھی و ھەتا دو ھەیڤێن دی، ب ھەموو رەنگەکی قەدەغەیە.
د وێ نڤیسارێ دا ئاماژە ب وێ چەندێ ژی کریە، د وەرزێ زاوزێ یێ ماسیان دا بۆ سالا 2016 بڕیار ھاتە دان کو گرتنا ماسیان ھەر ژ 1/4 ھەتا 30/6/2016 ب ھەموو رەنگەکێ نەقانوونی یێن وەکو تۆرێن ھوور، کارەبێ، ماددێن ژەھراوی و تەقەمەنیان بھێتە قەدەغەکرن و ھەر کەسێ سەرپێچیێ بکەت دێ ھێتە سزا دان.
خویا ژی کریە، مەرەما وان ژ ڤێ بڕیارێ پاراستنا سامانێ ماسیانە ل پارێزگەھێ.
ئه‌ڤرۆ نيوز:
قاسم سوله‌يمانى فه‌رمانده‌يێ فه‌يله‌قا قودس يا سۆپايێ پاسدارێن ئيرانێ ب سه‌رۆكاتيا شانده‌كێ بلندێ ئيرانێ سپێده‌هيا ئه‌ڤرۆ زوو ژ سوريا گه‌هشتيه به‌غدا پايته‌ختێ عيراقێ.
ب گۆره‌ى ژێده‌ره‌ێن ده‌نگوباسان سوله‌يمانى ل گه‌ل هه‌ر ئێك ژ نوركى مالكى سه‌رۆكێ حزبا ده‌عوه و هادى عامرى و سه‌ركردێن حه‌شه‌د شه‌عبى كۆمبوويه و مه‌ره‌م ب سه‌ره‌دانا وى پاراستنا به‌رژه‌وه‌نديێن ئيرانێ يه ل عيراقێ.
قاسم سوله‌يمانى يێ ب كه‌سێ ئێكێ يێ ئيرانێ ل عيراقێ دهێته هژمارتن ل به‌ره سه‌ره‌دانا هه‌رێما كوردستانێ ژى بكه‌ت بۆ گه‌نگه‌شه‌كرنا وێ ره‌وشا نوكه ل ده‌ڤه‌رێ هه‌ى.
ب گۆره‌ى زانياريێن ل به‌ر ده‌ست ژ به‌ر ئه‌و ئالۆزيێن هه‌ين، نورى مالكى ژ به‌غدا ره‌ڤى بوو و به‌ر ب نه‌جه‌ف چووبوو، به‌لێ پشتى هاتنا سوله‌يمانى ئه‌و ژى ڤه‌گه‌ريا به‌غدا ژ بوو پشكداريكرنێ د وێ كۆمبوونا ل ده‌ڤه‌را جادريه ل به‌غدا هاتيه ئه‌نجام دان.
ئه‌ڤرۆ نيوز:
چه‌نده‌كێ به‌رى نوكه كۆمبوونا جڤاتا نوونه‌رێن عيراقێ ده‌سپێكر ئه‌وا بۆ ماوه‌كى هاتيه پاخشتن ژ ئه‌گه‌رێ ته‌مام نه‌بوونا رێژا قانوونى يا نوونه‌ران.
كارنامێ جڤاتا نوونه‌ران يێ ئه‌ڤرۆ رۆژا پێنجشه‌مبى رێكه‌فتى 31ى ئادارا 2016ێ مێڤانداريكرنا سه‌رۆك وه‌زيرێن عيراقێ حه‌يده‌ر عه‌بادى يه ژ بۆ ئه‌نجامدانا گورانكاريێن به‌رچاڤ.
بڕياره ل پشتى نيڤرۆ حه‌يده‌ر عه‌بادى سه‌رۆك وه‌زيرێن عيراقێ بگه‌هيته جڤاتا نوونه‌رێن عيراقێ بۆ پێشكێشكرنا ناڤێن كانديدێن وه‌زارى.
هه‌تا نوكه ژى يا ديار نينه كا كيش ليست و هه‌ڤپه‌يمانيێن ناڤا جڤاتا نوونه‌رێن عيراقێ دێ پشته‌ڤانيا حوكمه‌تا عه‌بادى يا ب ناڤ ته‌كنوكرات كه‌ن.
ئه‌ڤرۆ نيوز:
رێڤه‌به‌ريا كه‌شناسى و بيڤه‌له‌رزێ ل دهۆكێ راگه‌هاند كو سوبه‌هى رۆژا ئه‌ينى رێكه‌فتى 1ى نيسانا 2016ێ هنده‌ك ئه‌ورێن كێم دێ ل ئه‌سمانى هه‌بن و هنده‌ك جاران ئه‌ڤ ئه‌وره دێ پيچه‌ك زێده هه‌بن.
پشكا پێشبينيان ل رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ د نڤيساره‌كێ دا كو دانه‌ك بۆ ئه‌ڤرۆ نيوز ره‌وانه كرينه راگه‌هاند كو ژ ئه‌نجامێ فشارێن بلندێن وه‌لاتێ توركيا بۆ سه‌ر هه‌رێما كوردستانێ دهێته پێشبينيكرن هنده‌ك ئه‌ورێن كێم دێ ل ئه‌سمانى هه‌بن و هنده‌ك جاران ئه‌ڤ ئه‌وره دێ پيچه‌ك زێده هه‌بن.
پشكا پێشبينيان دايه زايه زانين كو دێ ئاراستێ باى ژى دێ باكوورێ رۆژهه‌لات بيت ب ره‌نگه‌كى د ناڤبه‌را 5 هه‌تا 10كم دا و هنده‌ك و ماوێ ديتنێ ژى دێ 10كم بيت، پلێن گه‌رمێ ژى دێ د ناڤبه‌را (6 بۆ 16) پلان دا بيت.
ئەڤرۆ نیوز ، مەحمود نھێلی
ھەڤال موحەمەد شەریف رێڤەبەرێ ناحیا چەمانکێ بۆ ئەڤرۆ نیوز خویاکر، کو ئەڤرۆ ل دەمژمێر 10 بۆ 11 بەری نیڤرۆ چەندین فرۆکەیێن تورکیا بوردومانا ئاقارێ گوندێ کانی مازێ یێ سەر ب ناحیا چەمانکی کریە و گۆت: ( دڤێ بوردومانێ دا کو بو ماوێ ئێک دمژمێریا بەردەوام بوو ئاقارێ گوندی ناڤبری ب دژواری ھاتیە بوردومانکرن و زیانێن مالی یێن زور گەھاندینە دەرامەت و ئاقارێ وەلاتیان)
ناڤبری ئاشکراکر ژ بەر کو نھا ژ وەلاتی ل وی گوندی نین و یێ چولە سوپاس بۆ خودێ چ زیانێن گیانی نەبووینە.
ئەڤرۆ نيوز:
=ھاریکارێ ئەمیندارێ گشتیێ ئێکگرتوو ئیسلامی کوردستان دبێژیت، کورد ھەموو تشتەک ل گەل عیراقێ قەبوولکر بۆ وێ چەندێ ھەپشکیا ڕاستەقینە ل وی وەلاتی پەیدا ببیت، بەلێ دەرکەڤت ئەوا ناڤێ وێ ھەڤپشکی، ل عیراقێ نینە.
محەمەد ئەحمەد ھاریکارێ ئەمیندارێ گشتیێ ئێکگرتوو ئیسلامی کوردستان بۆ مالپەرێ فەرمیێ پارتی گۆت” حوکمەتا عیراقێ دەلیڤە بۆ باوەریێ نەھێلایە، ھەڤپشکیەک نەمایە کو خەلکێ کوردستانێ وەکو نەتەوێ دویێ ل ڤی وەلاتی دلێ وی پێ خوەش بیت، نوکە ژی جۆرەکێ بێ منەتیێ و حیساب بۆ نەکرنا خواستێن گەلێ کوردستانێ ل بەغدا دھێتە ئاراستەکرن”.
محەمەد ئەحمەد گۆت ژی” مە ل دەستپێکێ یا گۆتی، کەنگی ھوون پێگیر بن ب دستووری و ھەڤپشکیا ڕاستەقینە و دیموکراتیێ و تەوافوقا سیاسی، مە لاری بوون نینە کو پێکڤە کاربکەین، بەلێ دەمێ ھوون پێگیر نەبن، مافێ مەیە ژی پارێزگاریێ ل مافێن خوە و دەستکەفتێن خوە بکەین بۆ پاراستنا ئەمن و ئاسایشێ و پرۆسا سیاسی”.
ھاریکارێ ئەمیندارێ گشتیێ ئێکگرتوو دبێژیت” د عیراقێ دا نەکو ھەڤپشکی نەمایە، بەلکو ھەڤپشکی ھەر نەبوو، بەلێ مە دگۆت بلا ل گەل بەغدا دەلیڤە ھەبن و ئاخڤتنێن دەولەتان نەھێنە سەر کوردان، ھەکە نە پشتی ژناڤچوونا (سەدام) ی، ھەموو تشتێن مە ل گەل عیراقێ یێ جودابوو، بەلێ ئەم ب حەزا خوە چووین و ل گەل عیراقێ دا مە حوکمەتەک پێکئینا، چونکی مە گۆت بلا نەبێژنە مە کو کورد ژ دەستپێکێ ئەگەرێ پارچەبوونا عیراقێ بوون، بەلێ نوکە ئەڤە ب ڕۆھن و ئاشکرایی یا دیارە کا چاوان ڕەفتارێ دگەل مەدا دکەن”.
ئەڤرۆ نيوز:
سیاسەتمەدار و ئەندامێ بەرێ یێ پەرلەمانێ عیراقێ راگەھاند، پێدڤیە حکومەتا ھەرێمێ و ئالیێن سیاسی بۆ ئەنجامدانا ریفراندۆمێ دەست ب دانوستاندنان ل گەل وەلاتێن دەڤەرێ بکەن و گۆت:( پێدڤیە ھەرێم ب ھووری ل گەل عیراقێ دانوستاندنان بکەت و پشتەڤانیا نەتەوێن ئێکگرتی و وەلاتێن زلھێز بدەستڤە بینیت داکو چاڤدێرییا پرۆسێ بکەن).
مەحموود ئوسمانی ئاماژە ب وێ چەندێ ژی کرریە کو ریفراندۆم کارەکێ نەتەوەیە و دبێژیت:(پێدڤیە ھەموو ئالی کار بۆ بکەن و ل دەستپێکێ پەرلەمانی کارا بکەن و قانوونەکێ دەربێخن و ل گەل حوکمەتێ پێدڤیێن کۆمسیۆنێ دابین بکەن و لژنەکا دانوستاندنان پێکبینن و دەست ب بزاڤێن رژد بکەت بۆ ئەنجامدانا ریفراندۆمێ).
ئەڤرۆ نيوز:
بڕیارە ئەڤرۆ حەیدەر عەبادی، سەرۆک وەزیرێن عیراقێ کابینا خوە یا نوو ئاراستەی پەرلەمانێ عیراقێ بکەت.
ئارام شێخ محەمەد جێگرێ سەرۆکێ پەرلەمانێ عیراقێ پشتی شڤێدی ل گەل سەرۆک کۆمارێ عیراقێ کۆمبووی دیارکر کو دێ گوھۆرین د نەە وەزارەتان دا ھێنە کرن و چو گوھۆرینا بھێتە کرن دڤێت رازیبوونا کوتلێن پەرلەمانی ل سەر بیت و سەبارەت گوھۆرینا ھشار زێباری، ھێشتا دانوستاندن د بەردەوامن و ئێکلا نەبوویە.
ژ ئالیێ خوە ڤە، موسەنا ئەمین ئەندامێ پەرلەمانێ عیراقێ راگەھاند کو حوکمەتا تەکنوکرات کو دێ ل ژێر فشارا موقتەدا سەدر ھێتە راگەھاندن کێشێن عیراقێ چارە ناکەت و دڤێت ئوپوزسیونەکا بھێز د پرۆسەیا سیاسی یا عیراقێ دا ھەبیت.
کوردان سێ وەزارەت د حوکمەتا عەبادی دا ھەنە، وەزارەتا دارایی و رەوشەنبیری و کوچ و کوچبەران.
ئه‌ڤرۆ نیوز:
بڕیاره ئه‌ڤرۆ حه‌یده‌ر عه‌بادى، سه‌رۆك وه‌زیرێن عیراقێ كابینا خوه یا نوو ئاراسته‌ى په‌رله‌مانێ عیراقێ بكه‌ت.
ئارام شێخ محه‌مه‌د جێگرێ سه‌رۆكێ په‌رله‌مانێ عیراقێ پشتى شێڤدى ل گه‌ل سه‌رۆك كۆمارێ عیراقێ كۆمبووى دیاركر كو دێ گوهۆرین د نه‌ه وه‌زاره‌تان دا هێته كرن و چ گوهۆرینان بهێته كرن دڤێت رازیبوونا كوتلێن په‌رله‌مانى ل سه‌ر بیت و سه‌باره‌ت گوهۆرینا هشار زێبارى، هێشتا دانوستاندن د به‌رده‌وامن و ئێكلانه‌بوویه.
ژ ئالیێ خوه‌ڤه، موسه‌نا ئه‌مین ئه‌ندامێ په‌رله‌مانێ عیراقێ راگه‌هاند كو حكومه‌تا ته‌كنوكرات كو دێ ل ژێر فشارا موقته‌دا سه‌در دێ هێته راگه‌هاندن كێشێن عیراقێ چاره ناكه‌ت و دڤێت ئوپوزسیونه‌كا بهێز د پروسه‌یا سیاسى یا عیراقێ دا هه‌بیت.
كوردان سێ وه‌زاره‌ت د حكومه‌تا عه‌بادى دا هه‌نه، وه‌زاره‌تا دارایى و ره‌وشه‌نبیرى و كوچ و كوچبه‌ران.
نيشاندان