ئه‌ڤرۆ نيوز:
وه‌زاره‌تا دارايى و ئابوورى ئه‌ڤرۆ راگه‌هاند كو رۆژا سێشه‌مبى دێ ده‌ست ب به‌لاڤكرنا مووچێ وه‌زاره‌تا پێشمه‌رگه‌ى هێته كرن.
مووچه هات
نووترين نووچه
- سەرۆك بارزانی و نێچیرڤان بارزانی و مەسرور بارزانی سەرەخوەشیێ ل عەلی سیستانی دكەن
- سەرۆكێ هەرێمێ ل گەل پاتریارك و مەترانێن كەنیسەیا رۆژهەلاتی یا ئاشۆری كۆمبوو
- سەرۆكێ حوكمەتا هەرێمێ: دخوازین هەڤبەندییان ل گەل بەنگلادێشی ب هێز بكەین
- بابەكر زێباری: ل دووماهییا سالا بهێت هەرێما كوردستانێ دێ بیتە خودانا ئێك هێزا پێشمەرگەی
- رێككەفتنا هەرێمێ و بەغدا دێ بیتە بناغە بۆ قانوونا بودجەیا ئیراقێ
- شیرەتكارەكێ سوودانی: رێككەفتنا سێقۆلی دێ كێشەیا مووچەی ب ئێكجاری چارەسەر كەت
- مخابن دەستهەلاتدارێن ئیراقێ پێگیری ب دەستوور و رێككەفتنان نەبوون
- چاڤەڕێ دكەین ل 48 ساتێن بهێن پەترۆلا هەرێمێ بهێتە هنارتن
- وەزارەتا سامانێن سروشتی: چاڤەڕێی ئیمزایا وەزارەتا پەترۆلا فیدرالینە بۆ هنارتنا پەترۆلێ
- دێ رۆژەك هێت ب شانازی ڤە كورد گەهنە مافێن خوە یێن رەوا و كار ب ئەنجامێن ریفڕاندۆمێ هێتەكرن
سه‌ره‌كى نووترين نووچه
لژنەکا بلند پێداچوونێ ل سەر مووچێ زێرەڤانێن تایبەت دکەت
ئه‌ڤرۆ نيوز:
جێگرێ سەرۆکێ لژنا ناڤخوە یا پەرلەمانێ کوردستانێ ڕاگەھاند، ژ لایێ وەزارەتا ناڤخوە پێداچوون ل سەر مووچێ زێرەڤانێن تایبەت دھێتەکرن و دوبارە دێ رێژا بڕینا مووچێ وان دێ ھێتە دیارکرن ڤە، گۆت: ئاریشا گیرۆبوونا مووچێ زێرەڤانان دێ ب دووماھی ھێت.
نازم کەبیر، جێگرێ سەرۆکێ لژنا ناڤخوە یا پەرلەمانێ کوردستانێ بۆ رۆژناما ئەڤرۆ گۆت: “پشتی کێمکرنا مووچێ فەرمانبەران، رێژەکا زۆر ل مووچێ زێرەڤانێن تایبەت ژی ھاتیە بڕین، کو بوویە جھێ دلگرانیا ئەڤان زێرەڤانێن تایبەت، ھژمارەکا زۆرا خەلکی کارێ وان زێرەڤانن و ژ بەرکو ئەڤە بادەکەکا ئەمنیە ناخوازم ھژمارا وان ئاشکرا بکەم، بەلێ پشتی گازندێن زێرەڤانێن تایبەت، مە وەکی لژنا ناڤخوە دەست ب دووڤچوونێ کریە و نوکە ژ لایێ وەزارەتا ناڤخوە ھاتیە پێکئینان بۆ پێداچوونێ ل سەر مووچێ زێرەڤانێن تایبەت و کارکرن تێدا یێ بەردەوامە”.
کەبیری ئاماژە ب وێ چەندێ ژی کر، ل گورەی زانیاریێن گەھشتینە وان، لژنا بلند کار ل سەر راستڤەکرنا مووچێ زێرەڤانان دکەت و بڕیارە د دەمەکێ نێزیک دا پێداچوون ب دووماھی بھێت و مووچێ وانژی بھێتە راستڤەکرن و گۆت: “ھێشتا بڕیارا دووماھیێ ل سەر مووچێ وان نەھاتیە دان، کانێ دێ رێژا بڕینا مووچێ زێرەڤانێن تایبەت چاوا بیت، ب تنێ ئەوێن مووچێ وان گەلەک ژێ دھاتە بڕین و دێ ژ نوکە باشتر بیت، ئەڤەژی ئەگەربوو مووچێ وان یێ ھەیڤانە گیرۆ ببیت، ئەگەر ڕاستڤەکرن ب دووماھی بھێت، ئاریشا گیرۆبوونا مووچێ وانژی دێ ھێتە چارەسەرکرن”.
كۆنگرێ ئاكه‌پێ يێ نه‌ئاسايى ده‌سپێكر
رێڤەبەرەک سەرا دیار نەبوونا مووچێ ساخلەمیێ ھاتە دەستەسەرکرن
ئەڤرۆ نيوز:
سەرۆکێ کوتلا برایەتی و پێکڤەژیانێ ل جڤاتا پارێزگەھا نەینەوا دیار کر کو لژنەک بۆ ئاشکراکرنا چارەنڤیسێ مووچێ کارمەندێن ساخلەمیا نەینەوا ژ جڤاتا پاریزگەھێ و ساخلەمیا نەینەوا ھاتە پێکئینان، رێڤەبەرێ ساخلەمیا نەینەوا د. خالد ئەلبەیاتی سەرا دیار نەبوونا مووچێ کارمەندێن ساخلەمیێ یێن دو ھەیڤێن ئەڤ سالە ھاتە دەستەسەرکرن و نوکە ل بەغدا ڤەکۆلین ل گەل دھێتەکرن.
سەیدۆ چەتۆ، سەرۆکێ کوتلا برایەتی و پێکڤەژیانێ ل جڤاتا پارێزگەھا نەینەوا ئاشکرا کر کو د. خالد ئەلبەیاتی ژ بەر دیارنەبوونا مووچێ ساخلەمیا نەینەوا ھاتیە دەستەسەرکرن چوونکو ئیمزا د. خالدی سەر چەکێ مووچێ کارمەندێن ساخلەمیێ بوو، و گۆت: “ڤەکۆلین ل سەر دوسەیا دیارنەبوونا مووچێ ساخلەمیێ یا بەردەوامە و ھێشتا دادگەھا فیدرالی چو بریارێن دووماھیێ ل سەر چارەنڤیسێ مووچێ کارمەندێن ساخلەمیێ نەدایە”.
ناڤبری ئەو ژی دیار کر کو پشتی ڤەکۆلین ل سەر دیار نەبوونا مووچێ ساخلەمیێ ھاتیەکرن شەش ملیار دینار ل بەنکا رەشید ل بەغدا ئاشکرا بووینە و ھێشتا کۆژمێ پتر ژ پێنج ملیار دیناران دیار نینن، حوکمەتا عیراقێ ب رێیا کۆمپانیەکێ کۆژمێ 11 ملیار و 400 ملیۆن دیناران مووچێ کارمەندێن ساخلەمیا نەینەوا رەوانەی ھەرێمێ کربوون، لێ ئەو کۆمپانیا ئەڤ کۆژمێ پارەی ئینای دیار نەبوو، و ب ڤی رەنگی مووچێ کارمەندێن ساخلەمیێ یێن ھەیڤا ئیک و دو ژ ئەڤ سالە بەرزە بوویە.
سەیدۆ جەتۆ گۆت: “بۆ دووڤچوونا ڤی بابەتی لژنەک ژ جڤاتا پارێزگەھا نەینەوا و ساخلەمیا نەینەوا ھاتیەپێکئینان بۆ دروستکرنا گڤاشتنێ ل سەر بەغدا بۆ ب دەستڤەئینانا مووچێ کارمەندێن ساخلەمیێ، لێ ھیشتا چو بریارێن دووماھیێ ل سەر ئاشکرابوونا چارەنڤیسێ مووچێ ھەیڤا ئیک و دو یێن بەرزەبووین نەھاتینەدان و بزاڤێن ساخلەمیا نەینەوا و جڤاتا پارێزگەھا نەینەوا ل گەل د. فارس بریفکانی سەرۆکێ لژنا ساخلەمیێ و ژینگەھا پەرلەمانێ عیراقێ بەردەوامن بۆ دیتنا رێیێن چارەسەریێ بۆ ب دەستڤەئینانا مووچێ کارمەندێن ساخلەمیێ”.
گۆتژی: “ئەم ھەموو کارمەندێن خوە پشتراست دکەین، ئەو مووچێ ھاتیە دزین دێ بۆ ھێتە ڤەگەراندن”.
ل ھەرێمێ پتری دو ھزار داخوازکری ب ئازادی ھاتنوچوونێ دکەن
ئەڤرۆ نيوز:
ل ھەرێما کوردستانێ فەرمانا دەستەسەرکرنێ بۆ دو ھزار و 273 کەسان دەرکەفتیە، لێ ژ بەر ئەگەرێن جودا جودا نەھاتینە دەستەسەرکرن، رێکخراوەکا مافێ مرۆڤی ژی ھێزێن ئێمناھیێ د ڤی واری دا ب خەمسار ددەتە دیارکرن.
رێڤەبەرێ گشتی یێ پۆلیسێن ھەرێما کوردستانێ، دەربارەی دەستەسەرنەکرنا وان گۆت: “پتریا ئەو کەسێن فەرمانا دەستەسەرکرنا وان دەرکەفتی و ھەتا نوکە نەھاتینە دەستەسەرکرن، خوە ڤەشارتینە یان چووینە دەرڤەی ھەرێما کوردستانێ”.
ل دووڤ ئامارەکا رێڤەبەریا گشتی یا پۆلیسێن ھەرێما کوردستانێ، ب تنێ د چار ھەیڤێن ئێکێ یێن ئەڤ سالە دا، ل سەر ئارێشێن جودا جودا یێن مەز و بچووک، فەرمانا دەستەسەرکرنێ بۆ پێنج ھزار و 63 کەسان دەرکەفتیە، لێ ژ وان ب تنێ دو ھزار و 790 کەس ھاتینە دەستەسەرکرن و دو ھزار و 273 کەس ژی سەرەرای دەرکەفتنا فەرمانا دەستەسەرکرنا وان، لێ ھەتا نوکە نەھاتینە دەستەسەرکرن.
د ڤی واری دا، لیوا عەبدوللا خەیلانی، رێڤەبەرێ گشتی یێ پۆلیسێن ھەرێما کوردستانێ بۆ رووداو ئاشکرا کر، بۆ دەستەسەرکرنا وان کەسێن ھەتا نوکە نەھاتینە دەستەسەرکرن، بزاڤێن وان دبەردەوامن و گۆت: “پتریا ئەوێن ھەتا نوکە نەھاتینە دەستەسەرکرن، خوە ڤەشارتینە یان چووینە دەرڤەی ھەرێما کوردستانێ، لێ ئەم ل سەر دەستەسەرکرنا وان دبەردەوامین”.
محەمەد مەعروف، ژ رێکخراوا گەشەپێدانا دیموکراسیێ و مافێ مرۆڤی خویا کر، ئامارا دەستەسەرنەکرنا تۆمەتباران سال بۆ سالێ بەر ب زێدەبوونێ دچیت ل ھەرێما کوردستانێ.
چار وەزیر بۆ بەلاڤکرنا زەڤیان ھاتنە راسپاردەکرن
ئەڤرۆ نيوز:
ئەندامەکێ لژنا باژێرڤانیان ل پەرلەمانێ کوردستانێ ئاشکرا کر ناڤێن وەجبا ئێکێ یا فەرمانبەران دگەل لیستا ناڤێن کۆمەلا بارەڤانیکەر ژ مافێن کرێچیان ل جڤاتا وەزیران بۆ وەزارەتا باژێرڤانیان ھاتینە رەوانەکرن و گۆت: “بۆ ڤی بابەتی لژنەک دێ ژ چار وەزیران ھێتە پێکئینان”.
د. سیراج خەیلانی، ئەندامێ لژنا باژێرڤانیان ل پەرلەمانێ کوردستانێ ئاشکرا کر کو ئەو ناڤێن واجبا ئێکێ یێن بۆ وەزارەتا باژێرڤانیێ ب مەرەما پێدانا پارچە زەڤیان ھاتینە رەوانەکرن ھەروەسا ئەو ناڤێن ژ لایێ کۆمەلا بارەڤانیکەر ژ مافێن کرێچیان ژی ڤە بۆ وەزارەتا ناڤھاتی ھاتینە رەوانەکرن ھەموو یێن گەھشتینە دەستێ لژنا تایبەتمەندا وەزارەتا باژێرڤانیێ و ھاتینە ڤاڤارتن و بۆ مالپەرێ فەرمی یێ پارتی دیمۆکراتی کوردستان گۆت: “لیستە ھاتینە ئامادەکرن و نوکە د گەل 25 رێنمایان بۆ سەرۆکاتیا جڤاتا وەزیران ھاتینە رەوانەکرن داکو بڕیارێ ل سەر بھێتەدان”.
ناڤبری ئاماژە دا وێ چەندێ کو گەلەک دەم بۆ ڤاڤارتنا ناڤان دڤێت دا کو بزانن کا رێنما ژێ دگرن یان نە، بەلێ سەرەرایی ڤێ چەندێ پێنگاڤێن باش ھاتینە ھاڤێتن.
ئێكه‌م سه‌ره‌دانا ئێكه‌تیێ و گۆڕان دێ بۆ لایێ پارتى بیت
ئه‌ڤرۆ نیوز:
بێگه‌رد تاله‌بانى ئه‌نداما سه‌ركردایه‌تیا ئێكه‌تیێ و سه‌رۆكا فراكسیونا وێ حزبێ ل په‌رله‌مانێ كوردستانێ دیاركر كو ئێكه‌م سه‌ره‌دانا گۆڕان و ئێكه‌تیێ دێ بۆ لایێ پارتى بیت و گۆت: ره‌نگڤه‌دانا پارتى ل دۆر رێككه‌فتنا بزاڤا گۆران و ئێكه‌تیا نیشتمانیا كوردستان یا دژوار و بله‌ز بوو، ژبه‌ر كو مه‌ره‌م ژ رێككه‌فتنا ئێكه‌تیێ ل گه‌ل گۆران ئه‌و بوویه كو ره‌وشا هه‌لاویستى یا سیاسى یا هه‌رێما كوردستانێ چاره ببیت”.
ئێكه‌تى دێ خوه ژ حوكمه‌تێ ڤه‌كێشيت
ئه‌ڤرۆ نيوز:
بزاڤا گۆڕان دانوستاندنێ ل سه‌ر پرسا كاراكرنا په‌رله‌مان و حوكمه‌تا هه‌رێمێ دكه‌ت و د ئه‌گه‌رێ كاراكرنا وى ژى دا ژ لايێ پارتى ديموكراتى كوردستان، گۆڕان هه‌لبژارتنا خوه ڤه‌كێشانێ ژ حوكمه‌تێ دئێخيته به‌ر سينگێ ئێكه‌تى نشتيمانى كوردستان.
ب گۆره‌ى ئه‌و پێزانينێن راديۆيا ناڤخۆ ژ زارێ ژێده‌ره‌كێ ناڤا بزاڤا گۆڕان به‌لاڤكرين، د ئه‌گه‌رێ رازينه‌بوونا پارتى ديموكراتى كوردستان دا ب كاراكرنا په‌رله‌مان و حوكمه‌تا هه‌رێمێ، بزاڤا گۆڕان هه‌لبژارتيا خوه‌ڤه‌كێشانا ئێكه‌تيێ ژ حوكمه‌تێ خستيه به‌ر سينگێ مه‌كته‌با سياسى يا ئێكه‌تيێ.
ئه‌وى ژێده‌رێ به‌حس ل وێ چه‌ندێ ژى كريه كو د ده‌مه‌كێ نێزيك دا، دێ بزاڤێن كاراكرنا په‌رله‌مان و حوكمه‌تێ ده‌ستپێكه‌ن.
قادر ره‌زگه‌ى ئه‌ندامێ په‌رله‌مانێ كوردستانێ ژى دبێژيت: “پرسا ڤه‌كێشان ژ حوكمه‌تێ دێ دووماهى هه‌لبژارتن بيت، هه‌كه پارتى هه‌موو ده‌رگه‌هان ل سه‌ر سينگێ ئێكه‌تى و گۆڕان و هه‌موو لايه‌نێن دى دا بگريت”.
زێده‌تر گۆت: “هه‌كه ئێخستنا كابينا حوكمه‌تێ بۆ مه‌ره‌ما هه‌لبژارتنێن پێشوه‌خت بيت، تشته‌كێ ئاسايى يه، به‌لێ هه‌كه ڤه‌كێشان بۆ دروستكرنا دو ئيداره‌يێ بيت، ئه‌م وه‌كو ئێكه‌تى دێ دژى وێ چه‌ندێ راوه‌ستين و ره‌تدكه‌ين”.
دووماهى ئامارا بريندارێن خۆنيشاندانێن به‌غدا هاته راگه‌هاندن
ئه‌ڤرۆ نيوز:
ب گۆره‌ى به‌ياننامه‌كا نڤيسينگه‌ها رۆژنامه‌ڤانى يا سه‌رۆك وه‌زيرێن عيراقێ، حه‌يده‌ر عه‌بادى، د چارچۆڤێ سه‌ره‌دانه‌كا مه‌يدانى دا، شه‌ڤا بۆرى سه‌ره‌دانا چه‌ند ده‌ڤه‌ره‌كێن باژێرێ به‌غدا دا و پاشان ل گه‌ل فه‌رماندێ هێزێن هه‌ڤپشك كۆم بوو.
عه‌بادى ته‌كست ل سه‌ر وێ چه‌ندێ كر كو بزاڤ و كارێ باش بهێته كرن د پێناڤى پاراستنا ئاسايشا گشتى و به‌رسينگگرتن ل هه‌ر كرياره‌كا تێكده‌رانه ل گه‌ل وێ چه‌ندێ بڕيار ژى دا هاتنوچوون ل سه‌ر باژێرێ به‌غدا بهێته هه‌لگرتن و رێيێن ژ ناڤ دا و ده‌رڤه بهێنه ڤه‌كرن.
ده‌رباره‌ى دووماهى ئامارێن روودانان ژى نه‌خۆشخانا ره‌سافه يا به‌غدا ئاماژه ب وێ چه‌ندێ كريه كو ئه‌و كه‌سێن ژ ئه‌گه‌رێ خوه‌نيشاندانێن دوهى بريندار بووين، ژ 500 كه‌سان بۆرينه و چه‌ند ژێده‌ره‌كێن ئاگه‌هدار ئه‌و چه‌نده ژى دايه زانين كو ژماره‌كا برينداران ژ هێزێن ئه‌منى نه.
پارتى يا ئاماده نينه ل گه‌ل گۆڕان و ئێكه‌تيێ پێكڤه كۆم بيت
ئه‌ڤرۆ نيوز:
پارتى ديموكراتى كوردستان دڤێت جودا دانوستاندنێ ل گه‌ل بزاڤا گۆڕان و ئێكه‌تى نشتيمانى كوردستان بكه‌ت و ئێكه‌تى ژى يا ئاماده‌يه بێ گۆڕان دانوستاندنێ ل گه‌ل پارتى بكه‌ت.
هێمن هه‌وارمى، ئه‌ندامێ سه‌ركراتيا پارتى ديموكراتى كوردستان بۆ باسنيز گۆت: “پارتى ديموكراتى كوردستان بڕيارا وێ چه‌ندێ دايه كو ب جودا ل گه‌ل بزاڤا گۆڕان و ئێكه‌تيێ كۆم بيت، نه ل گه‌ل ئه‌وێ كۆميتا به‌حس لێ دكه‌ن و پێكڤه دانوستاندنێ بكه‌ن”.
گۆتژى: “بزاڤا گۆڕان دڤێت ب رێيا ئه‌جنيدا تايبه‌ت خوه، ده‌نگو گرانيا ئێكه‌تيێ بۆ خوه ب كار بينيت، ژ به‌ر هندێ پارتى يا د وێ ياريێ گه‌هشتى”.
ب گۆره‌ى پێزانينێن باسنيوز ئێكه‌تى نشتيمانى كوردستان، ل گه‌ل بزاڤا گۆڕان د ڤێ ده‌ربارێ دا دانوستاندن كرينه، هه‌تا نوكه به‌رى سه‌ره‌دانا پارتى بكه‌ن، سه‌ره‌دانا هه‌موو لايه‌نێن كوردستانى بكه‌ن و پاشان هه‌كه پارتى ل سه‌ر وێ داخوازيا خوه به‌رده‌وام بوو، كێشا نابيت و دێ جودا ل گه‌ل پارتى كۆم بن.
د وێ ده‌ربارێ ژى دا عه‌دنانێ حه‌مه‌يێ مينا، ئه‌ندامێ سه‌ركرداتيا ئێكه‌تى نشتيمانى كوردستان بۆ باسنيوز گۆت: “ئێكه‌تى د پێناڤى فه‌رقراركرنا ئاشتيا سياسى دا ل كوردستانێ كێشه‌يا كۆمبوونێ ل گه‌ل چو لايه‌نێن سياسى دا نينه”.
نيشاندان
WP Facebook Auto Publish Powered By : XYZScripts.com