ئەڤرۆ نیوز:
عەلی ئەکبەر ویلایەتی شیرەتکارێ سەرۆکێ ئایینی یێ ئیرانێ د پرێس کۆنفرانسەکێ دا راگەھاند کو روسیا و ئیران دەمەکە سەبارەت ب پاشەرۆژا ھەرێما رۆژھەلاتا ناڤین دانوستاندنان دکەن و بەرنامەکا ھەڤپشک د ناڤبەرا مە دا ھاتیە دروست کرن، ژ بەر ھندێ ژی ئەم رێ نادەین کو سعوودیێ ل یەمەنێ دەستھەلاتا خوە ئاڤا کەت و ھەروەسا ئالۆزیێن ناڤخوەیی یێن ل سووریێ ژی بەرفرەھتر کەت و ژ بەر ھندێ ئەم دێ دەستێوەردانێ د رەوشا یەمەنێ دا کەین.
پشتی داخۆیانیا عەلی ئەکبەر ولایەتی پرانیا دەزگەھێن راگەھاندنا ئیرانێ دیار کرن کو دەمەک بەری نھا ولایەتی سەرەدانا روسیا کربوو و چەند رۆژان ل وی وەلاتی بوو و ل گەل بەرپرسێن روسیایێ سەبارەت ب پاشەرۆژا رۆژھەلاتا ناڤین و ھەلویستێ ئیرانێ و روسیا بریارێن گرنگ ھاتنە وەرگرتن و ل گۆر وێ یەکێ ئیران دێ ب ھاریکاریا روسیا ھێرشی یەمەنێ کەت و ناھێلیت کو ھێزێن یەمەنی یێن کو ب پشتەڤانیا سعوودیێ ب ھێز دکەڤن دەستھەلاتا خوە ل سەر وی وەلاتی دروست کەن.
دەزگەھێن راگەھاندنا ئیرانێ ھەروەسا دیار دکەن ژی روسیا و ئیرانێ دڤێت ب ڤێ رێیێ رێگریێ ل دەستێوەردانێن سعوودیێ ل سووریێ بگرن و وی وەلاتی ل یەمەنێ تووشی شەرەکی گران بکەن.

ئه‌ڤرۆ نیوز: ڤه‌ده‌ر ره‌شاڤایی:
ئه‌مریكا و رووسیا راگه‌هاند كو ل رۆژا شه‌مبی 27 ڤێ مه‌هێ دێ “راوه‌ستاندنا په‌ڤچوونان” ل وه‌لاتێ سوریا ده‌ستپێكه‌ت.
ئه‌ڤ ئاگربه‌سته‌ دێ ژ ئالیێن هه‌ڤرك ڤه‌ ل سوریا هێته‌ بجهئینان، لێ هه‌ر ئێك ژ گرۆپا تیرۆرییا داعش و به‌ره‌یا ئه‌لنوسره‌ بخوه‌ڤه‌ ناگریت.
رووسیا و ئه‌مریكا د به‌یاننامه‌كا هه‌ڤپشك دا راگه‌هاند: هه‌كه‌ر “راوه‌ستاندنا په‌ڤچوونان” هاته‌ بجهئینان، نه‌ بتنێ توندوتیژی ل سوریا دێ كێم بیت، به‌لكو بۆ ره‌وشا مرۆڤایه‌تی ژی یا باشه‌ و دێ رێ ب گه‌هشتنا هاریكارییان بۆ جهێن دۆرپێچكری هێته‌ دان.”
ژ ئالیێ خوڤه‌ توركیا كه‌یفخوه‌شییا خوه‌ ب ڤێ بریارێ ده‌ربری، هه‌ڤده‌م ئیسرائیلێ خویاكر كو وان باوه‌ری نینه‌ ئاگربه‌ست بۆ ده‌مه‌كێ درێژ ڤه‌كێشیت.