ئه‌ڤرۆ نیوز: ڤه‌ده‌ر ره‌شاڤایی:
هه‌روه‌كی كه‌نالێ (CNN Türk) به‌لاڤكری كۆچكا سپی ل دۆر په‌قینا ل ئه‌نقه‌ر هاتیه كرن و پتری 28 كه‌سان كوشتی راگه‌هاند: هێشتا بۆ وان دیارنه‌بوویه و پشت راستنه‌بووینه كى ژ په‌قینا ئه‌نقه‌ره به‌رپرسه.
ئه‌ڤه دده‌مه‌كی دا یه توركیا هه‌ر ئێك ژ په‌یه‌دێ و په‌كه‌كێ ژ په‌قینێ تومه‌تباركرنه و په‌یه‌دێ و په‌كه‌كێ ئه‌ڤ تومه‌ته ره‌تكرینه و خویاكرینه كو ئه‌ڤه به‌هانه‌كا توركیا یه بۆ هێرشكرن ل سه‌ر كوردان.
ئه‌ڤرۆ نیوز: ڤه‌ده‌ر ره‌شاڤایی:
پشتی هێزێن سوریا دیمۆكرات ب سه‌ركێشییا یه‌په‌گێ نێزیك بووین ژ شكاندنا هێزێن توندره‌و ل باكۆرێ حه‌له‌بێ ل باژارێ ئه‌عزاز، توركیا بۆ پشتراستكرنا وێ یه‌كێ كورد سه‌ركه‌فتنێ نه‌ئینن پتری 500 چه‌كدارێن توندره‌و ژ سنۆرێ توركیا ده‌ربازی ناڤ ئاخا سوریا كرن.
ئه‌ڤ چه‌كداره دێ گه‌هنه 350 چه‌كدارێن دی یێن توركیا ل رۆژا ئێكشه‌مبی 14 مه‌هێ هنارتینه باكۆرێ حه‌له‌بێ.
توركیا تۆپبارانكرنا جهێن یه‌په‌گێ ل رۆژئاڤا كوردستانێ توند كرییه.
ئه‌ڤرۆ نیوز: ڤه‌ده‌ر ره‌شاڤایی:
ل دۆر دروستكرنا ده‌ڤه‌ره‌كا ئارام ل سوریا، هه‌ر ئێك ژ ئه‌مریكا و رووسیا بۆ ئێكه‌م جار بۆچوونه‌كا تا راده‌كێ وه‌كهه‌ڤ نیشان دا و ره‌تكرنا گاڤه‌كا ب وی ره‌نگی كر.
ڤیتالی چوركین نوونه‌رێ رووسیا ل نه‌ته‌وێن ئێكگرتی ل دۆر دروستكرنا ده‌ڤه‌ره‌كا ئارام ل سوریا كو داخازا سه‌ره‌كییا توركیا یه گۆت: نها گه‌له‌ك دره‌نگه باس ل ده‌ڤه‌ره‌كا ئارام بهێته كرن دده‌مه‌كی دا هه‌می ئالی ل سوریا هێرشێن ئاسمانی بۆمبه‌رانكرنان ئه‌نجام دده‌ن، بجهئینانا ده‌ڤه‌ره‌كا ب ڤی ره‌نگی نابیت.”
ژ ئالیه‌كێ خوه ڤه جه‌نه‌رال چارلز براون ژ هێزێن ئاسمانیێن ئه‌مریكا گۆت: دروستكرنا ده‌ڤه‌را ئارام ل سوریا دووره ژ ئارمانجا سه‌ره‌كی بۆ ژناڤبرنا داعش.”
هه‌ڤده‌م رژێما سوریا ژی د به‌یه‌ننامه‌كێ دا ئه‌ڤ داخازه ره‌ت كر و دیاركر قابلی بجهئینانێ نینه.
توركیا بۆ ده‌مه‌كێ درێژه داخازا ده‌ڤه‌ره‌كا ئارام ل باكۆرێ سوریا دكه‌ت كو دو مه‌ره‌مێن ئاشكرا ژێ هه‌نه ئه‌و ژی پاراستنا گرۆپێن ئۆپۆزسیۆن ل سوریا یێن ئه‌و پشته‌ڤانیێ لێ دكه‌ت، هه‌روه‌سا بۆ رێگرتن ژ هه‌ڤگرتنا كانتۆنێن ئه‌فرین و كۆبانێ ل رۆژئاڤا كوردستانێ.
ئه‌ڤرۆ نیۆز، قائید میرۆ
ئه‌ڤرۆ نیۆز هویرده‌كاریێن داشكاندنا كۆمپانیا كۆڕه‌ك تیلیكۆم ئاشكرادكه‌ت و ل گوره‌ی زانیاریێن ئه‌ڤرۆ نیۆز، ده‌مێ پشكدار بۆ ده‌مێ ده‌هـ ده‌قیقا دئاخڤین دێ سێ ده‌قیقه هێنه هژمارتن و حه‌فت ده‌قیقه دێ به‌ر داشكاندنێ كه‌ڤن، به‌لێ ئه‌گه‌ر ل ده‌هـ ده‌قیقا بۆری ئه‌ڤه دێ دوباره بیت.
ئه‌ندازیاره‌كی ل كۆمپانیا كۆڕه‌ك تیلیكۆم ب ئه‌ڤرۆ نیۆز راگه‌هاند” ئه‌ف داشكاندنا ل كۆمپانیا كۆڕه‌ك هاتیه‌كرن بۆ پشكدارێن خوه بڤی شێوه‌ی نینه كو خه‌لك تێگه‌هشتیه و راسته بۆ پارێزگه‌هێن هه‌ولێر و دهۆكێ بهایێ بكارئینانێ 70%ێ دابه‌زاندیه، لێ هه‌ر ده‌قیقا بكارئینانێ ب هه‌شتێ دینارانه و ئوفه‌ره‌ك بۆ پارێزگه‌ها هه‌ولێر و دهۆكێ هاتیه ڤه‌كرن.
ئه‌ڤی ژێده‌ری گۆتژی” بۆ مفاداربوون ل داشكاندنا كۆڕه‌ك تیلیكۆم ل هه‌ردو پارێزگه‌هێن هه‌ولێر و دهۆكێ، پێدڤیه پشكدار كورته‌نامه‌كێ بۆ هژماره 263 فڕێكه‌ن و دێ به‌رسڤا وان هێته‌دان بۆ كارابوونا هێلا وان، پشتی كارابوونێ، هه‌ر ده‌مێ پشكداره‌ك هێلا كۆڕه‌ك بكاربینیت، دێ سێ ده‌قیقا وه‌كی خوه پاره چیت، به‌لێ پشتی سێ ده‌قیقا هه‌تا دگه‌هیته 10 ده‌قیقا حه‌فت ده‌قیقێن دوماهیێ ناهێنه هژمارتن، واته ئه‌گه‌ر پشكداره‌ك بۆده‌مێ ده‌هه ده‌قیقا بێ قه‌تیان پاخڤیت تنێ دێ سێ ده‌قیقه ژ حیسبا وی چن و حه‌فت ده‌قیقه لسه‌ر كۆڕه‌كن.
ئه‌ڤرۆ نیۆز، قائید میرۆ
تیرۆرستێن داعش ب ماددێ كیمیایێ سه‌نگه‌رێن پێشمه‌رگه‌ی تۆپبارانكرینه‌و د ئه‌نجامدا هژماره‌ك پێشمه‌رگه برینداربووینه.
ژێده‌ره‌كێ ئاگه‌هدار ب ئه‌ڤرۆ نیۆز راگه‌هاند” حه‌فتیا بۆری ل میحوه‌رێ شنگالێ تیرۆرستێن داعش سه‌نگه‌رێن پێشمه‌رگه‌ی تۆپبارانكرینه و ماددێ كلور دناڤا تۆپێن داعشدابووینه و بۆیه ئه‌گه‌رێ برینداربوونا 30 پێشمه‌رگه‌یا و هاتینه هنارتن بۆ نه‌خۆشخانێن دهۆكێ.
ژلایێ خۆڤه‌ژی عیسا زێوه‌یی، فه‌رماندێ پێشمه‌رگه‌ی ب ئه‌ڤرۆ نیۆز راگه‌هاند” ئه‌ف جهێ هاتیه تۆپبارانكرن، سنورێ من نینه، به‌لێ من سه‌ره‌دانا جهێ تۆپبارانێ كریه و راسته داعش 33 تۆپ ل سه‌نگه‌رێن پێشمه‌رگه‌یداینه و ماددێ كلور تێدابوویه، كو بۆیه ئه‌گه‌رێ هه‌لاڤێتنا هژماره‌ك پێشمه‌رگه‌یان.
ئه‌ڤرۆ نيوز:
پارتى ديموكراتى كوردستان د راگه‌هاندنه‌كێ دا ژ ده‌رئه‌نجامێ كۆمبوونا ئه‌ڤرۆ يا جڤاتا سه‌ركرداتيا خوه ب سه‌رپه‌رشتيا نێچيرڤان بارزانى راگه‌هاند كو ئه‌و پشته‌ڤانيێ ل بڕيارا چاكسازيێن سه‌رۆكێ هه‌رێما كوردستانێ بۆ حوكمه‌ت و پارتى دكه‌ت.
ده‌رباره‌ى پرسێن ناڤخۆى ژى رادگه‌هينيت كو پێكڤه ژيانا سياسى و نه‌ته‌وه‌ى و ئاينى ژێده‌ريا ئاشتيا جڤاكى يه و زالبوونه ل سه‌ر كێشه و ئاريشه و ئاسته‌نگان و پێشكه‌فتنا وارێن جودا يێن ژيانا كۆمه‌لگه‌هێ.
ده‌قێ راگه‌هاندنا جڤاتا سه‌ركرداتيا پارتى ديموكراتى كوردستان
پرۆسەی سیاسی لە عێراق رۆژ لە دوای رۆژ زیاتر ئاڵۆزتر دەبێت و رەهەندی نوێ و جیاوازتر لە پێشوی لێ پەیدا دەبێت، لە رووی پەیوەندییەكان بە وڵاتانی عەرەبی و دراوسێكانی و دونیا بەگشتی و، لەرووی بەشداری و هاوبەشیی پێكهاتەكانی نەتەوەیی و ئایینی و ئاینزایی بە تایبەتی.
بە تایبەتی تریش لەم كابینەیەدا كە سیاسەتی پەراوێز خستنی كورد لە داڕشتنی بڕیار و سیاسەتی گشتیی ناخۆیی و دەرەكیدا، ئەم رەوتە لادانە لە رێككەوتن و پێكەوەكاركردن و هەمان بڕوبیانوی حكومەتە یەك لە دوای یەكەكان دووبارە دەكاتەوە.
لە لایەكی دیكەوە حكوومەتی بەغدا هیچ ئیلتیزامێكی دەستووری و یاسایی سەبارەت بە هێزی پێشمەرگەی كوردستان جێبەجێ ناكات، لە كاتێكدا كە لە شەڕێكی قوڕسدایە لە بەرامبەر تیرۆریستان و بەرگری لە نیشتیمان دەكات، هەروەكو هەوڵێكی جدیش نادات بۆ سوككردنی باری ئەو ژمارە زۆرەی ئاوارەو پەنابەرانەی كە رویان لە كوردستان كردووە.
ئەمانەو چەندین رەفتارو كرداری دیكەی دەسەڵات بەرامبەر بە هەرێمی كوردستان، لە بڕینی مووچە و شایستە داراییەكانی كوردستان گرفتی بۆ هاونیشتمانیانی كوردستان دروست كردووە كە بەبێ پێداچوونەوە و راستكردنەوەی ئەم رەفتارانە بارودۆخی عێراق و پرۆسەی سیاسی بەرەو ئاقارێكی خراپتر لە ئێستا دەبات.
ئێمە لە پارتی دیموكراتی كوردستان لەگەڵ زامنكردنی مافی هەموو پێكهاتە نەتەوەیی و ئایینی و ئاینزایی داین و، دەبێ دەوڵەتی عێراق لە لایەن هەموانەوە بە هاوبەشی و هاوكاری بەرێوە بچێت.
هەروەها سەبارەت بە پێشنیاری ئەم دواییەی سەرۆكی ئەنجومەنی وەزیرانی عێراق، كۆبوونەوە پشتگیریی لە وەڵامی حكومەتی هەرێمی كوردستان دەكات كە دەڵێ، ئەگەر حكومەتی عێراق ئامادەبێت تەواوی مووچەی هەموو فەرمانبەران و پێشمەرگە بدات، ئەوا حكومەتی هەرێم ئامادەیە بڕە نەوتی پێویست رادەست بكات. لە هەمانكاتدا داوا لە حكوومەتی فیدراڵ دەكەین كە قەرزەكانی هەرێم، بەتایبەتی قەرزەكانی ساڵی 2014 بداتەوە.
بارودۆخی ناوخۆیی كوردستان
پێكەوە ژیانی سیاسی و نەتەوەیی و ئایینی، سەرچاوەی ئاشتی كۆمەڵایەتی و زاڵبوون بەسەر گرفت و ئاستەنگەكان و پێشكەوتنی بوارە جیاجیاكانی ژیانی كۆمەڵگا دەزانین و، بەردەوام لە هەوڵ دابوین زمانی دیالۆگ و لێكحاڵی بوون بنەما بێت بۆ لێكنزیك كردنەوەی جیاوازیەكانمان و، دژی دەستەبەندیی دژ بە یەك و لۆژیكی پیلان و پشت شكاندن بوین، چونكە باوەڕمان بە هەبوونی بیروبۆچون و ئایدۆلۆژیای جیاواز هەبووەو هەیە و، دژی زاڵبوونی بەرژەوەندیی حزبی بووین بەسەر بەرژەوەندیە نەتەوەیی و نیشتمانیەكانماندا.
ئەم بارودۆخەی ئێستای كوردستان و ناوچەكە لە هەموو كاتێك زیاتر پێویستی بە تەبایی و یەكڕێزیی هەیە و لەو راستایەشدا درێغیمان نەكردووە، لەمەودواش درێغی ناكەین بۆ دروستكردنی، چونكە ئەم رووداو و پێشهات و ئەگەرانەی هەن بەرپرسیاریەتی دەخاتە سەرشانی هەموو لایەك و ناكرێت بە پاساوی دور لە واقیع خۆی لێ بدزرێتەوە.
بە زەرورەت و بەرژەوەندی گەلەكەمانی دەزانین بە خۆداچونەوە هەبێت و بە نەفەسێكی سەردەمیانەو یەكتر قبوڵكردن مامەڵە لەگەڵ یەكتر و لەگەڵ واقیعەكەدا بكەین دور لە هەستی رق و تۆڵەكردنەوە.
هەرچەندە لەم دواییانە هەوڵێكی تێكدەرانە لە هەندێ لە ناوچەكانی كوردستاندا لە ئارادایە بۆ هاندان و ئاڕاستەكردنی كەسانێك بۆ هێرشكردنە سە بارەگاكانی پارتیمان بە مەبەستی ئاڵۆزتركردنی بارودۆخەكە كە، بێگومان نە جەماوەری كوردستان و نە لایەنە خەمخۆرەكانی كوردستان و نە ئێمەش وەكو پارتی چاوپۆشی لەو كارە مەترسیدارانە هەرگیز ناكەین كە مەرامی هەندێ خەڵك و لایەنی دەرەوەی سنووری باشوری كوردستانە.
* قەیرانی دارایی و باری بژێوی هاونیشتمانیان لەبەر چەندین هۆكار بەرەو خراپبون چووە، ئەمە ئەركی لایەنێك و دوو لایەن و حكومەت بە تەنیا نییە كە لەخەمی چاككردن و بەرەنگاربونەوەی بێت، بەڵكو ئەركی هەموو لایەنە سیاسییەكان و تاك تاكی خەڵكی كوردستانە، شان بدرێتە بەر چاكسازی و چاككرنەوەی هەڵەكان و سیاسەت و نەهجی بەڕێوەبردن بە شێوازێك بێت كە گۆنجاو بێت لەگەڵ پێویستی قۆناغەكەو پێشكەوتنەكان و، دابینكردنی ژیانێكی ئاسودە لە هەموو روێكەوە بۆ هاووڵاتیان.
چاكسازی و هەوڵە بەردەوامەكانی حكومەتی هەرێم لەو بارەوە بە باشی دەنرخێنین و پشتیوانی دەكەین، هەروەكو پشتیوانی لە داوا رەوا و یاساییەكانی خەڵكی كوردستان بە گشتی و مووچە خۆران بە تایبەتی دەكەین، كە بە رێگای یاسایی و ئاشتیانە داواكانیان بخەنەڕوو، دوور لە هاندان بۆ تووندوتیژی كە رەوشەكە پتر ئاڵۆز دەكات و، بەمەش ئاشتیی كۆمەڵایەتی دەكەوێتە بەر مەترسی.
سەبارەت بە بڕیاری جەنابی سەرۆكی هەرێم بۆ چاكسازی لە حكومەت بە پێویستی ئەم بارودۆخەی دەزانین بۆ كەمكردنەوەی قورسایی سەرشانی هاووڵاتیان لەڕووی ئابووری و ئیداریەوە و بە هەنگاوێكی دڵسۆزانەی دەزانین و، بەو بۆنەوە كۆبوونەوە پشتیوانی بێ سنووری خۆی بۆ دەردەبڕێت.
هەروەها سەبارەت بە بڕیاری چاكسازی و رێكخستنەوەی كاروباری كارگێڕی و دارایی لە ناو پارتیدا بە هەنگاوێكی پێویست بۆ پتر بەدیهێنانی دادپەروەری و شەفافیەت دەزاندرێ، بۆیە لەلایەن تێكڕای دامودەزگاكان هاوكاری و ئاسانكاری پێویستی بۆ دەكرێت و، كۆبوونەوە لە روانگەی دڵسۆزیی ئەم هەنگاوە پشتیوانی خۆی دەردەبڕێ.
سڵاو لە پێشمەرگە قارەمان و خۆڕاگرەكانی كوردستان
سڵاو لە كەسوكاری شەهیدانی سەر بەرزی كوردستان
سەركەوتن بۆ ئیرادەی گەڵەكەمانە
بژی كورد بژی كوردستان
ئەنجومەنی سەركردایەتی
پارتی دیموكراتی كوردستان
١٨ ی شوباتی ٢٠١٦
ئەڤرۆ نیۆز، قائید میرۆ:
بڕیارە جارەکادی نوونەرێن مامۆستا دگەل حوکمەتا ھەرێما کوردستانێ لدۆر گازندەیێن مامۆستا کۆمبن و بەرپرسەکێ ئێکەتیا مامۆستاژی دبێژیت دەمێ کۆمبوون نەھاتیە دیارکرن.
ئەحمەد گەرمیانی، جێگرێ سەرۆکێ ئێکەتیا مامۆستایێن کوردستانێ ب ئەڤرۆ نیۆز راگەھاند” بڕیارە نوونەرێن مامۆستا دگەل سەرۆکایەتیا جڤاتا وەزیرێن ھەرێما کوردستانێ کۆمببن و د کۆمبوونێ دا دانوستان لدۆر گازندێن مامۆستا بھێنەکرن، بەلێ دەمێ کۆمبوونێ دیارنینە.
گەرمیانی گۆتژی” مامۆستا و نوونەرێن وانا دلگرانن ب خشتێ موچێ ھەیڤانە و گورەی پێدڤی نیف موچە ب تەخا مامۆستا نەھاتیەدان و ھژمارەکا زۆرا مامۆستا نیف موچەژی وەرنەگرتیە.
ئەڤرۆ نیوز:
بڕیارە حوکمەتا ھەرێما کوردستانێ بھایێ خوارنێ ل خوارنگەھێن ھەرێمێ ئەرزان بکەت و سەرۆکێ کۆمەلا ئوتێل و خوارنگەھان ژی دبێژیت “خوارن و ئوتێل بۆ گەشتیارا ھاتینە ئەرزانکرن، ھەروەسا پتری سەد ئوتێل و خوارنگەھان ب ئەگەرێ قەیرانا دارایی ھاتینە گرتن”.
ھێرش ئەحمەد، سەرۆکێ کۆمەلا خوارنگەە و ئوتێلێن ھەرێما کوردستانێ بۆ رۆژناما ئەڤرۆ گۆت “پشتی ھاتنا قەیرانا دارایی پتری سەد ئوتێل و خوارنگەھێن ھەرێما کوردستانێ ھاتینە گرتن و ئەڤە د دەمەکی دایە کو ھژمارەکا زۆرا کێم ھاتینە ڤەکرن، مخابن ھێشتا گرتنا ئوتێل و خوارنگەھان یا بەردەوامە و رۆژانە ل سەر ھەر سێ پارێزگەھێن ھەرێما کوردستانێ دھێنەگرتن، ژبەرکو چ بازاڕ نەماینە و زیانەکا مەزن گەھاندیە خوەدیێن وانا و ھژمارەکا زۆرا کرێکار و کارمەندان ژی بێکار ماینە”.
سەرۆکێ کۆمەلا خوارنگەە و ئوتێلێن ھەرێما کوردستانێ ئاشکرا ژی کر کو د دەمێ نوکە دا چ ئوتێل نینن قازانجی بکەن و ب تنێ زەرەرێ دکەن و گۆت “ئەڤە ژی بۆ وێ چەندێ ڤەدگەڕیت کو پتریا مێھڤانان ژ دەڤەرێن ناڤین و باشوورێ عیراقێ دھاتن و نوکە چ مێھڤان ل دەرڤەی ھەرێما کوردستانێ ناھێن، ئەڤە ژبلی گرانیا کریا کارەبێ و کریا کارمەند و کرێکاران”.
ھێرش ئەحمەد گۆت ژی” مە بڕیار دایە 50%ێ بھایێ ئوتێل و خوارنگەھا بۆ گرۆپێن گەشتیاری بھێتە کێمکرن و نابیت چ خوارنەک ژ 10 ھزار دیناران دەرباز ببیت، بۆ خەلکێ ناڤخۆیی ژی نوکە حوکمەت مژوولی ئەرزانکرنا بھایێ خوارنێ یە ل خوارنگەھێن ھەرێما کوردستانێ و بڕیارە بھایێ خوارنێ بۆ 30%ێ بھێتە کێمکرن و نوکە ژی تا رادەیەکێ خوارن ئەرزان بوویە، چونکو بھایێ گوشتی ژی ل بازاڕی ئەرزان بوویە”.
ئەڤرۆ نیوز:
وەزیرەکێ عیراقی یێ بەرێ ددیدارەکێ دا ل گەل ڕۆژناما ئەڤرۆ، ڕەخنێن توند ل ھەڤپەیمانیا دەولەتا قانوونێ و حەیدەر عەبادی دگریت و دبێژیت، وێ ھەڤپەیمانیێ تنێ کارێن دژی قانوونێ و دستووری یێن کرین و ل دادگەھا فیدرالی تان ل گەلەک قانوونێن د خزمەتا وەلاتیان دا یێن دای و ڕاوەستاندین و ھەلوەشاندین وەکو قانوونێن گرێدای مووچێن ھەرسێ سەرۆکاتیان و مووچێن فەرمانبەران، و حەیدەر عەبادی چو گوھۆڕین نەکرینە و ل سەردەمێ وی ژی ئەڤ سەرپێچیە دھێنە کرن، ئاماژێ ددەت ژی کو ژبەر سەرنەکەفتنا ھەردو حوکمەتێ بەغدا و ھەرێمێ، ھەردو حوکمەتان پەنا بریە بڕینا مووچێن فەرمانبەرێن خوە و بێ ڕازیبوونا دەستھەلاتا قانوون دانانێ و ڤێ چەندێ ئاریشێن مەزن بۆ فەرمانبەران دروستکرینە.
دادوەر وائیل عەبدوللەتیف وەزیرێ بەرێ یێ پارێزگەە و ھەرێمان بۆ ڕۆژناما ئەڤرۆ گوت” سەرنەکەفتنا حوکمەتا بەغدا و یا ھەرێما کوردستانێ ئەو پالدان کو دەستکاریێ د مووچێن فەرمانبەر و خانەنشینان دا بکەن، ئەڤ پێرابوونە ژی بەلگەیێ سەرنەکەفتنا وان ھەردو حوکمەتایە، ژبەرکو مووچە مافەکێ بنەرەتیێ فەرمانبەرانە کو ھەر فەرمانبەرەکی ل دووڤ مووچێ خوە یا خوە گونجاندی و گەلەک ژوان ژی ل دووڤ وی مووچێ ھەیڤانە وەدگریت ھندەک کارێن کرین و ئەو مووچە یێ بوویە گرەنتیا ئەنجامدانا وان کاران وەکو سولفە و قەر و کڕینا ترومبێلان و ئاڤاکرنا خانیان و کریا خانیان، و ب دیتنا من ھەردو حوکمەتان ب ڕێیا کێمکرنا مووچان، فەرمانبەرێن خوە یێن تووشی چەندین ئاریشان کرین”.
ل دۆر وێ چەندێ ئایا ما قانوونێن تایبەت ب موچان ڤە نینن کو ژلایێ دەستھەلاتا قانوون دانانێ ھاتبنە دەرکرن، وائیلی گوت” د دەولەتا عیراقێ دا، مووچێن فەرمانبەران، قانوونێن تایبەت ب خوەڤە ھەبوون، وەکو قانوونا خزمەتا شارستانی ھژمار 24 یا سالا 1960 ێ، قانوونا میلاکی ھژمار 25 یا سالا 1960 ێ، بەلێ مخابن پشتی سالا 2003 ێ، فەرمانێن دیوانی ( مەرەم پێ ئەمینداریا گشتی یا سەرۆکاتیا جڤاتا وەزیران) کو سەرۆکێ جڤاتا وەزیران دەردکەت و تێدا ب کەیفا خوە مووچان د گوھۆڕیت و زێدە و کێم دکەت و ئەڤە کارەکێ قانوونی نینە و پێدڤیە قانوونەکا تایبەت ب مووچان ڤە ھەبیت و ھەر دەستکاریەکا د مووچان دا بھێتە کرن پێدڤیە ب ڕێیا قانوونێ بیت و نابیت ب حەزا 15 یان 20 یان 25 کەسێن ئەندامێن جڤاتا وەزیران بیت، بەلکو ب ڕێیا نوونەرێن مللەتی بیت چ ل بەغدا و چ ل ھەولێرێ، و دەرکرنا فەرمانێن دیوانی پێدڤی ب شەرعیەتا قانوونی نە”.
ل دۆر قانوونێن گرێدای مووچان ل عیراقێ پشتی سالا 2003 ێ، وائیل عەبدوللتەتیف گوت” سێ قانوون ھەبوون، قانوونا ھژمار 26 کو یا تایبەت بوو ب ڕێکخستنا مووچە و دەرمالێن سەرۆک کۆماری و جێگرێن وی و شیرەتکارێن سەرۆکاتیا کۆماری، قانوونا ھژمار 27 یا تایبەت ب مووچێن سەرۆکێ جڤاتا وەزیران و جێگرێن وی و وەزیران و ئەمینداریا گشتی یا جڤاتا وەزیران و قانوونا ھژمار 28 یا تایبەت ب مووچێن سەرۆکێ جڤاتا نوونەران و ھەردو جێگرێن وی و ئەندامێن جڤاتا نوونەران و شیرەتکاران، بەلێ حوکمەتێ تان ل وان قانوونان دان، ژبەرکو حوکمەتێ نەڤێت قانوونەک بۆ ھەبیت ھەتاکو دەستکاریان تێدا بکەت، دادگەھا فیدرالی ژی پێشوازی ل وێ تانا حوکمەتێ کر، پشتی وێ چەندێ ئەو ھەرسێ قانوون ھاتنە راوەستاندن کو ھاتبوونە پەسەندکرن و بەلاڤکرن ل ڕۆژناما (الوقائع) یا عیراقی، نە تنێ ئەڤە، بەلکو ھەر قانوونەکا گرێدای مووچان ل عیراقێ، دەولەتا قانوونێ تان ل دادگەھا فیدرالی یا لێدای و ڕاوەستاندی، نوکە ھەموو مووچە و خانەنشینی ب قانوون ناھێنە دان ودەرکرن، بەلکو ل دووڤ فەرمانێن دیوانی ژ ئەمینداریا گشتی یا جڤاتا وەزیران دھێنە دەرکرن و ئەو ئەمینداریا گشتی دشێت پەوەندی ب دەستەیا خانەنشینیێ بکەت و ھەر مووچەکێ خانەنشینی دشێت ڕاوەستینیت، ئەڤە ژی ھەڤدژی قانوونا خانەنشینیێ ھژمار 9 یا سالا 2014 ێ”.
وائیل عەبدوللەتیف کو ئەندامێ بەرێ یێ جڤاتا نوونەرایە و پارێزگەرێ بەرێ یێ بەسرایێ بوو، ڕەخنە ل حەیدەر عەبادی گرتن و گوت” ھاتنا وی بۆ ڤەگەراندنا دەولەتا قانوونێ و دستووری بوو و و ڤەگەراندنا کارکرنێ ب وان قانوونان، بەلێ ڤێ حوکمەتێ نەڤێت ب قانوونێ کاربکەت و لایەنێ پتر دەستکاری د قانوون و دستووری دا کری، ھەڤپەیمانیا دەولەتا قانوونێ بوو، کو وێ ھەڤپەیمانیێ چو پەیوەندی ب قانوونێ ڤە نینە، بەلکو پەیوەندی ب میزاج و لایەنگریێ و ڕەفتارێن کەسایەتی و دکتاتۆریەتێ ڤە ھەیە”.
ناڤبری دیارکر کو حوکمەتا عیراقێ ژی چەندین ھێجەتان دگریت بۆ بڕینا مووچێن فەرمانبەران، ژ بەر کو حوکمەتا عیراقێ نەشێت بەردەوام بیت ل سەر دانا مووچان، و ئەڤە دەولەتا ئێکێ یە کو چو پێرابوونان نەکەت بۆ چارەسەریا قەیرانا خوە یا دارایی و ل شوونا وێ چەندێ پەنایێ دبەتە بڕینا مووچێن فەرمانبەران، ھەرچەندە بزاڤا قەرکرنێ ژ بانکا نێڤدەولەتی کر، بەلێ تنێ ملیار دۆلار بدەستخستن و ئەو گوژمە تێرا مووچێ سێکا فەرمانبەرێن عیراقێ ناکەت”.
نيشاندان