NO IORG
نووترين نووچه
نووترين نووچه

ئه‌ڤرۆ نيوز:

وه‌زاره‌تا دارايى و ئابوورى ل حوكمه‌تا هه‌رێما كوردستانێ خشتێ به‌لاڤكرنا مووچێ هه‌يڤا كانوونا دويێ يا سالا 2016ێ راگه‌هاند كو ب ڤى ره‌نگێ ل خوارێ يه‌ دياركرى يه‌، دا كو ب زووترين ده‌م ليستا مووچێ فه‌رمانبه‌ران ژ لايێ يه‌كێن ژمێريارى يێن داموده‌زگه‌هێن حوكمه‌تا هه‌رێمێ ڤه‌ بهێته‌ ئاماده‌كرن.

ب گۆره‌ى خشته‌ى ئه‌ڤرۆ رۆژا سێشه‌مبى رێكه‌فتى 9ى شوباتا 2016ێ دێ مووچێ هه‌يڤا كانوونا دويێ يا سالا 2016ێ يێ وه‌زاره‌تا پێشمه‌رگه‌ى هه‌ر ئێك ژ يه‌كێن 70 و 80 هێته‌ به‌لاڤكرن.

ئه‌ڤرۆ نیوز: ڤه‌ده‌ر ره‌شاڤایی:
وه‌لاتێ مه‌قدۆنیا دیواره‌كێ نوو ل سه‌ر سنۆرێ خوه‌ دگه‌ل یونان ئاڤا دكه‌ت بۆ راگرتنا كۆچبه‌ران ژ ده‌ربازركنا سنۆرێن وێ.
به‌ریا نها مه‌قدۆنیا دیواره‌ك چێكربوو لێ ل دووڤ گۆتنا به‌رپرسێن مه‌قدۆنی ئه‌ڤ دیوارێ نوو بۆ بێهیڤیكرنا كۆچبه‌رانه‌ یێن دڤێن ب رێیێن نه‌قانوونی سنۆرێ وی وه‌لاتی ده‌رباز كه‌ن.
د ئه‌ڤ ساله‌ دا 68 هزار په‌نابه‌ر هاتینه‌ تۆماركرن كو گه‌هشتینه‌ مه‌قدۆنیا و پتری 4 هزاران ژی هاتینه‌ راوه‌ستاندن لده‌مێ بزاڤكری ب نه‌قانوونی ده‌رباز ببن.

تاوانبار و قۆربانییا وی

ئه‌ڤرۆ نیوز: ڤه‌ده‌ر ره‌شاڤایی:
ئازاد غالب عه‌لی كورده‌كێ هه‌رێما كوردستانێ یه‌، ژبه‌ر تاوانا كوشتنا ژنه‌كێ ل نه‌رویج بۆ ده‌مێ 12 سالانه‌ ل سه‌رانسه‌ری جیهانێ یێ داخازكرییه‌ و هێشتا چ شوونوارێن وى نینه‌ و نه‌هاتیه‌ گرتن. .
ئازاد ژنه‌كا نه‌رویجی یا 34 سالی ل باژێرێ (كۆنگسڤینگه‌ر) ل نه‌رویج ب ده‌ستێن خوه‌ خه‌ندقاندبوو، تاوانبارییا وی ب دیتنا شوونوارێن خوینێ (DNA) یێن وی په‌نابه‌رێ كورد ل جهێ روودانێ هاتییه‌ دیاركرن.
ئاسبیۆرن هانسێن ژ لێكۆله‌رێن نه‌رویجییه‌ كو د ڤێ كه‌یسێ دا كاردكه‌ت و نها د به‌رنامه‌كێ تیله‌ڤزۆنی دا ب ناڤێ (Åsted Norge) ل كه‌نالێ (TV2) بزاڤا دیتنا وان تاونبارێن هێشتا ده‌ستێ دادوه‌ریێ نه‌گه‌هشتیێ دكه‌تن،
هانسێن خویاكر كو نۆكه‌ ژیێ تاوانبار ئازاد بوویه‌ 44 سال و ژ ئالیێ پۆلیسێن ئینته‌رپۆل ل سه‌رانسه‌ری جیهانێ بۆ ڤێ تاوانێ یێ داخازكرییه‌، لێ هئشتا نه‌هاتیه‌ ده‌سته‌سه‌ركرن،
ژ بلی هه‌رێما كوردستانێ ناڤهاتی كه‌سوكار و هه‌ڤال ل هۆله‌ندا و ئینگلته‌را و نه‌رویج هه‌نه‌، داوی جار شوونوارێن ویل ئه‌مستردام هاتینه‌ دیتن.

تاوانبار و قۆربانییا وی
تاوانبار و قۆربانییا وی

ئه‌ڤرۆ نیوز: ڤه‌ده‌ر ره‌شاڤایی:
نەورۆز مەولود وەزیرا باژێرڤانی و گەشتوگوزارێ یا هەرێما کوردستانێ د هه‌ڤپه‌یڤینه‌كێ دا دگه‌ل به‌رنامێ ره‌نج سه‌نگاوی یێ كه‌نالێ رووداو راگه‌هاند: ” مه‌ بریار دایه‌ پارچه‌ زه‌ڤییان بۆكرێدار و كێم ده‌رامه‌تان دابین كه‌ین، و ئه‌ڤ یه‌كه‌ ژی دێ ب چه‌ند قۆناغان بیت، قۆناغا ئێكێ دێ بۆ وان کەسان بیت یێن گه‌له‌ك حال نه‌خۆش و ده‌ستكورت بۆ وێ یه‌كێ مفادار ببن. ”
نەورۆز مەولود هەروەسا گوت: “پارچه‌ زه‌ڤیێن دهێنه‌ دابەشكرن واسته‌كاری و حیزبایەتیێ دەور تێدا نابیت، ئه‌وێن وەردگرن ماف نینه‌ بفرۆشنه‌ ڤه‌ چونكی نه‌ بۆ بازرگانی پێكرنێ یه‌. “

ئه‌ڤرۆ نیوز: ڤه‌ده‌ر ره‌شاڤایی:
ئامانج عه‌بدولا سه‌رۆكێ فێدێراسیۆنا په‌نابه‌رێن ئیراقێ راگه‌هاند كو ته‌رمێن 8 كۆچبه‌رێن دی یێن كورد كو د ده‌ریا ئیجه‌دا خه‌ندقینه‌ هاتینه‌ دیتن و دێ ل ده‌مه‌كێ نێزیكه‌ بۆ هه‌رێما كوردستانێ هێنه‌ ڤه‌گه‌راندن.
ئامانج عه‌بدولا دیاركر ژی كو ناسناما وان ب دروستی ناهێته‌ زانین له‌ورا ئه‌و هێشتا نه‌شێن بێژن خه‌لكێ كیژان باژێرێن هه‌ریما كوردستانێ نه‌.

ئه‌ڤرۆ نيوز:

شارەزایەکێ قانوونا سزایان راگەھاند، ئەو سەرۆک خێزانێن ب رێیێن قاچاخ قەستا دەرڤەی وەلاتی دکەن و ژیانا خێزانا خوە دکەنە د مەترسیێ دا، پێدڤیە ل گۆرەی مادێ 383 ژ قانوونا سزایان بھێنە دادگەھکرن و سزادان و گۆت: داخوازێ ژ داواکارێ گشتی دکەین سکاڵایا سزایێ ب لڤینیت، دژی وان سەرۆک خێزانێن بووینە ئەگەرێ نقوومبوونا زارۆیێن خوە د کاودانێن ل سەری ھاتینە گۆتن و ڤەکۆلین ل گەل وان بھێتەکرن و رادەستی دادگەھێ بکەن.

د. ئەحمەد مستەفا شارەزایێ قانوونا سزایان ل پارێزگەھا دھوکێ بۆ ئەڤرۆ دیار کر، ئەڤ حالەتێن نقوومبوونا ئەندامێن خێزانێ د دەرییا ئیجەدا پەیدابووین دھێنە ھژمارتن ژ تاوانێن مەترسیدار، چونکو ئەو کەسێ بەرپرس ژ خێزانێ مەترسیێ ل سەر مافێ ژیانا ئەندامێن خێزانا خوە پەیدادکەت و دڤێت وی کەسێ بەرپرس و ئەندام ژ وێ خێزانا نقوومبووی و قۆرتاڵبووی و ڤەگەریە ھەرێمێ بھێتە سزادان، ژ ئەگەرێ نقوومبوونا ئەندامێن خێزانا وی ل دووڤ دەقێ مادەیا 383 ژ قانوونا سزایان ژمارە 111 ل ساڵا 1969.
ھەروەسا شارەزایێ قانوونی گۆت: دەمێ سەرۆک خێزان ھزرا کوچبەریێ بۆ ئورۆپا دکەت ب رێیا دەریا ئیجە، دبیتە ئەگەرێ مەترسێی ل سەر ئەندامێن خێزانا خوە و دڤێت ئەو سەرۆک خێزان بھێتە بەرپرسیارکرن ل دووڤ دەقێ مادا 383 ژ قانوونا سزایان، چونکۆ سەرۆک خێزان دزانیت ئەگەر ب رێیا دەریا ئیجە بۆ کۆچبەریێ بکارئینای رەنگە ب خێزانڤە نقوومبیت یان قورتالبیت، ل ڤی دەمی مەترسیێ ل سەر ژیانا خێزانا خوە پەیدادکەت.
د. ئەحمەد مستەفا ئاشکرا کر، ئەو سەرۆک خێزانێ بوویە ئەگەرێ مەترسیێ ل سەر ژیانا ئەندامێن خێزانا خوە، بەرپرسیارە و دھێنە سزادان ب سزایێ زیندانکرنێ، نە ژ پێنج ساڵان زێدەتر بیت، لێ ئەگەر ئێک ژ ئەندامێن خێزانا وی وەک نقوومبوونا زارۆیەکی یان ھەڤژینا وی د دەریایدا، سەرۆک خێزان ژ ڤێ روودانێ بەرپرسە ل دووڤ مادا 411 ژ قانوونا سزایان کۆ دھێتە ھژمارتن کوشتنەکا ب شاشیڤە کۆ سەرۆک خێزان ب شاشیا خۆ بوویە ئەگەرێ وێ روودانێ ب جۆرەکی ژ جۆرێن ھاتین د مادێن (35-416-411) خەمساری، سەر رەقی، نەچاڤدێریکرنا قانوونان و سیستەم و رێنماییان.
د. ئەحمەد ئاشکەرا کر، تمامکرنا ڤێ تاوانێ شاشیەکا پێشبینکریە (شاشیا ئاگەھدار) ل ڤان کاودانان (زڤستان، دەرییا، ھۆیێ سادەیێ ڤەگوھاستنێ) ل دووڤ دەقێ مادەیا (411) دێ تاوانبار (بەرپرس ژ خێزانێ) ل دووڤ کاودانێن توند ئەوێن ھاتین د ھەمان دەق دا دھێتە زیندانکرن و دبیت بۆ ماوێ نە کێمتر ژ سالەکێ یان ژ سێ ساڵان، ھەروەسا دبیت ماوێ زیندانیکرنا وی نە ژ حەفت ساڵان پتر بیت، ئەو ژی ل دووڤ بارۆدۆخ و کاودانێن تاوانا نقوومبوونا ئەندامێن خێزانا وی تێدا ھتیە ئەنجامدان، ژ بەر ئەڤ ئەگەرێن مە دیارکری ئەم داخازێ ژ داواکارێ گشتی دکەین ل دادگەھێ سکاڵا یا سزایێ ب لڤینیت، دژی وان سەرۆک خێزانێن بووینە ئەگەرێ نقوومبوونا زارۆیێن خوە د کاودانێن ل سەری ھاتینە گۆتن و ڤەکۆلین ل گەل وان بھێتەکرن و رادەستی دادگەھێ بکەن.
ل دووماھیێ د. ئەحمە داخوازێ ژ جھێن ئێمناھیێ کر و گۆت: دڤێت ھندەک مەرجان بێخینە سەر وان کەسێن دچنە تورکیا، بۆ نموونە ھەر خێزانەکا بچیتە تورکیا نابیت ڤەگەریتە کوردستانێ، ئەگەر ھەمان ژمارێن تاکێن خێزانێ ئەوێن چووین نە ڤەگەرێن بۆ ھەرێمێ یان بەلگە ھەبن بۆ نە ڤەگەریانا وان کەسان وەک باوەرناما مرنا کەسەکی د نەشتەگەریێ دا ل نەخۆشخانەکێ ل تورکیا و ھەر وەلاتەکێ دیتر.

ئەڤرۆ نیوز ، نەوزاد زادە ھلۆری:

ئاخفتنکەرێ د ناڤا بارەگایێ جڤاتا وەزیران یا ھەرێما کوردستانێ کومبونەکا گرنگ ل بارا موچەیێن فەرمانبەرێن ھەرێما کوردستانێ و خشتەیێ نویێ موچەیان دھێتە ئەنجامدان.

لگورەی ئەوان زانیاریێن کو باسنیوز ژ ژێدەرەکێ دەستکەفتی نە ئەڤرۆ دوشەمبی 8/2/2016 دناڤا بارەگایێ جڤاتا وەزیران یا ھەرێما کوردستانێ کومبونەکا گرنگ دناڤبەرا بەرپرسێن جڤاتا وەزیران و رێڤەبەرێن گەنجینەیێن ( ھەولێر و دھۆک و سلێمانی و گەرمیان  ) و رێڤەبەرێ ھەردو بانکێن ھەرێمێ ( ھەولێر و دھۆک ) کومبونەکا گرنگ دھێتە ئەنجامدان.

ئەوی ژێدەری بو باسنیوز ئاشکرا ژی کر کو نھا کومبوون دەستپێکریە و تێدا چەوانیا بجھکرنا خشتەیا نوێ یا موچەیێن فەرمانبەران دھێـە بەحسکرن و گۆت ژی : ( د وێ کومبونێ دا بزاڤ دھێنەکرن کو چەند پێشنیارەکان ل بارا خشتەیێ نوویێ موچەیان بەحس بکەن داکو چەند گورانکاریەکان تێدا بکەن ژبەرکو نەرازیبونێن زور ژ ئەگەرا خشتەیێ موچەی درۆست بوینە ).

ل گورەی زانیاریێن باسنیوز کو زێدەتر ژ ژێدەرەکێ دەستکەفتی نە بتنێ بو دابەشکرنا موچەیێ ھەیڤا 1/2016 کار ب خشتەیێ نوویێ موچەیێن فەرمانبەران بھێتەکرن و بو ھەیڤێ، دن بھێتە پاشئێخستن و گورانکاری تێدا بھێ،ەکرن ، و نھا ژی کومبوون بەحس لسەر وان گورانکاریان د خشتەیی دا دکەت.

باسنیوز ل زاردەڤێ فەرسەد سوفی ئەندامێ پەرلەمانێ کوردستانێ بەلاڤکر بوو کو رەنگە ل دەستپێکا ھەیڤا داھاتی گورانکاری د خشتەیێ نوویێ موچەی دا بھێتەکرن.

ئه‌ڤرۆ نيوز:

به‌رپرسێ لقێ 17 يێ پارتى ديموكراتى كوردستان ل شنگال ل سه‌ر ده‌مێ كه‌فتنا وى باژێرى ل په‌يجێ خوه‌ يێ تۆڕا جڤاكيا فه‌يسبۆكى دا به‌لاڤكريه‌ كو ل سه‌ر داخوازا سه‌رۆك بارزانى چو ديدارا وى و ئه‌گه‌رێن كه‌فتنا شنگال ب ئاشكه‌راى بۆ سه‌رۆكێ هه‌رێمێ به‌حسكرن.

پشتى نێزيكى 20 هه‌يڤان ب سه‌ر كه‌فتنا شنگال سه‌ربه‌ست بابيرى به‌پرسێ لقێ 17 ل شنگال ل وى ده‌مى ل ميحوه‌رێ سه‌ره‌دانا مه‌سعود بارزانى سه‌رۆكێ هه‌رێما كوردستانێ كر.

سه‌ربه‌تس بابيرى بۆ رووداو گۆت: “من چاڤ ب بارزانى كه‌فت”، به‌لێ يێ ئاماده‌ نه‌بوو به‌حس ل ناڤه‌رۆكا روونشتنێ ل گه‌ل بارزانى بكه‌ت و ب تنێ گۆت: “ئه‌ڤه‌ پێدڤى ل دۆر كه‌فتنا شنگال و 19ى هه‌يڤێ من د دلێ خوه‌ دا هه‌لگرتبوو، هه‌موو ب هوورى ڤه‌ و گه‌له‌ك ب سه‌راحه‌ت د ماوێ 20 ده‌قيقان دا من بۆ سه‌رۆك بارزانى به‌حس كر”.
سه‌ربه‌ست بابيرى به‌حس ل ئه‌گه‌رێ كه‌فتنا شنگال ل سه‌ر ده‌ستێن داعش دكه‌ت و دبێژيت: “سه‌رۆك بارزانى ژى يێ هه‌ڤڕا بوو ل گه‌ل وێ چه‌ندێ كو پشتى زۆمار كه‌فتيه‌ ده‌ستێ داعش كو 115 كيلۆمه‌تره‌ ل پشتا شنگال، وێرێ ژى ئۆتۆماتيكى كه‌فته‌ ده‌ستێ داعش”.

بابيرى ل دۆر وان تۆمه‌تێن خستينه‌ پال وى دبێژيت: “راسته‌ ئه‌ز كه‌سێ ئێكێ يێ پارتى بووم ل وێ ده‌ڤه‌رێ، به‌لێ نه‌ ئه‌ندامێ ميحوه‌رى و نه‌ژى به‌پرسێ له‌شكرى يێ ده‌ڤه‌رێ بووم، ژ به‌ر هندێ ژى من مافێ وێ چه‌ندێ نه‌بوو فه‌رمانێن له‌شكرى ده‌ربكه‌م”.

ده‌رباره‌ى سه‌ره‌انا خوه‌ و بۆ لايێ بارزانى گۆت: “ئه‌ڤ سه‌ره‌دانه‌ ل سه‌ر داخۆازيا بارزانى بوو، پشتى كۆنترۆلكرنا شنگال ژ لايێ پێشمه‌رگه‌ى ڤه‌ بارزانى ڤيا من ببينيت، به‌لێ رێك نه‌كه‌فتبوو”.

زێده‌تر دبێژيت: “به‌رى وێ سه‌ردانێ گڤاشتنێن مه‌زن ل سه‌ر من هه‌بوون، به‌لێ پشتى من بارزانى ديتى، هه‌موو تشت ده‌رباره‌ى كه‌فتنا شنگال بۆ به‌حس كرين، بۆچوونا ل سه‌ر من هاته‌ گوهۆڕين”.

ئه‌ڤرۆ نيوز، نيوار محه‌مه‌د سه‌ليم:
د كۆمبوونا د ناڤبه‌را قوباد ته‌له‌بانى جێگرێ سه‌رۆكێ حوكمه‌تا هه‌رێما كوردستانێ و بڕيكارێ وه‌زاره‌تا داراى و وه‌زيرێ ناڤخۆ، بڕيار هاته‌ دان كو مووچێ هه‌يڤا “1” كانوونا دويێ ب گۆره‌ى سيسته‌مێ نوو نه‌هێته‌ به‌لاڤكرن و هه‌ر ل دووڤ سيسته‌مێ كه‌ڤن بيت.
د ڤى نوچه‌يێ ئه‌ڤرۆ نيوز پشت به‌ستن ل سه‌ر مالپه‌رێ “وێستگه‌” كرى دا ئاماژه‌ ب وێ چه‌ندێ ژى كريه‌ كو د ڤێ روونشتنێ دا بڕيار هاتيه‌ دان ب تنێ مووچێ ڤێ وه‌زاره‌تێ دێ ل دووڤ سيسته‌مێ نوو ناهێته‌ به‌لاڤكرن و ڤێ هه‌يڤێ كار ب وى سيسته‌مى ناهێته‌ كرن.
رێڤه‌به‌رێ پۆليسێن پارێزگه‌ها دهۆكێ، ليوا تارق ئه‌حمه‌د، بۆ ئه‌ڤرۆ نيوز گۆت: “چو پێزانينێن ژ ڤى ره‌نگى بۆ مه‌ نه‌هاتينه‌”.

لۆگۆيێ ئێكه‌تيا زانايێن ئاينێ ئيسلامێ ل هه‌رێما كوردستانێ

ئه‌ڤرۆ نيوز:

ئێكه‌تيا زانايێن ئاينێ ئيسلامێ ل كوردستانێ وه‌كو هه‌موو ئێكه‌تى و سه‌نديكايان دژاتيا خوه‌ بۆ سيسته‌مێ نوو يێ مووچه‌ى راگه‌هاند و د راگه‌هاندنێ نڤيسيه‌: “زانايێن ئاينێ ئيسلامێ ده‌نگێ خوه‌ د ئێخنه‌ پال ده‌نگێ هه‌موو ئه‌وێن بڕينا ڤێ رێژا زۆر ره‌ت دكه‌ن”.

ده‌قێ راگه‌هاندنێ:
روونكردنەوەی یەكێتی زانایان دەربارەی پاشەكەوتكردنی مووچە
بەناوی خوای بەخشندەی میهرەبان
دوای هاتنی ئەو قەیرانە دارایییەی سەر هەرێمی كوردستان و نەدانی مووچەی فەرمانبەران بۆ ماوەی پێنج مانگ، كە ژیانی تەواوی خەڵكی كوردستانی تووشی شڵەژان و ناخۆشی كردو، بازاڕو كاری خەڵك وەستاوە، بۆیە هەموومان دڵخۆش بووین كاتێك حكومەتی هەرێمی كوردستان بڕیاریدا بە هەندێك پاشەكەوتەوە مووچەی تەواوی فەرمانبەران لە كاتی خۆی بدرێت، بەڵام ئەوەی نیگەرانییەكەی قوڵتر كردەوە ئەو رێژە زۆرە بوو كە حكومەت بە ناوی پاشەكەوتەوە لە مووچەی فەرمانبەرانی دەبڕێت، چونكە بەم رێژە زۆرەوە هیچ لە ژیانی خەڵك و فەرمانبەران ناگۆڕێت و، گرفتەكان زیاتر دەبن، زۆربەی خانەوادەكانیش تووشی گرفت و كێشەی خێزانی و كۆمەڵایەتی دەبنەوە، بۆیە وەك زانایانی ئایینی دەنگی خۆمان دەخەینە پاڵ دەنگی هەموو ئەوانەی بڕینی ئەم رێژە زۆرە رەت دەكەنەوە، لێرەشەوە داوا لە حكومەت دەكەین هەرچی زووە بەم بڕیارە دابچنەوە، چونكە خەریكە ناڕەزایی و بێزاری خەڵك دەگەنە لوتكە.
 یەكێتی زانایانی ئاینی ئیسلامی كوردستان
7-2-2016

website security
WP Facebook Auto Publish Powered By : XYZScripts.com